有囍 (已結業)

陪母親大人去買完花就去附近吃飯，經過呢間餐廳見有海量的藝人照片，好似好正咁，就入去試下，分分鐘有藝人坐係你隔離枱。餐廳樓底夠高，枱與枱之間空間感ok。彩色杯碟和椅子，感覺refreshing，食東南亞菜為主。好多set，我地揀左二人套餐A $398。星加坡海南雞(例牌)，無骨海南雞又白又滑。配白飯/油飯(2碗)星加坡麥皮蝦好吸引！蝦超大隻，不單肥美厚肉彈牙，而且香脆入味，連金黃酥香的麥皮都很惹味，帶椰香，可以送飯食，激贊！蒜蓉炒椰菜苗，可選少辣、加辣、走辣，新鮮爽脆。肉骨茶好大煲，每人最少兩、三碗，用上帶肉的骨、中藥和香料煲成，湯有肉香和濃郁的藥材味，可以暖身補氣。熱柚子茶($18)都幾多柚子。是日甜品(2位)係南瓜露，南瓜味道濃郁。套餐加$48配椰皇燕窩1個，必點超值，單點都要$98個。椰汁滋潤，好大份燕窩喔，真材實料，cp值高！整體來說，食物夠地道又有質素，未去過南洋都感受到那裡的風情！

首先環境唔錯，服務仲唔錯，較為熱情！點咗一個兩日set dinner。首先係海南雞陪油飯。海南雞去骨，肉汁嫩，辣醬唔錯，陪飯好味。尼個係肉骨茶。個人覺得藥材味太濃，總體來講都OK。青木瓜沙律，酸酸甜甜，木瓜夠脆，好味！新加坡咖哩魚頭。個人覺得麻麻哋，唔夠辣都唔夠咖哩味！最邪惡，最好味的牛油雞翼來啦！皮酥肉嫩，淡淡牛油味。setdinner 都注意飲食均衡，還陪一客炒青菜。好脆好清甜。最後還奉送兩客南瓜羹作為甜品。總體來講兩個人完全夠食，價錢還OK！

落堂諗唔到食咩，醒起之前係到食過味道唔錯就行左過黎。已經有點夜，好肚餓，所以兩個人都叫多左野食。🥢泰式鳳瓜 $52份量都好多，無骨鳳爪混合酸、甜、辣，酸辣開胃，不過平時唔食得辣既我都覺得唔太辣。🥢柚子沙律 $68酸酸甜甜，好清新既沙律，柚子肉超級多，兩個人食真係有點多。🥢星加坡麥皮蝦 $168第一次食麥皮蝦，有四大隻，蝦肉爽口，食落味道無乜特別。🥢泰式炒金邊粉 $68泰式炒金邊粉係我食極唔厭既一道炒物，鐘意佢集酸甜香辣於一身既滋味。🥢冬陰公蝦湯 $68有好多隻蝦，非常足料，不過湯有點辣，飲到差D出汗。🥢話梅豬手煲 $108酸酸甜甜嘅話梅豬手，係會令你胃口大開，炆得十分淋，啖啖豐富膠質。🥄南瓜露 $25食埋個甜品就滿足哂。

