有骨氣火煱專門店 (已結業)

今日收工之後同同事們去打邊爐,貪方便訂了有骨氣牛脊肉: 侍應推介,盛惠$148,牛肉片薄得叫救命牛之祭: 盛惠$288,特級雪花肥牛 + 極尚牛柳粒,雪花肥牛沒有給我入口即溶的感覺,反而我覺得好"老",極尚牛柳粒跟一般的牛柳粒口感分別不大小籠包: 是日覺得最好吃的一個火煱料,之前再譚魚頭吃過一次火煱小籠包,但覺得這裡的造工更好,更薄肉汁多而一點也不油膩芝士牛丸,蝦丸:食落去的時候會有芝士汁流出黎,都幾香滑,但係可惜牛丸同蝦丸的製作都超級求其,唔值呢個價總結: 沒有甚麼特別好吃

近日天氣變凉,同女朋友打邊爐,但這次令我們勁失望,長話短說,4項講完.1) $98 任食好普通食物(凍肉店都買倒),好一點食品樣樣同你計.2) 待應拎野食黎之前重係要挖緊鼻 ...3) 荼介$8/位(水都唔比杯),飲品$12/瓶,其它醬料分開計(只提供豉油).4) 再加一服務費.

大伙兒 9人去了這裡的 2/F book左房打邊爐，更有 privacy，同埋有私人電視睇，同專屬侍應哥哥。開左 2個鍋，一個冬陰公and一個木瓜鮮魚湯底。D雪花牛依然好味，不過唔及我係台灣食火鍋 “聚” 的水準，人地平一半的價錢 (約一百元港幣) d牛的質素真係好好多。呢度個 d都有入口好淋的感覺，但係感覺無咁肥美。雖然這裡refill的不是水而是湯，但感覺湯底的味道很淡。人家台灣的用上昆布滋補鍋湯底，味濃得黎不會太過份，反而好味度到讓人很想不停飲個湯底，讓侍應繼續 refill再飲過。有骨氣有兩種丸真係未食過。芝士牛丸同芝士蝦丸。入面個餡真係好熱，灼熟個喉嚨咁濟，一定要灘凍食。仲有墨魚滑，魚餃，雞子 (我唔食的) ，豆腐卜，腐皮，烏冬，etc。有個侍應不停加湯加茶同換 gas 真係夠細心，服務都同台灣個間差唔多。但台灣個間仲有甜品 (沙冰或糖水) 同埋任 refill 的梅子冰，好掛住台灣間火鍋店啊咁抵食，HK 真係食唔到。

好耐以前有去過另外一間"有骨氣"應該o係香港正式引入豬骨煲的時候印象中個豬骨煲都幾好食o的豬骨真係有骨髓吸的湯底仲有蕃茄及粟米幾年後再次幫襯"有骨氣"一路食就一路谷住度氣1) $89 任食好普通食物，正如其他食家所講，好一點食品樣樣同你計.我地兩個人食，order 的食物樣樣只係o黎兩三片，最誇張係碟牛丸，居然o黎三片(已切半的) 牛丸，連一人一粒牛丸都唔比我。喂~ 我比o左錢架wor。油麥菜又比o的爛o既，好彩個女經理經過見到，自動自覺換比我。真係好鬼死激氣!2) 豬骨湯底(少豬骨)，味道難食度爆! 仲要另外比錢。o的豬骨既無骨髓吸，仲肥淋淋，白色浮晒上面阻住晒，見到就唔開胃。咪用匙羹撈走晒的肥膏，仲要叫waiter加滾水先至可以放心淥野。3) 醬料分開計(只提供豉油)，要碟沙茶醬(鬼死o甘細碟收我十蚊)4) 收加一服務費，服務實在o係強差人意。侍應超級hardsell ，好鬼煩，招呼又唔好，加左一次水就唔見左人喇。以後請我都唔黎呀!

曾經, 有骨氣係一間幾有人氣 (唔只骨氣) 的火鍋館!而家, 熱潮過去, 去食都大把位, 難道真係如一眾食家所言, 唔好食?兩個人去食, 用上味道較清的芫茜皮蛋湯底, 但湯底有著香濃的豬骨味, 仲有大量蘿蔔肴製, 骨味之中帶著清甜滋味, 令我一邊灼火鍋配料之餘, 一邊用匙飲湯, 攪到要侍應哥哥係咁加水, 湯好飲, 無辦法啦咁好味的湯底用來煲粟米最好不過, 煲完之後個湯底更甜, 我地兩個好似喺度炮製一煲靚湯多過似打邊爐打邊爐, 最緊要個湯底正, 所以我覺得, 有骨氣係嚟得過!

