李家 (山林道)

营业中

休息中

屋企附近都有間李家，成日都叫外賣炸雞食，放假喺尖沙咀行街，行經依間分店，決定第一次試吓堂食，新鮮滾熱辣即炸炸雞😝前菜係白蘿蔔同椰菜沙律🥗 兩樣都酸甜醒胃，愈食愈肚餓😂我地點咗炸醬麵($188) 上枱既時侯真係嚇親我同朋友，份量大得驚人🥵 睇相可能唔太覺，但依到其實已經夠4個女仔食飽😂 而且海鮮既份量都好足，魷魚八爪魚蝦仁等等，加上又甜又鹹既醬汁同煮到入晒味嘅洋蔥，$188抵到爛👍🏻芝士雞蛋捲($128) 依到有無用咗10隻蛋以上？🤣 又一份量驚人dish.. 睇吓佢拉絲拉得幾高，就知道依到落芝士落得幾重手🧀🧀🧀 芝士口感十足，同喺韓國食既芝士好相似，有種去咗旅行既感覺🥲最後又點少得為咗佢而黎既主角—炸雞🍗👏🏻我地依啲懶人for sure會叫無骨😂 甜辣($98) 同 青辣椒蛋黃油($118) 每樣一半。甜辣炸雞雖然醬料多得驚人，但都無影響到炸雞既酥脆口感，即炸即上果然係最好食。而青辣椒蛋黃油味，睇個名我本身預期會係鹹蛋黃嘅味道，點知原來係蛋黃醬🤣 不過我地一致認同依隻味比甜辣更惹味👍🏻

今日同女朋友黎到山林道令我記得既就係隱世元祖炸雞李家就試下水準有冇改變！餐牌好多選擇，全部韓國傳統食物招牌炸雞有好多口味，有骨同無骨亦有燒酒，梳打等原味炸雞(無骨)要知一間炸雞店既水準就一定要食原味因為最原汁原味而李家做得相當好炸得剛好，外脆內軟一咬肉汁就爆出黎炸皮既調味足夠唔需要醬汁都好好味蜂蜜蒜蓉炸雞(無骨)呢個亦做得非常好炸得鬆脆就基本另外蜂蜜甜度剛好，唔會過膩中意食甜既我一舊食過一舊，停唔到雪濃湯呢個湯呈奶白色，係足料既顏色因為用牛骨係好難先會有色味道好濃郁，清甜得黎帶牛肉味暖胃又消滯，推薦泡菜餅好惹味，脆口得黎帶點泡菜既辣辣味好大份，好抵食必試！

諗起食🇰🇷韓國炸雞🍗李家🏠絕對係我心水之一！佢哋提供好多唔同口味嘅🔥炸雞🍗，而且可以仲可以揀無骨🦴嘅炸雞🍗，啖啖肉好好味！簡約嘅裝修風格😊加上闊大嘅枱凳🪑，而且好多係🥰卡坐，坐得好☺️舒服。🐝蜂蜜🍯蒜蓉🧄無骨炸雞🍗係我嘅必食推介😍，蒜蓉🧄香濃仲有原粒蒜頭🧄加上蜂蜜🍯嘅香甜十級美味😋，而且醬料充足，雞肉嫩滑🤤外皮香脆，好高質👍！甜辣🌶無骨炸雞🍗啖啖肉，香脆可口🤩，件件雞都沾滿甜辣🌶醬惹味十足😋好好食！年糕🥟餃子湯🥣熱辣辣，湯清味濃配上年糕同埋🥟餃子一齊食感覺好滿足🥰。佢仲配咗🌶泡菜🥬，撈落去個湯🥣度變成🌶泡菜🥬湯又有另一番風味🤤。🥬泡菜餅🫓十分之巨形🤩，餅身偏厚而且有好多魷魚🦑食落幾鮮味，如果泡菜🥬味更加濃就會更好啦！

放假同朋友去尖沙咀行街，朋友就帶左我黎呢間出名既炸雞店啦 🍴半半炸雞 原味（$93)芝士 ($113)鋪頭除左原隻炸雞有唔同味道之外，仲貼心地提供左半半炸雞既選擇，想揀邊兩隻味都得🥰🥰我地揀左原味同芝士味，原味就試到佢地醃雞既味道，而且呢到仲有比甜酸醬可以點，又多左d 變化。芝士味係滿滿既雙色芝士粉，有濃濃既芝士味少少咸香又少少甜幾正😆😆d 雞大大件又炸得脆，d 肉仲幾滑添😋😋 🍴魚餅湯 ($158)除左雞就叫左個湯冇咁熱氣，魚餅湯有大量唔同形狀同口味既魚餅魚糕魚條等等，仲有少少白蘿蔔，可以飲下d 湯都幾舒服好味道😚😚 🎈李家 (山林道) (尖沙咀)尖沙咀山林道54-56號利雅商業大廈地下2號舖

