有囍 (已結業)

放工過黎花墟買左啲工作用嘅材料，近近係花園街食飯。環境都幾舒服，好乾淨(´▽｀)諗咗一陣就叫二人餐，唔駛諗，又夠平。二人餐398元，都幾多嘢食。肉骨茶，味道唔濃，剛剛好，唔會油，趁熱飲。炸蝦丸味道不錯，新炸，蝦味夠濃，粉唔厚，點甜酸醬，好味。香芒米紙卷，唔會hea，每件都有件大芒肉係入面，口感不錯，幾fresh。海南雞，雞件好滑，平時去餐廳食得幾件，呢個二人份件件有肉，點佢嘅醬更美味。要特別介紹呢個豬手，好林，又超入味，而且好多件，酸酸的。通菜正常，我地叫白飯，豬手汁撈飯都不錯。甜品係南瓜露，正常，唔太甜。呢個椰青多汁到，職員好小心放係枱，叫我地飲左啖先郁。

和朋友到了太子的有囍yo老闆娘像家燕媽媽咁款的熱情好客有禮貌！其他員工服務都很好。店內環境光猛！都客人雲來的大多數菜式都是東南亞星馬泰菜式！款式都很多選擇~見到很多台客都點蝦，蟹！！我地都跟風蜜桃蘋果特飲，半溶狀既沙冰好滑！唔會凍到飲唔到~清香蘋果蜜桃味，唔會過甜。幾好飲泰式鳳爪味道夠哂香辣惹味！酸酸辣辣越食越開胃星加坡麥皮蝦，炒到 d麥皮片好乾爽香口！有避風塘炒般既感覺，不過這香而不辣蝦既 size都好大隻！入味味夠哂鑊氣酸辣炒蟹原來是用上蕃茄既酸整成，辣就不算了！整體酸多過辛辣，味道不錯~蟹好大隻！夠鮮味

做完facial行下街，呢邊花園街都有唔少選擇。有囍係我上年年尾試食過都唔錯嘅。早到都未係多人，過一陣大枱都坐滿哂。店員都好細心，知道我同家人黎就安排一個無咁勁冷氣嘅位置俾我地。想食一啲特別嘢，所以都係散叫為主。首先太肚餓，叫咗個柚子沙律（$68），份量真係好多，幾乎成個柚子都放左落黎。放左啲炸蒜片，更加香口。再黎個炒蘿蔔榚（$52），甜甜地，幾好食，食左辣嘢，轉下都甜即刻中和番。呢個麥皮蝦（$168）不得了，麥片唔係平時維x個種，佢嘅麥片奶味好重，好好味。蝦都係偏大蝦，啖啖肉，好可口，成碟清哂。巴東牛肋條（$88），佢係辣係好到位，絕無欺場，真心好味。牛肋條煮得好淋同好入味，真心讚。當然唔少得要配澱粉質嘅嘢，叫咗薄餅（$28）。如果可以大塊啲就仲正。係fb Like and share有一杯藍蝶花特飲，加左荔枝汁檸檬薄荷落去，好清新，好好飲，完全無伏。老闆娘滿場飛，又nice，完全無架子執埋嘢，讚！

