時新漢堡飽 (已結業)

今日放假，突然好想食漢堡包，於是就出咗紅磡食時新，時新自從分家後都無幫襯過，雖則以前都唔係特別鍾意食，不過見悶就去遠少少食，反正有全月通😂今次就嗌咗單層漢堡包加芝士同蛋，一份薯條同紅豆冰，全部要單點所以都幾貴，盛惠$72😟未講味道之前，淨係講一樣一定要鬧嘅無腦設計，就係紅豆冰用幼飲管，見到都打咗個突。其實個漢堡包係好食嘅，呢間係用返以前舊鋪隻醬，所以食落味道同以往差不多。至於薯條，真係唔掂，鹽嘅分佈唔夠平均，同埋食落就知唔係新鮮炸起，熱又唔熱，係有少少暖，真係不知所謂。紅豆冰除咗支飲管，都正正常常。座位方面就一定舒服過舊鋪，舊鋪又殘又油又污糟。整體嚟講，真係食mos burger仲好食！

之前同朋友講為食過時新估唔到佢特登放咗學帶我去食🍔雙層漢堡芝士包 $30包面有啲芝麻碎 包皮有烘過 個面幾脆 入面有兩舊超Juicy嘅牛肉漢堡🐮 洋蔥味幾濃 沙律醬超好味 配埋芝士🧀好夾🍟炸薯條 $20粗身扭紋薯條 上枱熱辣辣 炸到外脆內軟 大大兜幾抵食😋🐤黃金脆雞粒 (沙律醬) $12雞粒外皮唔會好厚 加埋沙津醬好好食薯條同雞粒都係即叫即炸♨餐廳喺商場外面唔好入咗去呀除咗漢堡包仲有飯🍛意粉🍝等熟

紅磡港式風味的快餐「時新」現於黃埔重開「時新漢堡包」，聽左好耐都未食過所以今晚和朋友去食啦。炸雞髀$27點左炸雞脾好大隻，炸得岩岩好，又厚身，好香脆可口，能保留肉汁唔會太乾，味道不錯👍🏻雙層牛肉漢堡 好足料又好多沙律醬，加埋煎蛋和芝士好夠份量，牛肉好厚身而且好juice😋😋煎得好香口感鬆軟👍🏻除左點左漢堡包，仲點少得扭紋薯條🍟條條都新鮮炸起夠晒香脆可口😋😋😋再配埋飲品咸檸七一流👍🏻👍🏻👍🏻

細說懷舊，人情味的快餐店，真係少之有少呀。。。。。早兩前曾經結業，而家終於可以有得食了😍我相信 ❮時新漢堡飽❯ 好多人都識架啦，今次就係黃埔新天地重現大家啦～環境都好企理好乾淨，一入門口就有好大個餐牌係到，一目了然。而且都幾光鮮，不過就少左舊式既味道。。。之後睇岩直接比錢落單，搵個靚位坐住得叫號碼就可以啦～餐牌上有唔同款式既野食，當然唔少得呢到既招牌港式漢堡包啦🍔除左漢堡包，仲有飯類同意粉可以揀，岩哂唔同人既口味，同埋佢地既風味小食都唔可以錯過，特別係佢地既炸雞脾同炸薯條🍟漢堡芝士蛋包 $27真係好耐好耐都無食過呢種舊式漢堡包，真係好令人懷念呢～～☺️今次點都會叫佢地既經典漢堡包，牛肉多汁惹味，而且蛋邊仲係焦燶邊，加埋佢地既沙律醬汁，帶有酸酸甜甜既味道，真係好好食！漢堡芝士火腿包 $27呢款就拼左火腿，煎得好香，同樣有少少焦焦既感覺，配上牛肉同芝士，懷舊既味道出哂黎呀！👍🏻炸雞脾 $27脆香既炸雞脾同樣都係唔少得，老闆堅持用生炸既方法，令雞脾可以炸到香脆又多汁，雞肉仲幾滑TIM～🍖炸薯條 $22個人係非常喜愛食粗薯條，呢到呢粗薯條仲要係波浪紋，呢款既薯條而家真係好少地方可以搵到，薯條炸到

時新未分家前，在舊店吃過一次，那時覺得很合口味，與西式快餐店並不一樣。現在兄弟各自開餐廳，今日就決定先去其中一家試試，尋返昔日的味道😆——————————🔸單層漢堡蛋包拼薯條 奶茶☕$39📍 3.6/5漢堡與之前一樣，加入大量洋蔥，咬落很香好juicy！香軟厚實的麵包、微焦的煎蛋，再配上時新秘製、酸酸甜甜的特色沙律醬及芝士，口感豐富不會膩；唯一缺點是飽足感不夠，漢堡厚一點就更perfect！炸薯條是茶餐廳常見的波浪型，新鮮炸起，熱辣辣脆卜卜，味道不錯👍🏻🔹炸雞脾+炸薯條 奶茶☕ $39📍3.2/5雞髀同樣是新鮮炸起，咬開還是會噴煙！皮脆肉嫩，肉汁多又不會乾，炸得剛剛好😆不過味道偏淡，要加番茄醬一起吃才夠味～奶茶香濃，茶味較重～

港式漢堡包 時新真係無人能及🍔💰$33 雙層漢堡芝士蛋包 單層絕對係唔夠喉既😂所以我次次都叫雙層，超鍾意佢手打而成充滿肉汁既牛肉漢堡，軟綿綿既包配上特製沙律醬，配搭一流。💰$25 炸雞脾大大隻🍗熱辣辣，唔油膩💰$50 漢堡扒蛋飯漢堡扒蛋飯配上茄汁真係好有懷舊feel😂唔想食包連飯都有👍🏻💕。#黃埔 #時新漢堡包 #雙層漢堡芝士蛋包 #炸雞脾...……………………👧🏻肥妹小編.........................

