時新漢堡飽 (已結業)

相信絕大部份poly人都一定有食過時新但自從佢搬新鋪之後就無食過 今日就同老公一齊去尋找回憶中嘅味道 我就必然叫咗個雙層漢堡芝士蛋包 老公就跟風食雙層漢堡芝士火腿包 漢堡依然多汁唔會好似美式漢堡咁乾身而且係鮮製牛肉漢堡 真材實料 厚煎蛋與芝士再夾住第二塊漢堡 口感有層次加上酸酸甜甜沙律醬 完全係我嘅口味頂層底層麵包都烘過所以挺身帶微脆 成個漢堡包都非常立體 唔會好似快餐店嘅塌落黎食漢堡包又點少得炸薯條同埋滷水雞脾薯條呈粗條波浪型 香脆之餘仲係熱辣辣滷水雞脾夠大隻 滷水汁夠入味 呢個一定要食埋雞皮 雞肉嫩滑juicy 食落仲啖啖肉 同以前一樣我繼續點咸檸七 原罐七喜自斟自飲老公就係紅豆冰 紅豆軟甜有咬口 加埋奶香一流 好慶幸仍然有港式漢堡包 仍然有地方可以尋找我回憶中嘅美味

試一下港式burger! 成日聽到時新快餐店 呢個名，今日經過就食下午茶☕️ 試一試。 我叫咗相層牛肉burger 加火腿 ，再叫多一隻炸雞髀，再加埋熱嘅檸檬利賓納。非常港式地道下午茶！先講下個漢堡，雙層牛肉漢堡非常厚身，食得出係手打，即叫即煎。醬汁呢就係自家混合而成嘅，甜甜酸酸非常開胃，並唔係一般普通嘅沙律醬，確係幾滋味。包皮有煎過，火腿有煎過，一啲都唔hea. 👏🏻👏🏻👏🏻 炸雞髀最緊要呢就係鮮炸，呢到真係鮮炸，一定吾係翻炸，熱辣辣，外脆內嫩， 勁好食。

時新快餐店 確係大學時期回憶！ 好幾年無幫襯時新lu.. 以前大學 joint u function 開會時 成日食！又平又好食， 直頭係飯堂甘。$2x 蚊，即叫即製，熱辣辣，勁新鮮， 🍔 漢堡手打夠 juicy .. 吾好用麥記比la 好吾好👌🏻 吾同Level lor... 呢一種即叫即製人手手打burger 而家應該要 $45+ la.. 時新仲係賣$2x 真係好低食啊。 一定要加太陽蛋，蛋汁配合溶溶地的芝士絶對係無敵！😆 粗薯係靈魂！ 一定要食！

全新裝修既時新漢堡飽，就算舊店都有一陣子冇食過，今日就同兩個朋友黎食，都係個句啦，多啲人可以食多幾款呀嘛😬首先叫左個二人餐，其實都幾抵食有漢堡芝士飽、漢堡蛋飽、兩個羅宋湯、兩隻炸/滷水雞翼、炸薯條配脆雞粒、一口啫喱仔/甜筒兩個同兩杯飲品👍🏻我自己最鍾意一定係加蛋😍juicy既豬柳漢堡配上時新既特製醬汁，哩個size真係岩岩好～脆雞粒配特製沙律醬好正🤓外層亦都唔會好厚炸粉～羅宋湯都好夠味同足料，唔會水瀨瀨，有好多西芹同椰菜食我鍾意😬朋友再另外叫多一個咖哩牛腩通粉好似冇係時新食過粉麵，又係喜出望外之作！👍🏻牛腩炆得好淋、好入味，通粉仲要係我鍾意個隻厚身啲既通粉😙紅豆冰勁足料呀！紅豆食極都有～而家哩個舖位真係方便過以前好多～以後都可以多啲黎幫襯啦😬

早幾年讀書既時候偶爾都會去時新食下漢堡包而加出黎做野做左三年，好耐無食嚕-今日想食就黎到黃埔，新店同舊店好唔同要境乾淨企理左好多，坐位都坐得舒適相比起以前，而加選擇多左好多仲有唔同既套餐👀👀👀咁當然，要叫佢既招牌漢堡黎食👅尋回以前讀書既味道-雙層芝士漢堡（火腿+蛋）$41塊火腿好似舌頭👅👅👅😆😆港式漢堡又點可以唔飲翻杯紅豆冰☺️清甜既紅豆，好地道又唔膩既紅豆冰，心得友人既歡心以下係單層同雙層漢堡既對比圖根據自己既口味選擇單層/雙層，加蛋/芝士/火腿單層芝士蛋漢堡 $27其實食單層都夠飽了，漢堡可以選擇牛肉定豬肉時新漢堡個醬汁好滋味🥳🥳🥳另加吉列魚餅 $25彈牙有咬口，食落唔係粉味，真材實料⭐️⭐️👍🏻炸雞全翼兩隻 $25飽飽的一個晚餐，滿滿的從前讀書回憶味道依然，環境更勝從前👍🏻👍🏻👍🏻👍🏻

