木玥巷 (已結業)

聽聞「木玥巷」在屯門已經有總店，現在在元朗開店，應該是受歡迎才擴展業務，所以決定到元朗分店一試。這餐廳是食台灣菜，牛肉麵是我的至愛，去到每間台灣餐廳必試。招牌紅燒牛肉麵 $96 (8/10)很豐盛啊！有薄切牛肉片、牛筋、牛展，全部煮得鬆軟淋身，配上紅白蘿白，清甜，但建議再可入味，還有擺盤上犯規的風琴豆腐串，炸得脆卜卜，吸收牛肉湯一流。主菜還點了海鮮炒麵 $98 (8/10)麵是幼身，海鮮有大蝦、墨魚仔、蜆仔，用上惹味醬油，不自覺食完一口又一口。桂花梨黑醋骨 $84 (10/10)店員跟我介紹是這裡的名菜。黑醋骨入味鬆化，配上陣陣桂香花的蜜梨，一口骨一口梨，非常搭配。大家記得點水果茶呀，so fresh ，十分醒胃，消膩最佳之選！整體來講，我會再次光臨「木玥巷」，因為太耐沒有去台灣了，在這裡望梅止渴，也很滿足！

屯門名店木玥巷喺元朗開分店🤩🍑琥珀合桃餐廳送既，脆卜卜咁好正。🍑煎元貝干貝醬炒飯有三大粒煎得好靚既干貝，望個樣都知碟飯炒得靚。食落當然係粒粒分明啦，啲飯仲幾彈牙🤤估唔到小店都炒得咁有鑊氣。重口味人士覺得可以再咸小小。🍑鳳梨糖醋咕嚕肉賣相好靚，炸得夠脆，酸甜度適中。一碟有成15-20粒肉，好抵食啊。🍑金沙蝦球份量驚人，有8隻巨型蝦，外層沾滿上咸蛋黃，好吸引。始終蛋黃會比較易膩，三個人share就啱啱好喇。

喺朗屏站附近嘅呢間小店，不時經過都見門口有唔少人排緊隊。餐廳唔算好大，不過座位都算坐得舒服。食品以台灣主菜同小食為主，飲品方面都有水果茶類同一d手工啤。鳳梨蝦球🍤賣相正常，但口入反而好有驚喜。小食嚟講份量十分夠，每粒蝦球大大粒都平均地沾上沙律醬，又幾有鮮味，配上相當醒胃。木玥招牌紅燒牛肉麵🍜賣相唔錯，牛肉同湯料份量都鋪好足夠鋪滿左碗面。牛肉軟韌度適中，麵質都唔會太淋。另外面頭嘅豆卜幾特別，係乾身脆口果款，店員都建議可浸湯食。塔香香辣牛肉炒飯🍛炒飯上碟時熱辣辣，炒得夠火喉香口，望落炒飯嘅餸料同飯夠粒粒分明亦唔會過多飯而冇料。水果茶🍹餐飲分別叫左木玥黃金水果茶同橙汁水果茶，兩杯都幾有心思，用咗唔同水果砌得幾靚。呢度幾適合一家幾口嚟食餐台式便飯嘅好地方，但係如果想一班朋友慢慢傾計咁食就未必合適，因為佢地得90分鐘嘅用餐時間。

元朗咁多間「台灣嘢」最正係呢間，平時都幾多人，所以趁今日放假早少少嚟，木系裝修，幾靚幾舒服，而且衛生好好～每枱都會serve呢個蜜糖芝麻核桃小食，好好味！呢度嘅飲品經常出現係元朗街坊group，聽講唔飲過唔打過卡唔算嚟過木玥巷～水果茶超級巨型，想無糖嘅就飲白桃烏龍茶啦！賣相好靚，成杯mocktail咁。水果茶好足料架！飲落唔係好甜。一場嚟到好想食啲出名冇嘅台式料理。今次試下叫咗虱目魚，乾炸到卜卜脆嘅外皮，入面啲肉仲好嫩滑。味道我比滿分，唯獨份量唔多，圍返起貴咗少少，風味嘢，我都明白嘅。塔香香辣牛肉飯。呢個就超大碟！熱焫焫上碟，九層塔味好香。去到小店食炒嘢，成日會遇到炒得唔夠鑊氣，但呢度真心係好食，飯粒粒都乾身㗎！我就要咗呢個蟹肉金絲炒新竹米粉。呢個都係炒得好靚仔，新竹米粉嘅彈牙感keep到，炒得條條分明唔油膩。蟹肉都幾多，上等之作。怪唔得咁多人食從來唔告急，原來咁高質！值得一試！！BTW服務都好好！加油！！

