東來順

营业中

休息中

今日係屋企人既大喜日子,一早book左位,環境又靚又舒服!隨房有2名侍應候命協助我地,佢兩個都非常熱心去解答我地既問題,盅心講解d菜既用料煮法,又頻頻換骨碟!d菜式多到唔知我自己有無寫留左,記錯名:前菜海蜇頭-係丫叉形既海蜇,同平時個d海蜇唔同,更脆,個汁同比時個d都差唔多,有d麻香咁,不過無咁油我覺得,清清地,好好既前菜,不過有d碎,好難夾.醉雞-,個雞好滑,無論肉同皮好酒味!蒜子青瓜-個清瓜好爽,好玩蒜容味,每一條青瓜都有好多蒜脆黃鱔-炸得很酥好脆,而且有d蜜糖咁既漿住d鱔,好好味,帶有少少酸甜,入口無油味,只覺那酥化既感覺,正!南京鹽水鴨,四喜烤夫,好普通,無特別,唔寫.後者係d面根with老水.主菜黃金大餅-一上台,個侍應話台台必叫.其實即係蔥油餅,,佢個餅皮焗/煎得好脆,不過d蔥無mug味,反而jusco賣個d既蔥油好過佢.分數只歸個皮!鶴湖蟹影-米芝連得獎菜,上台大家俾個外形吸引著,靚真係靚,$50一件,視覺滿足抵番左!食既時候唔洗理儀態,因為個蟹粉一定要痴住個鍋ba食先好味.個蟹粉有蟹肉既鮮甜,有蟹糕既甘錞(又係似咸蛋黃咁溜溜地),妙絕,橙色既蟹粉滑配鍋ba既脆香口,go

上星期四晚接左太太放工黎左呢度食全牛宴都算唔錯先黎紅燒牛塊, 細細碟, 幾好味全牛拼盤 (和牛舌, 本地手砌肥牛, 雪花肥牛, 牛骨髓, 牛肉丸, 黑毛肚)豆腐, 凍豆腐, 羅白, 生菜, 牛肉餃子牛肉窩貼, 牛柳拉麵唔算好多野食, 但勝在樣樣都幾好質素最好係架車o係酒店門口, 有人代客泊車, 3小時免費呀兩個人 六百幾

炎夏訪東來順，總不能吃燥熱的羊肉火鍋，獲邀試菜，品評成都名店福臨門川菜館，丹鶴「東」「臨」，五位客席廚師帶來了天府味道，難得可以見識江豚魚、米涼粉等難在本地吃到的原材料，沒推辭之理。東道主是帝苑酒店，老闆是饕客，外遊遇有佳菜，廚房備置外省炮台的東來順，順利成章成為外省廚師作客顯技的場地，食客有福，不過兩位公關Heidi及Agnes就要為籌備活動忙得不可開交了。席上除了傳媒朋友，亦有活躍於《飯局》的blog友，珍席以八味涼菜敲響鑼鼓，按辣的級數順序，可分為：夫妻肺片、紅油土雞、手撕牛肉、奇味肚丁、蒜泥白肉、米椒伴木耳、蒜香茄條及醬豬手。席上除了傳媒朋友，亦有活躍於《飯局》的blog友，珍席以八味涼菜敲響鑼鼓，按辣的級數順序，可分為：夫妻肺片、紅油土雞、手撕牛肉、奇味肚丁、蒜泥白肉、米椒伴木耳、蒜香茄條及醬豬手。下篇正式菜式分享＠http://hk.myblog.yahoo.com/yahitemboy

每次出Trip四川都好期待，因為我勁勁勁愛辣！正宗川菜，辣得來具多層次麻香，好開心喺香港比我食到呢啲味道。東來順的水準一向有信心，今次佢哋請咗成都名店福臨門廚隊來港獻技，知道係九月期間限定，當然要捧場。材料及調味料好多都係四川師傅帶過來，口味正宗，食得好開心。希望推廣過後，能夠保留部分菜式，等我可以隨時回味啦！

