普慶餐廳

营业中

休息中

已經係第三次光顧lunch時段，剛裝修好時黎食仲有長腳蟹供應，之後兩次黎都改了，只在晚市供應。食物大致上都幾好，咁既價錢有即開生蠔真係唔錯，中湯好飲，麵檔幾好，天婦羅串燒雞軟骨都👍🏻👍🏻冷盤凍蝦第一次黎食時係好好食，但唔知點解一次比一次差，面包蟹建議不要再出，燒蝦燒栗米燒得比較干，沙律無左藜麥😢，甜品蛋糕得一款好食，不過好在有m牌雪糕加窩夫搭救，但希望日後再有進步！值得一提是所有員工服務態度都很好耐無試過遇到咁好既服務員，係難得既！有個哥哥會送小禮物比小朋友，又會傾下計，黎親都好開心😃

上次來過上一層的food court食飯，發現這裡裝修以後的普慶餐廳都有幾多人，食物也看似不錯，家人便提議趁著有時間來食一餐！坐下以後發現檯上有張透明膠片地圖，是餐廳不同食物分在不同的區，但一間餐廳為甚麼要用地圖？是因為這裡的設計有比較多柱位，也把食物分得很散，所以需要地圖來帶領客人到不同區取食物。有好有不好吧，客人坐在某食物區旁邊就可以很方便地取這區的食物，但如要取其他食物則要走到很遠，食物並不集中，所以無論客人坐在哪裡，整體來說取食物都有一定的距離，因為總有食物比較近，有食物位置很遠。雖然食物分散，但掃視一下食物的種類也有很多，新鮮，可惜沒有長腳蟹我們座位附近有一個很吸引的counter，是即燒的食物，主要是海鮮等，未開始食香味已經令我們餓得咕咕聲 由於地理限制關係，沒有影太多食物counter的相片，較多影我取的食物。剛開始食當然取一些冷盤吧。冷盤種類繁多，沙律菜新鮮，有幾款醬汁供客人選擇；cold cuts普通，特別salami肥肉多；藍青口小隻的，肉質新鮮。蟹方面我對麵包蟹興趣不大，就沒有取了。再來冷盤，雖然cold cuts麻麻，我還是想配上沙律菜一起吃帶點鹹味。這裡也有供

今次呢個食評我將會打一段文字就算因為我真係第一次揸住部手機去影一個圈都影咗成十分鐘，我淨係可以post十二張相所以我好多都係組合相，細到我自己都唔記得呢啲係乜，咁我就憑我嘅記憶寫，啲相post出嚟畀你自己慢慢睇啦首先食生蠔，有法國同愛爾蘭，好老實佢啲質素好參差，時大時細，有肥有瘦，有甜有爽有creamy有爽，真係撞手神，每次攞兩隻，人少可以攞四隻刺身超基本，三文魚，吞拿魚，八爪魚，希靈魚同埋甜蝦，但甜蝦係未剝殼嘅，每次堅持淨係畀兩隻，有啲煩。大量嘅日本小碟，好靚但你會揀唔落手， 因為啲食材好普通好cheap ，有刺身飯，有壽司有天婦羅，正正常常普普通通有燒烤，燒大蝦 有中式點心，有牛肉，粉果，糯米雞 我太鐘意牛肉，蒸粉果了有麵檔 ，極度多嘅咖哩， 燒牛肉，羊架，燒雜菜，飲品任飲，好多甜品，中菜也唔差，有燒味部 ，西湯中湯，芝士冷盤，凍海鮮有麵包蟹，但個樣唔多討好有凍蝦，有煙三文魚，prama ham, cold cut不得不提佢有一個蒸海鮮，有蒸海蝦同蒸大蜆大蜆平時都要幾廿蚊斤，係正嘅甜品款式好多，又有movenpick雪糕，班戟，糖果，朱古力，曲奇餅，軟雪糕都有總括而言，佢假期收38

昨日往此酒店食中午自助餐,之前知道有任飲汽水。到達才被通知只可任飲忌廉和橙汁汽水,可樂系列要另加約40元才可飲。此酒店自助午餐已較其他酒店貴,仲要多加錢才可飲可樂,計埋加一要接近400元...見它當日客人都只有一半左右不無原因,已第三次幫襯，見其食物質素不斷縮皮,真為酒店難過,花咁多錢裝修但未見客量增反跌...當日即切牛肉及燒羊架有筋,魚生款不多且不吸引,燒烤區沒有以往吃過嘅扇貝，令人失望。全場只剩天婦羅區較吸引,但怎會為此吃其自助餐呢？