香港周圍都係炸雞店 但係自己就好鍾意嚟李家食呢度食🍗呢到嘅無骨炸雞真係好正 外皮炸到超級脆 肉質嫩滑又Juicy 唔會好鞋 佢嘅芝士雞蛋捲都好食😋隻蛋唔會煎到好老好鞋 入面仲包滿晒拉絲芝士 超足料勁厚 食落好滿足！

黎到尖沙咀突然好想食炸雞 自然就會諗起美麗華廣場對落既韓國街 行下行下去左呢間山林道既李家 一直都以炸雞出名而人氣 今日就一試超級滿意 食炸雞最鍾意選擇無骨既炸雞 大大啖肉又有咬口 加上呢間炸雞外皮炸得勁鬆脆 肉內多汁夠哂Juice 讚不絕口 再配合唔同醬汁既炸雞有唔同層次既口感青辣椒蛋黃醬炸雞Cheongyang Mayo Chicken with Onion超多洋蔥同蛋黃醬既炸雞 醬汁勁多包保每隻雞都掂到 半份雞都勁多量 起碼都有成10件雞 超級足料甜辣炸雞Sweet & Spicy Fried Chicken最經典既韓式甜辣醬 呢間既甜辣醬甜味偏重 愈食會愈上癮芝士辣海鮮炒年糕Spicy Seafood Rice Cakes with Cheese超級豐盛大大碟好抵食 芝士拉絲拉得勁厚勁邪惡 海鮮材料勁充足 有蝦、青口、墨魚嘴、魷魚 最特別除左年糕仲有好多烏冬、菜同青椒 包羅萬有包保飽既主食另外仲叫左Rainbow系列既梳打水 選擇左藍色同紫色系列 兩杯都好甜有種講唔出口既味道 係好飲 可以一試😆藍色多瑙河Curacao Blue Soda薰衣草Lavender Soda

星期日落雨冇得去戶外，為有留係室內飲飲食食喇🥙🍸食左一間有驚喜既炸雞店🙂❤️前菜黎果陣覺得一般，有少少失望，但係冇諗到好戲在後頭🤨點左一份青辣椒蛋黃醬炸雞跟洋蔥同蜜糖炸雞，兩份都好好食，但係超有驚喜既係青辣椒蛋黃醬，辣辣地易入口🙂另一款就甜甜地，最啱鐘意食甜野既人❤️份量好大份，完全食唔曬仲有一個冷麵，配上蘋果，青瓜，螺肉，酸酸甜甜，好適合夏天嘅時候食呢間餐廳啲嘢食份量比想像中大份，如果兩個人嘅話一份炸雞加小食已經好足夠

李家位於山林道最入面盡頭位置店內座位都多，仲會播住KPOP🎼一開始係安排肥妹同朋友坐兩人座位兩人座位就比較細同窄！因為肥妹叫左比較多野食🫣所以幫肥妹轉左去四人座位🫣—-✄———-✄———-✄———-✄———-✄—-✾原味炸雞 (有骨) $88原味炸雞可以食到雞肉既原汁原味外皮炸得好香脆，雞肉仲係嫩滑JUCIY🥰原味炸雞有跟醬比客人沾但雞肉本身有調味唔洗沾醬都好食😋✾甜辣炸雞 (有骨) $93炸雞外層包裹住甜辣醬食落酥脆，雞肉依然嫩滑🥰醬汁份量十足！！甜甜辣辣好惹味😋✾辣炒米腸 $188係用鐵板上，熱辣辣🔥米腸好大條，配埋椰菜一齊炒上面有加到紫蘇葉撈埋一齊更加香！！醬汁好惹味，味道唔係好辣唔食得辣既人都可以接受到但米腸腸衣有啲難咬開🤣✾蒸蛋湯 $58好鐘意食韓國蒸雞蛋😍😍蒸蛋湯係用石鍋上，可以Keep住溫度但食既時候要攪攪底部雞蛋唔攪食都最尾有機會會燶🤣蒸蛋上面紅蘿蔔碎、蔥花同白芝麻好誘人口感軟腍腍好嫩滑🤤蛋味好香，令肥妹食唔停口 ✾Somac Tower $128一枝真露燒酒加三罐Hite啤酒係燒啤 口感順滑易入口配炸雞食一流！！👍🏻

