星座冰室 (已搬遷) 新店位置

我食o左大家都講得好好味o甘o既紅豆冰喇!!不過我失望WOR, 我FEEL D 豆唔夠多ar~ 而且唔係一pat pat 起沙o個d 呢! $12 一杯都唔係平ar, 我唔會再去飲了。

也是朋友介紹的~愛好番茄的朋友不要錯過本人認為不加egg 會好味d~

唔係聽朋友講既話，都唔知道有呢一個地方！講真，真係好難搵！得我自己一定唔會敢去…因為…個樓梯太得人驚喇…我個朋友叫我認一樣野，就係間野對面有一個好奇既NOTCE：男仕進入請早揚聲。入左去之後，搵左個位坐，冇諗過有禁多人係入面喎！！叫左野等左我諗有半個鐘！！我叫左個蕃茄牛肉餐肉麵，$23，我食左一啖就覺得，等禁耐，係值得既！！好多蕃茄，好好味~~個湯都好好味！！講真，如果係怕dirty 既話，就唔好去喇，佢唔係食的野dirty，但係個地方就真係唔係好乾淨喇！

己經係第三次食喇,我好鍾意呢度既蕃茄味...雖然男友每次都話唔覺得好食,可能佢唔鍾意食蕃茄啦...同埋呢度又真係幾隱蔽, 仲有d恐怖添..因在xx酒店同夜總會隔離..呢度的環境, 真係...唉....好心裝修下啦....環境而家都好重要架嘛...會影響胃口架....叫左一碗蕃茄雞翼撈蛋麵,男友叫蕃茄牛肉餐肉麵,由於原來加左撈蛋會蓋左少少蕃茄味,所以個湯底要同男友調轉食,呢度的蕃茄仍然係好好食,在"大家食"或者出面的蕃茄麵,始終唔及得上呢度咁"濃"!!我就係鍾意咁濃的蕃茄味!蕃茄迷萬勿錯過呀!!

店舖確實比較隱蔽，如果唔係朋友帶我去，應該會比較難搵；第一次食,估唔到竟然都有幾多客人，叫左蕃茄魚蛋麵...味道都係一般，又唔算好大碗，同屋企整既差唔多，一碗要$20，都算幾貴。

呢度都唔係咁易搵, 而地方都幾隱蔽.一入到去個伙計就企左係你後面等落單.叫左個蕃茄雞通粉($23), 係好大碗架, 一個女仔未必會食得o西.'d蕃茄係上面, 酸酸地, 幾好味.細白菜($5), 我覺得唔同出面d油菜,呢度d菜係有d湯定唔知係汁既野一碗上.總括黎講都幾好食.

個位置都不太難搵, 但又真係幾偏僻. 其實個鮮茄牛肉麵都幾健康的. 而且都算大碗. 不過. 味道比我想像中還差太遠, 不是不好食, 而係真係好普通的一碗麵, 在家中自己都可以整一碗. 紅豆冰也是一般, 澳洲牛奶公司的比較好飲. 整體來說, 好一般咋, 不過, 未去過都可以一試, 話哂食評有咁多人比高分. 價錢正常, 因為咁hit 既食店好多時都比同類食店貴幾蚊的, 不是嗎??

當日龍哥在九龍冰室話最拿手係煮茄牛麵, 於是在深水埗週圍搵到底九龍冰室係邊度, 原來不幸原本的大華冰室已結業, 所以不能求證到底龍哥有無呃我.已無來星座冰室已幾年, 最初係個愛影相的年青朋友帶我來. 當時對這神秘地方的好奇心, 已大於對茄牛麵的追求. 後來亦帶過女友來, 不過佢話已無印象.今日再來, 沒多大改變, 殘舊依然. 到舊舖食野, 都唔係求舒適,服務等, 最緊要係好食, 最好係大件又唔貴.叫了個鮮茄牛肉麵廿蚊, 加撈蛋要三蚊. 賣相相當出眾, 紅紅黃黃, 很吸引.鮮茄與鮮蛋的配合, 有很豐富的感覺. 呷一口麵, 充滿丁麵風味, 因為有很強味粉. 麵身有點失望, 淋了一點. 我相信憑我入廚三十年淥即食麵經驗, 未必差得過佢.以上各點有好有唔好, 但都唔計較. 最慘係牛肉靭都咬都唔開, 差點要用刀叉去品嘗. 我好努力試盡每舊牛肉, 但最後牙關發軟而放棄.老實講, 廿幾蚊碗麵唔係平, 我相信牛肉處理係基本功, 食盡大小舖頭加埋既牛都可能有好多隻, 但牛肉過靭都係奇遇.我記得以前水準並非如此, 不知何故, 係我唔好彩還是水準下降. 若果你想認係識途老馬, 咁帶朋友黎一餐半餐就無所謂,

