星林居雲南米線餐廳 (已結業)

見到星林居係門口大字報導佢係得獎餐廳，當然要試下有幾巴閉。點了一個小窩米線($24)(小小辣+ 普通酸) 加腩肉( +$7)等左差唔多15分鐘先有。見旁邊的食客都等差唔多咁上下的時間。如果趕時間真係唔好黎呢間米線店。個湯唔錯，真係合乎小小辣+ 普通酸，仲有陣好特別的香料味。不過之後就出事啦。攪左幾攪之後發覺成碗米線一半都係芽菜同埋蔥，幾啖就可以食晒啲米線。啲腩肉都一般，好淡，唔算老，但係冇咩肉汁。應該真煮之前冇用任可調味料整過。服務都係一般，零笑容。對於一個食唔飽的菜黎講，我一般只會俾OK 臉。奈何佢上菜速度太慢，加上取價亦都係同類型米線中偏貴。係坊間絕對有更多更好的選擇。最後只好給一個喊臉。