喺openrice睇人地嘅食評睇得多，今日終於的起心肝建立左個帳號，目的係同大家開心share下啲好味既餐廳。第一篇食評我就獻俾位於最近新裝修完既Eaton酒店入面既The Astor👏🏻聽聞食bufffet最回本既一定係海鮮區，小龍蝦就見得多，好似一個手掌咁大既波士頓龍蝦就比較少見，重要係食落去夠曬彈牙同鮮甜，呢隻龍蝦已經為左餐buffet加左唔小分。食完龍蝦就緊係去排一排隔離既生蠔啦，原來有一位師傅主力開蠔，另一位就用流水同掃逐隻咁沖走啲蠔殼，成件事好細心阿，是晚有呢三款蠔，雖然size比較細，但係都好有海水味同鮮甜既。原來除左凍龍蝦，仲有即燒龍蝦，見師傅燒到咁上下就加埋蒜蓉，香噴噴，好難唔好味喎，之後諗住再戰，點知發現變左做燒帶子同燒大蝦，一樣夠曬鮮味，後尾發現燒海鮮應該有rotation呢個安排又幾聰明，客人無咁易食厭又可以試多幾款海鮮黎到刺身區，最吸引我既係帶子同原隻牡丹蝦，目測一粒帶子都有五蚊咁大，牡丹蝦放喺杯仔入面，可以打卡like。刺身區仲有唔少款式既壽司，後期仲新加左海膽小卷，因為掛住食無影到，但係海膽無腥味夠creamy同甜。日式前菜區，款式都算多，用唔同小碟裝住，

Lunch breakfast :環境餐廳分別有八個區域方便人流取餐. （1）海鮮及沙律區：有多款海鮮生蠔供應值得一題生蠔是即開的沙律亦都有多款提供.（2）海鮮及燒烤區：有蒸海鮮燒🦐扇貝燒菠蘿都可以一試. （3）刺身及壽司區：有多款壽司🍣刺身方便略嫌唔夠凍. （4）天婦羅及串燒區：依個區域係本人最滿意所有天婦羅及串燒都做得10好味😋😋尤其係沙鑽天婦羅以廚師亦介紹調味方法給顧客最好的食法👍🏻 （5）亞洲印度風味區：有多款印度風味食物味道亦都唔錯 （6）西式美食區：🐑架做得水準之上👍🏻至於牛牛方面比較失色/牛肉本身是靚貨識/但由於煮得太熟關係所以唔好食🙅‍♂️希望餐廳會跟進. (7)甜品專區：E個區域做得十分之好員工細心處理各人需要.雪糕.芝士.甜品.生果全部都🈵️意👍🏻👍🏻👍🏻 （8）中式燒味區：咁多個區域最要改進就係佢完全吾掂🤦🏼‍♂️🤦🏼‍♂️🤦🏼‍♂️(整體意見餐廳質素唔錯員工有禮本人亦希望再次蒞臨）😋😋😋😋😋

媽媽生日，也有一段時間沒有食buffet了，酒店裝修後重開朋友食過覺得不錯，給兩老看這間酒店的食評相片，他們也有興趣於是就訂位，長者收費較平，值得一讚！6:20pm已經到達亦可以先入座，6:30pm才正式開始，有時間先行一圈及拍照，餐廳不算多座位、燈光比較暗，食物置放分佈於餐廳不同地方，不會集中於某個位置！海鮮冷盤區，肉質鮮甜也很嫩、不會很賁，有點驚喜有即開生蠔，很多人排隊拎！日式食物區熱食區：有很多選擇，有肉有菜又有海鮮有即燒海鮮，特別又幾好食甜品區：甜品種類不太多，但朱古力水準唔錯，Movenpick雪糕有很多口味仲有軟雪糕同炒雪糕添

