松家日本料理 (已結業)

朋友看到報章推介日式放題想試吓, 於是訂了5:30p.m.-8:00p.m., 餐廳採用黑和深紫做主色,裝修西化,大部份是卡位和長枱,光線較暗,待應穿西裝恤衫西褲,感覺高級,座位舒適,坐下數分鐘便奉上一份什錦刺身,說是送的,另外每位送一款小食,四選一有燒虎蝦一隻,鵝肝多士,牡丹蝦刺身兩隻或乜乜(唔記得),放題選擇亦多,有燒物,天婦羅,刺身,鐵板,手卷,壽司,火炙,卷物,湯,粥,炒飯,烏冬,拉麵....等, 飲品有巨峰提子梳打,西瓜汁,橙汁,薑母茶,柑桔蜜,柚子茶...,我們點了以下:什錦刺身--------------用碎冰盛着厚切三文魚,白豚肉,吞拿魚,油甘魚,甜蝦及鮑片,保持冷凍,各款刺身都帶有鲜甜味而且冇筋:甜蝦冇起膠,好新鲜,,除了吞拿魚差點.燒虎蝦-----------------這個蝦唔靚冇乜味差d鵝肝多士--------------鵝肝有半隻掌心大,煎得甘香,裏面好香滑,good.芝士年糕--------------外面金黃色少少脆口,一咬軟身帶煙靱,內有香滑芝士,好滋味海膽手卷--------------紫菜軟了帶韌,海膽鲜甜,飯不夠酸,可惜.燒羊扒----------

一直都覺得日式放題嘅餐廳坐得比較辛苦又迫，但「松家」這一間就唔係。 地方較大，坐得相當舒服。 價錢合理，食物選擇種類多，服務可以，好少漏單情況，仲要包埋嘢飲。 哈哈，食物質素就普普通通，魚生都新鮮，天婦羅嘅粉漿就略微硬，手卷好ok，薄牛肉燒一流，蟹粥就水咗d，冷烏冬滑滑，雞翼同銀杏串燒都ok，炸蠔太熟好硬，炸豆腐炸漿薄豆腐滑好味，燒羊扒嫩口都無味。相約友人談天說地，坐得舒服最緊要，這地方確實不錯，不過，食物就真係… …哈哈，不要太講究喇!

一向對日式放題的食品質素要求不高,酒水任飲,食物任點,價錢合理,两雙對辦便可這店的價錢明顯比一般放題店貴,但食物用料亦升級了,可以說是物對所值服務員的經驗及態度成熟,能照顧到客人的需要食品種類的選擇可能較少,但貴精不貴多的政策是可行的飲品的種類也可以, 有鮮搾果汁及手調飲料,避免了汽水的單調但啤酒卻要另外收費,且定價貴,於我來說是一點美中不足店子的環境及空間足夠,但有一通病,就是人多時,會過份熱鬧 -------嘈 !

成日都好想食放題的我,今次同屋企人試左新開的松家.食物方面,所有野都非常新鮮,係落ORDER之後先整的.所以之前都有COMMENT話好遲先有野食..但當晚我就冇遇到呢個問題.送的鵝肝多士好好味.反而虎蝦刺身有D失色...最中意就係飲品. 因為有鮮榨的橙汁同西瓜汁.西瓜汁係鮮打,飲落有沙,非常好!!其他飲品仲有綠茶,巨峰提子梳打等等. 環境寬敞,仲有卡位.燈光充足.感覺舒服.唔係好多放題店可以做到呢點.服務方面都唔錯.唔同一般放題.松家係為要員工落單叫野食的.落單的態度好好,冇話嫌你慢.同埋第一次唻的薄燒牛肉好韌,食唔到我地同經理講.佢就去廚房問下.佢話係新手師傅整的,所以差D,之後唻左3塊熟手師傅整的.食落真係唔同D!! 經理真係加分的地方!!!我地由6:30食到8:30,係238蚊.原來5:30食到8:00係198蚊.價錢真係相差得非常遠!下次一定要早半個鐘走.. 果度都慳唔少...

