普慶餐廳

营业中

休息中

今天去了逸東酒店午餐，一入去每個服務員招呼勁好，問我咩名，帶我入座。因為飲品任飲的關係，佢仲問我飲啲咩，我叫左一杯啤酒，免費叫，入去環境幾好，樓底高，坐得好舒服，好新好大，但食物款式唔算話好多，但食物質素好高，同埋甜品同海鮮一定要推介。佢嘅甜品樣樣都整得好好食，聽入面嘅服務員講，係由法國廚師整，所以值得一試。海鮮好新鮮，拍得住五星級酒店。佢嘅雪糕有好多款，全部都係Movenpick 所以我自己都食咗三球，我朋友生日，去咗嗰度慶祝，服務員知道後，特登製造驚喜，幫我送上窩夫蛋糕，刻埋佢個名，幫佢一齊慶祝。我覺得生日，去逸東酒店食飯係一個唔錯嘅選擇。價錢方面，亦唔算話好貴，但服務同食物質素確實係五星級酒店嘅水平。整體來講，我會再去食多次

呢間酒店裝修咗好耐，唔知幾耐，有幸得朋友邀請，嚟食佢地開張第一餐buffet dinner。餐廳好大，設計懷舊，最surprise 係佢地啲食物好多款式同新鮮，印象最深係嗰啲汁醬配料，全部homemade!讚👍🏼海鮮位好大好多選擇又新鮮，日本天婦羅因爲即炸粉薄無得挑剔，要點名食個牡丹蝦👍🏼熱食嘅所有焗蔬菜都好好食，特別一道燉牛臉肉入口即溶，真心推介。甜品區嘅dessert都好好好好食😋不過無特登排隊食個即做雪皅，見個師傅不停手做，唔想增加佢工作量😣今餐雖然朋友請，但下星期要再同屋企人食，$458+10%絶對物有所值

今次經家人介紹逸東酒店附屬新餐廳The Astor(普慶餐廳)食自助晚餐，款式種類較一般既自助餐多丶有質素。餐廳用食物正式名唔太記得，而且食物種類太多不能盡錄 - 日式菜丶西式菜丶中式菜丶韓國菜丶印度菜…但大約記得見過同食過既都盡量列出。海鮮類-有長腳蟹丶麵包蟹丶青口丶小龍蝦丶開邊龍蝦丶白灼海蝦，蟹類食物已經剪開部分殻方便拆肉，旁邊亦有較剪可以比你拎埋位用。日式串燒-有牛舌，口感較爽，仲有雞翼串燒到岩岩好，唔會又鞋又乾，有燒好既比你拎，回菜速度都好快日式炸天婦羅-炸蝦丶炸蔬菜卷，新鮮炸起又唔會太油壽司-三文魚籽迷你壽司丶櫻花沙律醬壽司 一般刺身-原隻牡丹蝦用竹筒裝丶其他三文魚丶吞拿魚丶希靈魚 新鮮冇急凍雪味西式菜-澳洲西冷牛扒 一片片切出黎 肉質軟但有少少鞋 沙律吧-羽衣甘藍丶車厘茄丶多款自製醃漬品火腿同芝士係我最愛之一😍各有5款甜品-慕絲蛋糕有大約11款，另外仲有Pancakes丶Waffle丶朱古力丶糖丶前排好興既炒雪糕最正Movenpick雪糕有13款比你揀🤤講埋場地佈置丶服務場地佈置部分座位以懷舊為設計主題丶以中菜區為例，牆身用上紙皮石加港式火水爐裝飾的舊式廚房。職員制服Tee

老友叫一齊去試新開 -The Astor 普慶 - 食晚餐 buffet，全新設計和擺設，别樹一格。全部待應穿著 T-shirt, 给你好 free 的感覺! 個場好大，食物分開不同區域，各有特色。我是愛吃海鲜的，单在海鮮區已食得超值，新鮮海産任食，龍蝦大大隻、長脚蟹又大條、即開生蠔來自法國、愛爾蘭及美國。另外日本區的刺生及天婦羅最吸引，牡丹蝦大隻鮮甜，天婦羅色香味全，最 like 佢伸有 free beer！一晚食唔晒咁多嘢，已很滿足地捧著肚子離開，下次再約 D friends 去試埋其他的食物！