有囍 (已結業)

喜歡食平民餐廳,如果同時尋找到平價高質,就會有種尋到寶物的感覺花墟附近,有間以泰國菜為主的親民餐廳,價錢不貴,但性價比高,大碟抵食款式多,大力推薦給人多飯局門面很大很sharp!粉藍色設計靚之餘又搶眼入面裝修亦好有特色卡通漫畫做設計,繽紛得黎又不過於浮誇.選擇困難的懶人一定叫套餐!2-4人都有,選擇多當然單點也不輸蝕朋友好大食,通常2人餐都是3-4個份量,於是我們點了套餐C,打算不夠再加,「食得晒,先好嗌」.上菜速度好快,點完大約7-8分鐘就有得吃1️⃣話梅豬手煲憑香味征服不吃豬手的我,上桌時看似相當大其實每一件豬手肉不多,大概是吃他的醬汁味,酸酸甜甜,豬手比我想像中不肥膩,反而吃出每一件都是骨膠原,膠感極高!邊吃邊想,應該對女士皮膚不錯建議趁熱食,否則涼卻後膠質凝固就是另一個感覺了.2️⃣泰式炸蝦丸比我想像中大了兩倍!是四人份量嗎？炸得金黃香脆,不說笑,這個絕對飽肚,蝦肉質彈牙,雖然油炸但吃了又不會滿口是油呢.3️⃣第一次嚐肉骨茶起初以為是茶味重一點,原來更像中藥味道,一鍋大約有四至五條肉排,肉質軟淋,另外有些中藥食材,賣相就已經像平民補品。第一口喝下去有點咸,但之後感覺還不錯,養生般的味道.4️⃣

是日和朋友們一行4人去了一間裝修很別緻的餐廳吃飯, 一開始睇到餐廳名以為食中菜, 原來係食星加坡, 泰國野。我們叫了6餸1湯, 分別係泰式生蝦, 星加坡麥皮蝦, 炒黑蘿蔔糕, 黃咖哩炒蜆, 馬拉盞炒通菜, 黑胡椒蟹及肉骨茶。先講泰式生蝦: 肉質爽口彈牙, 配上微辣的辣椒來吃很配合。肉骨茶: 味道不是太濃, 可能調較返適合香港人口味, 但我都認為很夠味道。麥皮蝦: 大大隻, 可惜要自己沾上麥皮食, 蝦本身不會沾上太多麥皮在表面, 麥皮好似混入了椰油, 好香椰油味。馬拉盞炒通菜: 一上枱已經好香, 除了有馬拉盞外還配上大大隻蝦干炒成。黑胡椒蟹: 職員即場在我們面前先將放有洋蔥黑胡椒等香料的鑊爆香, 跟著放入蟹, 再來用火槍表演火燒黑胡椒蟹, 即時出現火勢熊熊, 單單呢個畫面已經令人看得興奮, 味道方面就很惹味, 蟹肉也很鮮。

同朋友喺太子嗰邊食餐飯，就揀咗一間幾特色嘅餐廳，主打嘢食都係星加坡、馬來西亞、泰國風味嘅食品。呢個季節有得食蟹，我哋就選擇左星加坡炒胡椒蟹＄428最有特色嘅地方就係會有個廚師同埋半製成品係我地面前，佢會喺我哋側邊煮、有好多配料同埋好勁嘅胡椒味。 仲要裏面真係啖啖肉，非常肥美，仲好入味。馬拉盞通菜＄78馬拉盞通菜嘅份量好足夠，而且睇到啲食水係非常新鮮翠綠，由嘅比例係啱啱好，調味適 中，吸引味蕾，口感亦非常爽口。椰皇翅$138都真係幾豐富，佢除咗係一個椰王之外，裏面仲有啲魚翅，非常爽口，而且有少少椰子味好香。估唔到個配搭都幾突出！飲完仲好飽添！有喜水果茶＄48水果茶就以橙汁味道為主，裏面仲有啲士多啤梨蘋果之類嘅生果，甜甜地開胃又醒神。