市度差,但也樣樣計,so bad近日天氣變凉,相約舊朋友食好嘢,但這次令我們勁失望,長話短說,4項講完.1) $89 任食好普通食物(凍肉店都買倒),好一點食品樣樣同你計.2) 湯底有9折,我們選擇豬骨湯底(少豬骨)味道比之前差咗.3) 荼介$8/位(水都唔比杯),飲品$28/瓶,其它醬料分開計(只提供豉油).4) 再加一服務費.

我記得三年前有骨氣是我一個最喜歡的餐廳。我有一段時間沒有去過了，昨天滿懷希望去了，結果徹底失望！！現在有骨氣的質量一年比一年差。食物越來越不新鮮。看到都已經沒胃口。豬骨湯底的料越來越少，但是價錢就越來越貴！部份服務員的質量恨差！慢！說來說去都聽不動你的話，說幾次才拿到想要的東西。大家可以去看看，我相信你去過肯定會贊成我的話。我以後不會考慮再去。

臨去日本前一日, 同埋老婆, 臭mm去左銅鑼灣有骨氣食.....骨氣就無啦, 一肚氣就真 招牌豬骨湯底......好普通, 又係百幾蚊一個, 唔值 我至愛既豆腐......無咩特別, 咪又係豆腐一件囉手打蝦丸.....最好味係呢個......我指係今晚食既野之中.....其實係不過不失咁咋 特級肥牛.........呢個勁啦, $148既價錢, 竟然俾我食到.....特級唔掂既肥牛 有樣俾大家睇, 真係好不知所謂........街邊任食既都隨時好過佢多多聲 呢個.....魚麵真係.....勁.....差.....腥到嘔.........好在係最尾先食, 唔係.....真係咩都唔駛食, 因為落完呢個麵之後, 連個湯底都腥埋 嘩.....白菜....乾呀.........總結: 三個人食, 叫左一支啤酒....埋單$550......仲要埋單時我足足等左20分鐘 大佬呀, 你部卡機壞左關我鬼事咩, 我俾現金ga, 但係都無人理我, 淨係同我講, 部機壞左, 你要埋單就等下啦 咁既服務真係俾鬼去啦

一行4人黎食一餐~咁我又未去過有骨氣,友人提議到, 話ok既,咁就一試啦~我地叫左個唔記得咩湯底... 有少少中藥feel..好啦~聽講佢咩小籠包, 水蒸包好得`~ 咁一定要食..點知, d 水蒸包包.. 散哂....咁之後搵個野整住佢,,冇事, 不過好難食... 裡而甜.出面係中藥lo 完成嚇死個小籠包好一般肥牛結冰..完全夾唔到其他野真係好好好一般,對比起其他打邊爐任食既,,真係選擇唔多..唔會再去!!

過咗中秋依然熱熱熱熱~所以有一排無打邊爐lu~其實火鍋可以話係我嘅最愛，因為最反樸歸真~~啲料靚就已好好味~點啲蝦呀,黑柏葉呀,四寶丸呀咁,因為材料新鮮,蝦好鮮甜,淨係點辣椒豉油都已經好好食! 今次有老人家在場~~所以叫咗個花雕醉雞鍋~湯底有大陣藥材味；但雞味極濃，雞肉唔嚡口~~幾ok!沒有其他店的湯底咁油膩~~落啲蘿蔔呀豆腐呀落去~~蘿蔔滾至半透明~點少少豉油~冇根又清甜有酒香。推介牛滑~~夠牛味又彈牙~仲有四寶丸~~勝在一碟食哂四種丸~味道同賣相唔錯!係飲品貴咗些少~廿幾蚊一酌蔗水!!4個人埋單$606，唔算貴!

