星座冰室 (已搬遷) 新店位置

完全唔會想像到果d 地方會有食肆,唔信邪走到轉角盡頭, 先至搵到.入面既環境同粵語長片無異,相當有懷舊風味.講返食, 叫左個茄牛麵($20), 同杯熱菜蜜($8)一黎到..哇, 真係好多茄係面,味道酸酸地, 都唔錯呀.d 一丁麵都有落味粉同麻油,軟硬度適中.牛肉雖然係熟透, 有點韌, 但係好有肉味,並唔係一般茶餐廳裏面會有的.因為我好鍾意食蕃茄,所以必定會再去,試埋其他.

我在十二月三十一日下晝去找這間食肆，雖然我知道香檳大廈係邊，但找了一圈都搵唔到這間食肆，再找多一圈都係冇，但突然發現係一道暗角樓梯旁邊有一個好細又唔起眼的牌，寫住星座冰室，嘩！終於搵到，落左樓梯，都見唔到有食肆，幾暗，唔似有食肆，再搵一陣，終於發現！好難搵！食物方面，全是與蕃茄的配合，我女友叫左蕃茄雞翼通，我就叫左蕃茄牛肉麵，兩款都好唔錯，蕃茄好多好新鮮，牛肉好有味，我下次會叫茄牛通，這應是最好的配搭！各位記住要在金巴利道的入口，再向下行一層先至到。

hee.... 又再來一次....今次試佢地蕃茄牛肉米線加蛋...正正...d米線好彈牙, 傻鬼就叫蕃茄豬扒通粉...d豬扒都幾入味...唔錯...不過都係覺得茄牛比較配合...下次仍然都係叫茄牛...

尋晚同男友諗唔到食乜, 但又想食d唔係好飽既野而我就like 食蕃茄湯底既食物…..男友岩岩諗到呢間野. 之前未去過咁就去try try啦, 其實間野都幾難搵下, 去到都搵唔到結果問人先知間野都好偏僻下.間鋪唔大間, 去到都係叫例牌茄乜茄物啦….男友就叫茄牛通+檸樂, 我就叫茄雞翼一丁+ 可樂….再加個白菜仔, 講講個茄牛通先…比勝香園個湯底”杰”好多, 好多茄肉, 我就比較like勝香園個款多d, 不過各有各特色. 我個碗隻隻雞翼(鹵水雞翼)都有番咁上下size幾入味, 我就覺得一丁好食過男友碗通粉, 至於個菜就夠晒健康啦….因為我好小食焯菜, 整團黎講都唔錯.值得一題既係個伯伯(唔知係咪老闆呢^^), 佢真係好鬼有禮貌…呢一種服務態度好多食市要多多學習下, 如果上菜速度可以快小小就更加好啦

終於去左，我諗都唔多重覆，總之，要試囉...不過佢地一副好像真心唔志在的態度(我坐細房，唔走過去都唔收錢)，又幾攪笑，難得糊塗，總好過機械的「yasamasai」ps 雞翼價錢偏貴而味道一般

尋晚同女友諗唔到食乜, 但又想食d唔係好飽既野而佢就like 食蕃茄湯底既食物…..我就岩岩諗到呢間野. 之前未去過咁就去try try啦, 其實之前都追過下post知間野都幾難下, 去到我都唔到結果問人先知間野都好偏僻下.間鋪唔大間, 去到都係叫例牌茄乜茄物啦….我就叫茄牛通+檸樂, 我女友就叫茄雞翼一丁+ 可樂….再加個白菜仔, 講講個茄牛通先…比勝香園個湯底”杰”好多, 好多茄肉, 我就比較like勝香園個款多d, 不過各有各特色. 我女友個碗隻隻雞翼(鹵水雞翼)都有番咁上下size幾入味, 我就覺得佢個一丁好食過我碗通粉, 至於個菜就夠晒健康啦….因為我好小食焯菜, 整團黎講都唔錯.值得一題既係個伯伯(唔知係咪老闆呢^^), 佢真係好鬼有禮貌…呢一種服務態度好多食市要多多學習下, 如果上菜速度可以快小小就更加好啦

地點好難搵, 去到先知要落一層.叫左個茄雞翼通,個湯比較"傑",好多茄肉,好好食,不過落單之後等左好耐先到.

在久咳之後, 結果今天借"肺"之名, 去照X 光之餘. 吃了個健康午餐.星座冰室. 位於美麗華廣場對面的香檳大廈, 入口是第一間舖後面, 有個大華夜總會招牌往下走的地庫, 就會見到. 有點怪怪, 但去過後, 又覺得還好.正題是, 不加調味料的濃郁蕃茄面非常好吃. 喜歡那重重的茄感, 一間舖基本上可以說只賣一樣東西, 可見信心十足. 我個人不怕肥, 蕃茄還要加"撈蛋", 隔壁傻瓜的沒有加蛋效果沒有我的好吃. 白菜$5是滾水菜, 但此刻求健康而言, 實在是"好". 最後, 加上一個甜品. 紅豆冰, 豆已佔了三份二杯, 沒有加糖水煮的豆, 不會過甜. 由始至終是一個既豐富又好味的全餐.