豬先生豬小姐「有囍」呀！ 千其唔好誤會 係今晚食「有囍」baby blue招牌十分搶眼 位置方便易搵 正正係花園街對面餐廳應該新開無耐 環境乾淨寬敞 比人舒服和諧嘅感覺仲有幾隻怪獸仔出現係牆身 餐墊 好可愛今晚餓到一個點 嘜都想叫嘜都想食添炸蝦餅新鮮炸起熱辣辣 圓碌碌大大粒 係吸睛嘅金黃色一咬熱到出哂煙 蝦膠彈牙有嚼口 外層脆身但不油膩 出色！回味！馬拉盞通菜尚算惹味 蝦乾蝦米夠哂多 少少辣味加咸香 岩哂送飯喎 但堅係油泰式蝦炒金邊粉係豬小姐食星馬泰菜必點嘅 係酸甜開胃嘅澱粉質呀顏色較為淡色 令我有啲錯愕 坊間一般嘅都係橙甘甘好多蝦苗仔嘅面頭鋪滿哂好多草青味濃嘅生芽菜錯重點了哈哈)調味都係比較清 酸和甜度都不夠 加左青檸汁都係爭啲但係蝦球卻很有彈性好爽口 整體尼講調味可以重手多啲冬陰公海鮮湯私心大推第一價錢超值 第二足料 睇落碗細細 材料竟有青口 蜆 蝦 海斑 蟹棒 草菇 蕃茄仔 好「dum」本！第三調味正宗 酸 辣 香 樣樣齊 仲帶出淡淡嘅香料味道及椰香 掂！星加坡海南雞半隻 雞肉們整整齊齊排列 佢地好滑溜 皮同肉嘅比例適中 唔會一味肥肥咬落啖啖肉爽歪歪最鐘意點薑蓉加甜酸醬基本上半隻

未食過軟殼蟹，想起之前在太子的有囍，食火鍋時見到隔離枱食軟殼蟹，好像都不錯。上openrice看過食評。介紹軟殼蟹不錯，所以今日決定到有囍，嘗試下軟殼蟹的滋味。見到門外有一排花槽，綠油油的葉子粉紅粉紅的花，令人感覺到了春天的花園的感覺，室內的設計也非常別緻清雅，令人心情放鬆及愉悅。枱上的杯及餐具，顯得非常清雅，就像到了西餐廳一樣。我們要了個有軟殼蟹的二人套餐$498。套餐有軟殼蟹沙律，椰皇翅，串燒牛及雞，炭燒西冷安格斯牛扒配薯角，星加坡麥皮蝦及甜品。先上枱的是麥皮蝦，面上鋪著脆脆的麥皮，兩只蝦大大只呢，蝦肉夠鮮甜，非常有蝦味。跟著上的就是我今次尊程來食的: 軟殼蟹沙律，真是令人期待。嫩嫩綠綠的沙律菜與顏色金金黃黃的軟殼蟹一斉，真是見到已唾涎欲滴。沙律菜十分新鮮，沾上酸酸甜甜的沙律汁，十分惹味。主角軟殼蟹外脆內軟，帶著蟹的鮮甜味，脆軟鮮味充滿口腔，不用㸃醬汁，非常好味，十分推薦這個軟殼蟹沙律，真是不枉此行哩。串燒牛及雞，4串，沙嗲帶甜味。炭燒西冷安格斯牛扒配薯角，牛扒大大件，厚切剛好五成熟，有牛肉味，㸃上小小喼汁，好味。薯角剛剛炸好熱辣辣，外脆內柔軟，夠厚身，點上茄汁，非一般的薯條。椰皇

好耐無打邊爐，行過見到，又食食食不過選擇好似唔太多生果茶，味道唔錯，飲到茶味，好怕有啲真係果汁咁無乜茶味肉骨茶湯底，有少少覺得唔夠濃味，若然再重味啲更好，肉蚊得夠淋九菜餃，大大隻夠彈牙手打墨丸，有水準，都係夠彈牙👍點少得牛肉😋色水靚，夠牛味，口感鬆化