今日相約朋友黎咗「木玥巷」度食晚餐，我地兩個叫咗鹽酥雞、桂花梨黑醋骨、蟹肉金絲炒新竹米粉，另外飲品就叫咗西抽百香果茶及波蘿百香果茶。鹽酥雞全部大大件，外邊香脆，內裡鮮嫩，而且感覺不會好油，配合甜甜的醬汁，令人再三回味。至於黑醋骨也做得十分惹味，不過個人覺得醬汁稍為甜了一點，連吃幾件會有點膩，不過吃返件隨碟附上清香的梨，又剛剛好中和了膩的感覺。炒新竹米粉上桌第一個感覺賣相一般，但食下去原來發覺蟹肉非常多，幾乎每一口也吃到蟹肉，幼幼的米粉不單不會炒到油膩，相反感覺十分清爽可口，可用實而不華來形容。至於兩杯果茶香甜美味，而且超級大杯，在炎炎夏日正好，不會有唔夠喉的感覺，這一用心制作的小店絕對值得一試再。

講真，🍎黃蘋果來元朗嘅次數⋯好似5隻手指數得晒🤚🏻今次難得入元朗朗屏～就係為咗一試木玥巷·係嘅，想食台式小食的而且確好多地方都有而木玥巷嘅主食又有少少唔一樣撇除普遍嘅紅燒牛肉麵同埋鹽酥雞外🍎黃蘋果就覺得木玥巷嘅主食帶點點家常嘅味道之餘，店家嘅特色料理都幾吸到我🤩·🦀 蟹肉金絲炒新竹米粉 $96🍚 煎元貝干貝炒飯 $90🦐 金沙蝦球 $92☕️ 台灣手搖焦糖咖啡 $32·主食有：蟹肉金絲炒新竹米粉 &煎元貝干貝炒飯老實講，叫得依兩款主食🍎黃蘋果都驚伏伏地。唔係話間餐廳伏，而係越平凡嘅家常小菜就越難做到出色。好彩依兩款成功ᴘᴀss！先唔講個蟹肉金絲炒新竹米粉，無呃秤，一舊舊蟹肉，多到有啲似雞柳炒飯嘅雞柳咁😂，米粉炒到乾爽彈牙，⭕️油膩感；店家仲加咗啲啲咁多芽菜，增加啲啲口感。味道恰到好處，多一分會鹹，少一分會淡👍🏻·再黎個煎元貝干貝炒飯，鑊氣十足；飯粒粒粒分明，唔會太淋又唔會炒到太乾，閃令令嘅油光包含著飯粒。比起個蟹肉金絲炒新竹米粉，依個炒飯可能個油膩感會多少少咁大把，但炒飯哎，唔係要求無油下嘛😂。元貝有3大粒，唔駛問～睇相都知佢地口感有幾Q，外圍稍微煎香一下，更突出多種口感。·係～我承認，個

