木屋大排檔

营业中

休息中

呢日收工同屋企人去太和中心附近搵食， 以前 太和中心呢度車房林立， 依家變咗好多餐廳， 我哋發現有間新嘅泰國餐廳， 於是同屋企人試試， 疫症期間入餐廳前要量體溫， 餐枱與路口位之間有一塊膠板做阻隔。 泰式炒肉鬆呢度嘅肉鬆可以揀辣或者唔辣， 我哋揀咗辣， 辣嘅程度大概中小辣， 肉鬆炒得好香， 泰式香料嘅味道好豐富， 有洋蔥，九層塔，青檸等嘅味道， 如果唔夠生菜可以再添加。泰北沙嗲串燒拼盤拼盤有豬柳串， 雞肉串，牛肉串和豬頸肉切片， 配一個泰式辣汁和沙嗲汁， 泰式辣汁酸酸地辣辣地， 沙爹汁有花生和黃薑嘅香味， 肉類方面， 醃肉嘅味道調教方面做得唔錯， 味道啱啱好配埋個醬汁都唔會過咸， 串燒有焦香味。菠蘿虎蝦炒飯原隻菠蘿配上兩隻大虎蝦和串燒菠蘿， 上碟好有氣勢， 大虎蝦嘅肉質夠實， 炒飯用黃薑， 雞肉，提子乾，粟米等炒， 幾惹味， 旁邊仲有肉鬆和甜酸醬， 拌飯一齊食有多重口味。

唔好見佢寫係大排檔其實係泰國菜😳雖然位置較隱蔽但座無虛席😳都幾受街坊歡迎😳首先想讚下呢度既職員服務態度好好兼細心😳👍不時觀察到我地既需要斟水送消毒紙巾等🙆🏻‍♀️唔錯😳野食方面有好多選擇😽最後嗌佐青咖喱牛腩、細小食拼盤、泰式墨魚脆豆卜、鮮蝦炒金邊粉同埋一碗白飯😋嗌咁多兩個人食真係好飽😂首先青咖喱牛腩，可以加錢要薄餅or法包😳但我個晚想食咖喱飯😂於是要佐碗白飯，碗白飯份量都幾足好大碗👍咖喱辣度對於我黎講岩岩好，唔會feel唔到辣度or辣到食唔到，食到滑同香濃既椰汁，細細平嘗有少少甜味😋牛腩依然keep到佢個香味，唔會俾咖喱kum過🤤成日覺得咖喱牛腩呢個配搭好match😂😂泰式墨魚脆豆卜係menu見到係佢地既推介，果然冇令到我地失望😳佢有配甜酸醬，好脆😳食到魷魚係當中既鮮味，係一款唔錯既小食🤔另外小食拼盤，有四款唔同既小食各兩件，每一樣都好味口感豐富😋調味輕手，食到內陷既味道👍我最中意個庶蝦（記得食到最後咬埋個棍，有驚喜😂）到金邊粉，佢地好細心地將青檸片同辣椒粉擺係側邊按自己既喜好撈埋佢😋其實未撈之前我已經覺得好好味😳淡淡既甜味同金邊粉獨有既香味😋很開胃。食到中間我地開始撈埋側邊既辣椒粉，仲

放假朋友帶我食好嘢😋平時都有去大埔食吓野今次帶咗我去太和中心木屋大排檔最初以真係去露天果種原來係一間裝修得好有東南風情的泰菜餐廳。防疫工作也做得非常好，除了量體溫🤒️搓手液還有透明隔板。👍👍👍打開餐牌設計得好有心思和相片清晰鮮明😍選擇多樣樣都好想試😋😋勁爆炒生菜包香辣肉碎非常惹味，加上店家秘製醬汁生菜包住食令口感豐富😋😋木屋泰式手撕雞手撕雞值得一試，雞肉滑嫩之餘，還有好多配菜、紅蘿蔔🥕芹菜、芫荽和海蜇泰式醬汁撈埋一齊酸酸甜甜好開胃😍😍冬陰功明爐烏頭鍾意飲冬陰功湯必食😋😋湯底定冇得輸😍😍烏頭夠厚肉🐟🐟味道鮮甜既可配湯大啖食👍👍蝦頭油蒜茸法包 香濃脆口 啱晒我鐘意食香口野的人👍👍

之前去過太和嘅木船，最近佢哋多一個新分店，就係依間木屋大排檔這一晚是星期五晚，都好多客人，建議要早啲嚟啊餐牌上面食物嘅選擇好多，另外都有兩頁係教大家講泰國話，好搞笑小食拼盤每一樣都係新鮮整起，熱辣辣脆卜卜。食物包括泰式春卷、炸魚餅、雞卷塊、蔗蝦呢個春卷外皮有好幾層，咬落去好香脆蔗蝦都好好味，好香口咖喱同埋法包一齊食非常夾。 青咖喱好香，雞肉好滑，也配有蜜糖豆同埋小茄子。佢哋咖喱你可以講返你想要嘅辣度，我哋叫咗小辣法包好香脆，吸收埋咖喱汁一齊食更好味！香葉肉碎茄子炒得好香，少少辣，配飯食好好味我哋點左一個白飯，本來以為細細碗，點知原來係一大碟，哈哈。絕對夠三個人分享蘋果沙冰用新鮮嘅蘋果榨汁，香甜又冰凍，有依杯沙冰陪住食辣野好爽！這間餐廳質素不錯，值得再次光顧！