今日男友帶我黎食好野話有好多龍蝦、蟹腳、生蠔仼食。。。聽到都流晒口水🤤我地6:20pm就到左但餐廳各攤檔6:30pm先開始比人選食物呢10分鐘感覺特別漫長！！餐廳面積好大我地先繞場一周睇下有乜好食感覺款款都想試下😍一到6:30pm我地即刻去左刺身壽司區拎魚生同牡丹蝦食魚生有三文魚、吞拿魚、章魚、帶子、油甘魚五款選擇不過數牡丹蝦感覺最特別，又夠大隻，食落都幾鮮甜😋不過d魚生有d有筋位，咬唔爛，比較不討好。然後我地又拎左好多龍蝦、大蝦、蟹腳食。龍蝦d肉都幾彈食，有d仲有膏，但龍蝦腳既箝更滑更鮮味。d蝦好大隻，係海蝦黎，都好鮮甜彈牙而蟹腳d肉有d粗粗地，唔夠鮮甜，第二間酒店自助餐更好食，有d失望😞生蠔係好細粒，根本係bb蠔黎😅而且要排隊，興致缺缺⋯⋯平時我地最愛既生蠔同蟹腳係呢度都吸引唔到我地😣反而麵包蟹個蟹蓋幾好味，但真係要睇運氣，睇下有冇咁岩見到先有得食。天婦羅既野食係即炸算唔錯。燒物區就有d普通，而且燒蝦既蝦肉有d霉，唔係好掂。西餐區d野食普通得黎又唔好食🤢印度區d食物就幾夠味都唔錯中餐區燒腩仔就好脆幾夠味😋飲品只提供一杯檸茶、檸水、奶茶等。。唔夠野飲唯有飲水總括而言餐廳食物種類好多，

網上見新裝修既自助餐，款式多又差不多價錢，所以都去試下。尼間餐廳都 full full 地喎⋯生蠔- 紐西蘭、愛爾蘭、法國。即開好新鮮，法國比較好味反而蜆就變得冇咩味龍蝦、長腳蟹、青口- 龍蝦彈口又有膏，正喎⋯⋯刺身 - 牡丹蝦就比較出色，獨立柸裝住又大隻蝦餃、燒賣、潮洲粉果-我就覺得個皮比較厚，麻麻地冷面- 細細碟，不過冇咩味鮑魚人參煲雞湯- 有參味有雞味，算 ok 既龍蝦喇沙- 唔要面改左要菜，少少辣咖哩薄餅-咖哩辣得黎又幾好味羊架-好 juice甜品- 我覺得麻麻地，青檸凍，酸得黎有些苦雪糕、水果- 雪糕款式多，仲有軟雪糕；蜜瓜冇咩味，唔甜仲有好多野食⋯天婦羅、串燒、壽司、台灣面、燒味、海南雞飯⋯好多熱食，款式真係好多

呢間buffet今年先開，以前呢個位係宴會廳黎ge!黎過呢度飲，食物質素麻麻，所以朋友約食飯都唔抱有期望，點知咁有驚喜！入到去燈光偏暗，燈打落去食物度，顯得更吸睛！500幾蚊一位，buffet黎講唔算特別好貴！但呢度直頭係好抵！好多款式！每樣食一舊都會飽到上心口！例如平時得西冷排俾你揀，呢度又有肉眼又有虎頭俾你揀！講下d冷盤先，食左生蠔、龍蝦、刺身，三樣都好新鮮，特別係龍蝦，膏超甜，肉同膏的層次好好，唔會特別滯！而生蠔都新鮮，仲有3款唔同生蠔tim! 刺身係厚切的，所以唔會食太多！熱葷有齊印度、中式、西式，勁多款揀！欣賞印度有青瓜乳酪醬，好好味！中式我就鍾意食點心，有蝦餃燒賣牛肉球！西式就有意大利雲吞，羊架都係我首選！

見到網上，某雜誌推廣，得知呢度炒得熱騰騰，多款美食，當然吸引住我嘅眼睛。唔諗☝🏻平日價每位六舊水都要比😎食咗先講🤤那那林book位先，點知都要book 到十日後，🤔洗唔洗咁Full先~~滿心期待時晨終於到喇💃🏻行個圈先😙真係好多款式喎😍環境都幾舒服我最喜歡嘅生蠔，有三款選擇，每次只可取三隻(呢part 有嘢講呀🤬，容後再談)牡丹蝦超新鮮肥美，要讚波士頓龍蝦夠彈牙，尚算可以青口，藍青口，大蜆無味，各試兩隻，收檔😑沙律及冷盤款式都算多熱盆都好多選擇，我尤其欣賞Masala雞，重茴香，丁香味，好有印度feel👍🏻 多款麵包，芝士都有提供佢嘅Candy corner款式都唔少㗎😍甜品製作精緻，細細份，唔會嘥野👍🏻🎉我最愛Movenpick🎉☝🏻好喇！😑講返我啲生蠔，去相👇🏻😤你睇! 成何體統!👆🏻👆🏻👆🏻每次每人只可以攞三隻，都已經嘥時間。啲蠔細隻都不在話下，唔新鮮都算，使唔使臭呀~~我最期待而又最失望🤦🏻‍♀️嘅~~生蠔BB😩跟住嗰兩日腸胃炎，多謝🤑$370吖，今餐合共$970，所以👋🏻👋🏻Forever!