上次去屯門探朋友佢帶咗我黎呢間虹橋隱世台灣菜食lunch，估唔到竟然係元朗開左分店！😱 今日就同男友去試下，我地叫咗午市鳳梨糖醋咕嚕肉飯(少飯)同埋蟹肉金絲炒新竹米粉，另外加咗個蜂蜜冰烤地瓜同埋一杯木玥黃金水果茶～嘢食係即叫即整，不過即使係午市繁忙時間，上菜速度都幾快👍鳳梨糖醋咕嚕肉新鮮熱辣外層香脆😋我一向都好鍾意食咕嚕呢種酸酸味味嘅嘢，呢度都整得好出色👏 仲有啲鳳梨超級甜超級多汁！！😍伴碟嘅茄子有啲似日式醬油味，好入味，送飯一流👍蟹肉金絲炒新竹米粉黎到果陣出晒煙😁金黃色賣相吸引，蟹肉份量都唔少，食到少少蛋黃香味，米粉爽口，非常唔錯😊冰烤地瓜好夠甜，夏天食透心涼，做飯後甜品一流🤣不過我自己覺得本身地瓜已經夠甜，同埋蜂蜜有少少搶左本身地瓜既味道，如果蜂蜜係另上就更好啦🙊木玥黃金水果茶雖然話係鳳梨同百香果，但係其實都有西柚喺裏面😙 超大杯超靚，飲落超級香！勁多生果口感豐富😋呢間分店唔知係咪大啲所以選擇好似多過屯門店🤔下次要試又係my favourite既黑醋骨😍😍

因為疫情，已經兩年冇去台灣啦，朋友推介呢間台灣餐廳，唔使去到台灣都可以食到正宗嘅台灣菜，一解相思之愁～🍚 煎元貝干貝醬炒飯 $90三大隻元貝，啖啖肉，絕對係材料十足，元貝鮮嫩多汁，加上干貝醬、鮮蘆筍、雞蛋，炒出嚟嘅飯香口，值得一試🤩🐖 黯然銷魂安格斯滷肉飯 $86一攞上嚟就聞到香濃嘅滷肉味，肉質入口即溶，配上黃金邊嘅蛋，半熟嘅蛋汁加埋新鮮爽脆嘅蘆筍，仲有泡菜撈埋一齊食，真係令人食慾大開，停唔到口，好似個名咁令人黯然銷魂🥰🐓 鹽酥炸春雞 $108係原隻雞，大大隻，外表金黃酥脆、香味四溢，肉質鮮甜夠入味👍🏻🫐 藍莓多多綠茶 $32清新嘅藍莓香味掩蓋咗澀澀嘅茶味，香甜可口，健康有益～🍵 黑糖茉莉花冬瓜茶 $32濃郁嘅黑糖加上清新嘅茉莉花，仲有冬瓜茶，配搭一流，口齒留香，飲咗之後成個人都醒晒琥珀核桃 $0免費嘅前菜🥰朋友果然冇介紹錯，坐喺高腳凳、落地玻璃，望住出邊咁食台式美食，感覺自己而家好似身處台灣咁，有下次💯

「元朗食好西」~台灣篇屯門《木玥巷》 最近殺入元朗😚西鐵朗屏站 富來花園地下 方便就腳👍木系主色調裝橫🪵 落地玻璃窗設計 令店內透光度十足😚#紅燒牛肉麵Woo~~好大方 有四至五塊大牛展鋪喺面 厚切軟腍 筋位部分均勻 咬落軟QQ🤤紅白配蘿蔔軟身 亦保持本身原味道 👍湯底口味温和 帶有甜甜蘿蔔味🥕🥕加埋頂碟酸菜撈埋食 份外滋味😋#黯然銷魂安格斯鹵水肉飯 半肥瘦帶有甜甜鹵水汁粒粒牛牛❤鮮爽露筍 微酸泡菜 加埋隻太陽蛋撈勻大啖大啖食 唔黯然但銷魂~~😆#宜蘭三星蔥餡餅煎到兩面甘香 三星蔥口味脆香脆香👍#木玥黃金水果茶好大杯🤩 有菠蘿 蘋果 西柚粒粒果香好出 又夠冰涼冰凍 []~(￣▽￣)~* 干杯#白桃桂花烏龍清茶🍑味👌 搽底好清香👍另外每個套餐 有一碟滷得入味涼件茄瓜👍

