時新漢堡飽 (已結業)

大前日(16-2-2019 Sat)老公去紅磡搵朋友,上次年初二(6-2-2019 Wed)嚟時想食時新,但冇開,今次我就特登嚟啦,因為10年前都已經想試,但當時舊舖比較隔涉,所以一直冇試.由於嚟到時都叫做好早嘅午市,所以都未算多人,佢哋有好多 嘢食,但我哋見到仍有$148.00嘅情人節套餐,咁幾飽都好,都要試呢個,食物有:1. 包包相印－芝士漢堡包同漢堡蛋包各一港式漢堡包唔大個,但嗅到好香,我先食前者,漢堡厚身同鬆軟又juicy,唔錯.汁係酸甜度適中嘅沙律汁,好好味,第一次食沙律汁嘅漢堡包.後者有隻厚蛋,要不顧儀態,張大個口食至得,唔知係咪個蛋唔似麥當勞咁咁公式化,呢個好食好多.唯一要講嘅係牛肉味唔夠.味道: 4.5分4. 酸辣與共－羅宋湯兩個睇見材料都幾足,飲落辣咗啲,同個味道似咕嚕汁,我可以用辣咕嚕湯嚟形容.味道: 1分3. 黃金鴛鴦－炸薯條拼脆雞粒或洋蔥圈脆雞粒同洋蔥圈中,老公揀咗後者.炸薯條係粗身有紋嘅港式薯條,冇炸過火,外脆,,鹹度啱啱好,但薯味唔係好食得出.味道: 4.5分洋蔥圈同樣炸得靚,炸粉唔算太厚,外脆,洋蔥好甜.味道: 5分2. 雙翼齊飛－兩隻炸或滷水雞全翼大大隻

每個人都有童年不能忘記既小食快餐店，係我記憶入面絕𣎴能忘記既一定係紅磡既時新漢堡包。再次重開既時新漢堡包就開係紅磡既黃埔天地家居庭地下，黃埔站c岀口，行大概5分鐘左右，再次黎到充滿回憶既時新當然要叫佢既招牌漢堡包啦。雙層漢堡芝士蛋包 $33經典既雙層漢堡芝士蛋包配上祕製沙律醬，完美既組合就係咁樣誕生左，無食咁多年，味依然有水準，較綿既面包配合味道香濃既芝士漢堡扒，真心無得輸。雙層漢堡芝士蛋包炸魚扒 $25另外再叫一份炸魚扒，薄而脆既炸皮入要係juicy既魚柳，香口而又不覺得油膩，沾上一點沙律醬，口味就更有層次。保留原有水準，而且價廉物美，一再推介既經典口感。

偶爾行過黃埔見到時新己經重新開了所以即刻衝過來食叫了拍拖時常常吃的食物漢堡包好像俾以前無甘Juicy薯條熱辣辣不錯！雞翼咸了小小雖然這個價錢可以接受但我們都喜歡以前的時新😢

“時新”呢個名對喜歡食漢堡包🍔既人講應該唔會好陌生啦，係紅磡老店專出品的港式漢堡包🍔由「時新快餐店」改名為「時新漢堡飽」，地點就由紅磡黃埔街，搬到黃埔新天地。新店就今次第一次黎到黎到岩岩好係下午茶時間，下午茶餐供應時間係2點至6點！單層漢堡芝士蛋包拼薯條 $39呢度係即呀即整，咬落口都是熱熱的，芝士仲有啲溶溶地～漢堡扒係用鮮牛肉手打出來的，咬一啖口腔充滿滿滿的🐮牛肉汁，超ᴊᴜɪᴄʏ~~配上了沙律醬、蛋和芝士這個配搭真係無得輸喔💗 跟下午茶餐的飲品和薯條🍟飲品就叫了利賓納，唔知點解最近去茶餐廳叫利賓納都唔會有，呢度有開心了...薯條🍟是波浪紋型的🤤炸雞脾 $27皮炸到很脆，肉質很嫩滑，鎖到肉汁👍🏽新店裝修更光鮮，雖然少了點陳港式快餐店的味道，不過人情味依舊

