時新漢堡飽 (已結業)

大家如果有去過紅磡舊店，就會覺得黃埔新店呢邊少左之前陳式香港餐廳既特色，但新既裝潢比食客感覺係企理同乾淨既，環境舒服先會覺得食物更加好味。幾清新既沙律🥗，材料上有蘋果雪梨切粒加上番茄片，配上秘制沙律醬，食落幾令人開胃。雙層漢堡芝士蛋漢堡，牛肉漢堡排口感幾特別，有小許彈牙，肉味都出到黎，同沙律醬幾夾。芝士放係肉下面，由於係新鮮即叫即整，利用漢堡既餘熱融化，上臺後放一陣再食就會變得更加creamy。整體黎講，性價比唔低，食物質素係實實在在既穩健類型。對比起隔離商場既連鎖食店，呢度係平凡得黎值得大家去支持既小店！