女友為自已慶生，故作冷淡，其實早已安排一切。到達帝苑的東來順後，還以為涮羊肉為主，最後見$628米芝蓮二人餐有得獎菜-鶴湖蟹影，一道女友想試多時的菜式，因而拍板要一個二人餐！周二晚市冷清，連我們在內都只有三檯散客，侍應比例明顯過多，經常有幾個圍在身邊，感覺好不自然而且對話都要保持細聲。只好默默邊吃花生邊等上菜，幸好人客少，等候時間不長，過程途中甚至有未完成一道菜就上菜ge情況出現，要用蓋蓋著，扣分。先來一碟六款的前菜拼盤，以涼菜為主，包括丹山海蜇頭、揚州燙乾絲、杭州蜜南瓜、南京鹽水鴨、淮安脆黃鱔、龍井煙燻蛋。海蜇頭比一般條狀海蜇爽硬有口感，麻油很香不膩；燙乾絲是類似豆乾切絲再加麻油醬油作涼拌小吃，調味重手，不太欣賞；賣相如東坡肉的四方磚是蜜南瓜，本身味淡的南瓜配以蜜油蒸煮後，瓜菜纖維感外加多份甜味；鹽水鴨只有一小件，不過咸但份量太少，不夠嚐出真味；脆鱔是唯一會吃的鱔類製物，又甜又脆似麻花；燻蛋做到溏心效果但煙燻味近乎零鶴湖蟹影是本餐主角，作為米芝蓮得獎菜，賣相果然先聲奪人。湖中心是用白蘿蔔/冬瓜雕成的鶴，湖上有薑味蟹形Jelly，金沙蟹粉堆在窩巴上再以炸芋片成托，以零味道窩巴拌蟹粉很甘

父親大人喜歡食海鮮, 又因年老行動不方便, 找最近好食店鋪,慶祝父親節, 老爸是山東人,必耍食外省菜,我等本港出產兒女,鐘意食海鮮,唯有選擇新派外省菜出色東來順, 貪佢地方環境好,服務友善,菜式多,新口味多,好食,有相為証。

選了<東來順>為爸爸慶祝生日, 環境其實ok, 夠暗, 都算靜局 (除咗我哋後面嗰枱邊爐友) ... 但係火鍋區真係要分開, 因為火鍋的氣味太勁啦 ... 我們一行八人叫咗 :-燻旦 (幾ok, 和"夜上海"的味道十分相似)鹽水鴨 (太鹹, 似臘鴨 ... 可以唔試)富貴全鷄 (當晚主角 ... 侍應請爸爸, 媽咪用金鎚先扑吓外殼, 好似好隆重咁, 幾得意 ... 心機菜, 味道濃厚, 鴨肉酥軟, 淨食帶鹹, 但送飯一流)松子桂魚 (有驚喜, 魚鮮, 汁料, 配菜洽當, 松子很多又香脆)龍井蝦仁 (太清, 可能我唔識欣賞啦)蔥爆羊肉 (正, 純粹個人喜好)上湯時蔬 (正常)牛肉兩面黃 (正, 真係脆卜卜的兩面黃)酒瓖小丸子 (正, 味道好香, 好多酒瓖, 不太甜)fine food 的拿破崙旦糕 (自從tony wong自立門戶後, find food 0既酥皮真係失色咗)總括而言, 真的ok, 但係下次要試吓佢個涮羊肉先 .... 真係好香呀 ... 令我好懷念北京的<東來順>, 唔知佢哋係咪親戚呢 ?