我由舊舖食開,個時佢仲未出名,但係區內已經大家都知。後來見佢結束營業 ,我幾失望。好彩佢好快又開返,而家仲搬左入黃埔。新舖唔再係用膠凳,換哂新式裝修 坐得舒服好多。唯一不變,依然係食物種類,依然有我最鐘意既即制漢堡包。而家仲有套餐, 飯/意粉餐。我今日特登帶埋屋企人來食下午茶。下午茶更抵食。最好笑係我地睇完一輪 ,本來想叫唔同野食 ,最後大家都係唔捨得放棄最出名既漢堡包。黎時新食其他野 好似好哂quota 咁。叫左單層漢堡芝士旦包配炸薯條 $38炸薯條仲可以免費改成炸雞粒。見唔見到😍☀️蛋係即整 唔係機械蛋☀️漢堡係有厚度☀️芝士是微融的☀️包是軟熟的連鎖店既無得比!!漢堡係自家制!有厚度,有肉汁,係成件漢堡既靈魂所在。是最出色的!!連薯條都係我鐘意既粗身波浪薯條。炸雞粒有六粒 可以揀唔同醬汁配。我地又試下黑椒汁, 幾惹味。好彩時新開返 先食到呢個味道。希望大家都多多支持香港小店,呢d 懷舊味道先唔會消失。推薦!!!

時新快餐店係我中學年代時常踏足嘅地方，一班同學聚埋一齊食個漢堡包🍔薯條🍟汽水🥤咁就渡過一個悠閒時光，隨著時代變遷，時新就由老鋪搖身一變成為而家嘅新鋪新鋪裝潢設計同舊鋪好唔同主打都係牛肉漢堡🤤餐牌食物同以前大徑相同，嚟得回味中學情懷梗係要食漢堡包啦🤪去收銀處點好食物就等叫號碼呢幾款都係以前時常會食嘅漢堡包嘅麵包一直不變用嘉頓牛肉同以前分別不大，肉質鮮嫩，但相比以前牛肉入面嘅洋蔥粒少咗，而漢堡淋上嘅沙律汁依舊好味酸酸地中和油膩感雞肶炸得剛好外皮脆，但肉質保持嫩滑波浪薯條🍟夠懷舊，配亨氏茄汁一流港式漢堡包店已經買少見少，希望呢度能夠傳承落去，等大眾能細味兒時記憶

🍔漢堡芝士蛋包 ($25)🍔雙層漢堡芝士蛋包 ($33)漢堡包整體黎講普普通通 的確係有港式風味 但係牛肉冇牛肉味同埋有啲細塊 後面個雙層漢堡塊牛肉只係佔麵包嘅2/3面積☹️ 所有料夾埋嘅味道係唔差嘅 但始終覺得以前好食啲The burgers were average, as the patties were a bit too small and lacked in flavour. Overall taste was not bad, but not as good as the old store use to be. 🍗炸雞肶 ($25)🥤凍奶茶 ($20)雞肶唔錯 但係凍奶茶就欠缺茶味 剩係得奶味同糖水味 仲要冇得跟餐😢The fried chicken leg was pretty good but I couldnt taste any tea in the milktea, it just tasted like milk and sugar☹️

大家如果有去過紅磡舊店，就會覺得黃埔新店呢邊少左之前陳式香港餐廳既特色，但新既裝潢比食客感覺係企理同乾淨既，環境舒服先會覺得食物更加好味。幾清新既沙律🥗，材料上有蘋果雪梨切粒加上番茄片，配上秘制沙律醬，食落幾令人開胃。雙層漢堡芝士蛋漢堡，牛肉漢堡排口感幾特別，有小許彈牙，肉味都出到黎，同沙律醬幾夾。芝士放係肉下面，由於係新鮮即叫即整，利用漢堡既餘熱融化，上臺後放一陣再食就會變得更加creamy。整體黎講，性價比唔低，食物質素係實實在在既穩健類型。對比起隔離商場既連鎖食店，呢度係平凡得黎值得大家去支持既小店！

