有囍 (已結業)

有個舊同學最近轉左份新工，佢番深水埗，我番尖沙咀，咁咪諗住搵個中間點食餐DINNER咁囉。所以最後就揀左去太子食，順便去附近花園街打個白鴿轉。放工搭MTR，一陣就到太子，我地行陣街都開始覺得餓。見附近有間野叫<有囍>就同我朋友講..「喂，你轉工換左個新既工作環境都係有喜WO，不如就食呢間應下景!」係諗住講下笑既情況下就去試下<有囍>睇下係咪真係有驚喜。坐底先知道<有囍>係一間幾特別主打星、馬、泰FUSION菜既餐廳，完全滿足到一D想一次過試盡東南亞美食既人。BTW，美女廚房食左先至講啦，渠頭。我同我舊同學都係海鮮控，一黎就點佢個星加坡麥皮蝦同泰式燒鱔試試。嘩，真係頂佢個制，唔係宣傳都唔係講笑，個鱔仲燒得好食過日本鰻魚、肥美多汁。有接近入口即溶既感覺，配上特色自家醬汁令人認真開胃。跟住好快就到一碟淨係賣相都屈你機既星加坡麥皮蝦。我同我舊同學都當堂嘩左聲，因為真係無諗過咁大碟。(睇圖睇真相，絕非誇張)。充滿麥皮既蝦蝦，食落就知甘香!蝦肉經油炸入口爽脆，加上外層鋪滿金黃既麥皮，一次過有兩種爆爽既口感。都係果句，食啦渠頭! 一開頭驚唔夠飽仲叫多左

之前冬天係呢度打過邊爐, 食物水準唔錯; 及後知道原來呢度都仲有提供星馬泰菜, 咁就要試下啦!裝飾夠現代化, 同星馬泰無半點聯想, 枱同枱之間唔算太迫, 坐得都幾舒服! 由於時間尚早, 人客未到, 及後就坐滿大半場!餐牌設有二人套餐, 亦有散叫, 由海鮮, 肉類, 小食, 湯, 飯, 甜品及飲品一應俱全, 價錢都走大眾化路線!今次點了呢個二人套餐(B) ($398), 份量款式都相當吸引打頭陣係青木瓜沙律 - 作為頭盤好岩數, 青木瓜絲嘅酸味夠晒醒胃, 配埋辣辣醬汁就再醒神D, 口感爽口啟動埋胃口! 跟住係原煲肉骨茶送上, 打開蓋D煙出晒黎, 聞到藥材香味, 見到有幾條排骨, 附上醬油及油炸鬼, 都幾正宗!熱度夠晒, 最怕D湯唔夠熱, 飲落順喉, 藥材味唔會太濃; 排骨煲完肉質都唔嚡, 成條食晒無浪費!星加坡海南鷄 (例牌), 份量足夠二人食, 部位有肶位及鷄翼, 附上甜醬油, 辣鷄醬及薑蓉, 套餐包白/油飯!鷄皮下脂肪唔算多, 唔食皮嘅都好容易撕走, 肉質幾嫩滑, 分別試左3款醬汁都同鷄肉係夾嘅^^炒通菜 - 通菜食落無渣, 惹味醬汁配埋蝦干辣椒一齊炒, 送飯無難度!新加坡咖喱魚頭煲

