星橋居酒屋

营业中

休息中

🍽星橋居酒屋 (中環)📍中環嘉咸街35-39號嘉豪大廈地舖午市定食🌟前菜（湯，沙律，前菜）1.麵豉湯🌿盛載麵豉湯嘅杯好精緻，麵豉湯既味道好濃郁，廚師仲落咗好多昆布，好鍾意食昆布既我，覺得十分滿足。2.是日沙律🥗沙律菜好新鮮，裏面有新鮮沙律菜，粟米同車厘茄，加咗佢哋特製調製嘅沙律醋汁，酸酸甜甜好開胃。3.芝麻牛蒡🌱牛蒡本來味道唔重，淡淡的牛蒡味，加埋少少胡蘿蔔絲，好清甜。呢一道菜加埋芝麻嘅香味，配搭得好好。🌟主菜1. 炙燒四色丼(三文魚，鰻魚，鰹魚，油甘魚）🐠佢哋嘅內容好豐富，三文魚好新鮮好稔，夾雜着香蔥嘅味道，好吸引。鰻魚上面加咗少少照燒汁，再加上紫菜嘅香味，食落去口感豐富。佢哋嘅鰹魚炙燒完之後，有一種特別出眾既煙燻味道，鍾意食煙燻味道嘅朋友一定要食。油甘魚炙燒完，油脂好出，食完個口有好香嘅魚油鮮味，一啲都唔腥，加埋洋蔥，口感更上一層樓。2. 角切魚生丼（三文魚，吞拿魚，油甘魚，日式碎蛋，青瓜，蟹籽）🐟師傅用咗佢哋嘅特色醬料醃製魚生，味道鹹鹹地，個人覺得唔需要再加豉油，味道調得啱啱好。飯上面加咗紫菜同五味粉，將所有材料撈埋一齊食，簡直好似去咗海洋世界一樣，食得出廚師嘅心機，同對食材嘅執

天婦羅盛合🥢推介一下佢地嘅天婦羅炸得好出色，炸粉好薄好脆食材夠新鮮，有蝦、秋葵、冬菇、紅椒、洋蔥等，樣樣都好好味，點個個汁仲係熱嘅，整體好正👍🏻牛油果炸蝦卷🥢卷物我最鐘意，牛油果加埋蝦，唔油膩之餘好好食。唐揚雞🥢雞件炸完仲好多肉汁，點埋沙律醬好好味😋自家製免治雞肉棒🥢雞棒裏面有紫蘇葉，比起一般更香更好食，點埋日本蛋黃（超棒）三文魚牛油果沙律🥗好多三文魚🤩海藻同沙律菜，好新鮮開胃。

今日lunch好想食日本料理😜，有朋友推薦呢間日式餐廳就即刻去試下啦🥳炙燒四色丼 $138日式料理當然唔少得丼飯😌，有油甘魚、三文魚、鰻魚、左口魚😍，魚生好夠大片，而且燒完味道更加香🔥，我就最鍾意左口魚，超級肥美食落好惹味😋溫泉蛋特盛汁煮牛肉丼 $108牛肉丼飯牛肉份量好多🤪，而且溫泉蛋撈飯食真係好正🤩，蛋漿撈埋醬汁更加惹味❤️，另外呢度所有午市套餐都會跟一個面豉湯同沙律，夠曬方法😆

今天經過嘉咸街的菜檔，見好吸引，就一路行上去，行到嘉豪大廈地下開咗一間新嘅日本居酒屋，叫星橋居酒屋便入去試下。聽店員講原來開咗四個幾月。居酒屋嘅設計好日本式又簡約。今次主要係食串燒，叫咗雞翼，都幾大隻，味道好，唔會太鹹。又有雞軟骨同埋牛舌，燒得又香又入味。我最喜歡活白鱔，沒有腥味，鹹鹹地又乾身，食落去肉質脆脆地，十分之欣賞。汁燒牛肉蔥卷，係用日本嘅九條蔥做嘅，牛肉軟綿綿燒汁濃郁好味。又叫咗一個榎茸醬豆腐沙律，豆腐上面嘅金菇醬油汁係自家製嘅，配豆腐真係好夾味。旁邊嘅沙律菜、蕃茄、藻類新鮮好味，加上自家製嘅醬汁，酸酸地，開胃又有益。我哋叫咗燒鱈魚乾，自家製嘅沙律醬酸酸地，個小食都幾特別。仲有好甜嘅甜番薯，今晚真係飽足。店員好好送咗甜品，綠茶泡芙同埋朱古力泡芙，我食完個甜品就覺得好完美。下次經過有機會會再去試吓佢嘅壽司同埋魚生。

