星座冰室 (已搬遷) 新店位置

佢地既占多唔錯架!比起尖咀其他出名既茶餐廳如"靚X車仔麵"、"X記"既占多好味好多!!而且$5/件，叫外賣做下午茶，唔錯!不過叫外賣要俾更多耐性等佢送黎，趕時間食野醫肚就下次先啦! 其實好似陸羽呀、太平館呀，個D老牌餐廳既侍應都係慢條斯理D架喇，俾多小小耐性啦!

見咁好評，特登去試，仲拖埋兩個friend去搵餐死，去到門口就俾佢果個與世隔絕，古老港式茶餐廳o既環境嚇親，門口個侍應又要出黎拉客，睇過個餐牌又唔係咁特別，只係普通茶餐廳果d麵(米粉/通粉)(選擇又少又普通)我兩個friend都係俾面我先肯入去，入到去，再睇真d個餐牌，好無奈，無餐，要散叫，野飲又唔算貴gei~當然亦唔算平，個餐牌好神奇，好似有大約18×2種麵，一半有茄，一半冇茄，但係基本上一樣，有茄多五蚊！我地叫左茄牛($20)，茄咸牛($20)同茄豬($23)，個侍應反應好慢，d野黎得勁慢~~~電話又收唔到...d麵黎到，只係得一達達紅色，咸牛係好難食o既罐頭，牛肉一般，豬扒又細又薄，麵底係一丁黎，湯底就好似一個茄碎生粉獻咁，成碗都杰達達~ 食完個口好杰，即走搵野飲~以後唔好叫人去食蕃茄唔係咁食架...

今日大約2點達到，門口已經有3張桌，入面人頭湧湧。所有人為蕃茄而來。叫左蕃茄煎蛋通($20)加熱檸茶($8)，碗面佈滿蕃茄(其實可以再多d)，煎蛋全熟，通粉係薄身有坑紋個種，湯比較清，不太濃味，好有homemade feel，都唔錯，不過，如果係好鍾意蕃茄的話，就會覺得唔夠"茄"。檸茶ok. 下次我會試紅豆冰，因為好多人叫，睇得出d 紅豆好腍，好似好好味。另外，鍾意蕃茄既"茄人"，可以試下"羅坤發"既蕃茄湯麵，好濃味。

呢間野有d似沙漠中既綠洲~唔似尖沙咀既食肆咁商業~~食客係完全感受到咩叫service from the heart~抵讚~野食ok~ 杯茶好滑~叫左個蕃茄雞翼通粉~通粉索左d汁先食~好開胃~~雖然好飽，但仲想食

係尖沙咀... 算扺食蕃茄味好濃...好好味最正係蕃茄牛肉麵,最衰公司麵唔可以加蕃茄!!!同埋嫌隻碗太細隻囉!!!

終於捉左個朋友陪我去食, 次次食飯都唔記得揀呢度. 好彩之前做定功課, 跟住KC的指示行, 因為要在家家樂隔離的樓梯, 但呢條樓梯唔講都唔覺.一入去都見有七八成滿, 我地都唔執輸, 叫左蕃茄豬扒丁同蕃茄魚片米粉, 另一凍檸茶同大枝忌廉.兩碗都好有份量, 面頭亦有好多蕃茄(0岩我, 正), 件豬扒已切開一條條, 唔"un"亦醃得好夠味, 但朋友話唔係正牌出前一丁, 有少少失望(因餐牌寫係出前一丁), 好彩味道搭夠. 我的魚片都好味, 平時我好少食, 因硬係覺得好腥, 有時仲有碎骨, 但呢度的就唔腥, 等我仲一開始就分左一半俾朋友, 蝕左添, 哈. 蕃茄就一粒粒, 易入口, 米粉食到一半但蕃茄已食晒, 真係想問下可否淨要蕃茄呢, 哈哈我估呢度應該係家庭式生意, 有兩個老人家(我估係老闆同老闆娘), 一個女士(都係樓面)同一個男士(廚房)坐陣. 個兩位老人家都好細心, 好似同我地搭檯的一對情侶遲遲都未有得食, 佢地會主動check單, 發覺原來係老闆送外賣時連張單一齊拎走左, 佢地即刻講晒唔好意思, 然後拿拿聲補單, 我仲覺得佢地兩碗多些料呢, 哈哈

