時新漢堡飽 (已結業)

時新漢堡飽聽得多，但一路都未試過，今日黎開紅磡終於有機會試下🍔🍔🍔。✨除左漢堡，仲有扒餐，飯，意粉，湯麵。不過我地一場黎到梗係食漢堡，叫完野食發覺都差唔多兩點，原來下午茶抵食好多添。✨叫左野食就可以等no 拎～～✨單層漢堡包：就係簡簡單單一塊牛同埋加d 醬。芝麻麵包好鬆軟，牛肉雖然細細舊但幾厚身，食落好有彈性同juicy~唔知點解有種食山竹牛肉球既感覺xD 加埋個沙律醬汁又幾好味。✨雙層漢堡火腿蛋包（$33)，呢個味道就更加豐富。✨沙律（$8): 以為係茶餐廳果種沙律，但原來係得蘋果同埋雪梨，不過清清地都ok✨滷水雞脾（$25): size 算大隻，滷水汁味道唔錯，最正係個雞皮。雞肉都好入味，不過d 肉就有少少韌，下次配埋個紅豆冰就perfect~~~

今時今日如果你銀包整得100蚊仲可以做啲乜嘢?!🍋😁🍍💸同朋友睇場戲?📽食餐飯?買少少日用品返屋企?好有可能以上一樣嘢都做唔到時移世易究竟仲有幾多良心食肆會用合理價錢提供優質食物?你可能唔相信仲有8蚊一個沙律嘅存在不過係呢間漢堡店你就會搵到仲有相當濃厚嘅人情味食住漢堡飲紅豆冰都係第一次!連店名都有「漢堡」兩隻字🍔證明係招牌食物! 事不宜遲立即試一試!簡簡單單麵包 家自家製牛肉漢堡扒 🥩煎蛋🍳及薄薄一片芝士🧀原來可以發揮到咁奇妙嘅效果食落去個醬汁 同牛肉油脂混合後居然散發出燒汁一般嘅香味!!!仔細一睇原來係沙律醬塊牛肉份量不是太大如果食雙層就剛剛好而且芝士不會有奶羶味同快餐店賣嘅漢堡包截然不同似貼地好多紅豆冰不會太甜較重椰奶味紅豆不會難咬開豆蓉同椰奶比例恰當飲落舒服自家製沙律亦是值得一讚當然應該都係用咗招牌沙律醬去做清楚地食得出有非常爽甜嘅梨同蘋果🍅🍐平時食沙律未食過有梨嘅味道清新不需要更太多醬汁已經非常好味雜果沙律最緊要新鮮唔出水溫度唔好太凍太熱否則食唔出生果嘅原味炸魚柳切開後魚肉不會四散內有肉汁卻不會另外皮變腍第一啖錫落去有天婦羅炸蝦的感覺🍤🍤🍤估唔到炸物都可以帶出海鮮嘅鮮味🐟🐟🐟

以前都食過時新漢堡，搬咗鋪之後未試過食都唔知邊一間真邊一間假，什麼分家之類。不過唔理啦，照去食時新漢堡都係一啲比較中式風格嘅傳統漢堡包，簡單嘅製作方式配上特製嘅醬汁而成漢堡包包皮烘得好香脆，而且麵包都係軟熟嘅。雖然用咗普通嘅芝麻包面，入面嘅沙律醬係特製，配埋塊肉味道真係唔錯，別具特色。而且一啲都唔貴，下午茶餐食都係40零蚊左右，就有漢堡包、薯條同埋飲品宜家裝修咗， 雖然光猛咗，望落去整潔咗，但坐位坐得都比較迫。 價錢實惠，得閒想食個下午茶又可以試下

之前知道時新要執覺得好可惜，後來知道佢係紅磡開返就一直諗住約frd來食，到今日終於得閒來食！來到正值下午茶時段，就點左兩個下午茶餐，分別係芝士蛋漢堡包餐(配雞粒同凍咖啡)，魚扒包餐(配薯條同凍檸檬茶)，另外仲點左個炸雞翼。先講呢度必食嘅芝士蛋漢堡，塊漢堡幾厚身，D肉咬落剛剛好，唔會太鬆或太實，配埋芝士、蛋同自家製嘅沙律醬，味道真係好正！魚扒包都係配自家製沙律醬、魚扒炸得金黃、無燶，而且脆皮下嘅魚肉多且滑，都幾好食！薯條係好大條嘅波紋薯條！我見好幾次(包括我呢檯)拎餐嘅時候，d員工都話薯條炸緊，要遲少少先再送來，我估餐廳係唔會炸定好多堆薯條，而係一小批咁炸，比D客可以食到新鮮熱辣嘅薯條！熱辣辣嘅薯條配埋茄汁，特別好食！我地其中一個茶餐將薯條轉左做新出品嘅雞粒，我地簡左沙律醬配。雞粒層脆皮唔厚，一咬就啖啖肉，味道唔辣，好味！炸雞翼炸到好靚嘅金黃色，味道幾好，而且並唔係好多油！呢度嘅野飲都幾大杯！總括來講，呢間老字號嘅野食好有港式風味，足料又好食，價錢亦合理，值得來試下！