中環這間新開的日本居酒屋，主打日式串燒及新鮮刺身，加上店舖滿是日式感的裝修擺設，令人猶如置身於日本！首先介紹的是梅子蕃茄，酸酸微微的梅子和蕃茄味道特別開胃，讓人胃口大開！而這款是雞皮餃子，雞皮外皮炸至金黃色，內裏又有很飽滿的餡料，每一口都讓人特別滿足！之後的就是人人都愛吃的唐揚雞，以炸的方式去烹調，唐揚炸雞鬆脆可口。最後就是雞翼串燒，雞翼均勻地燒到兩邊都是金黃色的顏色，賣相十分之吸引，而味道方面口感肉質嫩嫩的，而雞翼內裏亦有滿滿的肉汁，可見廚師掌握時間上處理得十分之好。

同朋友好耐冇見啦，所以就約咗去呢間新開嘅餐廳食飯。呢間日本餐廳環境都好舒服，位置好闊落，又安靜，佢係屬於日本居酒屋，食物選擇都幾多，成餐飯都食得好開心😆第一個送到黎嘅就係梅子蕃茄，本身都好鍾意食蕃茄，但係咁樣嘅食法都係第一次，估唔到更加突顯左佢嘅酸味，酸酸甜甜咁夏天好啱食！跟住第二個送到嚟嘅就係唐揚雞，呢個真係夠晒脆卜卜，本身都好鍾意食炸雞😆熱辣辣送到黎流晒口水，點埋醬食更加一流！最尾送到嚟嘅就係雞皮，$38/2串又幾抵食，估唔到雞皮都可以燒得咁香，仲要係燒到脆膽地，好好咬口！

好姊妹特別推介我嚟呢間日本餐廳食飯，我又點可以唔應約呢！估唔到佢又揀得幾好喎，見佢細細間，但坐得都好舒服！仲有好多日本嘢，勁多都好啱我嘅口味🤤我哋兩個人都叫咗好多款小食，同大家介紹吓分享吓先。少不了梗係一定要叫唐揚雞，本身都好鍾意食炸雞㗎啦，每次食日本嘢都一定要叫唐揚炸雞🍗，估唔到炸得都幾香口，仲要一啲都唔油先勁！搞到我完全不能自控咁食哂成碟。之後叫咗兩串雞皮串燒，見佢平平哋$38/2串，所以就試下，估唔到雞皮都燒到咁香！都幾好食。然後仲叫咗一個榎茸醬拌豆腐沙律，食完個人即刻透心涼，夏天真係好啱食啲涼啲嘅嘢，本身沙律菜已經好健康，加埋豆腐更加完美。最後就叫咗呢個都幾搞笑嘅墨魚咀，估唔到佢好爽口，有驚喜！叫多杯日本清酒連埋一齊飲簡直係最高境界嘅享受🤤

好耐冇食串燒啦！今個星期就同男朋友一齊去左間日本野到食下串燒，見佢細細間，但又坐得幾舒服，同埋都好多日本特色小食比人揀，睇到我心大心細，不過一心嚟食串燒嘅我決定今日都係要主攻佢地嘅串燒先😋我地差唔多叫哂佢地嘅雞串燒😂，因為選擇困難，不如全部叫哂🫣。我地一於就叫雞頸肉、雞翼、雞皮、雞腎！我地兩個人都食哂咁多串😆證明真係好食嫁！燒嘅時間掌握得岩岩好，一啲都唔會乾，KEEP到有肉汁juicy ge😍而呢個榎茸醬拌豆腐沙律都幾fresh✨豆腐同沙律菜雖然都係簡單普通食材，但勝在夠新鮮！連埋啲醬食都好好味😋

約左朋友去中環行街shopping ，我地就約好左去呢間日本餐廳大食特食，滿足下我地想去日本嘅慾念！食住日本野先🥹食左當去左旅行。打頭陣嘅就係極上刺身8點盛，超級豐富嘅刺身拼盤，想要咩就有咩😆而且擺碟都擺得好靚添，有啲唔同嘅花花或者唔同嘅裝飾令到賣相勁高級❤️ 刺身方面仲要係高級嘅品質，同埋都好新鮮，入面會有牡丹蝦、吞拿魚腩、油甘魚腩、帆立貝、赤身三文魚等等，一共有八款咁多！另外仲叫咗一個燒油甘魚鮫，呢個都好香呀，燒得岩岩好。魚肉嘅份量都好多，唔會話冇肉食！一啲腥味都冇！燒到啲魚油超級香，未食已經聞到香味🥰