今日經過油麻地，就試咗朋友好多次介紹俾我哋嘅呢間有囍。一坐低佢哋有好多唔同嘅套餐介紹俾我哋，但係我哋都係決定散嗌。首先，朋友叫我地一定要試佢哋間鋪頭嘅麥皮蝦，所以我哋就叫左啦。一嚟到嗰陣麥皮同埋鮮蝦嘅香味真係掩蓋唔着，而且佢應該係用咗虎蝦，所以啖啖肉，另外齋食麥皮都覺得好趣博博，一定要試吓。由於呢間餐廳有好多唔同東南亞嘅菜式，例如有最出名嘅星加坡嘅肉骨茶，所以我哋就照眼利。佢同喺星加坡食嘅肉骨茶一樣，都係配送油條，以佢嘅肉骨茶係加入左杞子，所以除咗係幫大家強身健體之外，仲可以幫大家名目架，啱晒我哋呢啲都市人！我同朋友就最鍾意食嘅時令菜就係通才，我覺得佢價錢都合理，最緊要係佢會迎合好多唔同人嘅口味，佢有其中一個係辣嘅第二個就係用蒜蓉炒，因為我同我嘅朋友口味有少少唔同佢唔識得啦，所以我哋就叫左一個蒜蓉炒通菜我同我朋友就最鍾意食嘅時令菜就係通才，我覺得佢價錢都合理，最緊要係佢會迎合好多唔同人嘅口味，佢有其中一個係辣嘅第二個就係用蒜蓉炒，因為我同我嘅朋友口味有少少唔同佢唔識得啦，所以我哋就叫左一個蒜蓉炒通菜。佢我就嫌佢用多咗少少油但係整體係非常之好食，蒜蓉香味都好重。令到我最覺得其袋嘅就係佢呢

太子happy hour完，最方便就係行去後面花園街食晚餐上次食過有囍好食，價錢又唔算貴，今晚再同朋友仔來叫其他菜式。泰式生蝦~肥美生蝦配搭蒜頭辣椒，醮泰式辣汁最美味，每一口辣得剌激。原來夾苦瓜一齊食仲可以有舒緩作用，減少返辣既剌激度！泰式豬肉生菜包~清新蔬菜包住肉碎，入面還有些馬蹄粒，好爽口。唔算太辣，岩晒小辣人仕，唔夠辣還可以要求加辣喔！鹽燒烏頭~燒得好香，魚肉不老，加泰式辣汁非常惹味，食下食下話咁快清晒。馬拉盞椰菜苗~顏色夠晒翠綠，水份很多，好甜好好食！椰青~炎炎夏日飲返個冰凍椰青，消暑解渴，清甜好味！

好朋友係新加坡菜同蝦類食物愛好者，今晚帶左佢去旺角花園街既有囍Yo Hay食新加坡菜晚餐~ 餐廳新潮型格，裝修特別，餐具同碟都很可愛呢我地分別點左以下食物：Like and Share Facebook送左杯藍蝶荔枝汁，荔枝味濃，好解渴！泰式生蝦有八隻，生蝦啖啖肉，肉質緊實爽口富彈性，味道爽甜鮮美，再配上大量生蒜、辣椒、調製的醬汁，有助帶出蝦肉的鮮味泰式炸蝦餅有四顆，每個有大半個拳頭咁大，蝦味濃金箔桔子炸豆腐炸粉外皮非常薄，內裡既豆腐非常嫩滑，富豆香！配上惹味的炸蔥和蒜，好好食星加坡麥皮蝦份量十足的炸蝦大大隻，很香口！沾上了甜甜的麥皮碎美味得很，不得了是我全晚我最喜愛的一道菜泰式蝦炒金邊粉蝦帶微微酸甜，很開胃。金邊粉炒得乾身，加入了蔥段蛋花一同炒得香口，幾夠鑊氣馬拉盞炒通菜好大碟，蝦米乾大大粒，通菜炒得咸香略嫌通菜有少少榨整體來說，每道菜都非常出色啊，店員有禮貌，服務好，推薦嚕

對於上班族而言，每日去邊度食lunch，都係幾傷腦筋嘅事，就算有好食嘅餐廳，日日食都會悶。自己雖然喺油尖旺番工，出名多野食，但都好煩惱。有D就多人，有D又貴。今日去花墟附近買兩棵盆栽仔，去左呢間叫有囍嘅餐廳。睇番佢地晚上係打邊爐，lunch都有套餐食。泰國龍船湯米粉幾得意，好似船麵，湯底幾濃味。配料有炸豬皮、叉燒、肉丸咁，泰式風味。肉丸幾彈牙，叉燒係日式果種，厚身而腍。炸豬皮好似一圈圈，好脆架，好似炸薯片咁，浸番腍又變豬皮口感。一碗份量不少，米線底，所以都幾飽海南雞飯近星加坡做法，除左油飯，仲有雞、雞湯、醬料。雞湯味濃郁，好似精華咁，好有質感，唔係hea嘅例湯。飯粒我就略嫌硬身囉，勝在唔係太油膩。雞做得唔錯，香港好多時食一來唔滑，又有時似白切雞，呢度做得幾好，食落幾嫩滑。跟番個三色醬，我自己鐘意配酸辣汁、黑醬油，正，幾有水準。lunch來計，70零蚊ok啦，勝在環境坐得舒適，又唔想行咁遠，為左海南雞都有回頭嘅。