平時都知道大埔同埋太和呢邊好多泰國嘢食，好似最近發現呢一間新開嘅木屋大排檔咁樣，外型就真係好有泰國嘅風味，而且裏面嘅裝修都好靚坐得好舒服，所以今次就專誠嚟到呢度試吓呢一間泰國嘢啦。一嚟到都發覺好多人喺度等緊位，全場都坐滿晒，氣氛好好，好多人都係一大班人嚟食，因為泰國嘢啲份量都幾大份。今次叫咗兩杯好有泰國風味嘅嘢飲，第一杯係荔枝沙冰，第二杯就係泰式奶茶，如果係鍾意夏天消暑嘅話，荔枝沙冰係一個唔錯嘅選擇，而鍾意泰國風味嘅朋友仔，可以試吓呢一間嘅泰式奶茶，同喺泰國飲嗰間手標茶係因為好似㗎，好有泰國嘅味道啊。第一個係泰式小食拼盤，有炸蝦啦，炸春卷啦，炸魚餅啊，同埋一個炸蝦球，覺得成個小食拼盤個份量好啱兩個人食，亦都好似每一台都有叫呢一個，味道都係唔差嘅。然後都叫咗呢一個泰式海鮮炒粉絲，海鮮嘅份量好充足，有青口，蝦，魷魚仔等等，然後係用蒜蓉來炒，粉絲好淋好夠蒜蓉味，亦都好清爽所以我都幾推薦大家試吓嘅。然後就叫咗呢一度嘅拿手小菜，咖喱虎蝦，哇，嗰啲虎蝦好大隻㗎，而且好新鮮，配埋個咖喱同薄餅一齊嚟食，真係好好味㗎，如果你嚟食一定要食呢度嘅咖喱，包你食過返尋味😋最後都叫咗一個炭燒豬頸肉，呢一個燒烤係會

餐廳有泰式，大排檔小菜，連甜品都有，總有一樣岩你口味，份量大大份，價錢親民，一定會再食。馬拉盞雞粒炒飯：一碟比我的頭還要大，飯炒的很乾身，碟底沒有太多油，蝦米爆香過令蝦味非常濃郁，還用了豆角洋蔥等等一起炒，口感和香氣都是一流。泰北湯爹串燒併盤：豬頸肉賣相100分，豬肉熟得剛好呈粉紅色，食落果然不錯，爽口又帶甜味，我喜歡沾酸醬，可以化油膩，食多幾片。沙嗲汁令人很驚喜，惹味得來又甜甜的，不會太咸可以整串串燒都沾滿吃。香葉麻婆豆腐：這是fusion菜，泰式與港式混合，意想不到的好吃。平常吃麻婆豆腐主要是吃它的辣味，但加了香葉原來可以增加了味道的層次，令味道更加豐富。豆腐很滑又不會煮得太散，證明廚師手勢很好。

今日來到大埔這間泰國菜餐廳，裝修看來有很多木，果然名副其實是一間「木屋」😜😆先點了一個小食拼盤，炸得不錯👍🏻而且底部有很多沙律菜，很健康後來點了一個椰子雞湯，椰奶味超級濃郁，用料十足，有很多配料，香茅葉，雞肉，秀珍菇和其他配料，十分可口，很香濃，高質足料👍🏻主菜點了豬手，豬手非常大隻，好怕食唔晒😆豬手外皮燒得十分脆，很香口，我想應該是用火槍燒過👍🏻😎中間的脂肪不多，真的是啖啖肉，就算是吃整隻也不覺得很肥膩，肉質很淋，配菜的蝦片也很好吃很香！又點了青檸炸雞，想不到是超級的大份，五十幾元就吃到這個份量和質素，真是非常超值！炸得也很脆很可口！青檸汁配合得很好！很好吃😋非常滿意，下次必定再點士多啤梨特飲（泰公主）非常足料，飲得出是用整個的蘋果和士多啤梨放入冰箱雪凍，再用果肉打出來的沙冰，不是只有糖和香料的假貨，真的是真材實料👍🏻用心之作，抵飲總結大埔美食真的很多，這間的確是是勝價比高又好吃的泰國餐廳😋