話說 以前睇親演唱會都要食 #時新 既漢堡包同 #炸脾但自從搬左新鋪之後 就無再去過啦🤔適逢早排又睇演唱會🎤 小妹心血來潮想去食返可惜有啲失望啊😞漢堡芝士蛋包 $27無左以前既爆醬 味道自然無咁惹味啦但勝在無咁濃味 唔會話食完超級口乾舊肉都縮哂水呀😢得三分二個漢堡到咋味道真係大不如前啊😭不過值得一讚係 新鋪無論衛生同服務態度都改善左好多👍🏻仲多左好多其他野食添特登去就免啦 但行過當街坊茶仔都無壞既🙆🏻‍♀️

時新漢堡 早在幾年前 在紅磡工作已認識到佢 下午茶首選！但自從在社交媒體見到佢結業後 一直都好覺得好可惜😟 但最後 好似又返返黎喎！😍地點在黃埔 開通左地鐵後行過去都好近 現在已經不在紅磡工作 是日放假突意黎嘆返個下午茶😌😌下午茶永遠係抵食之選 漢堡包加薯條加埋飲品先$39！識食一定要加$10要個雙層 啖啖肉 正呀！🤤🤤嗌左2個餐 一個薯條一個炸雞🍗說真薯條有少少油🍟反而個炸雞有驚喜喎而漢堡包唔洗講都知有幾好食🤫 我食牛肉配黑椒汁 朋友食豬肉加沙律汁 umm我都係覺得個沙律汁🙆🏻‍♀️（時新醬）🙆🏻‍♀️係好味d ！重開真係好開心 又大左新淨左 ！以後隨時想食都可以返黎食Luu🥰🥰

同朋友係黃埔揾野食一出巴士站就見到霓虹招牌閃閃發光🤩餐廳有種好特別嘅感覺貌似美式快餐店但店內環境竟有港式茶餐廳嘅味道🤗叫咗一個單層漢堡芝士蛋包拼炸薯條炸薯條係平時好少食嘅粗薯條🍟香脆並不油膩但個漢堡包好有罪惡咁😋每一層都十分厚實整個包都佈滿芝士漢堡煎得香脆加上荷包蛋成個包好有家的味道另外仲叫左個炸雞脾🍗外皮香脆味道比較濃但肉質鮮嫩配合得岩岩好姐姐仲同我地推介左洋蔥圈洋蔥圈好大個但外皮並非香脆而係好酥化d野食同一般快餐店有種唔同唔似係工廠式制作反而真係有種好似屋企整既感覺🧐不過好熱氣😅

去左朋友家拜年 下午茶時段搵到呢間港式小店聽聞過呢間小店既名氣 今日一於一試餐廳係自助形式的, 先去收銀處比錢後, 再自行取餐我地幾個人叫左幾個餐share食1）單層漢堡芝士蛋包🍔拼炸薯條🍟(轉雙層)+紅豆冰波浪紋薯條 炸到又香又脆個包雖然睇落唔係好大個, 但擺落口係唔可以1啖過的🤣包身面層有烘過 食落口帶點脆漢堡排係用人手手打出黎 好juicy配埋秘制既酸甜沙律醬 正2）炸雞脾🍗+炸薯條(薯條轉炸雞粒)+凍檸茶雞脾炸到皮脆肉嫩 肉質1d都唔乾身仲帶點雞油3) 鴛鴦扒飯- 跟豬扒+雞扒🐖🐓(配黑椒汁)+餐湯(羅宋湯)+熱奶茶佢地煎既扒都係又香又唔乾身 配埋個汁 真係無得彈

有日行開黃埔，行到餓餓地忽然想食漢堡，就黎左好耐無食既時新食啦。我以前食過時新舊鋪，轉左新鋪都要黎返尋味！(原來而家除左漢堡包薯條之外，仲有粉麵食！）黎到咁岩有下午茶餐，就叫左個單芝蛋漢堡加細薯條食（配埋野飲嫁！）單層芝士蛋漢堡+細薯條$35雖然係單層，但佢一樣都好厚下，包係烘過，漢堡扒又大塊，加埋溶左既芝士同埋蛋，再加上佢既秘制醬汁，成個包非常之juicy！唔會乾，真係好好食！薯條黎講，佢係扭紋薯條，食傳統快餐就係要配扭紋薯條！佢薯條炸得岩岩好，脆身得黎又唔會乾。不過佢細薯條份量就比較少啦！炸雞髀$27食完個餐唔夠飽就加多隻炸髀！佢炸髀大大隻，勁厚肉，炸得岩岩好，保留到佢原本既肉汁唔會乾，不得不說時新炸野的確有一套！

