李家 (山林道)

营业中

休息中

前日開始，個個都去旅行，唔通個個都想去旅行咩？（老闆，我真係無話想飛⋯住🙈）未有得飛去韓國食，係香港都揾到韓味！李家係其中一間始祖級嘅韓式炸雞專門店，佢嘅原味同甜辣炸雞已經食過無數次，絕對有品質保證！大概五點幾就肚餓要揾食，好彩walk-in有位，坐咗一陣就已經陸續坐滿，再一次説明咗星期六晚book枱嘅重要性！醬油炸雞（$178）用咗原隻炸雞再切件，所以只提供有骨版，但有骨咬反而過癮！呢款炸雞只有裹薄粉再炸到脆脆，一上枱醬油好香，入口係微鹹加甜味，係食到停唔到口嘅味道！香辣蝸肉雜錦冷麵（$188）原本想食水冷麵但晚市無供應，所以叫咗另一款冷麵。份量唔少嘅蝸牛肉加上蔥絲同蘿蔔絲，同素麵撈勻食，口感濕潤又豐富，仲有青瓜同蘋果片嘅甜味中和返辣味！Apple Cider Rita（$88）食韓式嘢忍唔住叫咗杯倒插cocktail，一枝apple cider 加上沙冰，唔止可以打卡，仲非常好飲！總括嚟講，今餐幾有驚喜，平時諗住食韓式嘢一定會叫少少熱氣嘅炸雞，估唔到仲有其他甘特別又好味嘅菜式，可以推薦俾朋友！

香港疫情降溫，特區政府更改了入境政策，由9月26日起生效為0+3。韓國亦全面開放，無需隔離入境，現在機票還貴，朋友建議去食韓式炸雞，我們便當預先去韓國食炸雞。我們柯打了主角“韓式（無骨）蜂蜜大蒜炸🐔”是蜜糖味，但是都好sweet和鬆脆。邪惡嘅芝士雞蛋捲，我鍾意食芝士，最好食是芝士🐔蛋捲。年糕餃子湯，味道非常鹹。海鮮薄餅，配料少。飲品方面，有藍色梳打、西柚梳打和蘋果梳打，顏色好colorful，說是水果茶，但是沒有水果味，但是好sweet。整體味道一般。

燒五花腩肉 實質係 煙鴨胸！初入口以為自己見識少 點知食落個feel 有少少似 叉燒本身以為係 燒肉個種五花肉-炸雞 叫左個半半（原味/甜辣）切口奇怪 會刺痛口腔原味有少少spicy建議唔好叫有骨 體驗真的很有差 -牛肉炒粉絲 比較好的一個菜式 一來到幾香勁大碟..應該4人份量但細份一點 麻油多點比較好埋單700$^ 唔會再黎If you want to taste a korea fried chicken This restaurant is not bad but not good in also Checkout 700$^ wouldn’t come againYou need choose more to compare

今日去預約尖沙咀李家食晚飯叫左3樣嘢食 一半原味一半甜辣炸雞(味道吾錯)牛肉炒粉絲 大份又多牛肉最後一樣叫左燒五花腩肉 簡直係伏伏伏大伏呀！ 味道根本係煙鴨胸 啲肉勁乾身心諗以為自己叫左煙鴨胸呀！救命

《李家》放假帶媽咪食下韓國野。想食炸雞，好自然一定諗起《李家》老字號啦。唔覺唔覺，叫到成枱都係雞😂前菜係超入味酸蘿蔔同椰菜沙律。［半半炸雞 - 蜂蜜蒜蓉/甜辣炸雞］「嘩，好大份喎😂😂」份量比想像中多。雖然係叫有骨雞，但食落口都係啖啖肉架。雞炸到金金黃黃，但雞肉仍然好嫩滑。蜂蜜蒜蓉，外層醬汁甜甜鹹鹹，調味剛好，仲有大大細細炸過既蒜蓉粒。甜辣，辣味唔會太勁，但就會好惹味。相比原味，我比較喜歡食呢類型炸雞，因為無咁乾食😆［蔘雞湯］韓國另一出名梗係人蔘雞啦。超大隻雞！用幼雞熬成，配以人蔘、紅棗、糯米等。雞肉仍然好滑，湯就好濃滑，糯米增加口感。我又撈哂成碗白飯⋯🤪［Rainbow Soda］7種顏色，7種味道。今次㨂左綠色蘋果同紅色西柚。食完炸雞飲返啖果味soda，爽呀😌