大家唔好搞錯唔係我有喜😜，其實係去完"有囍"食晚飯。地址係有點隱蔽，但去到街口又即刻見到餐廳，因為門口裝飾特別光亮🔈餐廳面積好大，裝修令人好舒服，一入門，店員好有禮貌帶你入座，店鋪睇落似家庭式經營，因為店員有老有嫩，服務周到。餐牌有好多選擇，為左唔洗煩，我地叫左個2人套餐D:肉骨茶其實我未飲過正宗肉骨茶，所以唔個味道係味正宗，但個湯好重藥材味，排骨煲到夠稔，有咬口，絕對唔係一般茶餐廳d例湯湯渣！星加坡巴東牛肋條牛肋條好大舊，咖哩味好特別，唔係印度咖哩辣。份量好大，食唔哂，外賣返屋企，咪做大徙鬼🤓串燒四串🍡雞串&牛肉串各兩條，燒到好香，仲有沙嗲醬，好香好好味~泰式肉碎生菜包🥗大大塊生菜，肉碎好多，又多汁，包唔哂，直接用黎送飯🍚泰式生蝦🦐生蝦配苦瓜，第一次係呢個配搭咁食，蝦好新鮮，苦瓜夠苦，令蝦味更鮮更出。時菜我地加左$10馬拉盞。菜苗好香好開胃👍🏻送上白飯&油飯，大大碗，油飯好香，又唔會油膩！是日甜品🍨南瓜露，少少結身，甜甜地岩岩好，好好味。

講真食呢間嘢完全係畀佢門口一大堆既明星相吸引而來！見到咁多人食都忍唔住試下 有囍三寶全部都係食啲星馬泰嘅嘢，所以入去之前我都已經揀好想食啲乜！我叫咗個泰國龍船湯米線，好似幾得意咁。 明明只係叫咗酸辣，食落就知道真係辣到阿媽都唔認得。 好彩我都真係仲係鍾意食辣嘅嘢，慢慢食都ok！ 入面有秘製叉燒，泰國豬肉丸，同埋炸豬皮！ 呢三樣嘢嘅combination真係好少見㗎！特別係炸豬皮，真係超耐冇食過！ 然後我覺得樣樣嘢都幾好食佢個叉燒肉質係厚實嘅,豬肉丸係有好香既豬肉味道，唔係得個質感。朋友叫左個牛肉沙律。佢D牛肉有D似乾炒牛河D fd. 都幾嫩滑香口，唔會去到牛河咁油，用黎調沙律係出奇地Match. 沙律不過不失，個人覺得佢落得太多胡麻醬，少多少少就無咁搶。不過整體都係好食既！見佢有張特飲推介就叫左杯紅棗茶。少少甜，唔算好過份。紅棗味都好香。最後想講下佢個環境。好colorful, 令人覺得食野既心情都好繽紛。睇得出好用心準備好舒適既環境俾客人。

在太子想找一些有特色的味道，就找到了這間餐廳。餐廳樓底高，想不到於鬧市中亦能找到這麼寬敞的空間吃飯！餐具很可愛！是沖繩！肉骨茶$62鹹甜適中，散發著淡淡當歸香，喝下去很暖胃，豬肉夠淋，一咬就離骨。柚子沙律$58份量十足，柚子鮮甜不覺苦，沙律食落辣辣地，好惹味！（下次其實可以叫少辣）星加坡海南雞（半隻）$138推介⭐️⭐️⭐️⭐️⭐️海南雞油份十足，雞肉嫩滑，雞皮爽脆，可以在皮與肉之間見到啫喱狀的精華！配上醬油或薑蓉都一樣好吃!半隻的份量亦不少呢！泰式燒鱔 $168初時與男友爭論要不要點，怕伏😂點知係好好食！好有驚喜！⭐️⭐️⭐️⭐️⭐️😍😍😍仲好食過平時既鰻魚乜乜！燒鱔沒鰻魚那麼多醬汁，更加帶出鮮味，由於是厚切的關係，食落滿有口感。配上泰式醬，更有風味!椰皇燕窩$98最後食埋甜品，甜度恰好，可以話係唔係點甜👍🏻👍🏻清甜就好食到啖啖綿軟既燕窩，好滿足！下次約三五知己食飯，又多了個好去處了！

