普慶餐廳

营业中

休息中

呢晚同老婆阿仔黎食自助餐,我地早到, 但仍可以先入座,趁未開始前率先睇下有咩食,又可以影下相.呢度食物種類真係好多而且好齊,食物質素亦唔錯,價錢亦合理,所以好值得黎試下.侍應生及廚部的人員普遍都年青, 外型也不錯, 而且笑容滿面, 態度熱情(尤其係天婦羅的師傅), 實在係難得一見. 今次的主題係黑毛豬, 當眼處已放滿黑毛豬的菜色, 其中最最好味係呢個, 至今仍很回味! 肉味濃厚, 亦帶香烤的味道, 而口感爽脆, 忍唔住食左幾轉, 真係好好味....呢度無論是海鮮, 沙律, 咖喱, 甚至甜品, 都各自附有大量不同種類的調味或配料, 任君配搭. 至於呢d就係用黎配肉, 加少少鹽係肉上面增添了美味.今次的甜品主題係櫻花. 櫻花味道不合我地的口味, 所以感受唔太大, 縱使顏色及賣相都可愛. 小小的梳乎厘班戟, 非常好味, 呢個要食.幾年前開始流行detox water, 出面賣一小樽都要幾十元, 呢度可以任飲.阿仔食左有五碟... 黎自助餐竟然淨係食呢個...碟碟皆豐富.

得知逸東酒店上年翻新完，有萬呎新場自助餐，一直都好想去試下，藉著男朋友生日，一早book左個lunch buffet同佢慶祝！餐廳裝修走懷舊風，有別於一般自助餐格局，裡面有多張梳化位、高枱和長枱。食物分別散落係場內不同區域，種類款式亦有很多，多到感覺好似食緊dinner buffet咁！因為今日係平曰，加埋一每人都只係3百頭，環境加上食物質素，性價比係甚高！離遠都聞到燒蝦ge香味，眼見個個人經過都忍唔到夾幾隻，蝦身仲係大大隻！好少lunch buffet會有生蠔食，呢到ge生蠔即開，所以確保新鮮，每人每次限拎2隻。生蠔比較細隻，係間中有1-2隻先比較大隻，入口雖然唔算好creamy，但真係好鮮味，海水味亦重。呢到仲有燒味和中湯，配給份量都幾多。叉燒就不過不失，肉質唔夠嫩，亦燒得唔夠香。而刺身方面，印象最深刻就係吞拿魚同甜蝦。先講吞拿魚，平時係出面食到ge肉質都係偏鞋口，而呢到係有入口即溶ge感覺！而甜蝦係未mock殼，感覺比較新鮮，每隻甜蝦都有好多蝦籽，入口好鮮甜！我都encore左幾次。燒牛肉同燒羊架都好出色，燒得好嫩，肉汁仲keep住！甜品方面款式都算多，雪糕係movenpick，

好耐無食buffet，見舊年逸東酒店翻新完都未去過，就趁屋企人生日去 The Astor 大吃特吃一餐成人每位$595長者小童$435 （加一服務費）Buffet 六點半開始，我地早左十分鐘到，已經有好多枱坐定定等開餐。呢度地方好大，一共分八個美食區，就算要排隊都唔會迫迫夾夾。八大美食區分別係海鮮及沙律區、海魚燒烤區、刺身及壽司區、天婦羅及串燒區、亞洲及印度風味區、西式美食區、甜品專區和中式燒味區。一開始大家都專攻冷盤 - 龍蝦、刺身、生蠔。雖然要排下隊，不過好快就到，好快就可以埋位開餐。龍蝦🦞長腳蟹🦀 大大隻好多肉，好鮮甜。6款選擇刺身我食左4款都好新鮮肥美 - 三文魚、油甘魚、北寄貝、帶子，另外仲有希靈魚同八爪魚。冷盤我都食左2 round，即刻抵哂日式美食唔少得天婦羅同串串，呢度炸得/ 燒得剛剛好，所以都好多人排隊。除左壽司🍣同刺身，呢區仲有好多冷小碟，實有一款岩口味。食左好多海鮮同魚生，真係飽左八成熱燻我都無食，但值得一提既係呢度有好多唔同味道嘅鹽選擇，有啲味道仲好特別添，紅酒味啦🍷、espresso ☕、抹茶🍵味等等，放響唔同嘅區域，配肉類、串燒、天婦羅都好好味㗎食到中間，侍