喺尖沙咀每次想食韓式炸雞，首選一定係李家 @leegachicken_hk佢啲嘢食簡直係我心目中 #Comfortfood 排行榜頭幾位 😋🍗 #原味無骨炸雞（1隻） HKD 178每次一定要叫一份，份量十足，佢好體貼有得揀要唔要有骨，我哋呢啲懶人就揀無骨，炸雞即叫即炸，外皮香脆就一定，但係佢食落唔油膩，雞肉嫩滑有肉汁，唔會因為炸過而又乾又柴，呢樣就見真功夫，一件接一件咁食，一隻都好快食晒！🥰🥰🥰🥰🥰🧀🍳 #芝士雞蛋卷 HKD 128一上枱就已經俾佢個賣相吸引住，大大條蛋卷上面唧滿茄汁同芥辣，入面充滿芝士拉絲，食落口勁滿足，呢道菜簡直係邪惡嘅代表作😍😍😍😍😍🥩🍜 #牛肉炒粉絲 HKD 158味道係正宗韓國味，鑊氣勁夠，一上枱嗰陣香味撲鼻令人食慾大增，配菜份量十足，尤其是牛肉，炒得香得嚟仍然保持肉汁，好食到停唔到口🤩🤩🤩🤩🤩

突然好想食炸雞，諗起之前食過一間好好味，於是約埋朋友去。炸雞有好多唔同口味包括原味，甜辣，醬油同芝士等等，好多款都好吸引。最後同朋友揀咗自選半半炸雞，就可以試2隻味。~~炸雞叫咗芝士調味炸雞同醬油炸雞，因為即叫即整，大約等咗15分鐘。炸雞就新鮮滾熱辣送到嚟。炸雞食落熱辣辣。雞炸得好脆，雞肉好嫩滑。芝士調味炸雞上面鋪滿芝士粉，好重芝士味，好正。~~牛膝骨湯 (跟飯)之前嚟好似冇，今次多咗好多主食選擇。湯飯都有幾款包括蔘雞湯，牛雜湯同豬肉湯等等。送上來嗰陣好熱，賣相都好靚，有好多蛋花。個湯清清地，有d藥材味。牛膝骨份量都算多。

又嚟到開心星期五，食返𝗱 𝗷𝘂𝗻𝗸 𝗳𝗼𝗼𝗱開心下先，平時外賣食李家🥡就多，今次就同一齊嚟食先🍗原味無骨炸雞（1隻）𝗵𝗸𝗱$𝟭𝟳𝟴今次照舊一定係食無骨炸雞（另有有骨）卜卜脆唔乾身，真係1隻好快消滅晒😱🍗牛肉炒粉絲 𝗵𝗸𝗱$𝟭𝟱𝟴牛肉份量都幾多，夠鑊氣，牛肉唔老，配菜份量都十足菜、菇🍄、勁多洋蔥🧅味道啱啱好，韓國既味道啊🇰🇷🍗芝士雞蛋卷 𝗵𝗸𝗱$𝟭𝟮𝟴呢個係嚟李家𝗺𝘂𝘀𝘁叫！蛋卷入面既芝士拉絲～～～超正🤤食完好滿足❤️有小朋友既一定要食❤️Overall嚟講中意食炸雞🍗點可以唔試下李家如果大家中意俾個like支持下🤟🏽 𝗖𝗶𝗮𝗼~🍗李家 (山林道) (尖沙咀)🍗尖沙咀山林道54-56號利雅商業大廈地下2號舖