同朋友0係尖咀博鬥完，去「星座」醫肚，9點幾去到淨返一檯客，真係可以隨便坐，咁0岩電視做亞旺，正呀！！！！我叫0左蕃茄豬扒麵+蛋，之後老闆話無晒豬扒，唯有揀雞翼。兩大隻雞翼，Ｄ肉算幾滑，蕃茄麵都係佢0地一貫水準！朋友點0左蕃茄咸牛肉麵，同大白菜∼加兩杯凍飲，$70幾埋單∼如果Ｄ麵多返Ｄ湯就好...成碗麵漿住，有時好難入口...

2條蛇皇出現尖沙咀, 見有網友寫到咁好味咪去試下佢地既蕃茄牛通加撈蛋, 蕃茄魚片公仔面, 紅豆冰同埋灼白菜仔. 以為魚片係新鮮魚肉片, 來到先知係魚旦河個d魚片有些少失望. 不過碗公仔面真係用出前一丁無花無假, d蕃茄都好鮮甜. 偷食左另外一條蛇皇c碗蕃茄牛通加撈蛋, 可能加左撈蛋好似無只係蕃茄咁酸味. 最欣賞係紅豆冰. 個菜都無咩特別, 只係健康灼菜. 不過真係值得去試下架, 食物都係健康好味. 不過地點真係幾"雜", 去時小心d.

尋日同事話想試...所以就帶左佢黎喇....我已經成年冇黎食過喇...舊地重遊都係果種風味...唔知地下有野食都一定唔會敢行落去....我同事都驚驚地....不過柳暗花明又一村....原本有正野.....蕃茄我就唔係好鍾意食....不過健康麻....所以我都會食唻...但係今次ORDER錯左個炒蛋....我應該係想食撈蛋架......不過都好味既....因為個湯好濃味...蕃茄好新鮮....一定好過中環九記對面果檔(太淡喇).....同事就食佢FAVOUR既蕃茄牛啦...

本身鍾意食熟蕃茄, 今日終於襯放假黎試下, 因為已經做定功課記住點去, 多謝各位食家清晰既指引, 都唔難搵. 六點半同朋友黎到, 我要蕃茄煎蛋通($20), 朋友要蠔油雞翼同涷咖啡. 蕃茄煎蛋通係最底通粉加普通湯, 上面兩隻煎蛋, 再鋪滿面頭一層蕃茄. 煎蛋煎得幾靚, 通粉太硬, 下次都係試麵好d, 講真, 蕃茄味唔濃...係有d失望...蠔油雞翼($25)有成七八隻, 係雞中翼, 夠味幾好味.

終於終於搵到啦,蕃茄雞翼撈蛋麵都幾好味,豬扒都好味,而我的同事話杯紅豆冰好飲.

2005/11/52pm同朋友響尖咀馬倫道一齊去搵星座冰室，比預期中快N倍搵到﹗^@^好彩做定功課姐.對住街既係一間雜貨店,要經雜貨店入既,不過真係真係估唔到條巷真係好恐怖，好在見到正在抹咀的人走出黎,我先安心d咋=.=2:20pm坐低，好辛苦咁叫人執木台都落order，之後就等野食…..3:00pm仲未有野食黎…同一批入黎既客都走左一半(=.=)。好好彩有個男人走入黎幫第一張木台既人重新落order(因為miss哂|||||)，我地係咁叫佢，點知佢又話轉頭先(恐怖)真係轉頭佢幫我地重落order，佢話幫我地即做(汗)又好好彩d野好快趣黎到，叫左2x蕃茄雞翼通粉﹑白菜﹑紅豆冰，共$63今次我認為名過於實囉，粉同菜既味道都好一般，真的如一些網民話齋【蕃茄味再可以多d,濃d】；雞翼就最好食，夠林夠入味；我最期待既紅豆冰真係好多紅豆@@8/10杯都係豆豆，不過唔夠甜，全杯都係紅豆味其實唔係太好食，唔多特別，似食紅豆沙多d。朋友only食雞翼通，不過好在佢覺得ok咋﹗唔..下次可能不會再去...試1次ok了ps..其中有個大叔成日依依哦哦,對住d客勞勞氣氣,照樣孖叉..不過最攪笑就係佢呀,哈哈

茄牛日第二站，由中環勝香園過到黎尖沙咀星座冰室，叫左茄牛蛋通，再叫埋紅豆冰~~哩間既茄牛感覺上無咁多番茄肉，不過都勁有番茄香，牛肉好嫩好入味~~紅豆冰夠凍，紅豆又多又香，唔太甜，個人覺得飲多杯都唔會好漏，一定要試呀~~