今日來了最近很多人讚的普慶餐廳，逸東酒店吃過多次，現在才知道開了普慶。在裝修方面有點懷舊，很多地方有狗狗擺設，最喜歡是地方很大，坐位都分開不同區域，梳化設計很有家感覺而且因為食物都在不同區域，排隊都會比較好，因為在不同位置不會塞滿人行不到自助午餐連加一，星期日$402一位，非常經濟。可以吃到生蠔，麵包蟹，龍蝦仔，大蝦，青口。煙三文魚，燒鯖魚……燒烤區 專門燒大蝦，茄子，脆肉瓜，票米，菠蘿，銀杏，雞肉……印度咖哩區和薄餅中式燒味區和老火湯日式壽司刺身而最好吃添加2次是燒羊架，外脆燒香，內裏粉嫩有肉汁，而且不韌有咬口。甜品有10款以上雪糕可考慮比較特別冧酒提子和青檸雪葩，前者甜甜帶酒味道就是很浪漫感覺，後者青檸醒神開胃，像檸檬一樣帶淺淺綠色。一切比想像中更好得多，真的要表楊一下

終於試到呢間大部分人都話好嘅自助餐我就覺得真係一般般首先生蠔超級細隻非常小肉所以只係攞咗一次就冇第二次。另外其他海鮮都係普普通通。其實間餐廳地方唔細但選擇不多。最後甜品都好小款式所以咁嘅價錢但質素真係好一般所以應該冇下次啦

普慶餐廳裝修後，見食評一直都唔錯，又見 youtube都有食評介紹，做足功課。裝修前既差，一於少理，唔伏當贏既心態去試。約咗姊妹們去……原味龍蝦食咗1隻半好好味，佢既肉質 蟹鉗唔太硬， 用牙都得播，咁當然要睇自己D牙有幾有牙力喇，要小心D，因為依家整牙都唔平架食海膽，一定只有跟手卷冇得揀。拎咗3轉。其實我食自助餐都唔太好海鮮既，但唔知點解今晚專攻咗海鮮，食肉獸既我今晚冇食牛。片皮鴨但佢既麵皮較厚，但都拎咗兩轉燒腩仔皮好脆成晚唔咪好見有 蝦餃。呢兩款既任飲，但個人就覺得麻麻地環境 寬敞燒物 廚師燒得好有心機。燒雞翼真係自細鍾意食，真係燒得好好食。旁邊有 天婦羅甜品有好多選擇，有 pancake，M字雪糕同自家製既軟雪糕……另外，要讚下餐廳既員工好有♥ 有水準，好主動同客人講野。感覺唔會死氣沉沉， 係說話 速度比較快，可以慢慢講。會再 嚟。

食物安排食物種類很多，擺放位置分隔得宜，唔洗迫埋一齊拎野食！食物質素生蠔有自助餐不常見產地，雖然細細隻但新鮮甜美。魚生種類不算多，但亦算新鮮。天婦羅即炸好脆！甜品同candy bar 都有好多選擇，crepes亦算可以，仲有movenpick雪糕，多種口味。肉類即切，生熟度適中。服務多次打電話改預約，服務員亦好有耐性好有禮貌，值得嘉許！收碟亦好快手，每次食完都無污漕碟係枱總結黎講算係性價比合理嘅自助餐。

放大假當然要搵一日同母親大人食好西孝敬下佢啦, 一於來想食好耐的The Astor, 地點又方便, 新裝修完之後地方好C服好闊落, 我地去當日係平日, 中午lunch buffet都有唔少人到場~2個人都有卡位坐, 超正一來到先食冷盤, 當日生蠔都唔錯, 來至邊度唔記得左, 不過海水味都重, 好鮮味; 凍蝦彈牙; 本身我就唔太好青口, 但竟然都幾鮮味, 魚生都高質, 甜蝦要自己剝穀~日本section當要有唔少得魚生﹑壽司﹑天富羅, 仲有即燒串燒, 燒豬腩肉最好食, 不過忘記影相燒大蝦好有驚喜, 好彈牙, 唔會老, 好惹味!個人覺得羊架比牛扒好味, 燒到剛剛好, 唔會血林林, 好嫩又唔so場內仲有大量食盤選擇, 高水準, 最喜愛的大啡姑仲好入味即叫湯面我叫左辣沙湯金邊粉, 如果再濃味d會再惹味D~甜品有我最愛的movenpick 其他甜品都好好味, 酒店的水準, 果粒唔記得左叫咩名的酒香朱古力十分驚喜, 好好味, 配埋餐飲black coffee簡直一流。呢個buffet一定要會再返兜, 樣樣都好arm食, 媽媽食到好開心, 同大人細路來都一定好滿意!