約了太太放工後去花墟附近買花，看完後就先食飯後取花。碰見一間東南亞菜館，心想遲些有親友自東南亞來訪，隨即上網看看資料，見口碑不錯，不妨先試一試。進入餐廳內，但見擺設整齊清潔，使人有舒適的感覺。我們沒有訂位，還可以給我們一張近門口的卡座，客人魚貫入場，很快就差不多坐滿了，幸好來得早。看看餐牌，其實除了星加坡菜外，馬來的沙爹串燒、泰式生蝦以及西式的扒類都有得食，最抵食的還是二人套餐，而且有多款可供選擇，比散叫便宜很多，最後我們選了個二人套餐F($498)，另外，我見有個較特別的榛子水晶咖啡($32)，所以也叫來試試。二人套餐F包括了椰皇翅2盅、軟殼蟹沙律、串燒牛/雞4串、炭燒西冷安格斯牛扒配薯角、星加坡麥皮蝦及是日甜品2位。所有的菜色差不多同時都端了上來，很快就擺滿了桌上。我們先吃椰皇翅，是用鮮嫩的椰青盛著用椰漿做湯底的燉翅，椰香味很濃郁，一梳梳的翅份量極多而爽滑彈牙，口感不錯，連椰盅內的嫩滑椰子肉也可以用匙羹挖出來吃，味道非常好，感到這份晚餐的好開始。跟著就到那軟殼蟹沙律，軟殼蟹炸得通透，已經隔了油，粉漿不厚，外脆內軟，加了些醋，配合得很好，再配上些沙律菜調和，更加不覺油膩，實在有驚喜。

前陣子，這一所主打星馬菜的店子甚具人氣，原因乃在於她的星馬風味火煱湯底。我，對此也甚有興趣去試。不過對最近甚"宅"的小弟，要提起勁去糾眾去試就確有些難度的....不過，如是去食一個簡單的午餐的話，仍是可以的....但就沒辦法去嚐火煱了....這裡的午餐，不光只是提供星馬嘢而已。在餐牌中，您也可以找到甚麼越南生牛河及台式肉燥飯一類的東西。但我一場來到，當然是要吃她的星馬菜啦....這一個海南雞喇沙湯麵，同一時間可以嚐到兩款經典的星馬菜，實在是賺突了.....先說海南雞，雞肉是嫩的。若然連皮都是爽的話，就更妙；醬料算是齊備，一定要有的固之然是甜而杰稠的黑醬油....喇沙湯甚濃稠，入口香與辣兼備，亦喝得出有椰香來。於我來說，最美味是最容易吸味的豆卜；遺憾的是麵底就只有一款而不是兩溝的滲滲....吃完這一頓後，發覺東西還吃得過的....看來真要的起心肝，糾眾來試一下南洋湯底火煱了....

友人想食新加坡菜 覓食三人組就選了【有囍】來試試點了二人餐 包肉骨茶、麥皮蝦、海南雞、炒菜、油飯、甜品再另加以下：香芒米紙卷胡椒蟹巴東牛肋條參巴焗魔鬼魚.先講招牌菜 麥皮蝦 我對炒完既麥皮反而鐘意過主角蝦 個味調較得好好 空口食晒d麥皮😅而蝦有一點霉 不夠新鮮.肉骨茶 太淡 就算我在家煲也比它濃味.海南雞 賣相不太好 有點營養不良咁 同埋不夠滑.油飯不錯 不會太油 因為平時在其他餐廳食完 碗底定必好多油剩下.香芒米紙卷 當中有菜部份有點臭青味 可能洗得不夠乾淨 其他地方食好少有此情況.胡椒蟹 以往在新加坡食此菜是乾身的 不是我們期望的 這個煮法比較港式 有很多醬汁 同太甜 $489有斤幾都好啦 有d失望😪.巴東牛肋條 最滿意的一味 肉夠淋 味覺濃郁.魔鬼魚 比想像中夠厚肉 但面層的醬太辣了 搶了原本魚的鮮味