今日同朋友去黃埔行街，行到咁上行想有D餓，就想揾個地方食下午茶。見到有間裝修唔錯既快餐店，原來係時新。宜家既地方又大左，坐落又舒服左。咁我同朋友叫左兩個下午茶，一個餐叫左出名港式漢堡飽，咁今次就試下芝士漢堡蛋加薯條餐，個飽入面冇好多配菜，但係入面夾住塊個塊漢堡扒，食落好彈牙好多肉汁加埋芝士好香濃。👍👍👍另外就再叫雞脾餐加紅豆冰再加一個洋蔥圈。雞脾外脆內軟，味道好入味，應該係炸之前再加左調味。味道好特別😽😽炸脾加紅豆冰係勁配，好有童年回憶❤️❤️最後，仲有個洋蔥圈，佢外面炸到金黃色。又香又脆配埋個沙律汁。好正😋雖然價錢比起其他下午茶貴小小，但質素同味道絕對係值回票價😽😽仲可以揾到惜日兒時回憶🥰

今次見到價錢唔貴既港式漢堡包，入去叫咗餐牌推介嘅港式漢堡包，入面採用牛肉漢堡，仲配左芝士同煎蛋同埋時薪醬，食落去味道又幾夾，牛肉漢堡食落有好香牛肉味，肉質滑嫩，食落有口感，但就唔似出邊嗰啲西式漢堡有時食落好散，佢哋個牛肉漢堡食落去唔會有碎粒掉落嚟，呢一點我好欣賞，仲要係雙層厚漢堡。我哋仲叫咗個鹹牛肉炒蛋配香腸飯，本身以為只係好普通一碟飯，佢嘅炒蛋配鹹牛肉炒得好有鑊氣，蛋唔係全熟，食落去仲有蛋汁漏出嚟，配飯好香，而且新鮮炒起，食落有懷舊港式感覺。由於個飯係配左嘢飲，仲配左湯，湯係羅宋湯，個湯都好濃，嘢飲我揀咗熱檸水，唔苦，應該有清洗過。同行朋友仲叫左個雜果冰，有懷舊感覺，好耐冇飲過了。另外我哋仲嗌左一個熱狗，同埋一碟炸魚扒，熱狗入面有香腸同埋時新醬，而碟炸魚扒新鮮炸起，咬落去有汁漏出嚟，而且好香脆。價錢親民，嘢食質素都唔差🤤👍

港式漢堡嘅滋味🥰 最愛雙層牛肉漢堡 沙律醬 未食已經流緊出來 勁興奮🤣 加埋煎蛋加芝士 勁厚 一咬落去成口汁😆 漢堡嘅靈魂就係牛肉 兩塊都幾厚 煎至焦香 口感鬆軟 水準keep得住以前😋而且餐廳環境比以往大有改善，坐得舒服左好多 更加啱約埋朋友一齊來食！.除左漢堡包，另一樣必食嘅嘢 就係扭紋薯條😛 薯肉十分飽滿 每條都新鮮炸起夠晒香脆😋 最佳食法係灑少少胡椒粉 然後點上茄醬加Tabasco 一口嚐盡甜酸辣咸 係勁正嘅味道😂

自從港鐵開通黃埔站之後，耐不久都會去黃埔新天地吃吃逛逛，就上一次去到發現【時新】竟然重開，想起紅磡【時新漢堡飽】在17年結業，街坊食客都大感不捨。現在不斷浮現的回憶叫使我不得不再一次回味那一份情懷。.重開既【時新漢堡飽】係二哥鍾奇濤主理的係黃埔天地家居庭地下舖，係商場既外圍，鄰近巴士站。地方就唔太大，就2多張兩人座位吧，一入門口就係大大幅既餐牌，十分簡單易明，除左漢堡，仲有意粉以及林林總總既小食，害得我都心大心細，難以選擇。入到去隨便選坐個二人座位，【時新】一如既往，點餐自取，之後就等我黎一一介紹我既豐盛快餐。呢間既似乎味道方面都有一定保證，因為聘請了舊店師父在新店幫手，味道相信有保留到吧！雙層漢堡芝士蛋包 $33黎得【時新】，一定要食返個漢堡先叫得上食過，漢堡主要由漢堡扒、芝士、蛋、火腿呢四樣配料組合，基本上係交叉搭配形成唔同組合漢堡，反正要食就要食到最盡，我就揀左雙層漢堡芝士蛋包，最豐富吧。厚身既豬肉漢堡扒足足係m記既2倍厚，漢堡扒十分鬆軟，兩塊煎得外層焦脆，裡面多汁，即叫即製！包身用嘉頓出品，口味平實軟熟，所有配料都熱烘烘的，燶邊煎蛋好香口，，加埋秘製沙律醬酸酸甜甜整個漢堡可以講