公司話要去食好野心諗食乜先？原來係食裝修過既Eaton 逸東酒店 lunch buffet!!餐廳喺地牢 要搭lift落去 呢樣就扣小小分 因為冇咁方便呢！一出lift已經係海鮮bar , 餐廳格局行復古，好多懷舊裝飾！講返食物先，lunch time 一樣有生蠔有凍蝦有小龍蝦等等，如果鍾意食蠔就啱哂！附近有燒烤檔，有沙律bar 選擇非常多！然後仲有2個日式檔，一邊串燒一邊刺身！再入d有中式餐點，甜品有10款m字牌雪糕，仲有好多唔同既食品添！我最推薦反而係日式串燒，燒雞軟骨/豚肉串，真係好日式風味！其次一定係甜品，10款雪糕口味可以慢慢揀，食到5球都回本了！ 哈哈！但反而海鮮並不推薦，不夠鮮，有點遜色！如果價錢可以調低一d就更好！

屋企人生日我地一行8個人一齊訂左lunch buffet呢間普慶餐廳係逸東酒店新裝修好既餐廳 環境有點點復古 唔會坐得好迫lunch buffet餐廳黎講 食物種類都算幾多 環境大野食放得分散d 唔同地區放一個個野食種類生蠔唔係好肥 細細隻幾爽甜 每次限拎2隻冷盤有龍蝦蟹腳麵包蟹青口等等 小妹唔太好就無拎太多沙律吧都算多選擇刺身壽司種類唔多 但天婦羅同串燒都做得唔錯 反而覺得佢熟食做得幾有心機個羊架同牛都係即整即切 羊架燒得好香 一出爐都要排少少隊先拎到又會有即整粉麵區 東南亞咖喱都好多款 但薄餅味道太咸亞洲美食之前見人講有片皮鴨 我地個日就無見到但就有馬來海南雞飯 同d辣野川菜 仲有中式燒味甜品唔算超多 但做得幾精緻仲有movenpick 雪糕 有十幾個味 食左好多隻味先走因為屋企人生日仲訂多左個蛋糕慶祝 都好準時送上

位於香港逸東酒店地庫，已經提早電話預約，唔需要等候就入得去，今次係食夜晚自助餐，裏面主打食龍蝦同生蠔，眼見龍蝦有幾種整法，即使冷盤嘅龍蝦都冇雪藏味，食得出佢嘅鮮味，生蠔每次只可以攞兩隻，食咗起碼三四轉。刺身一般，選擇唔算多不過都算新鮮，熱盤一般，甜品款色唔算多，味道亦都一般，唔算吸引。食過一轉之後，都係龍蝦同生蠔最出色。晚市可以食三個鐘，不過我食咗兩個鐘左右就已經走咗，平均計返起，每個人大約$600，不過不失啦

種類多嘅同質素好既自助餐🍴老婆生日👱🏻‍♀️🎂上網搵食，見到逸東酒店有新裝修好既buffet 自助餐食，介紹種類多同質素吾錯，所以決定book位食佢慶祝去到環境吾錯，地方大，周圍都有專食區域，冇迫埋一齊，而食物種類都多，🦞龍蝦都有三種不同整法，生蠔都可以既，但每次可以拎得兩隻，就少左D刺身好新鮮壽司🍣同手卷，師傅都整得幾好食天婦羅🍤都有師傅即刻整甜品🍮種類同質素Good，不過冇食太多甜品，因為額外訂左個生日蛋糕比老婆🎂 Ps:服務員好有效率，收碟收好快，但buffet 碟我眼見有幾隻有D污糟🤦🏻‍♂️有寫返意見書比佢地提點返