好多朋友介紹我食屯門店，但對我嚟講就太就腳，朗屏呢間分店近西鐵站相對方便好多🌟蟹肉金絲炒新竹米粉 ，蟹肉同瑤柱均勻分布成碟米粉，金黃色嘅米絲炒得乾身有鑊氣，加上銀芽更添清爽口感🌟蒼蠅頭配刈包 ，成日聽到刈包，第一次食，食落係超軟熟版嘅饅頭，叫蒼蠅頭其實係因為加咗黑豆豉，除咗呢樣，主要材料仲有豬肉碎、韮菜同少少辣椒🌶️食哂刈包，蒼蠅頭都有一半剩，就索性撈落米粉一齊食🌟白飯配三杯皮蛋雞 ，呢個超濃味必須佐飯食，皮蛋切成4瓣，雞肉外皮炸到好脆口，每舊雞肉都沾滿濃味嘅三杯醬汁，加上九層塔嘅香氣撲鼻，超好味總結🌸鋪頭因爲格局問題，部分座位偏窄，不過以呢個價錢食到高質美食，就算坐得逼少少，都收貨嘅～

環境：新式的台灣牛肉麵店裝潢，座位舒適，地方乾淨服務：正常的服務，侍應好像相當忙碌！選擇適中，比一般牛肉麵店多出不少，最正是有炒飯跟小菜，不用吃來吃去都那幾道食物：一份$96 招牌牛肉麵，有兩大塊炆至入口即溶的牛𦟌，兩大塊牛筋，一大件蘿蔔跟甘荀，超甜無渣，加上一塊自家製炸豆乾，正！湯底非常濃縮, 牛骨味更是香濃！蒼蠅頭配刈包$78以生菜包形式的肉碎配上超鬆軟刈包，味道一流，份量很多刈包皮薄細塊，適合進食份量細的女士淺嚐！桂花梨黑酣骨$86意想不到的爽脆，黑醋上色非常均勻，表面爽脆裡面柔軟，配醃蘋果肉不會覺膩。中菜館級數炸物拼盤$48有鹽酥雞，鹽酥菇，豆角跟魚餅，調味濃郁，不俗超大杯的黃金水果茶＄３８有普通餐廳的兩倍大！內含超大量鳳梨跟百香果，甜中帶酸非常開胃，怎喝都喝不完！燙青菜＄６０份量大，但比較普通，纖維很多的一道青菜

Winter melon with lemon tea 冬瓜蜜檸檬紅茶☕️🍋 $32冬瓜紅茶雖然味道偏甜，但係底下有少少紅棗可以補血好健康，配埋酸酸地嘅檸檬味同清涼嘅冬瓜係完美嘅配合👍🏻，好有正宗台灣菜嘅味道啊Osmanthus Oolong peach tea白桃桂花烏龍清茶 🍑 $32烏龍清茶果然好健康，有淡淡的白桃香味完全冇甜味，絕對係冰凍嘅烏龍茶🧊，用嚟夾味道偏鹹嘅台灣菜啱啱好，啱晒注重健康嘅朋友蜂蜜冰烤地瓜 🍯🍠 $42呢款係舖頭熱賣嘅小食之一，傳統嘅台灣地瓜外面包着一層滋潤嘅蜂蜜，痴痴地甜甜地好有口感，配埋粉嫩又熱辣辣嘅地瓜，真係唔錯嘅組合🙌🏻煎元貝干貝醬炒飯 🐚🍛 $90上面放咗三大粒香噴噴啱啱燒完嘅元貝吸引到流晒口水🤤，元貝非常鮮甜，而炒飯入邊就有新鮮菜心粒、蔥花、雞蛋花🍳、元貝絲等等，口感層次豐富得來又唔會太咸，值得推介蟹肉金絲炒新竹米粉 🦀🍝 $96呢個炒新竹米粉夾配搭又幾特別喎，入面有超級多鮮甜嘅蟹肉好足料😋配埋免頭嘅芫荽、芽菜絲、洋蔥🧅一齊炒，簡單得來已經好好食，係飽肚又滿足嘅菜式