星期二同fd補祝生日又想睇家好月圓,醒起有骨氣有Plasma就快快手Book位!果度唔算嘈,又傾到計…先嚟蕃茄豬骨鍋,D蕃茄令個湯好鮮好甜,薯仔夠腍!個湯底唔杰~好味!我哋得三個人,好多嘢想試但係眼闊肚窄~如果每碟嘢有成7-8粒~叫3碟嘢已經飽哂啦!!!於是伙計主動問我哋想唔想拼埋一齊~我哋梗係想! 佢幫我哋將墨丸拼雲吞,花枝拼雞片,咁我哋就可以試多D唔同嘢喇!佢D魚皮餃比出面果D好,賣相靚之餘,好鮮味~唔會似食吹波膠;肥牛切得好薄~灼一灼食得~色澤新鮮之餘,味道亦唔錯~ 白鱔片- 雖然份量少D,但魚塊有光澤~算新鮮花枝片-爽口彈牙~下次會再叫墨丸就一般D佢哋雖然踢腳,但服務都算幾好,識為人哋荷包設想~抵讚!

想話搵個地方睇英超，啲fd提議嚟依度，心諗:臨近糧尾都咁豪氣?一坐低叫個招牌豬骨煲先!個湯底唔錯，奶白色，幾好飲，飲完唔會好口渴，有好多粟米同豬肉豬骨，仲送碟小籠包~呢樣唔係間間都有得食..幾得意，小籠包裡面真係有湯滲出嚟~似出面啲上海小籠包咁~豬肉鮮甜~幾入味!啲嘢食都算快上枱，但係蝦同扇貝就要另外計錢(唔喺任食裡面!) ，扇貝唔係好大隻、但幾新鮮!佢哋肥牛都值得推介，好新鮮~肥瘦適中，一灼速食有嚼口!生菜呀金菇呀都唔少得啦!睇波打邊爐其實幾盞!講到服務亦值得一讚，啲阿哥自動波同我哋加湯，又不時走嚟幫我哋撈起湯上d泡，又問有無漏單~跟得好足!今時今日咁嘅服務態度至啱嘛!賣單五舊幾水，每人百三蚊左右~都ok又唔算貴wor!

7點左右去到唔使等位(可能因為係平日掛~)被安排坐地下果層,環境尚可因為有hsbc card,$98位任食點了豬骨湯底,附送的點心選了小龍包湯底唔錯,幾足料,小龍包都唔錯又點了其他料,都算多選擇果個奶皇包很好食!!叉燒包就麻麻地啦~很失望的是火鍋最基本的蘿蔔&粟米很難食很多搾...............還有茶水的問題,果到竟然冇茶水提供要叫一搾搾的飲料,而果搾都好小,一人一杯都冇咩剩啦~其他食物都可以啦~侍應都幾好,反應幾快隔離有人倒瀉野,佢地即刻又紙巾又地拖,唔錯坐左成晚都冇趕人走最後埋單人人百三蚊到還可以啦~

3個人上星期五晚來吃火鍋... 做緊中銀card任食優惠,可惜無人有中銀card...不過9時後都有特價火鍋料, 於是散叫叫了蕃茄湯底, 好正~~十多碟配料, 最正當然是我的最愛,奶黃水晶包,差不多一個人鯨吞成碟泡菜餃好食... 不過..同任食比較, 選擇始終是少了一點

噚日，難得三五成群，舊地重臨，如此良辰!食任食，唔駛本咁猛tick，湯底我哋嗌咗花膠北菇菜膽鍋，『哪哪淋』食咗D津白先─因為菜煲太耐會變黃嘛~~幾清甜幾爽!料都算足，花膠彈牙、but味道淡咗D。個friend呱呱嘈，怒吠:任食居然無墨丸!!!原來四寶丸之中已經包埋墨丸喺庶…四寶丸都ok，新鮮打出嚟，都幾正，唔會成口粉團!肥牛夠薄，肥瘦適中，灼一嘢即入口，點豉油已經好好味!見有個椰菜雞肉卷~心諗實係一執椰菜包住D肉咁啦，點知又唔係喎~~~唔衰相，幾重雞肉味喎又!嘢飲幾貴，廿幾蚊一渣! 想飲啖茶都要每位8蚊，汽水都9蚊!!!!!!!!!! 我哋講笑問茶芥唔收得唔得，個伙記笑笑口話唔得，但就主動話:不如酙幾杯水俾你哋。個friend帶埋個仔嚟，又要人哋俾冰水佢「助」凍個奶樽，佢個仔又曳，又倒瀉水又咁又咁……D伙記都好快嚟抺，值得一讚! 雖則計埋豉油加一，每人要百五蚊，但都食得愉快嘅!