好耐歷史既食堂，可惜七年已轉手，好掛住舊時既阿何同阿陳兩位師父！

其實幾健康ga 蕃茄湯底!!又大碗！But 對於我唔吸引La ！都會再去!

我已經第4次食啦！就連朋友都上隱。我覺得"茄蛋撈"比較好食，味道濃d。紅豆冰既紅豆依然好味。座位依然旺場。另外，佢地既食物，一般都要等10-15 分鐘，個位伯伯周不時都同客人講"唔好意思"，好有禮貌。相反呢！個後生仔就......叫極唔應，一副唔憂做既樣。

想試好耐,今日終於同朋友一齊去左,朋友知道大約位置...但都搵左好耐,見到箭咀要落樓梯都幾驚...coz條樓梯好似d垃圾房樓梯咁...落到去環境好似d地下組織咁...似貨倉...行到盡頭先見到...真係幾驚...好舊式...望左一陣就入左去其實未肚餓,叫左一個蕃茄牛肉撈蛋出前一丁,飲左紅豆冰.個麵幾好食,唔太"lum",真係有丁味...!但如果唔撈蛋,清d應該會仲好食,食到d蕃茄都幾甜,唔錯.紅豆冰差唔多成杯都係紅豆,不過無咩冰,好快溶哂,唔錯...!當時差唔多7點,都有6-7成人幫襯,見到佢地好家庭式咁樣開飯,感覺好舊式,好耐無見過d茶餐廳係咁.真係好舊式,裝修等等gei感覺突然好似返左去五/六十年代...ha...有機會想再試下,不過應該會行另外美麗華斜路0個邊入,近d...至少唔駛落樓梯無咁驚先...

本來講好左飲茶, 點知返左幾日12個鍾的折騰, 起唔到身…本身自家又住得奇遠, 去唔到飲早茶就去左搵通粉食。本身好愛食茄。呢度又係至出名d茄。本應同我好match~點知…好難搵。好似探險咁至去到~ 識左應該會好好多~一坐低, 勁迫。share 檯坐都唔係問題。但係d人就食得少少恐怖。同埋我高5呎3, 唔知係咪叫矮…坐張櫈吊腳。可能都係關出名事, d人唔多理我。同埋等好耐下。叫左茄牛通撈蛋同茄豬扒通撈蛋。首先我覺得個湯真係一般。豬扒都係麻麻。茄呢, 甜甜地, 幾得意。通粉係有坑果隻, 我覺得冇坑果隻可能會好d。但係d牛真係唔話得。好有牛味, 又唔鞋口。唔係唔好味, 但係要特地去同埋呢個price…有少少唔抵…雖然唔應該比較, 但係提一提, 太子源發d茄牛通真係好正! 呢度唔係我杯茶。可能我唔識叫啦。

早陣子再去星座, 但覺得味道不及以前濃郁, 唔合係番茄質素定係水多的問題....但相對其他有同類野食的店鋪, 仍然算水準最好..希望下次有改善

帶小女(6歲)黎食,叫左蕃茄煎蛋牛肉通粉加紅豆冰.個湯好鮮,充滿蕃茄味,再加上鋪面既蕃茄碎,好正.煎蛋同牛肉都係配角,不過牛肉唔韌又幾好食.紅豆冰有粒粒完整紅豆, 夠稔,可惜對我黎講太甜.小朋友唔識話點好味,不過見佢好快幹掉半碗通粉,連湯都唔放過,再飲埋杯紅豆冰.就知佢覺得有幾好味.