呢間小店比住係元朗嘅朋友經常推薦！而佢嘅位置係正天橋下面⋯⋯好方便！入面座位數量都大概有20個⋯⋯眼見好多女性客人都ORDER麻辣鴨血寬粉而我都想試下！《麻辣鴨血寬粉》$65佢地又真係好吸引！因為面頭有數舊大鴨血同蜂巢豆腐再加上大量芽菜！睇佢個湯好濃稠，而且唔太多油浮面，感覺比較健康☺️鴨血非常厚身，而且味道好好😋 蜂巢豆腐嘅用途係用黎索晒啲湯汁，真無正！寬粉份量都唔少！都OK索到湯汁！雖然佢係麻辣鴨血寬粉，但麻辣嘅程度係BBBB辣，佢係香多過辣⋯⋯所以唔太食得辣既朋友仔都都食到☺️《紅燒牛肉麵》$68上枱佢唔算好濃郁，湯頭清清地都飲到牛肉味牛𦟌數量唔少，厚身得黎又軟腍，好足料😍但略嫌麵質唔夠彈牙～比起其他地方嘅紅燒牛肉麵，呢度真係清甜D紅、白蘿蔔都好清甜，好味《鹽酥雞》$46真係對佢冇抵抗力嘅一樣台灣小食！呢度嘅雞肉鮮嫩多汁厚實嫩滑，外面嘅炸粉好薄⋯⋯唔會食到成口都係粉❤️《金沙抹茶奶泡》$32店方好似話來貨問題而冇左面頭果層CREAM～·我是冇所謂的😂抹茶味OK濃得嚟係唔錯嘅，igable!!《白桃桂花烏龍清茶》$32店員話佢係無糖的，我覺得唔錯呀！夠晒健康，又可以飲到佢嘅清香

鋪面不大的橋底台式餐廳，除了鹽酥雞、牛肉麵這些經典主食，今次特色料理也有驚喜。-蒼蠅頭配刈包 （$78）: 以韭菜、豬肉等材料切成小粒的蒼蠅頭，味道惹味而不辣，配上刈包，味道非常配合。蒼蠅頭用來撈飯、撈麵都一流，我就這樣撈住食，自製三食。-桂花梨黑醋骨 （$86）: 黑醋汁調較得宜，不會過酸或過咸，桂花梨粒鮮甜，一口骨一口梨夠開胃。-蟹肉金絲炒新竹米粉（$96）: 米粉炒得夠乾身，不油膩，還有真蟹肉，誠意十足。-木玥招牌水果茶 、木玥柳橙水果茶 （各$38）包含西柚/柳橙汁及百香果，有一粒粒真果肉。餐廳用上高身玻璃杯，容量顯得更震撼，解渴醒神！

蟹肉金絲炒新竹米粉 💰9️⃣6️⃣新竹米粉比較細身，炒得夠乾爽👍🏻蟹肉份量仲好多再仲加咗芽菜同瑤柱，炒到金金黃黃😋木玥招牌紅燒牛肉麵 💰6️⃣8️⃣當然要飲下湯底先啦，味道好濃郁，麪身好滑又彈牙四大片牛展好厚身燜得夠燜，紅蘿蔔同蘿蔔就真係切得太大嚿啦🤣鹽酥雞 💰4️⃣6️⃣外皮炸得夠酥脆，肉質夠juicy台灣手搖焦糖咖啡 跟餐加💰2️⃣8️⃣依家好餐廳保留手搖做飲品咖啡味香濃，加入焦糖有多一種層次，又唔會太甜木玥黃金水果茶 跟餐加💰2️⃣8️⃣（鳳梨+百香果）水果茶超大杯，有好多果肉，味道酸酸甜甜好開胃🎈木玥巷🎈元朗媽橫路9號富來花園地下17-18號舖