呢間嘢真係勁多朋友推介😍😍🔥炸雞完全係出晒名好食🔥一入到店入邊就完全比嘢食嘅香味吸引住😳 勁厚肉 除咗炸雞入邊嘅芝士雞蛋卷都勁重芝士好適合我依啲芝士愛好者

因為其他係尖沙咀既炸雞店都無得book既緣故而再一次短時間內回頭食夜晚既李家炸雞，希望今次佢地唔好再次出現人多混亂。今次抵達時都快手無出現上次既入座安排混亂，今次叫左未食過既野，同一間餐廳嘗試下其他菜都似去左唔同餐廳咁幾好架。【 蜂蜜蒜蓉無骨炸雞+辣咖哩味無骨炸雞】$226味道兩隻都ok又好脆身，但食食下發有個問題，就係成口粉好口乾有點難繼續吃下去。好彩小編同友人以下另一樣有點既係有甜辣湯，可濕濕口balance 返個乾感！【 酥炸魷魚鬚+年糕湯套餐】$158小編好中此食炸魷魚酥，呢個超脆好好食！不過今晚個mvp，年糕質感煙煙韌韌，甜辣醬味道恰到好處，如果冇咗呢一個汁係絕對食唔到頭先嘅炸雞同酥炸魷魚！👍🏻❤️分數：（10分滿分💛）味道：7.5價錢：7環境服務：7（以上評分只是小編個人口味而已）

提前预约了位子就没有等位，但这家人真的很多。用餐时间90分钟从入座开始算。炸鸡真的很好吃!原味很香脆，甜辣口的吃到后面会有一丢丢腻。分量OK，四个人均下来每个人能吃三块。芝士猪骨也很nice，就是芝士要赶快卷，不然粘锅了。就是价位略贵，不能理解炸鸡和炒年糕一个价呃呃四个人人均120hkd

******************************食物s：(設加一服務費)🍗半半炸雞 ($168)食韓國菜點可以唔點炸雞呢❓好貪心咁想試多款口味 所以揀咗"半半"有一半原味同一半甜辣口味呢度嘅炸雞真係好有水準 外層炸得香脆 口感一流內層鎖得住肉汁 肉質又唔會鞋特別鐘意甜辣炸雞 甜甜辣辣咁 超級惹味呢❣️🦑酥炸魷魚鬚+年糕湯套餐 ($158)呢個套餐真係超級抵食❣️有大大碟炸魷魚鬚 仲有跟一碗年糕湯年糕湯係典型韓式甜辣風味 都幾辣下不過辣得好過癮 索住鼻水咁食 好正呀🤣年糕口感夠煙韌 索埋年糕湯汁好入味炸魷魚鬚新鮮炸起 夠晒熱同脆調味亦好充足 點埋沙律醬食真係一大享受特別鍾意食個頭 好有咬口呢碟實在太啱我口味 食到停唔到口😋🧀芝士雞蛋卷 ($128)呢個蛋卷又係不得了❣️份量十足 賣相又靚一切開 就瘋狂拉絲 拉到企埋起身都未肯斷🙈最後頂唔順一野剪斷咗佢🤣 連隻碟都一大PAT芝士 勁邪惡呀🤪其實我係今次係第一次食韓式蛋卷估唔到原來咁好食 蛋卷煎得夠熱蛋香味十足 食落係實實在在嘅雞蛋感覺面上淋上多重醬汁 甜甜哋同個蛋卷十分夾😍🐷燒五花腩肉 ($198)繼續重口味之選😛五花腩個邊燒得好香脆

