普慶餐廳

营业中

休息中

無意中撞咗入嚟呢間四月才開幕的「普慶餐廳」。溫馨提示：正價$548/位、60歳或以上$388/位🎉🎉🎉😍自助餐一向不是我杯茶、今晚竟然食得特別多！環境、服務都唔錯！👍🏻其實海鮮及其他食材亦不差、只可惜部份負責食物的員工態度有啲問題、表現得不情不願、好似被迫做呢份工咁! 「台式牛肉麵」牛筋、蘿蔔味道都唔錯、可惜啲麵竟然係生既、咬唔落口、感覺hea 住煮理！😳餐廳大堂的服務反而值得一讚！每位員工都帶有笑容、有禮貌又勤力收污糟碗碟！👍🏻😘有幾樣野掛住食唔記得影👇🏻Prime rib叻沙紅豆沙朱古力夾餅😋😋😋有好多幾樣想食、 但已經飽到上頸👇🏻👇🏻👇🏻印度咖哩串燒物炸物下次再嚟有策略性的進食、揀精選的！龍蝦、大蝦和魚生三檔絕對已值回票價！👍🏻😍😍😍

5月尾朋友移民加拿大, 一行八人去左間位於佐敦新裝修重開的自助餐, 好有驚喜, 係近年食過的自助餐覺得最正的一間, 環境唔錯, 所以7月自己生日, 都決定去返呢間自助餐慶祝, 雖然已經第二次食, 但仍然食得好開心, 因為有我至愛生蠔, 每天供應三款, 今次就有法國, 愛爾蘭, 南非, 三款都係細細隻, 味道可以, 個人比較喜歡法國, 所以後尾都主攻法國生蠔, 食物種類真係好多, 但時間有限, 肚就得一個, 根本食唔切咁多野, 唯有集中食自己的喜好-冷盤, 刺身不錯, 推介大家: 牡丹蝦, 師傅剥好殼放在底部放滿冰的杯中, 大大隻, 啖啖肉, 忍唔住都食左四五隻, 凍海鮮有鮮味, 唔會淡口, 有龍蝦, 長腳蟹, 青口, 藍青口, 海蝦, 翡翠螺, 另外蕃薯天婦羅好甜, 燒龍蝦尾正, 不過要等師傅慢慢燒, 肉眼都唔錯, 平時少飲湯的我, 今次都試了兩款, 南瓜湯及蕃茄忌廉湯, 好飲到呢, 可惜真係太飽, 唔可以再飲, 甜品好多款, 好甜品的一定喜歡, 仲有MOVENPICK雪糕, 其他食物都好好味, 從食物質素同擺設, 可見餐廳的用心服務, 真係值得一讚, 下次再食自助餐, 呢間必定係我首

友人C嘅介紹下剛好有心情食自助餐, 已經有一段時間沒有食自助餐了, 正如介紹一樣餐廳面積大, 座位相當多, 雖然最初打電話來時話FULLY BOOKED但留名作WAITING LIST果然到時到侯電話到, 位置唔算差但太座嫌冷氣太大, 待應亦給予轉位, 沒有絲毫面色, 態度友善,食物是應有盡有, 質素是中間少少偏上, 海鮮類以即開生蠔作招徠, 一碟有三隻,三隻不同來源地的生蠔任君品嚐, 其他海鮮類都係一般見開嗰D, 烚蝦相當大隻, 醃三文魚都有兩三款, 日式刺身櫃都有些特別少少嘅野就係牡丹蝦一隻一隻用杯裝飾好, 呢個較有諗頭, 而再行兩步會見有燒海鮮/五花腩,菠蘿的燒烤區, 攞來食過但只是一般, 再隔離是天婦羅炸物專區, 新觧即炸的炸物一定程度都算達到某個水平, 但礙於原材料不會是太頂尖的質量, 7折收貨吧, 麵包區的麵包一般只有外籍人士會幫襯,因為一般香港人會感覺在自助餐食麵包好蝕底, 但我是個不折不扣嘅包癡, 寧可扣起其他食物的份量好歹也會試一兩件麵包, 以酒店的西式麵包來說這裡的麵包都做得有板有眼不妨一試, 湯類一中(燉湯)一西(南瓜忌廉湯), 各有特色,由於吃罷燒牛肉後，胃容量

