普慶餐廳

营业中

休息中

普慶係喺逸東酒店入面，大約大半年前翻新過，新開嘅時候好多日子都full booking，到今次幫家人慶祝生日，終於有機會嚟試一試呢到好多人讚抵食嘅buffet🤤呢到嘅食物分佈喺唔同嘅角落，要行多幾次先清楚哂食物嘅擺位，但都可接受，因為呢到性格比太高了！而家好多中價buffet都未必有得任食波士頓龍蝦同生蠔，呢到兩款都有，而且龍蝦仲係連鉗嘅，龍蝦有三種整法，普通嘅、龍蝦沙律、同芥末龍蝦，試完三款，我都係鍾情最普通嘅，因為龍蝦新鮮，唔須要整色整水已經好正～🎶生蠔每次排隊有三隻，嚟自愛爾蘭、法國、同埋忘了😂 睇圖都見到唔算肥美，所以只食了一轉。刺身質素一般，三文魚淡味，吞拿魚肉質有啲「梅梅」哋嘅感覺，可不吃，玉子壽司配埋面頭個醬，好香口惹味，encore再encore，三文魚壽司嘅飯係黑黑哋色，以為好特別，但其實食落去唔覺有咩分別🤪手卷有海膽手卷揀，不過海膽嘅比例好少，同埋未算非常鮮甜，食一次就夠～另一個非常好食嘅係佢嘅羊架，不得不提，羊架隔離有好多好有特色嘅調味料，好有趣，有啲我聽都未聽過，認真大開眼界！羊架肉質好嫩，無筋，唔會過熟，我最鍾意羊獨有嘅騷味，呢到剛剛好，加埋我精挑細選嘅賽普勒

慶祝朋友生日，去左新裝修的逸東酒店食自助餐。雖然坐無虛席但係又一點都唔逼。成層都係美食。淨係生蠔都已經有三款任你簡。龍蝦都有三種口味，又大隻。有中，日，印，西餐任君挑選擇。值得一試。。好滿足呀

1月30日一行五人到普慶餐廳食自助餐，員工服務很好，生蠔新鮮，加上龍蝦等美食，非常好，甜品亦很多選擇，只是單尾的咖啡，冲泡很差，完全没有咖啡味，比一般快餐店的咖啡還要差，希望有所改善.

環境方面 :呢間酒店外表望落去唔係好新…… 但地方都叫做就腳…… 內裏新裝修 地方頗大服務方面: 當然唔可以用五星級去比， 可以接受不過不失食物方面: 款式還叫做多, 熱食比較一般， 甜品 款式都好多大人細路都啱食及 沙律凍盤都十分新鮮大部分都有齊 。這兩方面 都比較出色, 開蠔師博有禮貌……但刺身嗰個就麻麻地， 炸嘢嗰個檔口長期缺貨， 希望可以加多一兩個人手喺呢度， 因為太受歡迎啦， 全程都未能夠嘗試到， 總括而言性價比係值8分嘅……

今日同屋企人去食自助晚餐, 去咗 Eaton Hotel 裡面嘅普興餐廳 ，里面攞嘢食嘅地方 好大，好豐富好多嘢食 。海鮮種類繁多， 有即開嘅紐西蘭，法國生蠔； 波士頓龍蝦 ；長腳蟹 ；螺肉 ；花螺 ；凍蝦。。。。等等。啲海鮮好高質，又新鮮又好食 ，生蠔就要每次排隊攞，一份有三隻。都幾多人排的， 所以攞一次之後都唔想再排隊。另外有好多唔同種類嘅菜式，例如中國菜，印度菜，越南粉，河粉， 種類繁多。。多到都唔知點揀添。佢哋嘅叉燒海南雞飯及 冬蟲草湯都做得非常出色。 仲有日式刺身，天婦羅，燒烤等等。。燒菠蘿非常美味另外最正嘅就係甜品種類非常多，有即整的 waffle 和pancake 。亦有唔同種類嘅蛋糕，朱古力，芝士 。甜品都做得好好食!自助餐嚟講呢度嘅質素比較高。雪糕係movenpick, 超级好食普慶餐廳食物質素高，亦好多嘢食 ，下次會帶朋友過嚟慶祝生日。

