星海薈 (利舞臺廣場)

营业中

休息中

好嘢👏🏻，又同朋友出去食嘢，今日嚟咗銅鑼灣，午市四周圍都爆滿，朋友帶我嚟呢間食點心，午市都好多人，不過好彩啱啱好唔使排隊！真係太好啦，好幸運！酒樓來講，呢間算係全香港最靚，環境超靚，就算做婚宴都唔失禮。我哋叫咗好多食物，不過重點有幾款食物要值得一提！蝦腸粉，鮮蝦夠大粒，入面加咗菜，唔錯，比起其他多了，不過佢哋嗰塊腸粉皮都比較厚，建議下次可以做薄身啲啲！另外叫咗隻壽桃，好大個鹹蛋黃，不過冇乜蓮蓉，嗰陣蓮蓉薄到睇唔到咁滯，究竟發生咩事最後想講佢哋嘅灌湯餃，我湯都幾龍，不過裏面好多雞皮同雞肥膏，一嚿嚿雞肥膏放喺裏面，點解咁做？我好驚食到心臟病⋯

呢日夜晚同屋企人出去食飯，揀左銅鑼灣呢間中餐廳，佢既環境好grand好靚，岩哂同長輩一齊食。黎呢到當然要食佢既招牌白胡椒蟹啦，大大隻既蟹放喺熱辣辣既鐵板上面，倒入惹味既醬汁，渣一聲，散發住好香既白胡椒味！蟹好大隻，有大大個既蟹鉗，蟹鉗輕輕一拆就分開，入面有好大舊蟹肉，夠哂鮮味。另外仲點左鮮菠蘿脆皮咕嚕肉，呢個做法幾特別，肉同菠蘿係分開既，咕嚕肉酸酸甜甜咁，幾開胃。最後，就點左金銀蛋莧菜，夠哂健康啊！

銅鑼灣番工lunchtime 有時都想飲茶，去左附近的利舞臺星海薈食，環境又大又靚，而且好舒服😌去到服務員都好nice，好耐無飲茶都想試下唔同既點心，點完茶就慢慢睇餐牌星海薈蝦餃蝦餃好大粒啖啖肉，蝦肉都很新鮮，上枱熱辣辣好好味😋和風長春卷店長推介我哋食這個春卷，一咬落去十分脆口，內裡有Wasabi味道好夾，食完一條仲想再食👍🏻👍🏻👍🏻春風得意腸叫到個名好特別就想試吓，用腸粉包住，好似炸兩咁好脆口，內裡有蝦肉，味道好配合，必食之選👍🏻原隻鮑魚燒賣鮑魚好大粒，燒賣肉質味道唔錯，肉質感咬落都又juice香煎蘿蔔糕煎得好香口，蘿蔔比例都OK，有臘腸粒更添味道雞扎好大舊又足料，同一般酒差不多

和老友聚舊佢鐘意食粵菜，酒家樓底頗高，掛有靚靚水晶吊燈，座位舒適、環境寬敞。服務員先拿來一大盤滾水供客人洗餐具，夠衛生值得一讚👍👍我們點左紅燒煲仔翅$188，服務店員用gas爐，煮滾原煲魚翅，熱燙燙送上枱 ，一打開蓋香噴噴，一梳梳的魚翅極軟滑很入味，湯底很鮮甜配爽口銀芽，真心滿意又滿足。上湯焗西澳洲龍蝦伊麵底$588，大大隻🦞肉質超級彈牙很鮮甜又厚肉，用上湯焗真是原汁原味，伊麵索左龍蝦肉汁精華，極美味真無得輸🦞。鮮菠蘿脆皮咕嚕肉$148 薄脆漿包住豬肉炸得香脆可口，酸甜剛好，伴碟鮮菠蘿🍍清甜可口 ，賣相靚靚。蒜蓉菜芯苗$118，菜芯很嫩，鑊氣足，很好吃。譽宴．星海薈地址：銅鑼灣波斯富街99號利舞臺廣場5樓