甚少去中環食放題, 因為一般都較高級同埋貴(晚市好多都過$200), 最近見到雜誌有85折coupon, 於是去一試午市放題$178, 任食3小時(12:00-3:00)Pros: 1. 地方寬敞, 可能新開張, 乾淨2. 服務好(侍應會主動收碟, 換碟, 見客人桌上沒有食物, 會主動問有冇order叫左未到3. 冇漏單 (這算是優點嗎? 抑或每間放題/餐廳都應該要做到?)Cons: 1. 食物種類少 2. 刺身, 壽司之類的貴價食物, 等極唔到, 平均落order之後要等25分鐘 3. 午市放題任食3小時(12:00-3:00), 但係侍應竟然於14:10走來, 叫我地落last order………無奈 4. 我地14:10….last order雪糕, 杯雪糕於14:40先到…….總結: 任食3小時…….當中有一小時係等食感想: 有85折coupon, 可以一試, 食過就唔會再黎同場加映: 當日見到有對男女食客超躁火, 12:30左右拂袖而去, 個男食客同個經理講……」我而家就走, 錢就一定唔會俾, 你駛唔駛報警?」 個經理無奈地目送客人離開~

之前上openrice見到有好多人都推介呢間係中環既放題, 見佢新開, 所以不嬲都好中意食放題既我一於去試下由於前一日已經訂左位, 所以去到係唔洗等位既呢間放題特別既地方就係唔洗自己寫單, 因為d服務員會走埋黎同你落單, 都幾方便! 值得一讚刺身種類唔算多, 不過有我最中意既三文魚同甜蝦我都已經覺得足夠反而其他小食都比較多, 燒蝦好好食! 同埋佢有個優惠就係會每人送1份虎蝦/鐵板鵝肝我地就揀左虎蝦, 好大隻又燒得好好味 (自己比較喜歡食蝦)另外要推介既係佢個蟹粥, 雖然得1隻蟹腳, 但勝在有好多蟹子係入面, 估唔到turn out個味道原來咁夾!鮮榨果汁100%肯定係鮮榨, 因為飲落有沙, 所以橙汁同西瓜汁都好好味, 另外巨峰提子梳打也不錯美中不足既地方係, 佢串燒既選擇比較少, 記得係其他地方食過既雞軟骨呀, 雞腎呢d, 呢間都冇得食服務不錯: 服務員收碟收得好快, 有時直情岩岩擺落黎都會好快收走佢, 係幾好既! 同埋冇乜點漏單, 唔錯因為我地冇coupon所以冇任何折扣, 呢間係屬於比較貴既放題, 不過都物有所值因為真係幾好味

見到網上食評幾好,所以去試下,去到先知係松屋/朗田旗下集團,所以有點失望,因為之前食過朗田放題極差,食後比想像中差,首先價錢比其他放題貴,但食物質素和選擇都比人少,最差係刺身,鉝魚/油甘魚好腥,馬刀貝/貝柱無味,三文魚/甜虾是比較好,不過唔夠凍,感覺唔係咁新鮮,其他熟食還可以,例如串燒/炸物和送的11吋虾和鵝肝.最好係鮮炸橙汁同有很多款式飲品選擇食完一次,應該不會再有下一次.

晒Open rice見好多，價錢又OK，於是同老婆去撐枱腳試吓，食過之後都合乎期望，以咁嘅價錢換嚟嘅食物質素同份量係合理嘅!嘢食嚟講可揀嘅唔算多，但貴精不貴多！刺身一般唔算出色，尤其帶子唔知點解切到好細粒又無乜味，另外個隻鮑片都算刺身?我認為係魚蛋嚟咋喎!反而熟食好啲，出色嘅有燒蝦、石班、燒魚，仲有個蟹粥都好好味，加埋可以任飲汽水或道地茶之類，足以令你捧住個肚走！另外臨尾食埋雪糕，好滿足！總括嚟講都合理嘅，要求唔太高都好會滿意！另外我見啲人話有coupon有85折，响邊度揾到咖?請指教!