Happy Friday! 兼且係2018年倒數既第3天，終於得閒黎黃埔睇下燈飾，睇完之後肚餓就黎左食呢間老舖翻生左既時新漢堡包🍔！呢度係先比$，之後自己搵位，等叫號碼就出去拎食物！👍 我同友人就叫左雙層漢堡包🍔（配芝士同蛋），佢秘製既沙律汁真係冇得頂，個包好鬆軟&個漢堡好juicy,芝士溶溶地配埋蛋一齊食好味道！😋 個炸薯條都唔錯，係條紋狀既薯條，熱辣辣上碟點埋茄汁好正！ 之後到個炸雞翼就唔太熱，而個滷水雞脾好入味，雞肉都鮮嫩，再飲埋杯凍利賓納/凍檸茶好滿足！😋👍+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

呢間時新由我讀大學個陣已經好想一試，結果等到讀完書先有機會試。佢個牛肉漢堡真係勁正，肉汁，有，juicy!最欣賞係佢個汁，配埋個包同塊扒，岩岩好!薯條同其他炸物，我就麻麻地，都係嫌太熱氣太炸。

前排老字號時新竟然關左店 原本以為從此就消失嘅漢堡包 近日竟然係黃埔出現翻😍 第一次食時新個時鍾意左熱辣辣自家製嘅漢堡包 仍舊記得酸酸地沙拉醬包住手打漢堡排嘅味道 麥當勞🍔無得比🤤 今次黎食翻回憶中的味道😆新店沿用舊店的餐牌 但座位比以前舊店舒服得多 而且冷氣足夠 環境比以前好多了 但仍舊沒變的還是同樣的收銀姐姐 同樣的餐牌 同樣的漢堡包🍔我叫了個雙層芝士漢堡蛋包 $33 面低係烤得鬆脆的漢堡包皮 係兩塊手打漢堡 好鬆軟 有口感 唔乾身 仲有洋蔥係牛肉入面 減少膩感 而且係平時麥記兩倍份量 中間夾住芝士 太陽蛋 仲有重點的沙拉醬 酸甜 很清新 令成個漢堡變得好juicy🤤 另外好想叫紅豆冰 不過分開叫比較貴 加$22 下次都係跟餐叫好d🙈 不過紅豆份量同奶份量各佔一半 超足料嘅紅豆 而且本身個杯就已經比平時茶記大 所以真係抵翻哂🤤 黃金脆雞粒 $12 加沙拉醬 新鮮炸起 味道有d 似麥樂雞 不過係細粒版 最欣賞都係個沙拉醬 同漢堡包入面係一樣架 有d 蘿蔔粒 青瓜粒 清新難忘味道🤤 另外呀妹叫左個扒餐 牛扒煎蛋 凍檸茶 $37+$3🙈 有得簡幾款唔同嘅汁 最後簡左最正路嘅黑椒汁😆塊扒

已經好耐無食過時新漢堡包了，估唔到今次再食已經搬左鋪位，仲乾淨左，坐得舒適左添。雙層芝士漢堡 拼炸薯條 $43轉凍檸蜜 +$7黎到岩岩好有下午茶，點左招牌雙層芝士漢堡餐，樣子好吸引。漢堡扒有手指甘厚，食落係肉餅既口感，唔會太乾身，食到肉既顆粒感。麵包用上本地麵包，烘過後偏乾，內裡鬆軟，配上帶肉汁既漢堡扒就岩岩好。最吸引人既係醬汁，偏甜味既港式漢堡包沙律醬，好香洋蔥味，係整個漢堡包既靈魂。下午茶餐仲包薯條同餐飲。薯條係粗身波浪紋薯條，令我聯想起細個係公共泳池小食亭食既薯條，滿有回憶。生果沙律 $8同樣令人勾起回憶既沙律，材料簡單，份量不多，但就是童年在茶樓吃到的生果沙律味道，舊香港的味道。

久聞紅磡有一以製作港式漢堡飽聞名的老店，聞說它開新店已有一段時間，某假日經過附近便前往一嚐。櫃枱阿姐及取餐處的年輕人態度親切，餐廳內環境舒適，座位大致寬敞，驟眼望去廚房衛生環境理想。此店以製作漢堡包而聞名，來到這裡當然就是要嘗漢堡包。我與友人分別點了魚扒包以及煎蛋牛肉漢堡。（各＄25）包皮外脆內軟，秘製沙律醬食落感覺很清新，雖甜而不膩。魚扒食落香脆，而且非常有魚鮮味，有驚喜。炸薯條（＄20？）香脆，有咬口。雞翼（＄25？）炸得好靚，肉質炸完仍保持鮮嫩，抵讚，黑椒的鹹味和甜味能取得平衡，令人連汁都想食埋，很不錯。這個價錢，以老店以及大商場鋪位黎講非常相宜，值得一試。