係陪伴小編長大既時新漢堡呀🍔那年18歲係理工大學埋頭苦幹溫習準備考公開試，每星期有幾天既下午茶都係食時新漢堡包直到前排結業，再搬左去黃埔新天地，味道依然不變🥰☺️那年十八歲，是青春啊🥺-單層芝士蛋漢堡配炸薯條 (下午茶餐$38)雙層芝士蛋漢堡配黃金脆雞粒 ($46)餐飲轉紅豆冰 (+$7)小編都係揀左時新秘制沙律醬，酸酸甜甜，依個味只有係依到先食到😋手打牛肉漢堡好鬆軟，肥瘦適中，煎得香口，又吾會食到成口油，🍔同以前一樣咁好食😌雙層口感比單層更豐富，個口mak到最大就剛剛好咬到成個包🤣好味道✨炸薯條係薯身好多薯蓉個種波浪薯條🍟如新鮮熱辣辣一定更加好吃！炸雞粒亦只係微暖，有部份又淋左，如果熱啲就好啦😌紅豆冰有粒粒紅豆，同大家樂個杯一樣味，都係小編既摯愛呀🤣

今日去紅磡探親戚,咁啱親戚同我哋講之前喺紅磡結業嘅時新漢堡包搬咗嚟黃埔,咁難得過到嚟呢一頭,點都要去試一試。(好近黃埔站)話說時新漢堡做喺40年前已經喺紅磡開業,細個讀書嘅時候,每逢星期六日都會叫屋企人帶我去食。佢同傳統美式漢堡包有啲唔同,佢的牛肉係即叫即煎而且仲非常大舊,一食就知同美式漢堡唔同,又大舊,又好食。新舖裝修非常光猛,環境比以前更光鮮及乾淨,餐牌又比以前好睇。由於肚仔餓嘅關係,我叫咗個雙層嘅港漢堡。塊牛肉幾鬼大舊,再加上佢自己整的白色沙律汁,同牛肉的味非常之夾。我地呢個下午茶餐嘅關係,佢的薯條仲可以轉雞粒,雞粒入口香脆。除此之外呢度就好出名嘅生炸雞髀,每次即叫即做確保新鮮熱辣辣,食嘅時候非常好味,外皮香脆裏面又好保留肉汁非常好味。

未搬時已經食過呢間咁傳統既漢堡包架啦 咁啱同朋友去完黃埔睇戲 所以就同朋友試下啦 而家明顯係坐得比之前舒服同乾淨左 我地去到時仲有到下午茶餐添呀〰️單層漢堡芝士蛋包併薯條〰️$38多左$8改做雙層牛肉 即叫即做 一啖咬落去係熱既 牛肉漢堡唔會太乾 個薯條仲係波浪紋 而家出面好少食到呢隻架啦 〰️炸雞肶〰️$25炸肶都係好正架 炸得外層既雞皮好薄好脆入面既肉仍然嫩口最鐘意用住手拎起一啖一啖咬落去既感覺 好爽呀 叫左叫個朱古力咖啡 同平時既mocha有dd 唔同 呢度既咖啡味重d

週末去了紅磡名店  嘆個下午茶❤️ 時新漢堡飽搬家過來後，環境變得更好了！乾淨明亮，但是味道還是保留著舊有的味道！我點了雙層芝士蛋漢堡🍔拼薯條🍟和炸雞腿🍗時新的港式漢堡🍔烤過的麵包，夾著著厚厚又多汁的漢堡肉，搭配芝士和煎蛋，淋上特製沙律醬，這個味道一試難忘呀！🤤 波浪狀的薯條🍟吃起來更香更滿足🤗炸雞腿也是炸的金黃酥脆，又保留Juicy 💦最後喝一杯香滑港式奶茶☕️ 好似回到過去的香港🇭🇰 