我和太太喜歡吃西式自助餐, 自從吃過大x屋之日式放題後, 都愛上日式自選放題。今天滿心歡喜地試了這間新場, 經典的經歷。中午十二時到達, 約12:10 order完畢, 等到12:20才來了火炙芝士三文魚壽司及鰻魚壽司, 三文魚及鰻魚都無咩味, 與太太一致認同大x屋(同區另一間)的比這一間好食。見鄰座比我們遲點菜的所有東西也到齊了, 其間服務員經常拿著我們沒有點的東西問是否我們的, 我們找服務員催促一下, 12:25來了鮑片及希靈魚各兩件, 味道也是一般, 大xx比這裡好一些, 12:30仍沒有其他第一次點的東西送來(即點了超過20分鐘仍未送來, 明顯漏單), 再找服務員查詢, 他才說 : 『甜蝦及馬刀貝沒有貨。』沒有一點歉意。我真係火都嚟埋, 說: 『你地而家先講。』我立刻拿起背囊與太太一起離座, 我向服務員說 : 『錢, 我就唔俾架啦, 你哋使唔使報警。』此時有位類似經理的男人過來了解,並謂跟進一下, 我們實在對這間垃圾餐廳再沒信心, 我用中等聲量重申: 『錢, 我就唔俾架啦, 你哋使唔使報警。』就走了, 去了屈地街食”牛餅爺爺”。對此飲食集團, 完全失去信心

近來看網上評語及雜誌, 說這餐廳二百元多點便可以吃到比較好的質素的日式放題, 便到來試試.地方坐位有點逼, 但還算坐得舒服. 服務待應生也有好招待, 人手也很足夠. 上菜時間也不會等太久.但看過餐牌後, 有點失望, 因為比想像中少了很多款式刺身及壽司選擇. 竟然連最基本的尤魚刺身/壽司也沒有.首先經理給了我們一個刺身拼盤, 三文魚及鮑片的味道還好, 但其餘的吞拿魚, 帶子便一般. 或許底部有薄冰, 令刺身味道淡了. 不過蝦刺身是不錯, 可惜是其中一隻蝦刺身是臭的.出色的竟然不是主菜, 而是綠茶雪糕, 很重的奶味, 友人也吃了好幾個.總括來說, 不太差, 但也不太好, 要這個價錢便有點失望, 懷疑上面幾位正評朋友是否打手. 名大於實.

自從日本地震後, 我都食少左日本刺身, 除了怕幅射, 更擔心剌身的水準, 因確實大不如前, 失望至極 但剛巧看到雜誌介紹一間日本放題, 文字及圖片介紹異常吸引,難得放題有虎蝦及甜蝦作招徠, 又有85折discount coupon, 所以就舉家去食, 為將近既父親節食飯慶祝 !!!!!!!!!!!! 一出電梯口, 已見到好多人排隊等入座,因已訂位, 所以好快就被安排入座, 入座後, 服務員好好招呼地遞上餐牌同問需要什麼飲料,飲品方面有鮮搾果汁丶道地烏龍茶丶薑母茶丶柑桔檸檬丶巨蜂提子梳打等選擇, 鮮搾果汁包括橙汁同西瓜汁, 絕對不是溝糖水的西瓜汁或果汁先生的橙汁, 抵讚 另外, 它有別於一般放題, 不需tick紙仔點食物, 服務員會親自幫你落order, 以放題黎講, 食物款式算係多,刺身: 三文魚丶鮑片丶油甘魚丶吞拿魚丶馬刀背丶帶子粒, 同埋我至愛既甜蝦sushi/手卷: 海膽丶軟殼蟹丶火炙芝士三文魚等串燒: 雞翼丶牛舌丶冬菇丶蝦丶粟米丶多春魚丶煙肉車里茄等鐵板燒: 牛仔骨丶蒜香牛肉丶炒雜菜丶炒雜菌等天婦羅: 蝦天婦羅丶南爪等炸物: 炸蠔丶軟骨餃子丶秋刀魚丶芝麻雞翼等其他雜食: 蟹