李家炸雞一直都好出名，今次試下叫外賣，果然都保持到水準。泡菜煎餅超大塊，食落唔會太辣甜辣炸雞非常惹味，外脆內裡尚算滑炸粉絲卷可惜送到已經唔脆加上無熱辣辣食，點都差咁D

今日經過山林道，途中都有一兩間韓國料理。行到街尾見到一間平平無奇既韓餐館，估唔到亂打亂撞搵到驚喜！餐廳裝潢各方面好有夏日感覺，睇餐牌都係炸雞、燒肉、豬手、湯麵類。每枱麵會有兩款前菜，味道唔錯！蘿蔔超好食同朋友揀左半半有骨炸雞，青辣椒蛋黃醬炸雞、蜂蜜大蒜炸雞。兩款炸雞醬料都做得非常出色，尤其係青辣椒蛋黃醬。蛋黃醬本身已經夠cream夠惹味，再加上洋蔥絲，令炸雞更香口惹味！而且炸雞本身底味已經好好食👍🏻非常有驚喜香辣蝸肉雜錦冷麵第一次見有蝸牛肉，所以試下😋上枱見到大大碟，足足有三球麵，而且配料有半邊碟，超足料！配料有青瓜、蘿蔔、蘋果，蘋果超香甜。冷麵夠滑夠彈性，配上拌好既配料，酸酸辣辣超清爽，最岩夏天食！

作為肉食性Foodie，嚟到呢一間韓國餐廳，梗係要嗌佢嘅韓式炸雞同埋烤肉套餐啦！今次我同我朋友嗌咗：🧀芝士辣雞炒年糕$168同上次一樣，呢度嘅芝士都係可以拉絲嘅！其實嗌完之後有啲後悔，佢嘅辣雞同埋年糕嘅份量真係好多，連埋上面啲芝士，食落已經有啲飽滯，我覺得佢嘅年糕唔會好難，雞件亦都唔會差口，調味都唔錯，都係值得食嘅，不過建議下次可能搵多三四個一齊嚟嘅時候先嗌佢！🐖燒五花脯肉 $198呢個真係好意外！呢一間餐廳係冇韓式燒烤嘅，不過呢一個完全係最好嘅替代品，佢哋會幫你消耗咗五花籃，放喺鐵板上面，連埋生菜俾你，可以做一個生菜包咁食， 唔會太肥，點埋辣椒醬或者係燒烤醬就一流🔥🍗半半炸雞（原味加甜辣）原味嘅炸雞肯定好食過某些快餐店一百倍，炸雞唔會太瘦，食落都係啖啖肉，而且原味炸雞愛情嘅咋皮非常之香脆，冇得彈。甜辣炸雞如其名，甜甜地又辣辣地咁，不過唔會好辣，普通人都食到，可以放心。——————為食分界線——————📍 李家 (山林道) (尖沙咀)尖沙咀山林道54-56號利雅商業大廈地下2號舖推介指數 🤰🤰🤰🤰🤰(5/5)好味指數 🤰🤰🤰🤰🤰(5/5)抵食指數 🤰🤰🤰🤰🤰(5/5)環境推介 🤰🤰🤰🤰

👍🏻 半半炸雞（蜂蜜蒜蓉+青辣椒蛋黃醬）兩款都超推介 炸雞外皮炸得夠酥夠脆 即使影左一陣相都唔會變腍🙌🏻雞肉嫩滑多汁 每件既size都差唔多 所以熟既程度都差唔多💁🏻‍♂️醬汁先講蜂蜜蒜蓉味🍯甜甜醬汁加上原粒大蒜既刺激 唔食得辣 但又唔想食原味既人可以一試 另外 青辣椒蛋黃醬真係好有驚喜❣️如瀑布般既蛋黃醬 混入左青辣椒同大量生洋蔥 為每啖炸雞添上辛辣既味道 食到吮晒手指😂😂👍🏻 魚餅湯湯底胡椒味頗重 飲落舒服但唔會嗆喉 同韓國街頭飲既味道相似😚魚餅都有唔同既種類 有傳統扁狀、柱狀、粒狀的 每款味道雖相似 但口感 吸湯程度都唔同 店家有花心思 值得一讚💯👍🏻 NON-ALCOHOLIC BEERITA🍺呢款飲品聲稱自己係0.0%酒精 適合我地大中午淺酌👻 味道同顏色都同雜果賓治相似 果味突出 但依然有淡淡既酒味 仔細睇原來都含0.05%酒精😺打卡一流📷- 點餐後店員會送上小菜 沙律🥗及醃蘿蔔 無需額外收費- 食炸雞的話可向店員索取手套 另外桌上已經有放骨既桶🦴、搓手液、廁巾 盡情地用手食啦✌🏻