每次跟男朋友反馬來西亞，都會去食麥片蝦，雖然香港都有星馬菜食，但有麥片蝦既地方唔多，太子呢間"有囍"就有得食，呢日就一行四人去開餐到左餐廳見到門口貼滿明星同老闆合照，原來係明星食堂黎，睇落都好有口卑，食物應該有質素軟殼蟹沙律 $128軟殼蟹外脆內軟，啖啖肉，有蟹膏，沙律菜爽脆，沙律汁酸酸甜甜，好開胃~新加坡麥片蝦 $168非常期待既麥片蝦，淨睇外表已有驚喜，馬拉食到普遍係用size較小既蝦，而呢度係用大大隻既蝦，雖然一客只有4隻，但因為好大一隻，所以每人一隻都好足夠，蝦肉爽口彈牙，蝦殼香脆可以連殼食，麥片脆卜卜帶奶香，好味啊泰式燒鱔 $168燒鱔絕對係必食推介，厚身既鱔肉，燒至兩邊金黃微脆，一咬落去魚油係咀裡爆發，又香又鮮又 juicy ，魚肉軟嫩，一客六件，四人分享唔夠喉~泰式豬肉蝦醬炒飯 $68每口飯都充滿蝦醬香，但不會太咸，味道好香，加埋芒果絲同青檸汁一齊食，原來味好夾~椰青 $35椰青清甜，但不夠凍~班蘭奶凍 $25最後叫左個班蘭奶凍，班蘭味不重，反而食香茅味頗濃~

到了花園街走走，之後便去到新食街搵食，嘩，好多人呀，間間都超旺場，望見“有囍”個餐牌幾啱食，就試下佢先。內部裝修幾潮，唔講又真係唔知食新加坡菜，地方大又濶落，泊到bb車之餘仲擺埋高櫈比bb車，旺角鮮有嘅baby friendly餐廳點了二人套餐B（$398），已經有肉有魚有菜仲包埋甜品，價錢幾經濟。店員態度友善，落完單隨即遞上bb餐具，家中bb好喜歡呢套米奇餐具呢時菜先來時菜一碟，炒得不錯，菜翠嫩幾好味。原來套餐A先係馬拉盞炒菜，其他餐只是蒜蓉炒菜，有點失望呢，沒好好看清楚餐牌添，不過蒜蓉炒也好食啦。新加坡海南雞雞嫩滑，皮下脂肪又不多，連雞皮都安心食。油飯有海南雞就點少得油飯（可以揀白飯），夠香口。青木瓜沙拉木瓜絲爽脆微辣，加上酸酸地勁開胃。肉骨茶肉骨茶藥材味幾香濃，味道不錯，但略微不太夠熱扣分了。新加坡咖哩魚頭煲嘩，真係有成個魚頭呀，好大煲。咖哩汁好香好好味，魚肉嫩滑幾正，但略淡左少少，魚頭如果醃一醃更好，而加靠點咖哩汁調味啦。牛油雞翼仲有牛油雞翼，食到呢道已經好飽啦，哈哈，超厚牛油，有點膩，食了一隻淨返啲包走明天食。聽日返叮食都唔差喎，雖然個皮淋左，但仲好香好入味的。紫米露是晚甜品

自從閨蜜上年年底結婚後，一直都未有機會同佢單獨約會，食飯 girl's talk 下。今晚佢竟然主動約我。今晚揀咗太子嘅「有囍」，地點係大家返工嘅中心點，收工過黎方便好多。7:15 黎到，粉藍色嘅外牆上已經好易望到，仲有大大張 banner 推介。早彩早黎到，未係好多人。到八點差唔多坐爆~泰式生蝦 $97 - 自己未食過配苦瓜食生蝦。生蝦幾新鮮，食嘅時候配上苦瓜同指天椒。苦瓜爽脆，指天椒微辣，再蘸上佢哋嘅自制嘅泰式醬汁，都幾特別。柚子沙律 $68 - 沙律好大碟~ 大大件嘅柚子，入口清甜多汁，沙律菜好新鮮，十分開胃嘅前菜。冬陰功蝦湯 $68 - 唔好睇佢好似細細碗，足夠二人份量，每人可以飲到兩碗。入面仲有成五隻蝦，而且材料十足。冬陰功湯酸辣味剛好，仲有淡淡香茅香味，飲完同樣好開胃。星加坡麥皮蝦 $168 - 麥皮蝦見好多枱都有叫，於是試下。蝦真係好大隻，肉質爽口彈牙。再沾上炸到金黃色嘅麥皮，食落好香口，真係好好食。我地食完啲蝦仲就咁”畢”啲麥皮黎食。馬拉盞炒椰菜苗 $78 - 椰菜苗係我至愛，去親餐廳見到有都必點。之前食過有餐廳整得好硬，而呢度椰菜苗煮得剛好，再配上馬拉盞炒，夠鑊氣之餘

