星座冰室 (已搬遷) 新店位置

幾個麻甩佬的飯局，選了在麻甩到唔麻甩的地方~一間茶餐廳。有時飯局也可以好即興，說好地方，鎖定出席人數，準時出現，就係咁簡單。好像上星期二，又來即興午市飯局，地點就選在這間地道蛇竇。不拘一格的檯椅，正好方便幾個人在談天說地，高談闊論。快點叫吃的，晚上要吃蓮香，午飯是吃清淡一點較好。叫了茄蛋米，加杯鴦走少甜。茄蛋米一如既往，蕃茄是真才實料，啖啖皆「茄」。蛋要煎蛋，跟鮮茄是最佳拍檔，再加大量冬菜，味道幾好。米粉份量不少，夠晒飽肚，所以之後其他食友再分吃茄蛋通也沒有參與了；鴛鴦味道濃郁，但要了少甜，還是很甜，如果正常甜度是不可想像。埋單三十五蚊，唔平，但份量足，地道的環境是其他餐廳不可替代的，耐不時都要吃一吃的。談談時事，說說前景，講講身邊的朋友，時間飛快就過，大家也要回到自己的工作岡位。想為忙碌的工作減壓，來參加麻甩飯局，也是辦法。

中午時託朋友帶來一點手信, 選擇了一間比較懚閉的茶餐廳來一個午餐小聚, 茶餐廳比想像中懷舊和簡陋, 而伙計們亦很好相與; 先了一會兒餐館牌, 貪心的來一個最多材料的公司麵, 兩隻大大的煎蛋下蓋著五六種不同材料, 火腿, 腸仔, 牛肉, 牛丸, 肉丸, 等等, 其中牛丸和肉丸比較特別像是自家打做的感覺, 湯料味一般而麵質亦是不過不失; 意猶未盡再來一個招牌的蕃茄牛肉通粉, 蕃茄份量不少味道香而不酸, 牛肉表現不錯, 通粉軟硬適中十分討好; 跟朋友要了一杯茶走, 香濃但略欠滑溜; 午餐時朋友們有講有笑, 有嘻笑中帶點怒罵的一個午餐.

自從食過唔知中環定上環果間大排檔之後....就愛上左茄蛋麵~~朋友仔話尖沙咀有間食茄蛋麵好正.......所以咪去試下囉~不過呢間無咁大驚喜...茄底湯唔夠香濃....價錢....以一個公仔麵$2X...貴左D囉....雖然唔知中環定上環果間都要成$17....不過人地好味好多喎~仲要呀~~個阿伯同阿姐態度勁惡劣~

若果你吃過上水果間廣成d 紅豆冰就覺得佢d唔好吃啦!至於其他食物都係普通貨色,環境不清潔且經常無人拾枱!

我愛番茄, 所以聽朋友介紹黎呢度食但呢度既野食我覺得唔好食...

公仔麵同蕃茄湯真係好夾好好食,麵唔會太淋或太硬岩岩好,仲食到出前一丁隻味但又唔會被蕃茄湯蓋過亦都唔會搶左蕃茄湯陣味.見到好多人都食通粉, 唔知係咪又好好食呢

蕃茄牛肉加撈蛋米真的很有懷舊feel，紅豆冰的紅豆淋之餘亦粒粒完整。整體味道，OK啦!

喜歡吃蕃茄味道的人一定會愛上這個地方，餐廳主要粉麵均以蕃茄為主打．蕃茄湯底酸酸甜甜又香又濃，材料十足！越食越開胃！最愛蕃茄雞絲米，比起牛肉冇咁咸而清一點．建議配公仔麵，米粉或通粉，若配其他（ｅ．ｇ．意粉）會較為遜色．怕酸的朋友加撈蛋也不錯，湯底會變白點，麵也滑身好多！！冇胃口時吃一個這裡的蕃茄麵～～～真的令胃口醒返晒！雖然環境”ｕｐ　ｄｕｐ”ｄ，但又平又好食補返數！更值得一題，外賣時，麵和湯會分開裝～細心又週到！更喜歡服務態度好好的老伯伯及婆婆（可能是老闆及老闆娘）懷舊的地方而食物又有水準的冰室，香港已絕少～所以大家務必來這裡一試！

6點半至食下午茶, 由加拿芬道小巷入星座, 點知行錯VCD巷, 好彩有個好心哥仔教路, 否則我會"迷失後巷".點了一個蕃茄通, 一杯凍奶茶. 凍奶茶麻麻o者, 唔香又唔滑. 唔係因為我見佢放入微波爐, 而係因為通粉上檯時, 有好多氣泡一d一d咁浮面. 想唔燙口? 用羹將佢由底到面撈一次, 咁d"熱度"就平均了.

早兩個禮拜六晚，兩口子糧尾都系平平地搞掂就算。系樓上window-shopping完D正相機就順手落樓食蕃茄麵，剛剛開始做殘酷一叮，有好幾對COUPLE同我地一樣，一路食，一路叮，真係幾好FEEL。蕃茄鹹牛麵＄20，可能兩者都系鹹，結果就好鹹。蕃茄撈蛋麵＄20 變左白白地色，蛋味就吾多覺，但系都好鮮味，好飽肚。叫多杯紅豆冰＄12，估吾到紅豆好大粒，煲得剛剛好，吾錯吾錯。

好濃味既蕃茄湯, 加左撈蛋, 成碗野變左白色亦好飽肚.可惜配意粉普普通通, 朋友話公仔麵同蕃茄湯夾埋好正.下次再試下.老實講, 見到咁多正面既食評期望好高, 雖然冇失望但都唔覺得驚喜

我2月1日, 諗起呢間之前食過0既蕃茄麵茶餐廳, 就即刻叫埋個friend去食~今次我係叫蕃茄牛肉麵$23, 同大檸樂$15,蕃茄麵好好食, d蕃茄真係又紅又甜, 成碗都係,即食麵加0左濃濃0既蕃茄湯, 特別好味,唯一不足係d牛肉太老, 硬哂又韌0左~Anyway, 都係一碗香甜好食0既蕃茄麵~ ^_^p.s. 我地食緊時, 撞到幾位藝人都一同食麵:王賢X, 丘凱X, 旅遊王子蔡X健

個fd 介紹的~ 她說好難找~_~! 真的好難找... 在美麗華附近, 一幢"up dup" 的大廈, 地庫的角落=_=...... 門面& 環境就...... 不過那裡的蕃茄牛蛋麵真的頗好吃! 出前一丁不會太"林", 蕃茄味又香又重^.^ 夠哂重料~! 每條麵都有茄味^.^~ 正~*o*!

為左d番茄而去~叫左茄牛一丁，好多番茄，幾好食，麵真係出前一丁，又唔會過軟。個湯係有加左d一丁湯粉。我諗加蛋應該會岩我多d，今次應該叫啦．．．下次試下先讚下果度ｄ伙計，我係近3點去。就算佢地冇野做都唔會坐係度偷懶，睇電視都係企係度睇

聽朋友講呢間冰室0既番茄麵好好味,所以特登去試0下.果然唔錯.我0地一行四個人, 都叫0左番茄麵.真係好香番茄味,尤其係個通粉,d茄浸入晒每條通粉內,而且好清甜, 好有住家feel, 又冇乜味精,加埋杯熱檸蜜,簡直perfect! 雖然地點有d探險feel,環境唔係好好, 但都算物超所值.唯一係通風系統唔夠好, 可以改善一0下