呢間泰國野有囍，喺Openrice 都幾多like，見咁岩黎咗太子，就特登黎試下。平日嘅夜晚唔算多人。呢度似乎係有三個上咗年紀嘅阿姨打理，說話較直接嗰種服務態度。坐底咗卡位，叫咗幾個餸，包括辣椒膏炒蜆泰式青咖哩雞，星加坡麥皮蝦同蒜蓉炒椰菜苗。呢度嘅野食好大碟，份量好夠。平時泰國菜都係細細碟。呢度我地反而係叫多咗。辣椒膏炒蜆，比我地想像中無咁辣，而蜆係大隻到似花甲。咁多隻蜆有一隻應該係死左無開口。泰式青咖哩雞，得草青味，無乜咖哩味。雞係雞肉，非雞件，係無骨但係亦無乜雞味。我另外仲叫咗份薄餅，薄餅無乜特別，可點可唔點。新加坡麥皮蝦，蝦炸耐咗，個都仲係彈牙嘅。不過呢個價錢有咁大隻，仲有成4隻，係性價比超高。我地叫咗鮮菠蘿粒七喜，都幾解渴。老公見到有門神手工啤，佢當堂bling bling 眼，不過佢揸車就無嗌喇。

行左幾次都比佢光鮮吸引，今次大家睇下menu，見有囍多樣亞洲菜都有，4個人齊齊入嚟。孫悟空琥珀啤 $68得獎手作啤酒，麥芽味果然濃濃，留口麥味，過一下就有蜜桃芳香。今日近40度，一口，呀，下，爽涼！青木瓜沙律 $58青黃一碟，外貌不可以話好吸引。我地叫左唔辣，因為魔鬼魚會比較辣。咬到金不換菜，唉也，個口香左好耐。青木瓜邊d位就爽d同無咁甜既，青木瓜內既肉芯就林d同甜d，鐘意食個芯！青木瓜去瘀又清新，好開胃呀，準備好食落去。肉骨茶 $62大份量湯水，補補身。排骨多大肉，軟骨位都煲到林哂，膠膠美顏？！湯非常香甜，藥材味改良左，朋友話更易入口！我感覺無傳統個d熱氣，但多藥材會濃d。依個就見人見智啦。咖哩軟殼蟹 $158一上嚟一碟黃海。多洋蔥同多三色辣椒，比我地食得乾淨。咖哩唔太辣，軟殼蟹在大大一個蟹肉，嘩，微甜同多肉，肉質都帶有蟹味，唔會因爲軟殼蟹而完全無鮮味。參巴焗魔鬼魚 $158超多辣醬。雖然好辣，個好過引。唔好睇魚有點扁以為佢無肉。嘿，不知幾多肉呀，一絲又一絲厚肉。重點之菜色 星加玻麥皮蝦 $168上碟好美，奶香麥皮多多多。食落正正，咬落有q口同有口感，食左好多都無熱氣感覺？！虎蝦4大