之前有個FRIEND提議就去咗呢一間日本餐廳食嘢😙見到係OpenRice啲人話呢一間餐廳性價比好高，而見啲食物相又好正咁，我地就即刻去左食嘢！墨魚咀香脆又爽口，用嚟配酒或者做小食都一流！不知不覺已經食哂成碟🤤梅子蕃茄酸酸甜甜咁，好開胃，最岩炎炎夏日冇胃口嘅時候食🥹。燒油甘魚鮫都好大件下， 而且佢嘅外皮燒到焦香，裏面嘅肉質肥美嫩滑，魚油脂香， 佐酒一流😆！店員服務態度都好NICE，價錢又合理，下次一定會再嚟試下其他嘢😄

3點3下午茶時間有啲餓，同朋友行行下就見到呢間日本餐廳，再望一望個meau ，好似幾多小食同串燒，我地就去食小小野嘆返個下午茶先~依家日日30幾度真係好熱，一嚟就叫咗個梅子蕃茄，酸甜嘅味道好開胃，即刻降溫！跟住叫咗一串雞頸肉嘅串燒，我覺得好好食，因為自己好鍾意好有咬口嘅嘢食，雞頸肉有肉得嚟又可以慢慢咀嚼，好爽口！而且燒到好香顏色呈金黃色，有少少焦香。之後仲叫咗一串活白鱔，估唔到佢都幾大串，本身好會有腥味，但一啲都冇腥味呀，而且鹹鹹地燒到好香😎

同男朋友慶祝生日🎂比佢話事食咩好，佢又話想食日本嘢，又唔想排隊排幾個鐘先食到壽司，所以就揀咗呢間新開嘅日本餐廳試吓。環境同食物嘅質素都大讚✨我哋中午嘅時間去食，算係比較繁忙嘅時間，但係見店員都好有耐性同埋好好態度。首先我哋叫左一個鰻重定食，燒鰻魚超大條，啖啖肉，好有日本風味呀！而且仲有沙律係旁邊，更加營養均衡呀😋然後我地仲叫左一個特上十貫壽司，超多款壽司唔洗諗食咩好！有齊晒我最鍾意食嘅壽司🍣全部都要勁新鮮！我最鍾意食吞拿魚腩入口油香四溢，滿口脂香，正！

今次向大家推介一間日本餐廳，價錢合理，而食物質素有水準，環境舒適，岩哂想食日本野嘅你地。今次會同大家分享下我地食左啲咩。🌟極上刺身8點盛呢個極上刺身8點盛真係包羅萬有，有齊晒我想食嘅咁多款刺身，仲要款款都新鮮鮮甜又好味😋最鐘意佢地嘅三文魚，佢地真係大大塊厚切！大大啖咬真係好滿足，勁肥美，一啲腥味都唔會有！成碟嘅賣相都好吸引😋🌟雞皮餃子 雞皮餃子用左雞皮代替餃子皮，雞皮油香十足，而且餡料亦都好飽滿，外皮金黃酥脆，內餡軟嫩多汁。

有一晚係中環斜路上發現一間新開嘅居酒居，門面有隱世感覺，所以入內一試。由於我得一個人，就膽粗粗問店家有無set或者刺身飯，佢就好好人咁比我叫返lunch menu嘅壽司set🫶🏻 ❃ 特上十貫目 $188 店家比咗一杯柚子梳打我邊飲邊等，好好客。 set跟沙律，湯，前菜，都係基本味道。壽司味道唔錯，但無話太大驚喜，最好食就係左上面舊燒拖羅，好香口。呢個價錢係中環算不過不失。重點係店家服務非常貼心，期間不停有留意客人需要，有機會再試試佢嘅串燒類吧♥️

🇯🇵榎茸醬拌豆腐沙律 $78健康之選，有大量沙律菜同豆腐，夏日透心涼✨🇯🇵雞皮餃子 $60餃子即叫即煎，熱辣辣雞皮又煎到好脆，好食！🇯🇵鮟鱇魚肝 $88一啲都唔會腥，仲要口感好滑，味道又好香。🇯🇵辣牛肉炒烏冬 $108夠哂惹味呀呢個，牛肉份量都唔少，烏冬又好滑！食到雪雪聲😆🇯🇵燒日本河豚乾 $98河豚乾我第一次食，都幾鮮甜同好好咬。🇯🇵自家製免治雞肉棒 $58呢個超香雞肉味，啖啖雞肉好鬼滿足，仲要有勁多肉汁添🥰