叉燒酥 - 依家好多茶樓都無得食，但係我超鍾意食T3T，上枱係熱辣辣同酥脆的，叉燒半肥瘦，鐘意個皮嘅芝麻香。長春卷 - 超長的春卷，同樣係脆卜卜的，入面嘅餡酸酸甜甜，食落唔會油膩。春風得意腸 - 滑捋捋嘅腸粉包住咗蝦滑同炸兩，很新奇的配搭^^，而且好夾，蝦滑彈牙。小籠包 - 賣相好靚~亦都可以方便拎起，因為皮好薄，入面仲有湯汁。原隻鮑魚燒賣 - 飲茶必食嘅燒賣，上面仲有好大隻鮑魚，唔係搵隻細細隻嘅扮晒蟹的，仲有鮑魚汁煮，燒賣都大粒彈牙。粉果 - 啲餡很有鑊氣，有菇，蘿蔔，芹菜等等，又肥又飽滿。

銅鑼灣譽宴好耐之前試過黎飲茶🫖，但係晚市都係第一次食😝，今日同屋企人慶祝就食豪d啦🤩.紅燒煲仔翅(位) $388呢煲魚翅真係超級足料😌，淨係魚翅都有幾大梳🤩，而且我個湯味道都做得好夠濃郁😎，口感方面唔會太稀或者太傑，再加少少紅醋就啱曬🔥.生劏龍躉兩味 每份$328.碧綠炒龍躉球呢一味我一向都好鍾意❤️，龍躉球淡淡肉咬落好滿足😗，而且炒得夠曬香，下面仲有好多蜜糖豆😜，蔬菜同海鮮都有齊✨.蒜蓉蒸龍躉頭腩呢一道菜主要都係頭腩⭐️，魚肉明顯口感更加滑，不過要小心好多細骨😛

譽宴·星海薈位於銅鑼灣利舞臺廣場，係一間中式酒樓，今次我黎食晏叫左個飯同幾個點心。蟹籽燒賣皇 $36燒賣用左幾多蝦肉，蝦肉彈牙，幾好味。香麻叉燒酥 $36叉燒酥好酥化，酥皮做到一層層，叉燒唔會濕到搞到個皮濕曬，酥皮包住叉燒黎食幾好味。胡椒濃雞湯濯湯餃 $58雞湯幾濃幾好味，亦有胡椒香味，濯湯餃好足料。姖松茸野菌翡翠粉果 $36好多料，依個粉果幾特別。砂窩鱆魚雞粒炆飯 $168個飯粒粒分明，調味調得甜甜地幾好味。整體黎講，今餐飯既質素都幾高，坐得幾舒服，餐廳裝修亦都幾靚。

好耐無去飲茶，今日下午比較清閒，興之所致和同事去譽宴食吓點心嘆吓茶。酒樓面積相當大， 裝修金碧輝煌， 天花吊著大大的水晶吊燈，顯得非常有氣派。原隻鮑魚燒賣$76~原隻鮑魚口感軟腍中帶煙韌，鮑味濃郁，燒賣由豬肉和冬茹組成， 爽口彈牙。姬松茸鮮菌翡翠粉果$36~皮好薄和有彈性， 餡料有姬松茸和雜菇切成粒狀，還有甘筍絲，茹味香濃，十分惹味。小籠包$36~皮薄，豬肉軟腍順滑，肉汁豐盈香甜，好好味呀。胡椒濃雞湯灌湯餃$58~ 灌湯餃份量十足， 餡料有豬肉碎，蝦，雞肉和杞子，還有好嫩滑的雞件和好濃好甜的雞湯底，帶有少許的胡椒香氣，好正!砂鍋鱆魚雞粒炆飯$168~以鱆魚，雞粒，翠玉瓜和紅蘿蔔粒炆飯，飯粒濕潤，味香甜濃郁，非常美味。海草珠楊枝甘露$30~材料十分豐富，有大量芒果，西柚，木瓜和海草珠，配香甜芒果汁，又清甜又冰涼。