以前舊店包配奶茶讓人回味 口齒留香今天第一次去新店 有點失望 杯奶茶好似水 套餐如果咁樣水咁樣就唔抵食啦 實在太難飲😱😱😱唔覺有啲啲茶味做咗幾十年 二哥不知道杯茶唔掂嗎？下午看他都在舖頭 好想跟收銀反應下的。被人拉走⋯⋯炸雞比也沒有以前好吃 包還可以。⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

細細個成日都會去時新，屋企人食粉麵，但我一定揀漢堡，嗰時總覺得時新漢堡至係正宗🙈大個之後就食少咗，佢搬咗後第一次食，欣喜既係水準依舊，特別係時新醬，依然係回憶既味道。想一次過食豬肉同牛肉兩種味，但本身冇得叫鴛鴦漢堡，收銀姨姨叫我地點哂2個，然後自己換🤣最後我地都咁做咗無論係豬肉定牛肉漢堡，肉質都好新鮮，同埋漢堡扒兩面都煎得焦脆，而雞蛋裏面仲有少少流心，配時新醬依然係最好食🤤雞肶係即叫即炸，雞皮炸得脆卜卜，上嚟既時候仲好熱辣辣。食落啖啖肉，肉質厚身不嚡口。滷水雞翼入味得嚟肉質都頗為嫩滑👍吉列魚扒金黃香脆，味道偏鹹，點時新醬一齊食。

一家人係黃埔行街，好眼訓想嘆番柸奶茶，所以入左時新幫襯下，都幾港式風味既快餐店。叫左一個下午茶餐炸雞脾併炸薯條$39估唔到仲食到扭紋薯條啵，熱辣辣，外脆內軟，諗起以前唱k必叫之小食。而個炸雞脾都炸得幾靚仔既，算厚身，唔乾身，有肉汁算唔錯。港式奶茶完全冇問題啦。另外再單叫雙層漢堡芝士蛋包，唔算好巨型，但一啖食唔哂既，個漢堡扒係人手打，所以都好juice，唔係薄薄一片，但再大塊d就更好，雖然睇個樣麻麻地，但個沙律醬又幾好味啵。

急流勇退, 需要勇氣離開🤔, 係最黃金既時候離開, 留低最美滿回憶比大家🥰; 不再復還, 要求智慧抉擇, 無謂以褪色光環獻醜🙄想起2018年王菲以走音破音臺上獻唱, 將嫵媚的天籟回憶盡碎😣😣 今日再會時新, 往日種種時光, 沒有歷歷在目, 只有新包裝套在不愖的產品上😟 吃下的, 不是油膩, 卻是一份婉惜與失望😩 望住新地址, 係黃埔兜兜轉轉🏢係角落再度尋遇時新; 想起以前係時新睇演唱會前, 由門口排隊飽暖後, 再望住塊跳字板叫你拿嘢食1️⃣2️⃣3️⃣ 將新鮮熱辣既漢堡同薯條放入口, 呢份回憶「從未真正放手, 所以以為擁抱會漫長」🤫 入到新既時新, 門口大大個燈紅黑白色🍔🍟 似足FIVE GUYS既八九十年代美國速食風, 但門口既餐牌又用番香港CANTEE STYLE😕一大堆文字同圖雜亂咁散佈, 好似學生哥係飯堂日日諗要食乜一樣, 我都R爆頭😜 揀咗一輪, 兩個漢堡🍔🍔, 一兜薯條🍟, 一隻炸脾🍗, 一杯啡☕; 揀個位坐, 但呢間舖位仔有點窄, 啲枱排到密密麻麻👯‍♂️👯‍♀️, 櫈背貼櫈背⛓️⛓️ 坐咗人係完全出入唔到; 更可悲既係一個個上手留低係托盤同垃圾係無人清, 滿目瘡痍🏚️到呢一刻, 其實心入面仲

心血來潮好想食漢堡包，但係又唔想食麥記嘅防腐劑牛肉，就去咗時新食新鮮製牛肉漢堡。雖然呢個下午茶餐牌好吸引，不過今次想食雙層漢堡，滿足下自己個胃所以決定散叫。。。呢個係雙層芝士漢堡，啖啖肉之餘啲牛肉真係好juicy,加上佢哋嘅秘製醬汁，酸酸甜甜好開胃！望返張相都流口水🤤另外朋友叫咗個雙層芝士蛋漢堡，蛋同牛肉配搭perfect match,好味之餘更有飽腹感！半熟蛋黃仲流緊汁薯條雞翼必食就唔使講啦，對比起滷水雞翼，個人比較喜歡食炸雞翼，又平又扺食！下午茶餐只係$38有埋飲品！對，呢個係普通廚師腸