新開的酒店自助餐，環境不錯，空間感滿意，菜式選擇多，行一轉睇晒所有食物都要花時間。👍👍👍特別欣賞這裡的總廚，經常出嚟檢視所有菜式，對客人亦笑容滿面，願意主動同客人打招呼，這個服務態度非常好。👍👍👍最欣賞這裏所有蝦的出品，就算凍食龍蝦，解凍程度都非常好，唔會有好冰鮮的感覺，至於刺身的蝦，都係比較大隻及新鮮。當然最後要讚的是甜品，選擇多，出品亦比較有特色，賣相一流！一定會再次光顧。🤣🤣🤣🤣🤣

今日黎食 lunch buffet ,果然無失望。生蠔任食，雖然唔係好大隻，不過都滿足到我。每人限拎2隻，唔知係咪lunch 既關係，所以唔洗點排隊就可以不停拎☺️味道都新鮮而食物種類都好多選擇，韓日中西樣樣齊。韓國有人蔘鮑魚雞湯，韓國煎餅，韓國粉絲，韓國炒年糕等等。日本刺身，壽司，天婦羅，串燒，凍食等等。有燒羊架，咖喱，點心，湯面。甜品部都好多選擇，真係樣樣有驚喜。環境都算唔錯，都坐等好舒服。侍應服務態度都好好。

難得平日有日假期，去左佐敦翻新左既The Astor, 午餐只需兩百幾蚊，集合左幾個不同國家既特別菜式，最重要係竟然午餐都有三個國家既生蠔，係三個國家！！真心抵食！下次一定要黎試下晚餐！

有朋友推介呢間新開的餐廳食buffet, 話CP值高，一於約埋班friends去試下先！一入去餐廳，嘩左一聲！好大好靚好多野食呀！出去攞左好多轉野食，每次都差啲搵唔返自己張枱我地星期二夜晚去食，估唔到都幾full，但好彩攞野食都唔使點排隊，食物refill得幾快！讚！講到食物真係有驚喜！即開生蠔好鮮甜，仲有大大隻龍蝦，虎蝦，超大鮮甜蟹腳，刺身（有帶子，三文魚，吞拿魚，油甘魚，八爪魚，北寄貝），Parma ham，西冷牛扒，羊扒，串燒，甜品，蛋糕，Movenpick雪糕，pancake，waffle，等等等等多到不能盡錄！真係超抵食，侍應及廚師服務態度都好好，一定會再來！

聽聞尼間新開自助餐，今日同幾個朋友一齊去試下。地方好寬敞環境唔錯，一黎就馬上去攞野食，食物種類多，生蠔唔洗等好耐，平時等到發呆都未到，尼道d員工好快手仲好有禮貌。buffet好小見原隻巴馬火腿即切，沙律有羽衣甘藍，其他buffet真係無見過。不過食物既位置就分得好散，好容易會miss左，刺身我都係見人地喺個洞行出黎先知道。另外要提提員工服務真係好好，有禮貌又有笑容，我地有小朋友，應該之前我地訂錯左，但侍應知道馬上拉隔離張枱比我地（小朋友係2歳半），其實我地都唔洗，但佢地都照拉，話等我地舒服d,收碟又快，唔會堆到成枱垃圾，服務同食物都好好，一定要keep落去喔

位於逸東酒店內的自助餐廳Astor格局有別於一般吃buffet的酒店餐廳，摩登鮮明、寬敞舒適，更有梳化位增添休閒感。食物款式眾多，有多個食品區，凍海鮮有三款即開生蠔、龍蝦、麵包蟹和青口等，多款火腿凍盤；刺身必吃拖羅和大大隻牡丹蝦，中式片皮鴨和海南雞飯暖肚亦佳；個人最愛即燒龍蝦，肉質爽彈，新鮮爽口；蛋糕甜品款式甚多！有炒雪糕、窩夫、多種口味蛋糕切餅、新鮮水果，加10多款Movenpick雪糕和芝士拼盤，一定能滿足女生的甜品胃，值得一試