今日約咗朋友去銅鑼灣食lunch，難得大家都放假一於去酒樓食吓點心嘆吓茶。友人推薦利舞臺一間酒樓，佢話呢度嘅點心好好食，我晚市時候嚟過一次，中午嚟飲茶就係第一次！呢間酒樓嘅設計非常貴麗典雅，相信係專為擺酒而設嘅婚宴式酒樓。午市時間呢度坐滿人非常熱鬧，有部分人叫餸食飯亦有人食點心。蟹子燒賣王：豬肉同肥豬肉嘅比例剛剛好，所以食落係香軟彈牙，而唔係死實實嘅口感。點埋秘製辣椒油食真係超好味！松茸野菌翡翠粉果：呢度嘅粉果同出邊嘅完全唔同，餡料係炒香過嘅切粒野菌而且係冇花生嘅，味道好香好特別。璧玉鮮蝦腸粉：每一小塊裏面都包住一粒大大隻晶瑩剔透嘅蝦同埋翠玉瓜，腸粉粉皮煙韌而且晶瑩通透，賣相、味道同口感都一流。和風長春卷：同出邊嘅炸春卷唔同，呢度嘅春卷裏面包着嘅係Wasabi味嘅沙律醬，除此之外就冇其他餡料。春卷十分香脆有可口。胡椒濃雞湯灌湯餃：灌湯餃製作需時等咗好耐先上枱，但美食係值得等待嘅！香濃嘅雞湯浸住一隻巨型餃子，餃子裏面嘅餡料包括豬肉同埋大菜，食落好似棉花咁軟綿綿好特別。個湯仲加入左杞子一齊煮，美味又養生。砂鍋章魚雞粒炒飯：炒飯粒粒分明而且炒得非常有鑊氣，惟雞粒同章魚嘅份量較少，如果多番啲餸

聽聞譽宴 星海新推出了蟹／龍蝦套餐，價格相宜。以他們的裝潢來說，實在不能不試環境：真的很ＧＲＡＮＤ，很有置身於五星級酒店的感覺，現場也是坐滿了人！服務：配合環境，服務水平也很高食物：上湯龍蝦伊麵非常大份，重獻的澳洲龍蝦＋伊麵，口感爽彈，伊麵稔身，令人回想起以往酒席盛行，常常出席宴會吃龍蝦的日子菠羅脆皮咕嚕肉超水準的咕嚕肉，外層香脆得很，每啖都咯咯聲，菠羅切得很漂亮，水份充足，完美解膩！金銀蛋莧菜非常大份的三色蛋＋莧菜，既能補充纖維又清新花膠螺頭老雞湯湯底味道濃郁又清可見底，花膠質素也不錯！

平時食得多西餐放假都想陪屋企人飲下茶😂原來都好耐無食過點心喇🙊小籠包 $36賣相好特別😍個人覺得小籠包最重要就係夾起上黎唔會走哂入面既汁🙌一口一個咬入去既豬肉仲保持到肉汁豐富😋姖松茸野菌翡翠粉果 $36水晶粉果皮搓到厚薄適中😍餡料切到碎碎地入口有好香既姖松茸野菌味道🤩胡椒濃雞湯灌湯餃 $58第一次食灌湯餃係用胡椒雞湯🤤醋都唔使落🙌好足料既雞濃湯頭帶有微微胡椒香味及杞子🥰灌湯餃入面有幾隻鮮蝦🍤好好味👍和風長春卷 $36長卷鮮炸好香脆😍入面既沙律醬有少少🤏wasabi味架😉砂窩鱆魚雞粒炆飯 $168上枱時仲有枝枝聲出哂煙🙊鍾意佢好似煲仔飯咁有少少飯焦底😋鱆魚味香又唔Un☺️連食左兩碗🤣總結呢度啲食物水準及服務都唔錯🙌下次叫多啲朋友一齊食可以叫多幾款食物先☺️

爸爸愛吃蟹。今晚帶佢去譽宴.星海薈吃招牌白胡椒蟹，提早慶祝父親節。招牌白胡椒蟹晚市抗疫震撼價平到你唔信。好食夾大隻衹售$298。隻蟹鐵板上，侍應幫你在蟹上淋汁，香氣四溢，我們未食已流哂口水。隻蟹啖啖肉，啲肉結實鮮甜，加埋白胡椒汁更惹味，又驅寒。兩個人分享一隻蟹已飽了一半，好滿足!我們還叫了鮮菠蘿脆皮咕嚕肉。這菜也出色，百吃不厭。鮮菠蘿酸甜，擺碟靚方便吃，咕嚕肉香脆，開胃，忍不住吃完一件接一件。清炒菜心苗大大碟，清甜少油少鹽少糖有營。絲苗白飯有飯味。侍應有禮服務佳。爸爸和我今晚吃得開心。下次叫齊人再來吃白胡椒蟹套餐。