其實幾年前已經諗住試下佢有幾好食, 點知當時仲未搬既時新排哂長龍, 時間關係無緣食到。 跟住一路都有留意到時新重開既消息, 一重開又係勁多人排隊, 終於今日食到你喇😋餐廳係快餐店自助形式, 近門口位有大餐牌, 隔離收銀處俾錢, 攞住飛仔坐定定等叫號碼就ok, 地方唔算好大但都會有電子號碼顯示。今次係衝住雙層漢堡芝士蛋包而黎, 仲有波浪薯條都係我至愛💕 另外男人就想試下炸雞肶, 生果沙律同菠蘿冰。🔸雙層漢堡芝士蛋包🔸首先麵包係烤過外脆內軟, 係傳統港式既漢堡麵包, 入面兩層漢堡扒係手打牛肉, 一咬落去肉汁好juicy, 仲有洋蔥味好好味, 男人話有"家"既感覺😂 平時唔係好食沙律醬既我, 出奇地覺得個醬好好味好夾, 不過食既時候就要小心容易滴到喺自己衫度啦～唔怪得咁多人鍾意食時新漢堡, 係好食既👍🔸炸薯條🔸波浪薯條唔係好多茶餐廳有得食, 多數得返少數舊式茶餐廳先會搵到, 薯條係跟下午茶炸雞肶餐, 份量唔算好多, 都炸得幾脆(我鍾意食脆脆的)。🔸生果沙律🔸番茄同生果都新鮮👍🔸炸雞肶🔸男人一食就話應該係生炸雞肶, 雞肉仲好嫩滑唔乾身, 雞皮仲好脆添👍🔸凍檸茶🔸難得有4塊檸檬😂🔸菠蘿冰🔸唔係罐

最近和朋友說起時新漢堡飽，我們自它搬到黃埔重新開業後，都未曾來過一吃這本土特色的手打牛肉漢堡，今天來到黃埔，第一站當然要回味昔日的時新漢堡滋味。時新迷的話，一定會吃它的雙層漢堡，配芝士，雞蛋和秘製沙律汁，熟悉親切的口味。一拿取雙層漢堡，朋友有點意外，秘製沙律汁給得大方，不斷流瀉，飄散著迷人香氣。加配芝士及雞蛋後漢堡口感更豐富，牛肉漢堡鬆軟，肉汁豐沛，果然還是手打的好吃，一口咬下肉香充斥味蕾。另外我們多點一份炸雞全翼拼黃金脆雞粒下午茶餐，一人一隻炸雞全翼剛剛好。這下午茶餐才賣36元，頗超值的，且炸雞全翼雞皮炸得金黃香脆，內裡雞肉肉嫩多汁。剛炸好時雞全翼超燙口，而這時吃超過癮呢。黃金脆雞粒亦不錯的吃，剛炸出來熱騰騰，一口可吃還會有雞汁，雞粒外脆內嫩不油膩，香氣十足，讓人吮指回味，再喝杯冰凍奶茶，這頓下午茶真是大滿足。

食漢堡包通常都會諗起麥記，今次經過黃埔試吓新野(其實係因為經過櫥窗見到入面啲人食得津津有味，搞到我流晒口水)漢堡包唔似連鎖店嘅一打開扁晒，只係脹卜卜，又厚肉又juicy,加埋個秘製醬汁，簡直係絕配。薯條啱啱乍起，係傳統茶餐廳嗰隻粗薯條，脆卜卜！另外叫咗碗麵同滷水雞髀，雖然公仔麵唔健康但係老闆加多兩條菜落去即刻冇晒罪惡感，滷水雞髀就比較甜咗啲，食兩啖會覺得漏，但肉質係OK嘅，唔會係霎左好耐啲肉散晒嗰隻。