今日去咗個囡老師勁推薦、位於逸東酒店嘅普慶餐廳(The Astor)，又確係煥然一新喎。樓底高，裝修走年青風，令我諗起台灣二十輪之類嘅型格酒店。嘢食多過未裝修前好多，服務生態度又好，只不過我餵完仔食奶先🐶衝去攞嘢食，自然相都唔記得影啦！Any肥，最正莫過於晏時晏晝、三舊水就有生蠔食，我食咗9隻，回本！唔食蠔嘅，老師同另一媽媽嗰時就話有供應movenpick 12隻味好正喎，同埋佢地話夜晚食正啲，有龍蝦、牡丹蝦，不妨去試吓。P.S.記得長者有優惠架！

位於佐敦嘅逸東酒店最近裝修重開餐廳The Astor~雜誌網上連OpenRice 都推介，我一定要試啦😜有生蠔、龍蝦、蟹腳等海鮮~好新鮮😋又有巴馬火腿，仲係即切添，正👍串燒🍡🍢有我喜歡雞翼、雞軟骨但我覺去食放題果D好味D，留返個肚食其他嘢仲好！羊架及燒牛肉雖然我唔食，有食個果話正👍熱盤有燒味、湯、天婦羅、咖哩等都唔錯！甜品方面都多，又有🍫🍬🍰🍮更加估唔到Movenpick雪糕都有咁多款選擇👍(推介士多啤梨雪糕因為果肉多）但🍰🍮🥧🍫我覺得好甜，雖然細細舊但我覺得share食好啲😎飲品方面袪毒水及啤酒任飲，再加一杯餐飲☕️最後要讚下啲員工嘅服務態度超好👍埋單每位$438再加一（平日）～乜信用卡都冇折😆由於太多嘢食，都冇食，會再來食😜😚

訂位一星期，昨晚準時6:30到酒店，帶位給我們坐了酒吧前的枱，好嘈吵，又多人行來行去，又凍，食到無心機，後來換位後好了一點。講真裝修就麻麻地，不過見價錢平就到時一次。自助餐包一杯飲品，還可以飲嘉士伯啤酒，任飲的。第一轉食凍龍蝦，凍海蝦，長腳蟹腳，翡翠螺，和青口，龍蝦吾新鮮，食落口口感好差，翡翠螺仲有好多沙，反而長腳蟹都OK，凍蝦不過不失。等二轉食生蠔，有三個地方的，愛爾蘭，新西蘭，法國的，法國的生蠔有一浸腥味，口感麻麻，還有太細隻了。第三轉食燒烤牛扒和羊扒，沒有什麼特別，可以接受，將扒就比較蘇一點。第四轉食日本菜，有壽司，魚生，天婦羅，燒烤，牡丹蝦刺身比較好，其他都普通。第五轉，飲下湯，食燒味，可以接受。第六轉，食雪糕甜品，雪糕有pancake加格仔餅，還有一些朱古力醬，或者士多啤梨醬加上去，口感咁非常好，還可以食軟雪糕。第六轉又係甜品，不過係食蛋糕，蛋糕大概有八到10個種類，食物都唔錯，甜品師傅試係外國人， 好有水準。整體來講都有六分。

The Astor新開無耐，點可以唔試😏食物款式繁多，冷盤海鮮嘅龍蝦大隻又多膏，仲有即開生蠔添！刺身都有7-8款，最吸引當然係牡丹蝦啦。另外，特別推介Parma ham配truffle honey，味味非常配合，唔會遮左Parma ham嘅咸香，又有松露嘅香氣，再帶少少蜜糖嘅甜，好食呀！熱盤方面，有中、西、日、韓、印度、星馬，當然試唔晒咁多啦，個人就推介燒海鮮，包括帶子同大蝦，廚師每次都唔會燒好多，可以確保食物鮮味，完全唔會overcooked。另外，羊架、天婦羅、燒牛扒都幾好食。餐廳貼心嘅地方係d蓋一路蓋住，見你行到過去先逐個蓋打開俾你夾甜品當然唔可以錯過Movenpick雪糕啦，仲有各種蛋糕同甜點，食到好飽，好滿足呀😋值得一提，依度係唔用膠飲管，好環保呀！好耐無食過有質素嘅自助餐，普慶真係值得推介同再去！