中午一班人最開心一定係飲茶🍵之前試過係譽宴食晚餐都幾唔錯今次黎嗌點心 我覺得都非常出色👍🏻-我地total嗌咗八款點心連埋茶位都係$400有找 非常划算😎-🥧招牌酥皮焗大蛋撻 (M)新鮮出爐嘅蛋撻熱辣辣🔥酥皮超鬆軟 蛋極嫩滑 超級無敵好味👅仲要兩大個都只係中點 必點!!-話說同行友人都係愛蝦者🦐所以我地嗌咗三款有蝦嘅點心🤣春風得意腸(SP)係腸粉包著啲脆脆野同蝦肉上面再有啲蟹籽 又有口感又好味👍🏻星海薈蝦餃(SP)非常足料🥟入面好似有成三隻蝦🤩而和風長春卷(L)就十分香脆但蝦味可能俾個芥末沙律醬蓋咗😮-🥠原隻鮑魚燒賣 ($38/隻)成隻鮑魚係上面燒賣好重冬菇味 我鍾意😚-🥟南翔小籠包 (L)非常之可愛嘅小籠包 每隻都有個籃仔😗皮夠薄 唔錯👍🏻-亦都嗌咗鳳爪(M)同粉果(L)味道都唔錯 粉量都大😼絕對會再encore依間茶樓😎

餐廳樓底好高空間感好足。成個環境個感覺都好舒服。一坐低侍應就開茶同送上一大盆熱水&夾俾客人洗野。呢個舉動好貼心。😌 胡椒蟹同龍蝦做緊promotion。掙扎左好耐最後揀左🦞。上湯龍蝦伊麵$388。用上西澳龍蝦肉質爽彈好厚肉。有好多舊好多肉。😋 叫龍蝦仲送伊麵底。上湯/芝士之間唔想太膩揀左上湯。伊麵量多唔會太淋。真係抵食夾大件。鮮菠蘿脆皮咕嚕肉$148。咕嚕肉個炸皮好薄身脆口。酸甜味平衡。新鮮菠蘿微酸多汁同啲咕嚕肉分開左放。可以一邊食咕嚕肉一邊清膩。賣相同味道配搭都幾有心思。👍金銀蛋浸莧菜$128。配料一啲都唔馬虎。除左咸蛋同雪花皮蛋。仲有肉碎同原粒炸蒜。上湯浸到啲菜入哂味。整體食物份量都偏多。兩個人食到捧住個肚走。😆

自從這間譽宴裝修後，今次是第二次過來試下午餐点心如何。先前曾接受電視台訪問，一時間鈎起我對這間譽宴的回憶呢！今次感覺不一樣👉大堂光線光猛很多，不像之前總是感覺怪怪，似偷雞摸狗噢！不過，一望上上層，也是極隱蔽的：用沉色木條圍著，不是味兒；相比起以往透明度十足兼且可看到內裡有兩張大檯，比較開揚的呢！還有大堂四個角位光線也頗暗黑，太神秘了，我私下覺得不太適宜用在中式食肆呢。望上天花，有兩盞大型「魚仔群」吊燈，頗為搶眼。我們一入座後，有位女待應呈來一大煱東西，驟眼看以為是火煱呢，非也👉原來是大煱滾水是用來清洗碗筷呢。真搞笑！談談它們的招牌「杞子花雕雞」一客當小吃，只是$58元，大大碟又有雞脾肉，很有味道；怪不得當值部長高調推介這味小吃呢！兩款点心：芋頭蒸排骨及鳳瓜也大大碟，味道不錯呢！不過，咖喱魷魚味道好但魷魚太爽不夠軟身。至於福建炒飯及魚腩燜河粉落足料呢！我們幸運地碰上熟識男待應，又有免費大碗紅豆沙甜点。不錯。有機會也再試下晚餐呢。