印象中之前去過因為Groupon自助餐優惠🙈 原來依家大翻身！Basement變身港式大排檔風格 本土style ge 裝修👍🏼過千尺佔地 有成10幾個自助餐攤位😌想食都回本都唔難😗 淨係長腳蟹 龍蝦 麵包蟹 生蠔等海鮮都夠吸晴生蠔即開有專人幫你沖走海沙 呢樣嘢特別貼心 ☺️產地分別由愛爾蘭 澳洲 法國都有😝.旁邊仲有個即食燒海鮮長期都好長龍😍 睇住扇貝燒到滋滋聲 仲有龍蝦味 大蝦蜆🤤超級飄香😍👍🏼.日本刺身檔有五六種選擇 旁邊有即炸天婦羅 🍤 要啲時間等下 因為係即場專人即炸 但refill速度都算快😝.其他自助餐比較少着重嘅亞洲美食 呢間都做得幾好 尤其是 片皮鴨同馬來海南雞 由頭排都尾😂重有熱騰騰嘅中湯 一開波飲返碗暖胃 正☺️.甜品有Movenpick 超過十種口味選擇🙌🏻加埋旁邊既自家製曲奇 🍪牛油味又香 重有好多唔同toppings添💓.呢間酒店自助餐仲有得飲飽食醉！ 可以升級任飲日本sake 黎自世界各地嘅紅白酒 都有得飲🤤.價錢黎講 平日成人加一後$500有找 性價比都算高～ 加上地點都十分就腳😌 總體黎講都推介😛

公司食冬至午飯，同事就介紹咗呢到，不論裝修同埋啲餐具都充滿北歐風格座位又寬敞舒適，連服務都好好，好快有人幫你收走碗碟。每張枱都會張地圖仔，分左八個美食區，每區都有多款美食揀，種類多，非常豐富。生蠔都有兩個地方揀，愛爾蘭比較飽滿，而 紐西蘭咸味轉強。除左生蠔，仲有青口，蝦，蟹等等，最正仲有燒麵包蟹，燒三文魚。仲有牛排香口，羊架騷味岩岩好，火雞唔鞋唔乾， ... 等等，太多款，款款都整得好好味， 黑洞胃口嘅朋友岩哂黎呢到食。雪糕又係必食，Movenpick雪糕，仲要有十款味道任揀任食，仲可以加埋格仔餅一齊食，滿足幸福，已經諗定新年要再黎食過。記得除左原本包嘅餐飲，只要係facebook打卡同上載合相就可以每人有額外一支汽水飲。

Boxing Day自助餐聖誕節又點少得自助餐呢，今年揀左逸東酒店既lunch buffet，每位$428，因為聖誕節既緣故所以加左價，平日一至五午餐係$328，星期六日就係$395，會抵好多㗎👍🏼第一次黎呢度好有驚喜，裝飾同一般酒店自助餐餐廳好唔同，呢度係屬於美式裝修，場地好大好闊，食物分開喺唔同既區域，唔會全部集中喺一邊，方便到全場既座位都可以拎到食物😋食物方面有好多選擇，頭盤仲有生蠔！不過要排隊拎，即場開蠔，每人限拎兩隻，想食多啲就要排多幾轉啦。熱食方面中菜同西菜都好齊，仲有印度咖哩🥨🧀🥩🥙🌮🥗🍗🍛🥘🍲仲有呀，仲有呀，又點會少得日本魚生呢，呢度仲有天婦羅🍤 (十分推介)！總括黎講非常滿意，以平日價$328黎計，絕對值得再黎食多次🤗🤗🤗