呢間炸雞鋪有幾間分店，小有名氣，今次就試吓尖沙咀店質素如何！尖沙咀店環境一般，傳統小店嘅感覺🤔食物選擇都幾多，好多嘢都想試🤣晏晝仲有lunch set添！不過我哋想試嘅嘢lunch冇，所以我哋都係散叫返💁🏻‍♀️=====================🍗半甜辣炸雞隻 $84因為lunch叫炸雞有平🤓我哋叫咗半份，呢個價錢係幾抵！不過個人覺得啲醬太多，有少少咸，但單論炸雞係炸得唔錯的，唔會話太乾💁🏻‍♀️🧀芝士雞蛋卷 $128見到好多人叫呢個，亦有好多推薦，於是我哋都叫嚟試吓，點知嚟到見到勁大份🤯外面層雞蛋幾軟熟，唔會煮得太熟太老，入面就有勁多芝士，真係可以拉絲😂但缺點係太滯啦，兩個人share都搞唔掂🤰🏻🦑酥炸魷魚鬚＋年糕湯套餐 $158呢個組合個人覺得幾有趣～魷魚鬚係成隻上，要自己剪💁🏻‍♀️炸得唔錯，魷魚唔韌而且幾彈牙，年糕味道就普普通通，都算煙韌，個汁仲可以用嚟蘸魷魚，幾好食🤤=====================總體嚟講，個人覺得整體味道不錯👍🏻平均百幾蚊一份尚算合理，而且都真係幾大份！魷魚鬚同雞蛋卷都可以試，不過後者建議多啲人share🤣但呢度嘅服務同衛生麻麻，希望下次嚟有改

李家 (山林道)最近嚟開尖沙咀，就嚟到哩間一直想試嘅韓式餐廳。哩度環境寬敞，背景一直播住韓國音樂，氣氛唔錯。-------------------------蜂蜜大蒜炸雞 (半隻) $108滿滿嘅蜂蜜醬沾滿咗每一舊雞塊，唔會太甜加埋原粒大蒜，甜得嚟又有淺淺蒜味，味道幾夾👍炸粉一啲都唔厚，炸得好薄脆，雞肉又保持到水潤，好食芝士味炸雞 (半隻) $108本身炸得夠香脆，加埋乾身嘅芝士粉，更加能夠保持到炸雞嘅脆度而哩款芝士味道似曾相識，食落好似平時韓式芝士麵果隻味道，帶有少許辣味，好惹味牛膝骨湯 $178平時比較少見牛膝骨湯，今次都係第一次試，本來以為會原舊牛膝骨上菜，但原來成碗都係牛膝肉連牛膝筋，唔會食到好呢hea 牛膝筋幾有嚼勁，感覺有豐富嘅骨膠原牛膝湯底呈雪白色，飲落牛骨味香濃配多碗白飯，做湯飯一流蘋果梳打 $38蘋果味梳打清新解渴，配炸雞唔錯士多啤梨梳打 $38每次叫士多啤梨味飲品都好驚係藥水味，哩杯士多啤梨好正常，鍾意👍-------------------------哩度有好多款唔同口味嘅炸雞，今次想試多啲口味揀左半半炸雞，仲可以因應自己喜好有得揀有骨同無骨。份量幾多，好啱成班朋

李家係來自韓國嘅過冮龍，被稱為香港第一代嘅炸雞店🍗 佢地總共有五間分店，主打韓國小菜，炸雞、石鍋飯、拌面等等應有盡有🇰🇷 店舖裡面嘅裝潢比較家庭式，而且會長期播著Kpop，真係好似置身於韓國咁🥰Chicken HOF & Soju is a chain from Korea which supposedly was the first generation of fried chicken shop in hk. Apart from fried chicken, they also offer a variety of Korean dishes. Kpop was on blast the whole time and it really felt like we were in a Korean street shop.坐低之後店員就即刻上左碟醃蘿蔔同椰菜沙律，可以當開胃菜或者留返等陣用黎解膩都得😎Pickled radish and cabbage salad was provided as appetisers which you can have later to clea