影片
周一小弟同家人一行四位去食5:30-7:45的放题，因为平啲！我地一入去不需等就入座卡位，可能人少食的关系！坐下就点我喜爱的三文鱼(全是鱼腩～正！),海胆(今次无苦味，好甜！上次有苦味)，青口(热辣辣，仲有芝士同粟米粒)，牛柳粒(无韧),羊架(松软)，牛尾(好滑)，天妇罗(普普通通)，炒杂菜(真是麻麻)，饮品叫了杯热柑桔蜜(开胃)，最后是甜品雪糕(居然夹杂着碎冰，且味道一般)总括来说：除了雪糕，其他都算不错，比上次好食左！
继续阅读
用头条日报优惠券7折, 小童免费只收服务费. 一行8人消夜时段9: 00-11:15pm, 起初都担心咁夜会唔会咩都卖晒, 但去到没有这个问题, 只要落单就有, 食物供应速度正常, 不太慢, (之前食铜锣湾松田就麻麻地, 连雪糕都卖晒). 一口牛好正, 牛仔骨普通, 鱼生味道及种类OK, 生虾无咩味, 虾天妇罗正, 海胆少少地ok. 雪糕美味, 饮品种类唔多. 七折后价钱是可以接受的, 我会再帮衬, 不要用比少少钱要求多多心态帮衬就可以.
继续阅读
第一次写食评因为真系觉得好火！因为朋友系中环翻工，所以念住就佢就去呢间试下。系groupon买左$170一个人既coupon ~但我食6点半个埸要加成80几蚊服务费。姐系250一个人左右！其实都无所谓只要好食都ok啦！点知三文鱼好大雪味，啲uni系任食呀，不过无uni味得个苦字。鹅肝手卷得个肥字。我都试左几多野下，不过信我啦，无样得！我真系后悔无去铜锣湾食，我真系觉得求其me埋眼揾一间放题都好食过佢。信我啦真系好难食好难食！ 呢个价钱我＄100都唔会俾，仲要250真系痴线！
继续阅读
位于中环既放题真系比较少揾, 因为本身新界人,多数都系出油尖旺多~但今次会拣呢间系因为妈咪有美安优惠卡, 平日时段有7折, 假日都有8折, 折左每人220左右~就试下啦!其实呢间放题系2年几前食过一次, 当时系平日晚上,好静, 全场都冇10枱, 而且印象中系偏贵的.我地book左7:45, 可以食到11:45, 放题黎讲都几长时间~早左15分钟上到去,谂住报到先, 点知起码等左5分钟,D侍应行黎行去都冇人停低帮我地....不停唔该唔该都冇人理,最后佢地receiption枱电话响, 先有个女人埋黎听电话,听完即刻同佢报到, 佢就话够钟先可以入, 咁系lift口排櫈坐住等,陆陆逐逐多人到达, 成个lift口迫满哂人,终于等到7:45, 开始入座~有卡位坐! 我地5人行, 有两个高大大只仔, 第一次放题坐得咁舒服㖞!放题黎讲佢剔野食既纸真系少,计埋饮品个张都系得5定6张,不过有D真系有惊喜!竟然有我至爱三文鱼籽!! (又至爱~XD)仲要都几新鲜, 唔系争X 个d细细粒冇咬口货色~另外帆立贝寿司又系好得~大大粒~哗哗哗!! 仲有海胆tim!!无限叫无限加!!无臭味~甜的~甜虾普通~但新鲜~ 三文鱼肥美~吞拿鱼就好似红得滞..同埋冇咩味道抖下黎D熟食先~ 鸡翼只有芝麻鸡翼竟然无盐烧个只......薄烧牛肉有葱碎响入面包住~唔错~~烧鱼又系放题至爱, 三文鱼鲛同烧鲭鱼都大大旧~总括黎讲呢个价钱同呢个位置都可以系市区揾到~除左三文鱼籽军舰之后其他都系普普通通咁啦~~
继续阅读
Lunch time 揾朋友食饭，早到上左去都即刻有位，等朋友黎到叫左选3样的set lunch...除左食物外，waiter services就好一般，唔识帮客refill茶水，朋友的order要催成两次先出到。食物款式就好多啦, MENU都有3大张
继续阅读