與''牛魔王''顛牛$148。野菜蒸上州牛：我地揀左肉眼，有西冷可選。牛肉放在蒸籠上蒸，有些椰菜墊底，肉眼的雪花紋理清晰，味道鮮甜入口鬆化，肉質嫩嫩的。$338。川味水煮上州牛：首先，一黎到眼見個賣相就靚絕，一片紅海就已刺激啦！牛肉的香濃麻辣味和其油香合而為一，超讚哦！而且個湯底辣汁超濃味，有：花椒、八角…至岩我地嗜辣一族，辣牛肉的質感軟熟鬆化又爽口，正！

是Sally主持的大局，帖子一出，最後出席人數是87人，在這間酒店中菜廳開六圍，實在是不簡單。時近八時，各路人馬陸續到齊，場面熱鬧，非常高興。飯局未開始，大家還在把酒言歡之際，Sally先拿來薰蛋凍給大家享用，蛋黃的溏心做得美，煙薰味足，而在旁伴吃的湯凍也味濃甜美，做得有水準又有心思，絕對將是晚菜色比下去了。 坐定定後，菜色也陸續上檯，先來的是前菜八小碟。這個八小碟，店方皆改了美麗的名字，但坦白說，水準卻只一般。海蜇頭調味卻嚴重不足；鹽水鴨肉又是調味不足，淡淡的；烤夫味道也不似樣子，拌干絲則反其道而行，太鹹；黃泥螺肉質脆口，令人懷疑是否來貨。不過好吃就是了，管他這麼多？脆鱔真的很脆，不過就完全吃不到鱔；糖蓮藕真的很夠甜，不爽脆；已經領教過這裡的薰魚，留待其他食友品評了； 吃過主菜，跟著來的就是湯品，燉鰱魚頭湯隱約吃得到腥味，何「燉」之有？清炒河蝦仁肉質有點霉，醬燒肉骨頭味道夠，肉質卻韌；富貴雞軟稔入味，油香滿盈，好吃；東坡肉肥肉的部份當然甘腴味美，廋肉則略嫌粗嚡了一點；蟹粉豆腐腥味濃重，非常的不對頭；單尾先來炒年糕，味不夠；蔥油餅有吃嘉頓芝麻疏打餅的感覺，很奇怪；甜品是簡單的一味麻蓉湯

小妹二人在尖東找地方午膳 , 看見一間裝修有特色餐廳 , 內進看看餐牌 , 午市點心種類非常之多 , 有北方煎餃 也有粤式蝦餃 燒賣 腸粉等 , 最低是有多款午市套餐 , 每位$88元起 , 我倆美少女中午食量不多, 所以叫了一位麵餐 內有頭盤五款(五味人生), 點心2件 (有五款選擇), 大碗麵 (五款選擇) 加多一些點心 , 巳很豐富 , 難得這裏環境招呼, 食物水準都一流 , 祇需此消費, 好過去酒楼, 糟喧巴閉, 食得有品味！

食過得獎名菜"鶴湖蟹影"之後, 覺得幾好, 影相之餘, 我們連隻白鶴都想用來打邊爐, 唔好浪費, 不過影完相, 很快便被殷勤的待應拿走,可能白鶴趕著去比下一圍order 番用. 那份4人份量羊肉套餐$1980不合大家的口味, 羊的份量一般, 不能令人回味. 另外, 再要多一份二人牛肉套餐$498, 大家都讚牛肉手打丸好味道, 但套餐只得4粒. 三個電爐頭都常常因過熱而自動停止服務,唔夠暢快. 其餘自選材料亦算細碟.甜品及糖水都是普通水準. 最昂貴那粒擂沙湯丸要$12, 黑色的餡料有一點苦, 比起那款$8粒好味紅豆餡"驢打滾"還貴幾元, 兩款都細細粒,不夠喉. 最酸是那碗"酒釀芋荔", 大家都試一口就要放棄.