抵食又好招呼@有囍 朋友在花園街體育館打波後 ，在附近搵食 ，路過花園街附的有囍門口出現小小人龍， 主打東南亞 口味菜色，見價錢不貴而且食物看起來頗吸引，便入去試 是日特價食物~午餐好抵食 很有格調的單人位~ 裝修新潮， 闊落光猛，簡潔舒服，冷氣很強勁 餐具也非常別緻 食物款式很多價錢合理 ，店員推介下，我們點了兩人套餐，比較抵食 食物不一會就上桌了，星加坡麥皮蝦! 是這裡的名菜~ 麥皮蝦 看起來有點似避風塘炒蟹的樣子，原來味道是不辣的!一份有兩隻，而且非常大只!那些麥皮脆口而且很香甜，口感似蛋捲碎，而蝦的蝦羔好甘香，令人感到好幸福~ 軟殼蟹沙律，軟殼蟹比菜更多!!軟殼蟹炸得外脆內軟， 我很喜歡那個汁!味道有點酸 ，很開胃清爽 炭燒西蘭安格斯牛扒配薯角!份量 非常之多 我們牛扒點的是五成熟 ，來的就是五成熟 !火喉控制非常好! 牛扒肉味非常濃郁，而且不韌 配以大量沙律菜和炸薯角，雖然有點熱氣但很好味 串燒四串， 精華就在那個沙爹醬，非常之惹味 ，牛肉很出色， 沒有騷味，肉嫩多汁 椰皇翅! 好高級呀，入面有一把把的排翅，非常落本! 椰皇燕窩 ~加$48

這間餐廳食的是新派星加坡菜，好多菜式都未見過，先來一個泰式生蝦，比蝦身不夠肥美，中規中矩黃咖喱炒蜆，賣相似意粉，蜆都算大隻，同一般炒蜆好不同肉骨湯味道偏淡，但尚算足料新加坡黑胡椒蟹，沒想過竟然是火焰炒蟹，店員先把已調味蟹推到顧客面前，我在顧客面前即席用火炒香，滿足顧客的視覺效果1公斤大概有一隻，肉蟹肉身肥美但沒有太多糕店長推介的麥皮蝦，用炒香的麥皮再炒蝦，一碟有四隻蝦，蝦很大隻，啖啖肉，剩下的麥皮用來送飯也很惹味，

同老公去金魚街買完野後，就去附近到食飯，見到間有囍，門口裝修唔錯，就食呢間啦碟好有度假感覺，而且我同老公果隻碟唔同肉骨茶具有調節免疫功能與抗發炎的作用，不僅有益提升新陳代謝，對於預防感冒、流感、腸病毒等常見疾病，也有不錯的效果。肉骨茶， 當然要配油炸鬼吸下湯食。份量起碼分到3至4碗到。而肉骨茶用左多種藥材烹調，亦有杞子可明目。肉骨燉到好嫩滑，同湯味道好夾。味道方面，香濃回甘，不錯新加坡海南雞飯， 配上辣椒醬，蒜蓉，甜豉油。雞皮下有雪凍左既湯jelly, 下面係冇骨雞。配上唔同醬料，味道口感層次分明油飯濕潤有光澤，除可配上雞肉醬料外，老闆亦介紹可以配上麥皮蝦既麥皮撈埋一齊食.. 試下先麥皮蝦上既麥皮香脆可口，帶有點點椰絲味。配上油飯一起食，又是另一種風味麥皮蝦，大蝦蝦肉肉質彈牙，而且都有好多蝦膏。好食馬拉盞炒椰菜苗:鮮甜爽口既椰菜苗配上馬拉盞既咸香,令到椰菜苗既味道更加特出南瓜露: 南瓜味好濃，完味一餐既總結