聖誕節係普天同慶的日子 ，一家大細就揀咗boxing day 去佐敦逸東酒店食lunch buffet，其實心中很疑惑其食物水準🤔？舊區酒店外貌多年沒太大改變，原來內部近年進行了大裝修，完全裝修得非常年輕化，很有現代氣色，而且自助餐嘅食物種類繁多， 海鮮有即開嘅紐西蘭生蠔、小龍蝦、蟹、青口、大蝦……，最欣賞佢哋的羊架同火雞幼嫩又滑大家一定要食日式炸天婦羅燒蝦爽、燒菠蘿甜，甜品窩夫現制， 雪糕係名牌Movenpick，平時吃個單球都要45元，哈哈！ 簡直可以回本🤭🤭。酒店新一代擁有超強環保意識值得一讚，佢地用咗搪瓷餐具和新興不銹鋼飲管員工服務友善又年青嘩嘩！真的要再約朋友去吃自助晚餐。

聖誕節要食聖誕大餐慶祝一下。但礙於聖誕期間一定好多人，好迫，即使氣氛幾好都變得令人好忟憎。。。所以提早食聖誕大餐呀!由於並沒有打算食完聖誕大餐之後要去影燈飾，或者行街街，所以沒有揀選尖沙咀、銅鑼灣。呢間酒店，地點唔算太方便， 但可能地段問題，令到食物性價比相對提高了!!忘記了呢隻係燒豬髀，定燒牛扒。。。太多食物，所以沒有吃到，有少少可惜呢。。。食咗燒羊架，好好味，燒得好香，如果嫌太生，大廚可以幫你略略再燒熟少少， 調味料corner，多過12款嘅醬汁及調味，非常有誠意!聖誕火雞正常嘅少少"鞋"身， 應節就食一食生蠔有三款不同地區嘅生蠔，現場即開，長期有條小小嘅隊伍排隊，不過大約5至10分鐘都會攞到，每人每次攞三隻長腳蟹肉質鮮甜，又多肉龍蝦三款唔同嘅龍蝦，有兩款已配以特製醬汁，另一款是什麼都沒有的冰鎮龍蝦。三款不同嘅感覺燒海鮮系列很多選擇，大廚現場即燒健康水一款係detox water，另一款係蝶豆花。有驚喜! 有別於一般酒店提供免費果汁。感覺很清新，又唔會搶去或者影響其他食物嘅味道!日式凍小食擺相很精緻，味道也不錯甜品區很多選擇，質素算中上由於掛住食嘅關係，好多都冇影到。。。雪糕係mo

早前決定要搵間自助餐提早食聖誕大餐，最後經多個選擇後選擇了這間。六點半食到九點半，時間十分充足。肉類有雞，羊，牛，豬，只有豬無食，雞有點老，牛和羊夠嫩，可以一食。食物區分散，所以原諒小弟不依次順，甜品有唔少選擇，雖然小弟唔多食，不過手製雪糕唔錯。燒味部有海南雞，不過可以不食，燒腩仔還可，叉燒一般，胃唔大可以全部放棄。壽司當然唔食，主食刺身啦，三文魚夠肥，吞拿魚唔錯，油甘魚番本，喜歡帶子的可以一試，小弟就主攻三種魚。一早都知生蠔要排隊，所以見意一開始排，試下三隻生蠔邊隻好食d，今次三種都偏咸，不過清潔細心無碎殼，一次拿三隻，小弟就各要一隻，因為各有各風味，等下都值的。龍蝦唔駛排，所以隨時食得，龍蝦肉夠爽，有膏，有點沙律醬會開胃點，一樣回本食。面包蟹多次去都無蟹蓋，放棄。燒和蒸海鮮無食，因為專心食冷盤。當中仲有唔少熟食，小弟所無食，大家就量力而為，而天婦羅，小弟都是主攻蝦天婦羅。不得不提，今次自助餐中的調味料數多，多種食物都有唔少調味料選擇，如天婦羅有咖哩鹽。雖然食物原味十分重要，但試食多種調味都有唔少新感受。今次晚餐三歲以下免費，連同朋友四大一B，連加一收$2794，都算物有所值。

普慶餐廳經個番新之後 成日都係網到見到話有好多野食 無奈自己無錢無得試 難得今次有朋友帶我去試。哩間餐廳整個感覺,環境都好好 好舒服 服務員收盤速度快 而且有禮貌 食物質素ok la 我仲影左好多section嘅相 想同大家分享下 啲嘢食應有盡有 我本身平時對生豪都麻麻地 怕唔新鮮唔乾淨 但哩到有廚師即埸幫你刷乾淨 睇住佢清潔完 突別放心食 我本身係一個sushi 愛好者 見到咁多刺身同壽司叫人點忍？所以我都自己拎左碟比自己另外值得讚嘅係 佢地啲薄餅 有好多款唔同嘅咖哩、野食配撘 味道唔錯最後已經食唔落其他甜品 但係試左佢地啲雪糕都幾好食。