有喜在花墟附近食街，搶眼粉藍色超大的鋪位，可容納幾十人。外面放滿了廣告牌，介紹有喜特色項目。樓面裝修富色彩，粉紅粉藍的傢俱、餐碟，帶出幾分兒童樂園的味道，讓人不其然會放鬆下來。二人套餐$498，有蝦、有蟹有魚翅，西冷串燒樣樣齊，沙律甜品無走雞 😋😋星加坡麥皮蝦，賣相高檔，炸透的麥皮，一羹入口，鬆化中帶小麥味道，味道高出預期。大蝦背開，容易拆殼，味道尚可。軟殼蟹沙律賣相精美，色彩豐富，味道不錯。帶點脆口的炸皮，蔬菜配個酸醋汁，有格調又醒胃。亦是套餐中蔬菜主調。串燒牛雞沙嗲醬不辣，一客兩味，多重口味。炭燒西冷安格斯牛扒配薯角七成熟的安格斯牛扒，內裏還帶紅色，有點咬口。很欣賞旁邊的辣椒醬，估計用燈籠椒打蓉，香而不辣。椰皇翅 原隻椰皇上，內有排翅幾梳，腍而不腥，雪白椰汁湯，感覺滋潤。可是我還是比較喜高湯燉翅的味道多一點😂😂😂。龍王福建柚子啤 特價$68 （原價$78）掌櫃介紹這款柚子啤是100%香港制造，入口較普通啤酒薄身，少了啤酒的澀味，換來淡淡的柚子香，屬高質素啤酒🍻。是日甜品 南瓜露用南瓜磨露，滑口無渣，更意外的是這款甜品是凍食的，味道不錯。套餐價格比散叫優惠，餐牌菜式繁多，就算來多幾趟

人係貪心嘅😳 又想食泰國嘢，又想食新加坡野，又想据扒，咁點好呢👉🏻👈🏻 太子呢間餐廳「有囍」就可以一次過滿足晒所有願望啦😍 👏🏻 餐廳主打東南亞食物，有新加坡菜，亦有泰式菜，仲有好多小食同肉類食物，啱晒我哩個貪心嘅大胃王🤣 餐廳亦有賣「門神手工啤」，幾特別～ 餐廳都幾大，環境唔錯，坐得好舒服，餐枱、燈、裝飾、碟都好colorful好舒服～ 食物選擇多，可以單點或者叫餐，二人餐嘅選擇已經有六個😵 又抵食👍🏻 我哋叫咗個二人套餐F， $498就有六樣嘢食👏🏻 椰皇翅 （2盅）翅的分量真係好足料呀😵 椰皇熱辣辣，非常香，椰子湯香濃好味，魚翅口感好，而且一人一個堅抵👍🏻 一個字：正！😍👏🏻軟殼蟹沙律亦係份量好多，軟殼蟹仲多過啲沙律菜😍 超級抵食👍🏻 軟殼蟹香脆可口，加埋酸酸甜甜嘅沙律汁，真係好好味☺️ 沙律菜亦都係酸甜開胃，新鮮好味😋串燒牛雞一共有四串，牛同雞各兩串，兩款都好味，個人比較喜歡牛，配埋沙嗲醬更好味，小小辣好惹味～😋 炭燒西冷安格斯牛扒配薯角好大份呀😍，而且好厚，切開係見到粉紅色嘅肉😍 我哋係叫七成熟嘅，絕對剛剛好，仍然保持肉汁，而且好腍好味👍🏻，嗰醬汁好特別，類似意粉醬，個人覺得味

位於太子花園街，主打多款東南亞小菜，例如胡椒蟹、新加坡麥皮蝦、海南雞及多款泰國菜等等，售價相宣，不乏食客。泰式生蝦 (套餐/四隻): 生蝦大大隻，相當厚肉，夾蒜頭辣椒及泰式酸辣醬食用，味道層次豐富。肉骨茶: 為馬來西亞及新加坡經典名菜，此為藥材湯，湯裡有數條香滑豬骨，可沾醬油食。而湯料味道柔和，藥材香味一般，普遍會搭配一碗白飯享用。泰式串燒 (雞 & 牛): 香料夠入味，串燒香口惹味，唯雞肉肉汁流失，質感稍乾。新加坡巴東牛肋條: 巴東醬偏香甜，並不辣，但有點像咖喱牛腩的味道。馬拉盞炒通菜: 醬料惹味，通菜夠嫩夠入味。椰皇燉燕窩: 加杏仁汁及大量燕窩入椰皇蒸燉，非常香滑，用料足，超多燕窩!!!