聽聞有個新場食自助餐唔錯，於是相約朋友一齊去試試，當晚食物種類真的很多很吸引，最可惜冷氣唔知係唔夠定係要保持25度，整晚都係熱住食唔夠舒適！ 講番食物，最吸引就食海鮮非常新鮮，肉質夠爽唔梅，蠔有不同國家品種有蠔鮮味，天婦羅新鮮熱辣辣，但數量很小，燒味師傅態度非常親切，乂燒同燒肉有水準，燒牛扒就一般冇咩肉味，蛋糕味道就真係一般冇咩特式同特別味道。場內服務員可能是實習生，中場就不斷問餐飲點什麼，場內的確有位外籍大廚行嚟行去。整體食物是種類繁多，新鮮，但服務態度就普通，設施就建議要有一個舒適涼爽環境才能享受到這些美食，總括新場有驚喜。

如果你係戰鬥格，係超級大胃王，食極唔飽嗰隻，呢度真心推介你試下！講下啲回本嘅先，海鮮有三款蠔、長腳蟹⋯刺身有帶子、牡丹蝦⋯牛扒又有幾款、仲有羊架⋯即燒嘅日式串燒，牛舌、甜薯、雞翼⋯串燒真係好好食👍🏻，甜品我最鍾意佢嘅炒雪榚同Tiramisu⋯全部都好食😬真係好多好多種類，真係冇可能試曬啲嘢，飽到肚都爆🤪如果係情侶就唔推喇，因為環境比較街坊，要浪漫就唔好揀呢度！但係如果係一班朋友大聲講大聲笑，呢度就啱曬喇！

星期三趁生日和老公食lunch buffet，6月尾友人曾經食過dinner buffet，而且覺得食物及服務都好，心想一定不會中伏。當日被安排在甜品區旁邊4人枱，因為當日有雨及潮濕，侍應特別走過來抹乾頭頂上出風口的水珠，食物區分散在不同位置，對於疏導人流是很好。首先到中式燒味區，只有雞鴨4款放在一隻一呎左右的碟上，就連普通的叉燒也沒有😑西式美食區用上staub的碢具盛載食物，但所有食物全部冚蓋，要提著厚重的煲蓋同時又要拿著食物碟...很辛苦😑天婦羅及串燒區的食物經常空缺😑由於看見輪候生蠔每次大約有10人在排隊，所以差不多2點才叫老公代取，見佢回到座位時一肚火，原來在排隊輪候生蠔時，見開蠔師傅自動給予每人4隻生蠔，但到佢時剛好換上另一個開蠔師傅，而且只有2隻生蠔，老公便說之前每人也有4隻，開蠔師傅答要客人開口要4隻才會有，老公便說他完全沒有聽到之前有人出聲😑最後我到甜品區取陳皮紅豆沙，味道及口感完全唔係紅豆沙...不倫不類😑Movenpick雪糕係整個lunch buffet我最期待，當我要求要3球楓糖合桃雪糕時，甜品肥姐竟然(刮一下)當1球，前後總共刮咗3下就放在碗俾我...乸西到呢

地方比之前大, 但有很小蠅飛到我們枱上,可能是地庫, 我們坐在一角, 冷氣不平均。最反感說是生蠔, 以前在2樓是自己選擇, 現在是排隊等分配。排了很久才拿到三隻營養不良, 如同腳皮般的生蠔。我向分配出來的廚師反映, 生蠔跟腳皮一樣, 要求更換。廚房回覆說不能, 要食有質量的生蠔就去其他餐廳。感覺以前2樓的自助餐比現在好。食物款是多了龍蝦及一些。但環境, 廚師比我感覺都沒有之前好。不過要讚揚服務我們的帶眼鏡服務員, 很有禮貌, 加水, 收碟都很快手。地庫比較2樓是大面積, 但沒有在酒店的感覺, 以前2樓比較舒服。如果大家可以食十隻龍蝦, 可以一試。我就不會再去, 因為價錢環境都比較朗豪坊間酒店差。