香港星加坡菜或泰菜多以單一形式供應，很少會同時提供兩種不同菜式。有囍算是新嘗試，除了有星泰小菜外，仲做埋星泰湯底火鍋。有囍裝修很清雅，淺木色襯上色彩繽紛的創意卡通，令人看得很舒服。很久沒有食過星加坡菜，今晚就主力叫星加坡名菜。柚子沙律柚子沙律很大的一碟，柚子肉撕成大塊，入口很有質感很飽滿，味道清甜多汁，作為前菜很開胃。星加坡海南雞半隻海南雞的份量也不少，雞肉已去骨，皮薄肉嫩，雞味清香，點上泰式雞醬或薑蓉均可釣出鮮味。肉骨茶肉骨茶沒有星加坡一般的重胡椒味，亦沒有如馬來西亞的重藥材味，更不見原粒蒜頭，反而有不少玉竹在其中，此肉骨茶其實更近似中式湯水，肉味藥材均是淡淡的。一字排煲得不軟不硬，骨頭有點軟骨，點上甜豉油肉味酥香鬆化。星加坡麥皮蝦星加坡美麥皮蝦十分有名，麥皮多用即食燕麥片。星加坡麥皮蝦大蝦層層疊起，大蝦香脆入味，燕麥金黃酥香，蝦跟燕麥片一齊食，味甜香口。燕麥片吃起來味道既甜且鹹，有另一番滋味。馬拉盞椰菜苗馬拉盞醬帶有發酵蝦仔味，其他味道如辣椒或蔥頭蒜頭味較輕。濃味馬拉盞配爽口椰菜苗味道很合拍。

昔日經過依間餐廳嘅時候已經心思思想入去食飯了....事關門外貼滿名人光顧既照片，好似好值得試呀！終於今晚同朋友聚會就揀咗呢間餐廳。雖然呢間餐廳好多明星幫襯，但明星效應下呢間餐廳嘅價錢都十分合理貼地。先點左個芒果紫米卷。晶瑩剔透嘅紙米非常透薄，口感煙靭。裏面包住嘅係豐富既食材，口感、職層次同味道都係滿分之作。芒果味道清甜，食完之後非常開胃。豬肉碎生菜包真的不得了！豬肉碎同豬膏既比例合到好處，入口能吃到豬肉香及油脂香味。配上爽口新鮮嘅生菜，食完都唔覺油膩呀！必食之選之一 ，一定係宜碟牛油雞翼。雞翼size很大，雞肉嫩滑。入口牛油味濃郁，雞皮又炸得香脆，令人忍不住吃哂所有雞皮了！非常邪惡呀！麥皮大蝦必定是餐廳既代表作了！大蝦開邊，蝦腸清除得十分乾淨，用叉一起蝦肉就能吃到了。岩哂又愛吃又懶動手既懶人呀！蝦隻經油炸，連蝦殼都炸得卜卜脆。但炸完後，蝦隻肉質仍結實鮮嫩，非常有水準。金黃色既炸曼頭脹卜卜，醮上煉奶，又脆又甜，非常淺味！再醮上咖哩汁吃也不錯！宜個咖啡海鮮薈有魷魚、蟹柳、帶子、大蝦、青口等等，咖喱香而不太辣，咖喱汁勁多，醮上曼頭吃也不錯！綠茶咖啡其實係綠茶加上咖啡味啫喱，令醇厚香濃嘅綠茶加

前幾日lunch 行話見到間餐廳, 今日就大伙兒一齊去試, 大家都係衝住海南雞飯而來. 見到MENU後,我地又被肉骨茶同埋喇沙吸引住所以就分開左叫幾樣唔同既野. 我地再睇其他MENU 都覺得幾吸引如果味道好既下次打算黎試~先到既係喇沙, 令到我地非常十分之失望!!! 個麵用左油麵都算啦個湯底係凍既仲要好多油在面. 味道上都算不錯的, 料都算足不過最令人接受唔到的就係一個凍的湯底令到成件事有點不三不四. 跟住就係呢個肉骨茶, 藥材味唔濃湯略肥用黎送白飯又真係好奇怪! 味道都尚算可以接受最後我地好期待的海南雞飯啦.... 平平無奇! 都係同白切雞加油飯! 如果用呢個做店舖既SIGNATURE DISH而又做到咁既質素都....如果冇EXPECTATION既情況下去試應該會好D. 