我細個時(幼稚園高班開始,係表e媽屋企住),表e媽常常煮茄牛蛋撈飯比我食(真係好好味),所以每次食都食成兩三碗飯(所以小時候真係好肥),但每次都好似要爭食敢(因為要同埋大小cousin一齊食),自從三年班(要同媽咪住)搬了後,到現在都無再食過了,所以真係真係好懷念茄牛蛋撈飯見各位食家都讚lee到d茄牛蛋唔錯,當然要試一試啦!下午三點幾一去到,都驚找不到,從金巴利道果邊,一入去右手邊有條樓梯有兩個牌,一個寫住xx夜總會,下面個牌就寫住星座冰室,落到去原來都好易找到.一入到去,地方比我想像中更乾淨,唔太多人(所以唔煙),我點了茄牛撈蛋一丁$23,凍奶茶$10,小熊點了茄蛋撈豬扒一丁$26,凍鴛鴦$10.茄牛撈蛋一丁-真係好好味,正.凍奶茶-都ok.茄蛋撈豬扒一丁-小熊都話唔錯.凍鴛鴦-佢話都ok.得閒黎懷念下茄牛蛋都唔錯,有機會都要介紹比happy仔(因為佢係附近返學),有d敢正餐室.

約了阿妹食，死女包居然要我等埋位至到。好在伙計叔叔幫我話佢話番夠本。妹，以後叫野咪再一舊舊唔清唔楚喇。炒蛋同煎蛋差好遠咖。

我真係咁大個女都未去過d咁既地方食野。呢個地方真係令我好難忘...上星期五照著網友柿&Gourmet KC o既教路去找這間好隠 敝o既冰室,首先係按照Gourmet KC教路係家家樂轉左條樓梯行落去, 一睇e...點解好似係酒樓後巷咁白色牆又好似比煙分到黑哂咁,未望清楚以為應該係行錯路,於是又走番上去按照網友柿既教路係夜總會度行落去,當我行到夜總會條樓梯前我都猶豫左一陣, 心想都去到呢度, 無理由唔去睇下,一路行成條樓梯都係溪錢,我一個女仔去真係怯怯地,好在最後都比我搵到,星期五6-7點好多人,full咁滯, 叫了一個茄豬扒面加涷奶茶,味道沒什特別, 可能我媽咪係屋企都成日整d番茄乜番茄乜咁,而呢度既番茄出品好住家,所以對我呢d成日有住家飯食既人無乜特別,奶茶為一般茶餐廳水準不過不失,總結食物ok, 環境真的好有feel,無想過後巷都會有間咁懷舊既茶記,絕對值得去體驗一下.最後多謝網友柿& Gourmet KC既教路,如果唔係我就一定搵唔到.

昨日落尖沙咀開工作會議，俾個同事飛起左要自己搵食，在金巴利道行下行下，突然心血來潮到這裡看一看。十多年前在呢區工作時，呢度已經係我地的鐵蛇竇，老實講就算穿左煲，唔係有熟路的帶路，都幾難搵到入來。蛇竇外表陰森依舊，但入面仍是熱鬧，差不多坐滿。已時近兩點，單看這個陣式都知呢度仍受歡迎。例牌茄扒麵加蛋，加杯鴛鴦走甜，因為要一碗一碗咁整，所以亦例牌的要等差不多十分鐘。碗麵照舊是舖滿碎蕃茄，內藏煎蛋一隻，切件的豬扒就在茄蛋下面。蕃茄真材實料，味道微酸但蕃茄味豐富，不靠茄膏及茄汁去潤飾，仍是來這裡必吃的食物。建議吃煎蛋好過吃撈蛋，那麼煎蛋同蕃茄都可吃得清楚；豬扒非煎非炸，我看是連汁炆焗的，不油膩亦肉汁豐富，亦唔死實實，這裡的豬扒亦好味亦有水準。份量不算少，吃完都夠飽。連熱鴛鴦一杯埋單36蚊，不算平，但路過的話值得一試，是關如這般有水準的老式茶餐廳已經買少見少。點樣來：呢度位處香檳大廈地庫內的屈頭巷，無招牌亦無明顯識認，未來過都真正係幾難搵。可以由金巴利道果邊入口直入，行到轉角見到家家樂，就行樓梯落地庫，轉左就見到呢度。如果由加拿芬道果邊入，就行樓梯落地庫，一直行到尾就見。呢度亦係有線播左N次的野獸