聽朋友講太子橫街有間好多名星都幫襯過嘅星加坡餐廳！去到門口睇，真係貼滿晒明星合照！夜晚有好多二至六人套餐！為返真係抵過散叫好多!所以我哋就叫咗個都幾豪華嘅二人餐！二人套餐有六樣嘢食！第一樣係椰皇翅！真係用咗成個椰皇去燉！個湯好香，有啲似椰子雞湯！聞落甜甜地，但原來係喊嘅！都幾特別！軟殼蟹沙律原本以為得上面幾件軟殼蟹，但原來沙律菜底下都仲有！不過因為浸到醋汁，所以個皮淋咗！如果可以成隻放上沙律上邊，應該會更加好睇同埋脆身！一開始食啲沙律菜都幾開胃！串燒每人有成兩串！每人一串雞一串牛，一共四串！一開始用鐵籤串住，好似特別有風味！雞肉唔會太嚡，牛肉亦唔會太硬！佢仲有個沙嗲醬，香香地又唔辣！新加坡野有炭燒西冷安格斯牛扒配薯角都幾出人意表！但佢哋又整得幾好喎！西冷都幾大件，而且唔會整到老晒！真係整得好食過好多西餐廳！而且啲薯角係即叫即炸，拎出嚟嘅時候好熱好趣，而且大大隻好好薯肉！星加坡麥皮蝦好少地方有得食！麥皮下邊有兩隻開邊大蝦，啲麥皮應該經過加工製作，同平時食嘅麥皮完全唔同味，我諗有少少似蛋捲碎，所以特別香口！而且兩隻大蝦都好厚肉！一定要試呢味！二人餐仲有甜品，今日係南瓜露，南瓜露好香椰奶味，

今天與三五知己聚聚，大家一致選了很多明星光顧的人氣火鍋店吃Dinner! 幸運地，我們巧遇藝人石修 (圖右上) 也來用餐~📸先點二人套餐:肉骨茶，真材實料，湯底富濃香的藥材味，溫熱暖胃，滋補味美!😚泰式炸蝦丸，大大粒，外金黃香脆，內彈牙香口，蝦的鮮味配搭甜酸醬，風味絕佳!🤤香芒米紙卷，芒果香/米香/蔬菜鮮香味集於一身，味道清新!🌿星加坡海南雞🐔，雞皮滑溜，肉質鮮嫩，鹹香惹味，配搭富微微雞油香的油飯🍚吃一流!😋話梅豬手煲🐖，豬手肉多，滑身黏口，非常入味，嚐到陣陣的話梅香味，酸甜醒胃!👍時菜，炒得香口，充滿菜鮮味及鹹香味~😊是日甜品，紅豆沙，非常足料，稠稠沙沙的，帶有清甜的紅豆味及椰香味，吃罷唇齒留香~💋另點了一些小食及甜品:軟殼蟹沙律🦀，蔬菜新鮮爽脆，混合香脆的軟殼蟹，口感豐富，加入酸甜汁調味，酸香鮮勁!👏星加坡麥皮蝦🦐，蝦肉爽口彈牙，富黃金酥香的麥皮味及鹹香的椒鹽味，滋味十足!😍星加坡炒黑蘿蔔糕🥕，星加坡特有的黑醬油融入蘿蔔糕內，加上洋蔥及青蔥，鹹香惹味!😆班蘭奶凍，口感柔滑，入口即化，富淡淡清香的斑蘭味及香甜的椰奶味，但香茅味稍濃。整體食材新鮮，味道出眾，難怪連明星也是座上客~😎