上星期同屋企人行完花墟買花開餐呢間泰菜餐廳裝潢好新潮 乾淨企理餐牌有吾同類型食物 小食 海鮮 肉 飲品我第一時間睇中炸鰻頭 雖然吾係咩特色菜但鰻頭配煉奶真係無得輸每件鰻頭外皮炸到金黃色 外脆內軟此外我地揀左幾款海鮮 平時屋企少煮海鮮食第一樣係麥皮蝦 冇諗過原來佢係大蝦一客四件 麥皮炸到金黃色 入口好香牛油味超正蝦殼炸到脆卜卜 蝦肉鮮甜第二樣係辣椒膏炒蜆 同樣大大粒食落去有鹹海水味 配合洋蔥辣椒等配料辣得好爽至於泰式燒饍好 鱔皮脆脆地鱔肉夠實唔削 配合甜甜地嘅醬汁好惹味主菜係泰式蝦炒金邊粉足足有成五至六隻大蝦 夠足料金邊粉唔太油膩 抵讚食落酸酸甜甜好開胃食到尾當然要甜品 芒果黑燸米飯必食之選椰漿甜度剛好 配合暖笠笠既黑燸米加埋薄切甜芒果 perfect飲品推介大家叫椰皇 清甜多汁size唔算大但夠多椰水

要讚既呢間餐廳服務態度十級好既 個個員工都好親切好nice 但食物我吾知係咪所有都係差 定咁岩我食既都中伏？先係肉骨茶 完全吾夠熱 ，仲要吾入味 個湯匙仲要有強烈漂白水味(最後無叫佢換，用左餐匙 ，忍左)然後個炒金邊粉吾算好食。 正常開求其出面lunch 50蚊一個都好味過佢泰式燒膳都好食既其實我本人吾算咀刁 乜都可以食 最多都係吾enjoy 默默離去最後點解要無啦啦要寫個負皮 因為個芒果糯米飯真係超級難食！！！ 篤中左我個要點。點解可以連基本既糯米飯都難食？芒果無問題既 ，個飯係好似漿糊，完全擺吾到落口。然後上面既椰漿好似一pat 未打好既忌廉食到好嬲 因爲最期待就係食芒果糯米飯成餐飯已經吾係食得好開心

今日約咗好耐冇見嘅舊同事出嚟食餐～飯舊同事本身係住喺太子 佢就介紹話太子花園街呢一條街有好多新嘅食肆 咁今次我哋就嚟咗呢一間有囍 試吓佢嘅泰式港式星加坡fusion 菜～ 行到餐廳出邊其實已經見到好多人喺度排隊咁就證實左我哋今次冇揀錯啦!!! 過咗大概一陣終於都有兩人位 我地望望餐牌其實都有幾多嘅選擇～ 特色海鮮麵飯小食沙律等等都有 因為本身我好鍾意食蜆 所以就叫做黃咖喱炒蜆($138) 另外再叫多一個泰式燒鱔($168) 馬介休炒芥蘭($68) 香芒米紙卷($58) 同柚子沙律( $68) 黃咖喱炒蜆($138) 本來諗住呢一個係一個小菜啦點知一上到來嘩嚇死我地兩個 個分類超級大勁大碗! 嗰度起碼有成十幾至20隻蜆 大蜆喎仲要係 睇吓勁大隻而且冇沙肉質彈牙鮮甜不得了10個推薦泰式燒鱔($168) 呢個燒鱔超級好味!!!魚身肥美彈牙 咬落外皮香脆有陣香烤味 咁多味餸啲做我最鍾意呢一個! 好肥美 一入口魚油香四溢!!馬介休炒芥蘭($68) 呢個份量夠大馬介休鹹鹹香香同芥蘭炒埋味道一流香芒米紙卷($58) 前邊食咗咁多款濃味食物之後就嚟一個清新嘅小食芒果酸酸甜甜再加埋蔬菜 口感好清新～柚子

