星座冰室 (已搬遷) 新店位置

一早計劃好今晚的晚餐, 要先來打個鹹底, 然後再出發吃甜品去, 所以今晚的主角不是星座~ 話雖如此, 我仍然很喜歡這裡的出品... 今次也試了新東西~***蕃茄撈旦豬扒丁***上次見到對面的人的撈旦賣相吸引, 今次試一試~ 初時天真地以為撈旦沒有丁麵湯, 原來是少量丁麵的麻油湯加旦加蕃茄汁撈~ 雖然感覺上被迫喝我平時不喝的湯, 覺得很不健康, 但心裡卻很喜歡這種偶然一次的任性.. 因為蕃茄湯加麻油真的很捧呢! 而豬扒也是一貫的淋, 不過浸了湯也吃不出真味道***魚片炒白菜***完全為清淡而叫的, 這個炒菜也算少油了, 加上數塊薄薄的魚片, 十足十家庭製作, 其實不值$27的, 不過也算吧, 反正二人只吃這兩味也肯定不夠飽的, which is exactly我的目的!! 再加每人一個飲品, 鹹餐大功告成~這餐完全是為下一餐"正餐"鋪路, 因為我們每次都是吃得太飽而放棄了甜品, 今次我滿以為可以照原定計劃行事, 怎知仍然遇上突發事件.....

良久沒跟專兄食晏, 我提議這裡, 因為星座冰室一直是我想到的食店之一. 很多朋友們經常拿它跟勝香園作比較.勝香園我吃得多, 所以這一天終於夢想成真啦! haha. 幸好得到專兄的指示, 我才可以順利走到香檳大廈地庫. 因為這裡很隱蔽, 如果無人講我是不會走到來的!!如勝香園一樣, 這裡的 Signature Dish 是蕃茄麵.這裡也煎蛋, 炒蛋和撈蛋三款. 撈蛋在個人而言覺得很恐怖, 所以我要了炒蛋蕃茄牛肉通粉, 專兄要了餐肉牛肉蕃茄麵.這裡的蕃茄我想較為滑一點, 和勝香園偏酸的味道又似乎很難比較, 大家看自己的 preference 而作出選擇吧!牛肉我喜歡勝香園的多一點, 不過兩者我也會再想吃的. 又食又拎, 多謝專兄!

男朋友之前同朋友去過, 不過條友子實在是太懶…唔肯打所以結果還是要親自來一敞試吃一下不過唔係男朋友帶路的話, 都真係幾難搵到呢間冰室!因為真係估唔到呢個位竟然有間冰室!唔係起openrice睇過真係唔會搵到黎呢叫左個早餐(餐肉腸仔米線+多士+凍奶茶)招牌白茶 (大碗)蕃茄牛肉麵早餐 (餐肉腸仔米線+多士+凍奶茶)同普通茶餐廳一樣啦, 冇咩特別係個米線好似細碗左少少蕃茄牛肉公仔麵..真係好好味 D蕃茄好香甜丫整得^^我鍾意食呢個多過勝香園個個丫老實講..招牌白茶 (大碗)男朋友話好好味, 諗都冇諗就叫左大碗 不過我就食唔出有咩咁特別 =v="不過overall都不錯啦!!一定要比笑笑 因為個蕃茄麵..真的超好食

呢間餐廳, 已經幫襯左好多年...次次食完都覺得好滿足~今日照舊都係食招牌菜"番茄牛肉麵"~其實碗麵咁多年來味道如一, 好鮮甜, 足料, 可以話係必食~($23)我仲叫左個油占多~ 佢同一般茶記唔同, 就係得一塊薄多士~ ($6)凍奶茶...唔知點解我對玻璃杯既感覺得別好, 雖然杯奶茶d奶多左少少, 不過我都覺得特別好飲~($11)service...老實講, 呢間野做街坊熟客...一定係冇service可言...粗粗地係正常總括來講, 響尖咀想食到好味又平既野, 首選星座~

食左茄牛腸撈旦通，雖然個樣真係唔得好好......但味道的確唔錯，真係"撈"囉，啖啖都食到杰杰既茄旦不過份量唔係好夠，$30蚊唔係好抵。間野喺地庫，行落去黑麻麻，一個人真係唔敢落去...

之前星期日去過先知唔開，搵日平日去，每次行條樓梯都覺得陰森恐怖，雖然唔鍾意食蕃茄，但見佢咁出名，都要冒名黎試一次落單時，有個男人同我地落單，佢個樣好似未訓醒咁，眼神呆滯，目無表情，最好笑係佢講野得一個tone，我話比佢知我要咩，佢就話"我都唔知你講咩"...."下"之後男朋友講多次，佢都係目無表情，寫完就走，但我見有個應該係老闆，年紀比較大，佢就對ｄ客人好熱情，有傾有講我地要左一份奶醬多：多士烤得剛剛好，奶醬比例都好，唔會太多或太少我要了一個蕃茄牛肉麵：用上出前一丁，麵上怖滿新鮮蕃茄，應該係用鮮牛肉，但一丁好似無煮過，太硬，但蕃茄就出奇地OK，對一個平時唔食蕃茄既我黎講都覺得OK，蕃茄唔會太酸，幾經辛苦先食完個咁硬既麵就一次就算了，因為沒有想像中的那麼好，而且員工態度應改善一下，訓醒先返工（已經是晚上７時）

上次去都好地地,今次好似差左咁,唔知點解,一間食肆多左人推介,多左客,就會自然差左,好似係一個定律咁...雖然個蕃茄牛撈蛋通都尚可,但係個虴油雞翼,係唔掂架!因為竟然食得出係番叮...唉,個汁仲要"琼"左架...點會咁架...上次無試豬扒,今次試埋,覺得不外如是...埋單時,兩個人都要過百,感覺係幾貴...我諗,經過今次,我未必會再試了!