同朋友去左我地新地頭太子花園街搵食，呢條街好多野食，好多間都想試。見到其中一間門面係全粉藍的，好特別喎！行近望吓，原來係食星加坡菜的。香港可以食星馬菜的餐廳不算多，加上見佢餐牌都多選擇，價錢又合理，一於試吓佢。入面裝修都幾新，簡潔舒服。餐具好乾淨 ， 枱同枱之間距離夠遠， 啱曬傾密偈。枱夠大，放多幾碟餸都唔怕，座位舒服，約老友吹水一流。餐牌好多選擇，樣樣都想試，我地叫左： 大蝦柚子沙律$108初初以為得三隻大蝦，原來响柚子堆入面仲有好多，可以慢慢尋寶。佢加左少少辣粉，甜甜酸酸辣辣，好開胃的一味頭盤。柚子就係咁樣食先最正！參巴焗魔鬼魚 $158魔鬼魚响香港好少得食，對上一次已經係幾年前响 KL Alor 食了，美味無窮。今次食返到佢好特別的一絲絲的魚肉同埋軟骨，好爽呀！參巴醬都辣夠惹味，而且魚亦夠大。但可能條魚係焗的關係，做出來唔夠香。如果可以改為即燒就正啦！諗到都流口水。姜汁炒椰菜苗 $68好味喎！椰菜苗好嫰綠，炒得好爽脆又有咬口。姜粒不少，個汁夠惹味，咸淡適中，推介。 星加坡炒貴刁$68呢味炒貴刁都唔錯，夠乾身又唔油膩。其中魚蛋片好味彈牙，同埋佢加左臘腸一齊炒，幾特別第一次食。足料份

在香港食東南亞食物之中, 以泰國為首, 新加坡比較少見, 數年前增到新加坡旅遊, 悶熱的天氣令人受不了, 但當地的美食卻叫人難忘, 於是相約幾位好友, 來到太子品嚐主打新加坡風味美食的有囍。星加坡麥皮蝦$168: 有四大隻, 剛好一人一隻, 每隻蝦都大大隻有份量, 剝開殼後, 蝦肉爽口, 但麥皮的味道不入味, 以蝦肉來沾麥皮吃就好好多了, 麥皮有脆脆的口感加上椰香, 滋味更提升。肉骨茶$62: 大概能分到四碗, 它的蔘味頗重, 卻沒有了肉骨茶的蒜及醬油濃香味, 反而像一般的中湯, 但味道還是不錯的, 肉排可蘸醬油食, 附送的小油條則較軟身。新加坡胡椒蟹$498: 新加坡胡椒蟹很出名, 決定豪一豪食隻蟹, 蟹是時價來的, 問了店員幾重和幾錢可再決定。上菜時蟹看來已煮好, 被濃稠深色的醬汁包著, 想不到原來還要"回鑊", 以蔥、洋蔥、胡椒爆香, 再加酒玩火焰效果, 極吸睛。胡椒蟹雖然只有一隻, 但它大大隻, 尤其蟹鉗位啖啖肉的, 輕易剝出來, 每人大約分到兩件, 它的醬汁惹味卻不過濃, 仍然嚐到蟹的鮮味, 肉質爽甜, 質素不錯呢, 雖說用上胡椒來煮, 卻不是太辣, 容易接受。黃咖喱炒蜆$1

今日在太子一帶行街，到了晚飯時間，這條街兩邊有很多不同口味的食店，最後因為很想食海南雞，而且看到門外貼了很多名人與店主的合照，所以選擇了在這裡吃晚飯。星加坡海南雞$138半隻-其實價錢都算幾貴，雞肉嫩滑，雞味一般，而且隻雞都很細隻。三種醬料：黑醬油、薑茸和辣椒醬令雞肉味道提升不少。芒果糯米飯$58-這個甜品的芒果很甜，糯米飯香糯軟滑，加埋椰漿，味道清香，而且糯米份量都很多，很飽肚。青檸檬梳打$26-這杯梳打很清新，味道不太甜。