大家請留意，東來順係冇豬肉既，所以佢地賣既小籠包係牛肉餡或雞肉餡。　推介一：鐡板燒羊肉　第一次食到D完全唔蘇既羊肉。開頭見到個餸黎個陣時以為係鐡板燒牛肉，所以連相機都唔攞出黎。點知見到平時唔食牛肉既友人都食得咁開心既時候就多口問佢係咪食返牛肉。佢就話我地知食緊羊肉。D羊肉好薄好嫩，真係唔話你知，你係唔會估佢係羊肉，因為完全唔蘇！當我攞個相機出黎時碟餸都清哂。　推介二：片皮鴨　片好皮你有得食既時候個鴨重係熱架，真係好難得。肉裡面重有少少汁，所以唔會覺得鴨身乾。正！　推介三：時魚　雖然佢咁多骨，但係食過一次之後，而家愛上左佢。今次東來順做得好好。我諗條魚本身係嫩口，所以去到邊都係好滑。跟埋師傅教個汁，D魚真係好鮮甜，正！　拆骨魚頭：食完多骨既魚，食返D冇骨既魚覺得好輕鬆。味道好濃，最欣賞係佢索哂味既粉皮。　shabu-shabu 羊肉：同個鐡板燒一樣肉身都係咁薄咁嫩，不過咁煮就有少少蘇味。所以我都係鍾意個鐡板燒多D。　推介四：玫瑰糕　好香，好清甜，好light既甜品，有D似我深愛既桂花糕。我自己都食一碟。

生日的那幾天，西打跟路人甲人在台北，行程編排主要都是venus和西打討論，但路人甲跟西打的慶生飯又怎可以讓西打自己決定呢。這是重要的一天，因為全年間只有這一次要路人甲苦苦思量吃甚麼好。對路人甲來說，這是全年的大挑戰！首先，不能找西餐廳，西打著實對西餐的感覺只算平平。可恨的是，對吃慣好料的路人甲來說，街外的中餐還只屬一般貨色。再加上，要找到一家連西打也覺得有驚喜，或是傾慕已久的店難實不容易。西打記得好多好多年前去北京的時候，朋友就介紹過在北京的東來順是一家名店。沒有想過，多年後在香港會有機會吃一次。這次路人甲可真厲害，連菜色也想好了！最精彩是縱然這個套餐有兩三道菜路人甲不愛吃，她還是堅持要來前菜拼盤丹山海蜇頭海蜇頭跟一般的海頭口感上果然有差！帶麻油香的海蜇頭，質感比一般海蜇硬和脆。揚州燙乾絲有點像乾麵的前菜，西打還是第一次吃！味道，....可不是西打的菜，總覺得有點怪怪的。杭州蜜南瓜西打看到外型還以為是一片肥肉。哈哈哈！送入口，大叫...好甜..還以為是蜜瓜，憑著纖維才得悉是南瓜。西打真的懷疑是用蜜糖烹調過...像蜜餞一樣甜。南京鹽水鴨挺有質感的鴨肉，鹹鹹香香，只得一塊很不過癮。淮安脆黃

京菜，我多數揀鹿鳴春，以前松竹樓還在的時候，都不時去下，而家就貪方便，會去下荃灣間北京樓，至於呢間，則從未見識，因為唔就腳。呢度個混醬較簡單，不過正合我意，我不喜歡太雜的味道。羊肉頗有鮮味，亦夠騷，唔錯。燻蛋夠糖心，但味較薄，沒有什麼煙燻香味。粉皮不過不失。D餃好味，汁液亦夠。最敗筆的是羊肉串燒，乾硬無汁，還附上辣椒粉，連僅有的汁液都吸乾埋，攪到乾辣而無味。不過，個湯就越淥越甜，最後配埋Ｄ拉麵，吃至窩底朝天。至於生煎包，很多地方做得好過佢\\\\\\\，合格而已。

友人剛從北京回港, 他說北京的涮涮羊肉火鍋讓他念念不忘從openrice得知東來順在香港有分店,而且還有75折coupon, 即時book了位置準備大涮一番由於友人說北京的涮涮鍋是用炭火溫熱的,而且很地道(簡單來說是地痞)來到了帝苑酒店, 心裡卻有著不踏實的感覺果然, 來到的涮涮鍋是用電爐操作的, 這根本與其他打邊爐的地方壓根兒是一樣我們叫了全牛鍋再加花姿丸及羊肉全牛套餐的確有很多配料, 但有些牛肉放久了開始變得不新鮮...羊肉很"so".而友人堅稱一絕的麻醬也是...不過不失總括而言, 我們只有一種在酒店內打邊爐的感覺以這樣的價錢打邊爐,倒不如去譚魚頭......