花園街係一條充滿香港情懷既老地方，很多舊式商舖、香港特色小食店及花店充斥整條街道，除了這些，時尚簇新既餐廳及菜館也進駐了不少，其中一間就是有囍。有囍門面裝潢新穎美觀，玻璃窗上貼着很多明星曾來光顧既相片，而且菜館主打我和老公喜愛的東南亞菜式，我倆都被吸引着，便進入去了。菜館內裡佈置得整齊和諧、清潔明亮、擺設新穎、掛幅別緻 ; 由老闆到每位侍應都是服務週到，有被重視既感覺。給客人用既碟都好精緻，好靚。餐牌顏色跟菜館嘅藍色主調是一樣的，很美 ; 菜式種類及飲品種類也多，而其中有一款菜式 ~ 雞煲翅是需要預訂的，大家要留意。泰式生蝦($98)生蝦肉質緊實富彈性，味道爽甜鮮美，配上調製嘅醬汁，其酸辣既味道，非常醒胃。馬拉盞炒通菜($78)通菜爽脆，馬拉盞鮮濃，好惹味。辣椒膏炒蜆($138)炒得夠鑊氣，有大排檔風味，惹味香濃，辣中帶微甜，好好味。海皇魚翅撈飯($108)這個價錢當然不可能全部都是海鮮，但其實除了蟹肉用蟹柳代替之外，其他都是真正海鮮，有海蝦、帶子粒、魚肉、魚翅，而最重要係湯底夠清甜，配合白飯，口感豐富。檸蜜梳打($26)炎炎夏日，喝下這杯酸酸甜甜的飲品，真係解暑。班蘭奶凍($35)班

朋友介紹，一早book 定位，因為近母親節，book 左6點，但講明8:30要還枱，一定夠曬時間，我們食完幾個人係度吹水，完全無人比壓力你，唔會想趕你走，感覺好好，好舒服。餐牌有2人及4人餐，但每一個餐總有朋友有d野唔食，所以最後簡左散叫，個無骨鳳爪比想像多，咖哩個樣麻麻，但有驚喜，金邊粉偏酸，總體都好食，而且又抵食，每人食$1xx,已經好飽，可能我們無叫麥皮蝦及胡椒蟹，所以平d，總括而言，下次會再來食。

今日約左朋友食飯 佢又想食泰國菜但我依排去九龍城食飯食到厭哂 所以決定係市區試下d新野我地揀左係太子食飯 因為朋友返工係依頭而且食完飯仲可以行去旺角行下街經朋友介紹得知依間餐廳裝修fancy 而且整潔企理 所以就決定試下佢🍤泰式生蝦一碟前菜既生蝦入面有8隻全部都好大隻 而且肉質好爽但因為呢個醬汁佢入邊本身就唔係辣嘅所以佢係隻蝦上面跟埋嘅辣椒係真係好辣所以之後我同朋友決定將八隻蝦上面嘅辣椒放晒落醬汁到一齊點就會好啲😗🥞薄餅之後我哋叫咗一個薄餅 諗住配埋咖哩黎食嘅薄餅吸哂咖哩d汁勁好食！而且個餅本身好煙韌 所以更加分🐟新加坡咖哩魚頭煲魚頭煲入面有配d豆同秋葵個汁同入面d食材好夾由其是連秋葵入面都有吸到d咖哩汁除左有主角魚頭之後仲有魚卜魚頭仲係好滑 魚卜又吸哂個汁 真係諗起都覺得好食😗🦀黃金軟殼蟹咸蛋黃係近期最興既野周圍都可以食到黃金既product😋食軟殼蟹最方便既地方係完全唔需要lur骨就咁可以吞哂落肚依個餸非常惹味 整得岩岩好唔會太鹹 令到我同朋友一舊接一舊🦐泰式蝦炒金邊粉pad thai係食任何泰國菜都一定要食一試就知間餐廳水準如何依到既金邊粉較為甜蝦就好新鮮 彈牙如果側邊可以跟個青