平日的晚餐~餐廳裝修風格討好, 地方寬闊, 但温度越座越低, 所以感覺上不太舒適, 雖然人流不多, 但上菜很慢, 服務悠閒。最好味的是這個印尼炒飯。令人失望的大蝦, 黑椒辣辣地, 較濕, 冇蝦味。。生菜包味道正常。。豬手很水的芡汁串燒味道正常, 不夠熱。蜆還👌, 同樣不夠熱。薄餅味道正常, 不夠鬆軟。雞有點"鞋", 不太有味道。食物大多不夠熱。。味道很一般。。不是難吃, 也講不上好吃。。一般的服務。。失望的一餐。。價錢還不便宜。。。

今日去太子寵物街買玩具比家中三個主子，當然都要順道覓食，途經呢間位於花園街嘅星級飯堂 有囍，當然入去試吓。(何為星級，眼見餐廳外貼滿貴氣老闆娘同好多明星嘅合照)餐廳環境寬闊，燈光明亮，主打星，馬，泰越菜，本人係大馬華僑，所以突感興趣。麥片蝦，香脆嘅麥片，帶有牛油 咖哩葉嘅香，而且蝦很大隻，肉質新鮮，火喉岩岩好，外殼脆身而蝦肉又保持嫩滑，但可能太大隻所以唔夠入味，相信用中蝦風味會更好。海南雞肉質滑流辣椒醬同黑醬油都做得唔錯，如果姜蓉可以磨得幼細就更見完美不可缺少嘅肉骨茶，價錢$62一啲都唔貴，但個人應該味道偏淡。全晚精選，泰式燒鱔，鱔肉肥美，口感飽滿，簡單調味，配上酸辣辣椒醬好好食巴東牛肌條，炆得好林，惹味嘅醬料即刻追加薄餅配食，好有家鄉感飲料方面就比較港式，除左椰青，椰皇，其他都係咖啡奶茶，紅豆冰 ，總括都相當滿意

晚飯時間去了太子旺角警署後面的食街，出名多野食，中西意泰都有，我們今次就十試了這間星東南亞菜。幾個人決定點一些特色菜，店員比了些建議我們。泰式燒鱔：燒鱔很厚肉，表面沾上燒汁燒至帶點焦香，切成一斷斷，肉嫩且滑。星加坡麥皮蝦：麥皮帶點香甜味，而且焗得香脆，蝦肉大隻且爽口彈牙，吸引了麥皮的香甜味，味道不錯。星加坡巴東牛肋條：牛肋條份量十足，炆得又腍又入味，平時配薯仔，但這個是配蕃薯，味道香甜，跟平常咖哩有點不同，比較香的洋蔥味，香料味都很濃郁，帶點輕微辣，但偏惹味，配埋份薄餅點尼食，薄餅煙韌有咬口，非常飽肚。荔枝玫瑰花茶：荔枝及玫瑰味兩者都很香，但味道很夾，唔會蓋住另一款的味道，不過比較甜。椰青：即叫即開，清甜解渴。

今日老公放夜，我先返屋企hea下，等到差不多十點就同佢去了屋企附近的有囍食晚餐。正好有二人套餐，每樣都有，可以試多幾款。肉骨茶有濃郁的藥材香味，排骨煲到很腍，幾乎離骨，湯底有肉香，非常鮮甜。泰式炸蝦丸新鮮即叫即炸，一切開中間還冒煙，蝦丸比乒乓波還要有粒，蝦肉爽彈。香芒米紙卷以米紙包著蘿蔔絲、米粉、青瓜絲及黃果，是一個素菜卷，無油無脂坊，健康清新。星加坡海南雞大既有1/4隻已去骨的海南雞，雞肉嫩滑而且外皮爽口，脂坊不多，可以連雞皮一起食。話梅豬手煲豬手炆得又腍又入味，外皮充滿骨膠原，雖然有話梅味，但只有輕微酸味，非常開胃。蝦醬炒通菜通菜翠綠且嫩，蝦醬不會太咸，炒得爽脆。最後甜品是紫米露，可惜食得太飽，所以無要到。整體質素中上，而且大件夾抵食。