一入到去就聞到好香既肉骨茶味, 我知呢到有肉骨茶湯底, 可惜唔舒服試唔到, 為有睇下佢地有咩食啦~ 叫咗海南雞(半隻$138) 都幾滑嫰, 唔錯~仲叫咗個泰式燒鱔($168), 一上到台...哇!!!估唔到咁厚身仲要好爽口好彈牙, 好香鱔味, 呢個真係好好味呀!! 上湯芥蘭($68), 份量都算唔錯~平時係街食多數唔會多得去邊~有囍水果茶($48), 比較甜~但味道好出~ 呢到冇限時都坐得幾舒服~唔錯唔錯~

新年時間咁多假期，梗係有啲朋友出嚟食吓飯，見下面啦！ 上次有朋友見到呢間餐廳門口痴埋啲明星相，好似好吸引咁，所以就入嚟試吓啦呢個係黃咖喱炒蜆＄138，每一隻蜆都大大隻，食落好鮮味！另外佢個黃咖哩唔會好辣，但又可以帶出蜆嘅鮮味，唔錯另外由於我哋唔想曬咗個咁好味嘅咖喱汁，所以另外仲叫咗個薄餅！食嘅時候沾少少咖哩汁食，正!大蝦柚子沙律$108 份量非常多，柚子肉新鮮唔會酸，配埋爽口彈牙嘅蝦一齊食，係一個唔錯嘅開胃菜 ！朋友好鍾意食雞翼所以一見到呢度有，就即刻嗌左一碟牛油雞翼嚟試吓啦！雞翼外層好鬆脆，入邊就多汁。食落好重牛油香，朋友大讚唔錯由於天氣開始凍，所以明明食到好飽，但都想同朋友share 一個椰汁燕窩，潤一潤嘛！燕窩份量都唔少，夾埋新鮮嘅嘢椰汁一齊食， 每一啖都覺得滋補養顏啊

［本地肥牛］尼幾日香港特別凍，8度甘凍緊系打鞭爐。知道尼間岩開幾個月的餐廳，有肉骨茶湯底，適逢朋友生日，忍唔住要試下門面好靚，很有格調。主打馬來菜餐牌選擇都多當然選擇肉骨茶湯底，有分藥材和胡椒，當然先試藥材而內部的環境也是走清新型格風，明亮不錯肉骨茶湯底一上，即睇湯頭。唔油且味濃凍的時候食，真心一流。三個女仔，都點了不少野食。手工本地肥牛手打墨魚丸響鈴手打魚腐鮮魷蘿蔔唐蒿材料夠足兼新鮮冬天一邊飲肉骨茶，一邊涮牛肉！好正！鮮魷爽滑彈牙，粗過筷子最後，送上荔枝瑰玖紅茶暖笠笠地回家

今晚同朋友途經旺角太子又有新發現，呢間有囍睇落似茶餐廳，原來係星馬泰美食。服務都算不錯，上菜速度都好正常！肉骨茶～之前去沙巴才認識肉骨茶，個度周街都係，藥材味超濃。呢個相比藥材味較淡，但都好足料。泰式肉碎生菜包～食落口好香既豬肉同辣味滲出來，越食越辣越刺激，有小小麻既感覺，好正。唔食得辣既朋友仔記得要叫走辣呀！星加坡麥皮蝦～蝦整得好乾身，加埋麥皮脆脆地食，又幾好味，幾特別既食法。火焰黑胡椒蟹～呢個一定要試下，勁入味，超好食，勁多肉！睇住師傅成個過程由爆香洋蔥，落蟹，放火，再兜一兜上碟，味覺同視覺雙重享受！荔枝玫瑰花茶～只需要43蚊就可以有一Jar花茶，荔枝配玫瑰花香氣撲鼻，又有寧神既功效，飲完好relax。