今晚係我同老公結婚週年，一早都唸住去食buffet，網上研究過一輪就決定試下呢間新裝修嘅自助餐餐廳，網上一致好評，見佢價錢都幾抵咁就book位啦…講真食物好唔好就真係各人口味唔同，我同老公都覺得唔錯，食材新鮮，味道好，食完返到屋企都唔會口渴。。。種類就唔算好多，但一般自助餐有嘅佢都有。。。生蠔有3種，每次排隊會俾每種一隻或自己選擇要邊種，生蠔新鮮另外海鮮冷盤仲有龍蝦，翡翠螺，蟹腳，大大隻凍蝦。。。仲有煙三文魚，黑毛豬火腿配哈蜜瓜燒烤有燒大蝦，扇貝，青口，最正係必食燒龍蝦尾。。。刺身有三文魚，油甘魚，八爪魚，帶子，吞拿魚，仲有大大隻牡丹蝦。。。烤羊架，烤雞烤牛呢啲唔小得，仲有澳洲肉眼扒。。。甜品好多款，慕絲蛋糕好食，仲有炒雪糕，movenpick雪糕仲有好多口味。。。最值得讚揚就係佢哋嘅服務態度，全部係全部嘅員工都面帶笑容，收碟快。。。特別要讚揚一位女經理（唔記得問佢貴姓）話說我bb扭計要食奶，由於我係餵母乳，但餐廳育嬰室仲未用得，佢特登開間客房俾我餵bb，仲送埋我幫我拎埋背囊（bb用品都幾重下）上房（真係有啲唔好意思）到最後臨走時去洗手間，有人喺門口嘔（可能飽得滯）職員知道後好快就有清

朋友生完Bb後第一次同佢嚟食自助餐，出嚟傾吓計食吓嘢又可以同Bb玩。揀呢間餐廳係因為兩年前嚟過，聽朋友講原來最近裝修開業個幾月，評價亦唔錯。餐廳座位比較窄，但枱同枱嘅距離大，會比較靜，職員有禮貌有笑容，收碟快，食物款式多，質素亦唔錯，係甜品款式少，但咁抵嘅價錢，性價比已經好高喇。即開生蠔有蘇格蘭，愛爾蘭同法國三款，蠔唔大隻但新鮮，口感較爽口。麵包蟹同青口一般，鮮味不足。涷蝦夠大隻肉質新鮮結實，翡翠螺就隻隻都有沙。燒元貝同大蝦都唔錯，唔會太乾，蛋餅好味。刺身新鮮，有三文魚，八爪魚，吞拿魚，鯛魚，帶子同北寄貝，前菜亦有好多款式，壽司就細細舊又精緻，食多幾件都唔會飽。天婦羅同串燒嘅職員好有禮貌，食物又新鮮，天婦羅嘅炸漿夠薄，外面脆裏面熱，串燒亦唔會燒到乾爭爭。炒蘑菇好香，唔會因為菌類吸油而成口油，燒牛肉好嫩，燉牛面珠好淋，入口鬆軟，我食咗好多件。燒味就麻麻，可能我去拎嘅時候都好晏碟上得好少，職員都無再切新嘅出嚟，反而擺喺隔離嘅牛肉幾香。左上係意大利雲呑，好Creamy，好味。右上係忌廉湯。左下係蘿蔔牛腩，夠淋，味道清清哋。右下係韓式炒粉絲。點心嘅牛肉同燒賣同酒樓差唔多，幾好。即製窩夫烤得好脆