好耐冇食韓式炸雞，呢間位於山林道的人氣炸雞店，菜式選擇都很多，而且價錢合理。和一般韓式餐廳一樣，都會附送韓式前菜小吃，兩款前菜醃蘿蔔、椰菜沙律都好醒胃，而且啱晒食炸雞時清下熱氣。.🐥半半炸雞無骨韓式炸雞：🍯蜂蜜蒜蓉味$113、🧀芝士味$113好貪心嘅我哋想食晒兩款口味，餐廳好貼心可以選擇兩款口味Mix，而且仲有得揀有骨和無骨。我哋就揀咗無骨，因為進食方便又啖啖肉。兩款炸雞的雞肉都好嫩滑，外皮炸得好香脆，而且又充滿肉汁。🍯蜂蜜蒜蓉味的蜂蜜香甜之餘，又帶點濕潤感，再加上蒜蓉，更加惹味。而🧀芝士味炸雞上面鋪滿芝士，味道好香濃，芝士控必叫。.🦐海鮮煎餅 $158好喜歡吃海鮮煎餅，特別係煎到好香脆的餅邊，配上各種海鮮，和混合蔥、韭菜後，香氣十足，搭配韓式醬汁更美味。.🌈彩虹梳打▫️蘋果梳打 $38▫️西柚梳打 $38見到個Menu彩虹七色的飲品好靚，真係三心兩意唔知叫咩味好，最後揀咗蘋果和西柚，兩款味道都好香甜，加上碳酸氣泡，感覺清新。

回想之前食炸雞既記憶已經係三年前係韓國🥹🥹🥹咁唯有係香港食住先，出名既炸雞🍗今次要食李家，嗌左半份+半份mix款！記住無骨只可以mix無骨款，有骨只可以mix有骨款。#可以食2個味道🤣炸雞🍗新出既青辣椒蛋黃醬($118)+芝士味($113)，嗌既時候都諗會唔會食唔晒，結果真係好大份😂個人鍾意芝士味多啲，甜甜鹹鹹係我嘅味道。如果蛋黃醬可以每舊雞都均勻入味會更好！仲嗌左芝士雞蛋卷 $128，熱辣辣上碟，中間既芝士流出嚟拉埋絲，問你死未，極邪惡😈果然係招牌，不過加埋炸雞食會有啲”漏”。好彩有碟酸甜蘿蔔解解佢🤣仲嗌左杯西柚、🍋 soda，正正常常還可以呀🫣2條友食低估左個份量，食完又要減啦😂😂😂

假期朋友帶我去尖沙咀的一間韓國餐廳李家原來這裡是香港第一代韓式炸雞專門店 值得一試假期下午茶時間都好多人當中有好幾枱都是韓國人 看來這家店應該很正宗這裡有多款口味的炸雞 心大心細的我們選了比較特式的兩個口味來個半半蜂蜜大蒜炸雞喜歡甜味炸雞的朋友選了這個 蜜糖味很香甜感覺沒那麼熱氣 加上原粒炸蒜 好香好惹味醬油炸雞這款沒有炸粉直接生炸 雞肉醃得非常入味醬油味道比較濃但不會太咸 擠了點檸檬汁更好味餃子年糕湯上桌時還是滾燙的狀態 讓人充滿食慾一鍋有五隻韓式餃子 非常飽滿還有好多煙韌的年糕片湯底比較清 喝完都沒有負擔感海鮮蔥餅超大一份 裡面有蔥 蝦 魷魚蔥餅偏厚 口感紥實 有多幾個朋友分享會更好辛辣麵純粹想吃點辣的所以點了這個辛辣麵一定好吃呀 吸了湯汁的雞蛋是重點