星橋居酒屋

营业中

休息中

難得終於約到好耐冇見嘅朋友一齊聚會，我就揀咗佢最鍾意食嘅日本餐廳同佢食返餐飯傾吓計，雖然呢間餐廳係新經營，但係見佢嘅評價都唔錯，食物嘅選擇都幾多。串燒方面我哋都係叫咗啲雞嘅串燒，估唔到雞翼串燒種類都有咁多種，我哋叫左雞頸肉、雞皮同雞腎。雞頸肉雞肉細嫩多汁又啖啖肉好正！雞皮就燒得好香，雞腎就好好咬口。而呢一個梅子番茄好適合夏天嘅時候食，熱辣辣食返啲酸酸甜甜嘅嘢好開胃，即刻降下溫。最後係超級吸引嘅天婦羅盛合，我哋都好鍾意食炸嘢！日本野一定要食天婦羅啦，熱辣辣脆卜卜。下次一定會再嚟試吓佢哋啲主食同埋繼續食串燒小食😍👏🏻