新年同媽媽去花園街買花，順便食埋晚飯先番屋企。新年周圍都好多人，見到"有囍"好似少人d，又未食過，決定試呢間。等左15分鐘左右，期間睇餐牌見到有得打邊爐，有得食泰菜，選擇都幾多泰式蝦炒金邊粉（$68）Fried Phaital Noodle in Thai Style金邊粉炒得好唔錯👏🏻好有鑊氣，而且金邊粉嘅質地依然煙韌，蝦🦐有大約都有6-7隻左右，份量多，肉質又爽囗。加上青檸嘅果酸帶起成個味道❤️草根讚👍🏻呢個泰粉嘅原因在於金邊粉做到酸酸甜甜🍴令人好開胃😘係少有最近食過令人滿意嘅炒泰粉，有幾分似係泰國街頭食到嘅味道。星加坡麥皮蝦 ($168)Singapore Cereal Prawn⭐️Top One必叫之選⭐️星加坡麥皮蝦🦐蝦經過滾油炸過🔥再沾滿麥皮🌾非常惹味😍蝦肉爽囗彈牙！雖然係炸，但又唔會覺得油膩👍🏻一客有4隻，不過蝦嘅size就大小不一，價錢就真係幾貴🤫不過好在好味搭救😂泰式炸蝦餅（$58）Prawn Cake with Sweet Chill Dipping Sauce in Thai Style泰式炸蝦餅🦐又係一樣泰式餐廳嘅signature dish🍴草根當然要一試（其實係

上網見到介紹呢間餐廳既有火煱，又有小食，所以慕名去食番次。其實我們都唔係好晏來到，但入到裡面經已經至少坐到半滿，而職員也非常誠懇招待。職員為我們遞上餐牌，也不忙為我們介紹美食。他又點了可樂，仲要溝檸檬。不過他都很醒目，為我點了 荔枝玫瑰花茶，飲的時候有粒粒荔枝肉，而且滲著玫瑰香，連老公都爭住飲。星加坡麥皮蝦麥皮蝦真係第一次食，麥皮是帶點淡淡的甜味，食的時候 d 麥皮係會不停跌出來，感覺不失脆口得來又覺得唔會好熱氣。泰式串燒牛和雞每款各有 3 條，而且是大大條，肉質很鬆軟和超惹味的。泰式鹽燒烏頭烏頭肉質鮮美，仲食得出陣陣的咸味之餘又滲出泰式香料。泰式豬肉蝦醬炒飯有條魚食，當然唔少得碟飯，撈咗蝦醫的炒飯帶點微濕，少少咸得來又有鑊氣。

之前講過一、二月都特別多重要人物生日, 繼老爸和最好友後, 就輪到老媽, 但要諗跟她吃什麼慶祝就較困難, 皆因她有很多食物都不能吃, 加上她對食又有要求, 的確令我大傷腦筋。經過多翻考慮,  最終決意帶她吃甚少吃的新加坡菜, 讓她一嚐新加坡風味。餐廳佔地不少，門面用上我最喜歡的湖海藍色，故特別討我歡喜。門外除了放了各款餐牌外，還貼了很多店主跟名人的合照，看來餐店頗有名氣。走進內裏, 環境光猛, 座位不少, 有一排面向街景的單人位、靠牆有一排數張四人卡座, 而中間則設有多張二至四人枱, 亦有一張十多人的大圓枱。別以為它的裝潢跟一般茶餐廳相若, 其設計富心思, 多處牆上畫了色彩繽紛的油畫, 既雅致亦有朝氣, 感覺舒適。看看餐板, 只有三頁, 分十一類, 包括海鮮類、蔬菜類、麵類、飯類、甜品、湯類、小食、沙律、肉類、飲品和特飲, 選擇不算很多, 但很多菜式都很有風味, 亦相當吸引我。******************************見到隔離枱點了一客柚子沙律, 大大碟, 好吸引, 我地就再豐富一點, 要一客大蝦柚子沙律 Prawn Grapefruit Salad ($108)來打