SS is a famous Hong Kong old fashioned hamburger place serving basic burgers for $20 and a double patty with egg or cheese that would only cost you $30.They used to be at another location in Hunghom and now they have moved to the Whampoa end near the MTR exit.The prices of the burgers are still affordable!I was relieved to see a familiar face from the old place in the kitchen.Had the basic burger set with popcorn chicken  because I really wanted the curry sauce!The other set I had was the fried

今日又係時候回娘家紅磡食飯，食晚飯前首先來到時新快餐店食個Tea住了紅磡廿幾年竟然未嚐試過舊鋪的時新 今次重新開業方便了我 我就立即去品嚐美食漢堡聽聞時新舊鋪的老師傅都來到黃埔時新此店，相信味道也一樣吧餐牌款式非常多，和舊店的餐牌是一樣的自助形式 門口購票後 等叫票號拎餐 收銀處的姐姐很有禮貌解釋餐牌內容 還有一個好特別的漢堡公仔在收銀處 雙層漢堡芝士蛋包 $33呢到有不同的漢堡選擇 也有單層或雙層選擇 加8蚊便可以有雙層(只是多了一塊漢堡扒)這的漢堡扒特別之處是人手打的漢堡扒，食落會有口感+非常鬆軟 肥瘦的碎肉好均勻配上沙律醬 自家製的 甜甜地滿清新的醬汁 內有蘿蔔粒和青瓜粒 所以一個女仔食雙層也不覺得漏 炸雞全翼 $23看似很油的感覺，食落不會還要肉質 Juicy黃金脆雞粒 $12汁醬：咖哩/黑椒/蕃茄汁/沙律醬我選擇了黑椒汁，比較杰身 黑椒味比較濃郁雞粒剛炸起，外脆內嫩 配搭得非常好味什果冰 $22想起兒時的味道-什果冰  一大半杯都是雜果 不太甜 容易入口很特別 快餐店有卡片之餘還是寫GM的名字味道 賣相衞生服務抵食推介

由佢話舊鋪執 到 新鋪開, 今日先有機會去食, 基本上失望, 下午茶, 叫餐到拎餐約20分鐘,炸脾 ~ 凍既薯條 ~ 凍既脆雞粒 ~ 熱單層芝士旦漢堡 ~ 熱熱奶茶 熱朱炸脾薯條 凍既乜都唔洗講雞粒好一般水吧都係般 不過不失主菜漢堡 係稍後見得下人整體唔係話特別好食, 中式既快餐漢堡黎講算中上(其實宜家都無乜中式快餐有漢堡賣), 所以唔好有太大期望另外炸脾凍 肉質都"唉" 及 收銀都係半極品 落單偏慢唔緊要, 會找少錢先大鑊👍🏻懶人包:不試沒損失

以前大學時期，那時的時新快餐店位置在紅磡行人天橋走下去就是了，很懷念那時的日子。隔了一段時間，發現這間店重開而且換了位置，究竟味道會否有所不同呢？一走進店內，由以往舊式的漢堡包店風格變成似茶餐廳，較現代化的風格，可見時代轉變連餐廳也要跟著步伐走。現在正是下午茶時段，餐牌也有不少選擇，而我當然就選了漢堡包來吃，而且是雙層漢堡加蛋加芝士，滿足一下。其實這個味道跟以前沒有什麼不同，漢堡依然充滿肉汁，芝士的濃郁加上蛋的口感，整體感覺良好，很搭! 雖然環境轉變了，但食物依然保持水準，值得一讚。

尤記得當年在巴士都見到的時新這麼多年來都只是過門而不入事過境遷舊店已在黃埔花園重開食物種類都沒有太大的變化我們每人都點了雙層漢堡芝士蛋包麵包都是那款嘉頓經典款式牛肉是店家自己混合手打而成有手工感有肉味相當美味有煎蛋有芝士層次相當豐富再加上當店自己調配的白醬充滿香港味的漢堡包就大功告成另點了炸薯條和一隻炸雞髀薯條是傳統老派的港式粗薯即叫即炸吃起來口感脆脆的雞脾生炸皮脆肉嫩多汁吃膩了美式漢堡來個港式口味也不錯

就快聖誕，幾個朋友嘅小聚會選擇咗充滿回憶嘅「時新」食一個簡簡單單嘅快餐。餐廳位置易搵到，喺戲院樓下巴士總站對面就見到。去時新當然要食港式漢堡包，我哋叫咗單層&雙層漢堡包，大家都不約而同地揀咗配芝士同蛋。首先食嘅係漢堡包，第一啖食係沾滿沙律汁嘅包連餡料，第二啖再食時肉汁已流咗去其他餡，漢堡扒入面有少少洋蔥同牛肉混合，成個包食落好有層次同juicy，正！除咗每人一個漢堡包外，我哋仲叫咗其他小食：雞脾炸雞脾外皮炸到金黃色，入面嘅肉質好嫩滑。而滷水雞脾夠入味。兩款食嘅時候都有肉汁流出。炸薯條呢到嘅薯條係波浪坑紋薯條，較厚身上面有少少鹽，沾茄汁味道剛剛好。