舊同學新春聚會，地點由同學決定，選址在這間位於香港逸東酒店地庫內，不知何故，有多隻狗狗陪伴客人用餐的「普慶餐廳」。 第一次來這裡吃自助餐，感覺相當不俗，覺得這兒午市自助餐的性價比甚高，特別是我們這次光顧是在平日，埋單計數每人只是三百元多些，卻已可在地方甚大的餐廳內的七個美食區中，吃到豐富的美食，實在十分抵食。 首先是「生蠔」，這兒有兩款來自不同國家的即開生蠔給予顧客享用，雖然每次只可拿取數隻，生蠔也大小參差，並非盡皆肥美，侍應給予的，時瘦時肥，不可任取，但要是多行數轉，還是可回本的。其他「凍海鮮」，多膏的麵包蟹、大大隻肉質結實，味道爽甜的凍蝦、青口、魷魚仔都不錯。至於「刺身」方面，這兒大約有六款刺身，包括三文魚、吞拿魚、甜蝦、八爪魚、鱲魚等等，款式雖然大路，但十分新鮮，而且各款魚類都是厚切，就給人一個良好的印象。前菜中，我最喜歡的要算是「燻鯖魚」，味道比一般的燒鯖魚好，讓我留下較深刻的印象。其實自己吃自助餐甚少吃「燒牛肉」，不過今次難得一吃，再加上「燒羊架」，就覺得這兒的質素不錯。而當然，「燒菠蘿」也是消滯好味之選。 也試了「海南雞飯」，雞頗滑，油飯也過得去。我的雞件只得少許雞皮，

今天中午到普慶餐廳食自助午餐，入到餐廳感覺地方尚算濶落，人雖然多，但没有擠迫感，被安排入坐卡位，好舒適，食物分好多區，午餐有2款外國生蠔供應，每次限取2隻，但好快可以再次攞到，蠔新鮮，有面包蟹，好味又多膏，有日式天婦羅同燒物，燒腩肉特別好味，炸蝦……做得不錯，燒味部表面有雞，燒鴨，不過要品嚐美味既叉燒就要問企檔的姐姐，如有她就會切2片厚切比你，不過D叉燒真係超正，其他仲有很多款式食品，甜品區稍弱，可選擇款式不多，但有Movenpic雪糕供應，有10幾款選擇咁多，有多款在市面係無得賣架，我係長者所以祇收$198再加一，大約$220，很超價啊！

冷盤熟食🥘🍣🥩燒羊架🍗肉質嫩滑，好味生蠔～即開即食，有愛爾蘭🇮🇪和法國🇫🇷兩款產地，洗得比較乾淨，沒有蠔殼，質素ok虎蝦🦐肉質唔錯即炸天婦羅🍤比較少酒店自助餐有提供，味道不錯。不過比較製作需時。🆗鮑汁鳳爪好味，不過賣相唔吸引，建議應該先剝咗D腳甲比較好或者修下甲先。😂牛扒🥩肉質比較鞋口鐘拿蟹腳🦀一般般🔅出名好食嘅叉燒很早就已經俾人攞晒甜品🍮有movenpick 雪糕, 朱古力味好正款式很多，連軟雪糕機🍦也有，綠茶軟雪糕都不錯。🆗已製作好嘅甜品蛋糕賣相唔太吸引，質素一般紅豆沙略為比較甜，需要改善。夾餅質素一般環境：✅枱與枱之間也比較寬敞，環境舒適。雖然滿座，但是可能因為樓底很高，所以不會太嘈吵，比較容易傾計。✅這裏的食物分佈比較散開，所以他們也提供了簡單的地圖供食客參考。佈置：整間酒店都會放置一些動物作為佈置。自助餐的動物佈置是不同種類的狗隻🐕，每隻都栩栩如生，因為我係怕狗，所以差點也嚇到了。😂服務💁🏻‍♀️✅職員態度良好，但係有時都收唔切碟。👍🏼讚揚：餐廳支持環保♻️，飲筒🍹都是用可循環再用的鋼飲筒。這一點比較讚揚！👍🏼泊車🅿️記住要事先打電話📲去預約留車位🚗🚙因為佢嘅代客泊車位置比較細小總