一直很喜歡到處吃放題， 今晚一行四人到松家嘗試。座位很寬敞! 這個真的是很少見的，就算是碗屋，也是很密麻麻的，坐得不舒服!不過松家亦很特別， 不是自己剔單， 而是落order的。 但上菜的速度有d慢，但就冇漏過單。 全晚吃的刺身都很新鮮， 服務態度亦好好! 所以松家我一定會再幫襯!總括來說:優點: 環境好， 座位很寬敞， 服務很好， 食物很新鮮缺點: 上菜速度慢， 食物款式少

之前試過兩次都 full house 無位, 終於都有一次機會去啦. 一開始, 就當然是 order 刺身, 但遲遲未到要追單, 來到時又覺得D刺身麻麻地.However, 原來佢D 熱食好過刺身, 個蟹粥幾好, 燒物真的不下於部份爐端燒店.雖然初時慢, 要追單, 但最後結果都無漏任何單, 全部到齊 (including 一些我們忘記了的).至於服務, 如其他網評所說, 又不錯的.

搭巴士回家路上必定會見到呢間餐廳擺係地面個sharp醒招牌，今日一於同舊同事食第一段晚市（5點半同6點差40蚊但duration 多半個鐘）一上樓，感覺是高級餐廳裝修，環境不錯，侍應生們態度甚佳。掃把提議先來一客刺身拼盤，另外附送重量級美食，我地揀左珍寶牡丹蝦同鵝肝多士。刺身拼盤（encore左3次），唔算最好，但以放題黎講比係超班作。牡丹蝦就夠哂珍寶不過唔算勁好食，鵝肝多士又肥又脆。另外點左天婦羅，炸蠔，炸豆腐、芝士年糕（本人激賞）。味道不錯，但略嫌多油。不得不讚天婦羅汁係熱的，而且每上新點天婦羅都會換一碗新天婦羅汁，誠意可嘉。最後叫了蟹粥、燒corn，火灸芝士三文魚、卷物。蟹粥鮮甜；燒corn我無食，但同事話超掂；火灸芝士三文魚，師傅手勢相信曾經下過苦功，有壽司專門店的賣相，味道亦佳；至於卷物，味道雖好但略欠賣相（估計係另一個師傅整）。總括來說，食物好（雖然選擇不多但勝在質素高。），服務佳（唔係用點心紙tick，係叫人落單，一定唔會漏。而且你人多o既時候，佢會建議你點o既野咁樣咁樣上菜方便你地。呢d咪service囉）。但建議食第一段晚市，價錢較平而且上菜極快，師傅亦較花心機整。e

唔食放題的我，因為睇到資深食家食評介紹新開『松家日本料理放題』好吸引，已經立刻打電話訂位，晚市5：30～8：00兩位再通知老公大人最早到達松家，看menu後幾乎全部想order餐牌有刺身,壽司,火焰壽司,手卷,鐵板燒,串燒,一品料理/煱物,炸物,天婦羅,燒物,沙律/小食,飲品,雪糕!frist...order drink 熱柑桔檸檬/鮮榨西瓜汁，再order刺身/壽司......全部都好得，三文魚同八爪魚最新鮮!食咗好多round! 附送量級食物(四選一)，鵝肝入口即溶虎蝦肉好彈牙,十分值得一讚(每人有一客)串燒雞翼d肉好硬，平日係屋企烤雞翼就算時間長都未試過出現(好硬)，此時向職員反映知會呢個情況，過咗一陣，經理向我哋表示知道雞翼情況，建議再試燒烤時間短d雞翼，我同老公本來放棄唔再order，但經理很有誠意，十分關心重視客人意見 我也不推搪再試，但係最終答案=一樣..... 羊扒肉質非常嫰，多肉汁，串燒豬肉好野味配搭大葱一齊食good，燒蝦夠大隻，鐵板燒嘅薄燒牛肉先至係完美製作，真係好好味~~食一啖,口腔已經滲滿牛肉汁薄牛肉一咬便溶，細心觀察原來每塊牛肉帶點脂肪