打完波好鬼肚餓，仲要慢慢，真係慘!香港人真係識得食，咁隱蔽咁難到都識去，入到去好多人食，個個人都食蕃茄。咁出名我當然要食喇!見到終極話豬扒好食，我就食了蕃茄豬扒米線，豬扒真係好食喎，味道好有住家feel，一塊切開5件好易食，不過我嫌佢細塊d，另外蕃茄魚片一丁，亦都唔錯，好多塊魚片；碗上湯白菜亦都好抵，10蚊大大碗；紅豆冰亦不比美都、廣城差，雖然唔係碎冰，但係紅豆差不多佔了一整杯，勁多紅豆，粒粒都好有呅口。唔怪得咁難，都有咁多人食喇!

專登寫間搵你唔到的！明明鬧市，但搵過幾次都搵唔到的。大街大巷行入去，但就最後仿佛由舞廳行番出來。記得細路仔時，即係早幾年時，好鍾意食蕃茄蛋煮咩皮魚，果時仲可以爬幾啖飯，所以例必用蕃茄呢個汁撈飯。今晚雖然唔係撈飯，但用蕃茄撈蛋加塊豬扒落個丁到的味道，實在係一流！蕃茄切到細細粒容易食，蛋花加埋落湯汁到唔洗用味精粉。不過用炒蛋就可能有多D口感。豬扒呢…比個頂遮晒，睇唔到點整，不過一條條切好晒。肯定唔係炸的，因為無咩油味。當然有加碟菜仔均衡下飲食，呢餐應該算清清地。另外，仲有傳說中的絲襪奶茶，真係一隻隻腳咁掛響樹。不過…望落好似係一個手「病」跟兩隻腳喎，點沖呢？雖然環境係焗左小小，因為地庫抽氣嘛嘛。但如果選中8點幾後無咁多人先去，就應該無咁局。

一去親TST冇乜錢...就會想食好味&飽既蕃茄雞絲米，好正，雖然有時可能冇乜雞絲就會少D，但係我覺得呢度食完真係飽同滿足。

招牌係茄牛面, $20一個, 我之前係深水步都食過ar! but only覺得係d好普通ge番茄湯+面, 又唔多特別ge~不過咁出名當然試下la~淨睇外面都覺le度d同之前食ge唔同la, 因為個番茄湯真係好濃ar, D番茄切碎煮汁放系麵上邊! 仲好酸下tim! 勁開胃! (我好like酸ga!) d番茄係好natrual ge番茄味ar! 唔係一味得個甜, 好似榶咁...好耐未食過咁番茄ge番茄la!好新鮮ar!le度d野唔係話異常好味, 但個feel就好正la! 好80年代住家feel, arm哂d少食ar 媽飯ge人, 好懷舊好得意ar!

如果唔係朋友帶我去...我諗就算有地址我都唔會搵到呢間冰室...裝修佢設好懷舊feel....頭頂個風扇仲令我諗起小學課室.....雖然環境欠奉....但係招牌麵真係好好味...番茄牛肉麵撈蛋....好開胃...唯牛肉有少少鞋口....但係個湯底真係好足料...好新鮮....我成碗湯飲哂....材料係平...但係咁足料...$23其實都唔算貴....而且我估都估唔到居然有咁多人知訂去幫襯....我都一定會帶其他朋友去食......