老婆生日，朋友介紹前往。竟沒有任何信用卡優惠，見到朋友推介，如此價錢該不會失望吧！怎料⋯ 卡位設計，坐在裏面的難以取食，坐下來前往取至愛一一生蠔，但一整晚也長長人龍，已大打折扣了。細看下，只兩瘦弱女職員負責，怪不得了如此效率，如此價錢也不供應滿足客人，任食？綽頭？但見質素也差，吃不到也不可惜。試其他熟食吧，但有性價比較高的一一缺貨，供應不足，二、三百之酒店貨色，失望。最後吃甜品，也未曾見過提不起胃口的「甜品專區」太「專」了，老婆及女兒甜品肚也不感興趣。好歹也選了兩款「炒雪糕」及「甜薄餅」，質素亦不敢恭維，「炒雪糕」不成型，「甜薄餅」變「厚餅」，敷衍了事，可否聘請較專業人士來烹調？到最後結賬，職員才問對食品意見，說可補上早質素不均之「羊架」，因兩次取來差別甚大，惟已结賬，吃不下了，且也不再抱期望，沒下次了，只是令老婆生日失望了😞

家姐同朋友試過晚餐話唔錯，就帶埋我地黎試下個lunch buffet 係咪都甘正先講地點，位於彌敦道旁，位置方便，不過入口比較難揾，聽家姐講上次佢揾左都幾耐先揾到，不過今次有佢帶住，就無問題啦講下食物先，食物種類繁多，有埋蒸海鮮tim!!蒸海鮮個大蜆超級鮮甜其他熱盤有好多種咖哩、燒味、牛扒、羊架，而冷盤有parma ham、沙律、雪糕、甜品etc ，最推介既係羊架，蒸海鮮既大蜆，雪糕同甜品！甜品種類唔算多，但每一款都好好食！雪糕係movenpick，有十款，我同師傅講想試哂佢！師傅就二話不說就叫我拎隻大碟俾佢好正！我之後見到有人用細碟將雪糕整到成座山甘，點埋蠟燭慶生，仲開心！

今次輪到靚女同事同我慶祝生日，選址位於佐敦逸東酒店嘅「The Astor」。皆因之前見到唔少關於呢間餐廳嘅buffet廣告推介，賣點係即開生蠔及豐富海鮮。食物款式多樣化之餘，價錢合理，又有新穎靚靚裝修，這麼看起來是不是很誘人呢？！是晚我倆懷著一顆期待的❤️走進餐廳，環顧四周，才發覺裝修格局是挺普通的茶室，大部分牆身以及地板均以瓷磚砌成。酒店打通了上兩層後，營造出空間感、超高樓底的氣派。Buffet 已經開始，人客稀少，估唔到我倆嘅坐位會被安排係偏辟區😦嘅卡座，餐桌上嘅杯杯碟碟唔係崩掉殘舊，就係大排檔餐具😣，感覺更低檔次！唔係吖嘛😤畀成6舊水一位㗎，坐係茶餐室食buffet？！即時向侍應生反映，有禮貌的他反問我哋想坐邊度，話會盡量安排的。我哋當然希望坐係餐廳較開揚嘅中間位置啦🤔，影相都靚啲。雖然最後都有安排到一個較好嘅座位，但真係唔多明白🙄點解要留空咁多無人坐嘅中間位囉😒⋯⋯地方大，活動範圍也大，卻跟鄰桌太相近。嘢食多，美食款式真多，卻嫌桌子真細小。食物分開擺放係唔同嘅區域，花多眼亂下，反而會令客人錯過某些美食啊😐海鮮區「龍蝦迷」當然第一時間去捧波士頓龍蝦場啦！龍蝦size唔算大隻，蝦膏亦