因為開左喺屋企附近 而家可以成日都去食我最愛食佢個漢堡包 因為係自制嘅漢堡肉咁啱今日去食下午茶 我同男友都揀左B2 再轉隻層包就算到而家唔洗排隊 但都係坐無虛席而家方便左好多 等山佢出號碼去拎就可以了呢個係我地個餐 我揀左雙層漢堡芝士蛋包包同薯條都係新鮮做好就即刻俾你熱辣辣 薯條香脆 因為剛炸好 食落唔油外脆肉軟漢堡肉一食就知係 新鮮 好juicy 配埋個少少酸味嘅醬 感覺清新包都好有誠意烘脆左 除左好味仲食到嗰份係心機 成個包嘅感覺令人好滿足

好多年前依過時新，但而家先知個地點唔同左新既時新環境大左，裝修都乾淨企理好多雖然以前細細間又較舊，但以前既裝潢都係好有舊式風味！漢堡包依舊出色，漢堡扒既汁剛剛好，我加埋芝士同蛋，好滿足！！朋友叫左個魚扒包，都係加左芝士同蛋，好味！唔係d雪到冇晒味既魚柳！沙律醬都令到個包生色不少！而家既時新雖然唔同左，價錢都有調升，但我覺得佢有呢個香港漢堡包既風味，就算價錢貴左都值得支持！！地方大左寬闊左真係唔會好似以前食完即走或叫外賣！推介

到黃埔探朋友，去了港式漢堡元祖快餐店食下午茶。自從舊店結業，新店搬到黃埔新天地。 店名由「快餐店」改為「漢堡飽」。裝修現在比較光鮮，少了舊式港式快餐店的懷舊味道。師傅是舊店的，保證經典口味重現。下單時仲可要求，漢堡包選牛肉或豬肉，如果選雙層漢堡就可以試齊兩款！經典漢堡包， 嘉頓出品的包身，口味平實，牛肉煎得外層焦脆，裡面多汁牛油香的漢堡，加上酸甜的沙律醬，口味豐富。 薯條炸得剛好，外層脆口。 奶茶還是舊日港式奶茶口味。蛋牛通粉 - 通粉味道不錯，不過湯底咸了一點。 期間限定吉列魚餅 - 外面炸得脆，入面仲可以食到八爪魚肉， 加上獨有咖哩汁，簡直是絕配。非常高興，仍可以食到經典口味, 而且性價比高。

細細個就已經鍾意食漢堡包🍔，今日重回舊地，竟然比我搵返呢間兒時回憶「時新漢堡包」😍雖然搬咗去新嘅地址，但仍然保留着從前的運作模式，簡約而舒適，讓我能夠重拾那些年😍簡簡單單的座椅，提供簡單而美味的食物，而且價錢亦相當便宜，以今時今日，百物騰貴，感覺他們售價真係好抵👍🏻簡簡單單叫咗一個親子套餐，升級版，都係$98元，已經有兩個漢堡包和雞翼、薯條，仲有汽水和豆奶，問你點頂😬最鍾意佢地嘅醬汁，加埋芝士和漢堡，呢個味道真係從來沒有改變過，我已經好耐冇食番呢種味道了，真係有啲感動😹另外一個冇芝士的，麵包軟熟可口，熱辣辣，仲有呢隻薯條，鹹鹹地，點少少茄汁，開心就係咁簡單😬帶埋兩粒布甸仔，都覺得自己年輕左好多，真係超級開心，食飽飽又可以繼續行下街了😍

Polyu 回憶中既時新我地今日兩個polyu girls又黎啦😋😋😋😋黎左黃埔！依然有一份舊香港burger 鋪既感覺！喂1400 後有tea set😋😋😋送埋野飲😎 同my polyu mate 一人一個B3-單層漢堡芝士蛋包 拼炸薯條 ($39)一個（+$10) 變雙層爆多沙律醬配埋舊時代漢堡必備嘅煎蛋🍳🤤🤤雙層牛肉夾住🤤外皮麵包好新鮮軟熟🤤 入面預先煎左牛油🤤好味道😊😋🍟係粗！薯條🍟🤤波浪薯條🍟係特別有口感🤤另一個就轉左薯條做黃金脆雞粒（配沙律醬😎）沙律醬食落似魚柳包醬甜甜地😋外脆內院嘅雞粒非常香口☺️👏🏻（+$7）紅豆冰紅豆煲到軟林林🤤食下午茶識貨一定飲紅豆冰😎奶同埋冰嘅比例啱啱好😋另一個就飲熱咖啡☕️ 港式結咖啡係同一般連鎖大型店舖唔同😋 係有一陣茶餐廳嘅風味😎😊🤤咖啡濃奶滑☕️ 成件事所有回憶都返晒黎呀🥳