住喺大埔嘅朋友話最近屋企附近開咗間新嘅泰國菜，好似都幾吸引，所以今晚就一齊去咗嗰度食飯。間餐廳叫做木屋大排檔，入邊嘅木牆同各種吊燈，都令人好似去咗泰國嗰啲小木屋船屋嘅感覺。以泰國餐廳來講，呢度都算好多種唔同嘅嘢食，個餐牌有BBQ串燒啦、泰式生蝦、泰式海南雞、明爐烤魚、海鮮同炒粉麵等等，花多眼亂，真係睇餐牌都睇咗成10分鐘先揀完。天氣咁熱梗係叫杯泰式奶茶試吓先啦，佢呢度仲有鮮忌廉係面，飲落去真係同泰國嘅一樣，夠甜夠凍仲有佢嗰種獨特嘅奶味，正呀😋😋海鮮咁吸引，本身我哋想叫咖喱軟殼蟹，可惜已經賣晒啦，所以就叫咗呢個咖喱大虎蝦，入邊有四隻大虎蝦，然後我哋仲跟咗一個薄餅點咖喱汁食。你一個真係超推薦！首先個咖喱汁好香好惹味，就算唔食得辣嘅朋友都可以食得好開心，虎蝦比我想像中大隻，放上隻碟度就會睇到真係有我手掌咁大隻㗎。仲要呢度好貼心，蝦背已經開咗邊，唔使用手，只需要用叉同匙羹輕輕一拆，就可以將成條蝦肉出嚟食，點埋咖喱汁啖啖肉真係好好味😍😍另外仲叫咗一個鐵板蠔仔煎蛋，呢個都唔差㗎，入邊都有好多好大隻好肥美嘅蠔仔，而且啲蛋唔會太老，所以都可以一試。最後仲叫咗一個泰式海鮮炒粉絲，呢間鋪頭嘅海鮮菜式都真係

天氣熱到冇心情入廚房玩，就喺附近搵食。泰國菜同呢個天氣好似好夾。點左5款食物，冬陰功湯配野菌蝦，黃咖喱牛腩加薄餅、公車諗覇、燒羊鞍兩支、馬拉盞炒椰菜苗。公車諗覇 個名咁特別，其實係泰式生蝦😄擺盤幾靚，放蝦嘅杯無預先雪過又無放冰，生蝦入口係無雪過嘅感覺🙄冬陰功湯顏色偏紅，以為好辣，原來係少辣帶微酸，飲到底仲覺有少少甜添🤪黄咖喱唔辣好重椰漿味，偏甜，薄餅唔油好食。羊鞍即叫即燒，原味幾香口，仲食到少少羊膻味添。馬拉盞椰菜苗正常冇特別。

大埔嘅泰式餐廳唔算好多，如果要食特色小食同炒粉麵嘅就更加少不過最近發現大埔呢度新開咗間泰式餐廳，鍾意酸酸辣辣嘅我今次同咗屋企人去試下餐牌嘅選擇比想像中多，除咗一般見到嘅小食如米紙卷、串燒等等，仲有好多特色嘅炒粉麵同特飲可以揀軟殼蟹米紙卷食泰國菜我最鍾意叫呢個小食，呢度嘅米紙卷外皮煙韌，唔會太厚，裏面包住滿滿嘅蔬菜同大大件嘅軟殼蟹，配搭酸酸甜甜嘅芒果汁，食落味道清新菠蘿虎蝦炒飯呢個飯一上枱已經好有氣勢，因為係用原隻菠蘿裝住啲炒飯上碟上面有兩隻大大隻嘅虎蝦，同埋一串燒得好香嘅菠蘿炒飯用黃薑粉、提子乾、肉等等去炒，飯粒分明，旁邊仲有啲肉鬆同埋泰式醬，可以加落啲飯度食，加埋醬汁食就會惹味好多泰式海鮮炒粉絲呢款粉絲嘅材料都幾豐富，上面啲海鮮幾乎多到遮住曬啲粉絲用簡單醬汁加上蛋同蔬菜去炒，味道唔太鹹好好食脆爆芒果園天氣太熱，忍唔住叫咗杯特飲試下呢個係用芒果汁調配嘅沙冰底，上面加咗滿滿嘅忌廉，另外仲食到有雪米糍、爆谷等，飲完即刻透心涼呢度嘅食物款式同質素都比想像中好，如果唔食得辣，有啲泰式食物仲可以走辣，非常貼心下次再想食有水準嘅泰國菜，唔使出到九龍咁遠就可以食到

經過呢間新開主打泰式食物嘅餐廳，當然入去試吓味道如何。餐廳環境闊落，有一排向街落地玻璃窗，引入自然光，令人感覺舒服。服務態度良好，食物上枱速度都快。午餐套餐有多款選擇，種類都算多，價錢由$48起，除咗一般嘅冷熱飲品，或特式飲品外，跟餐加$10，亦可轉新鮮椰青。青咖喱煎雞扒配金雀蝦球飯，青咖喱微辣帶椰汁香味，蝦球表面用粗身麵條包裹才炸，炸得香脆唔過火，配上特製醬汁唔會覺得油膩，雞扒都好味，凍奶茶略嫌嚡口唔夠滑，總括唔錯。