自從有人帶過去一次之後，我都帶過我老公朋友去。因為真係好正！蕃茄湯底係好似阿媽係屋企煮蕃茄牛果D汁咁，杰杰地，好多蕃茄，好有益。絕對係一碗唔怕飲哂0既湯底枝裝汽水仲有分大細！雖然環境好舊，但係唔dirty, 個feel 好warm。真係好屋企。另外，有一個伯伯真係好好人，時時笑。有個小誤會：我個frd臨時改變主意，想加隻蛋，於是同個伯伯講，點知個伯伯掛住抺枱，叫我個frd等陣先。本來我個朋友嬲嬲地，但係原來個伯伯想抺好個卡位，俾原本坐得好迫0既一班人搬枱！好nice... 我個frd知道真相之後都怒氣全消。出前一丁仲唔洗加錢！又平又好飽又好食又有益，我會食多D，怕佢好快會被D大地主淘汰

當天早上去0左尖沙咀拍0野, 之後祖安過0左0黎搵我, 咁我就提議不如去<星座冰室>, 祖安當然贊成啦, 因為祖安鐘意食蕃茄牛麵, 而且聽聞呢間可以同<勝香園>齊名, 所以當然要一試啦. 去到香檳大廈, 之後真係要經過一條"好鬼異"0既樓梯, 跟住就到啦. 環境方面就真係幾一般, 不過既然都0黎到, 就入去啦!!! 1. 蕃茄牛肉雞翼麵 ($26) ~ 真"麵"不及上鏡靚喎, 呵呵!!! 牛肉比較韌, 雞翼冇驚喜. 至於個麵(出前一丁)同個湯底就不錯, 配合得幾好!!! 2. 奶油多 ($6) ~ 賣相就已經麻麻地, 太多練奶啦, 仲有個包面又唔夠脆, 水準之下!!! 3. 凍奶茶 ($12) ~ 個杯就比較得意喎, 不過d 奶茶真係比較奶, 暫時都係<太興>好飲好多!!!整體評價：普普通通!!!

病了...感冒菌入腸兼發燒..仍堅持要去星座冰室食蓄茄面!!!收工去到晚上6點半,不用排隊~不過都要搭檯。因為唔係第一次黎啦..環境都唔會覺得點樣(一次生,兩次熟嘛)第一次黎既時候見到夜總會3個字都好"有反應"奇怪...今日門口好似有怪味兒。不是香味...是.....叫左最鐘意既蕃茄牛肉撈蛋米粉HKD26好香...D湯一點都不希。就算唔叫野飲都不會口干..之前忽周專訪呢間店,都有介紹是沒落味精的。食完成碗野都冇話想飲野~我係病人喎..都食得晒食碗...好好胃口..早上仲唔想食野的說。另外叫左大白菜HKD12又平又好味又健康至岩我呢D亁蒸食...十年都唔食條菜。唔好見佢白灼好似冇乜...都好入味...今次冇叫到雞翼,但都唔錯架。雖然冇餐叫(我係老闆,都會咁做~KAKA),但真係好好味...如果我住係個度附近,會每星期都食一次!!你最近食左未?未食既人快D去食下啦!!!

如果不熟地方可能會有點難找走下那樓梯感覺有點恐怖人蠻多的看過餐牌立即點了蕃茄牛肉撈蛋通我朋友就點了蕃茄雞翼通好期待丫滿滿的一碗而且很香賣相已很吸引蕃茄撈蛋煮得很滑味道酸酸甜甜的令人胃口大開牛肉沒有用蘇打粉弄過通粉吸收了濃濃的湯汁而且湯汁很多剛剛好夠吃完一整碗通粉整個味道剛剛好真的很好吃而且沒有味精很有家裡的感覺也試了一下朋友那沒撈蛋的感覺有撈蛋的更好吃值得推薦

又是和石頭係九公游完水後四處搵食, 今次就係去香檳的星座啦!原來就係美麗華對面, 不過入左去還要轉來轉去才去到環境簡單非常, 要了個蕃茄撈蛋鹹牛通, 石頭就要麵揀通因為可以連蕃茄撈蛋湯吃進去, 不過最怕就係淋通所以叮囑了阿叔唔好煮咁淋, 不過他不理會的走開 =_=”傳統的家庭餐具併上周圍家庭環境, 感覺不錯, 簡單無拘謹可能撈蛋同鹹牛的關係, 味道又多了個層次, 不單調微酸帶甜的蕃茄, 淡香的蛋增加了滑度, 牛肉混在一起多了鹹味坐著坐著慢慢的嘆 傳統的家庭餐具併上周圍家庭環境, 感覺不錯, 簡單無拘謹猜不到在尖咀竟然有這些地方, 不錯!Ps. 地庫電話無signal, 令親愛的擔心, sorry呢應承下次帶埋親愛的來試試!!

見到呢間茶餐廳主打食蕃茄,但都咁多好評,當然要去試一試. 跟據資料,應該同芝士豬頸肉撈公仔麵係同一座大廈,不過係佢下面果層.但兜咗幾個圈都未搵到.見到有樓梯落去下一層,但唔見星座冰室喎. 於是,問管理員,佢單手一指… 原來,有一條陰森樓梯落去. 落緊樓梯,好驚…驚有老鼠,老公有啲黑面, 問仲落唔落?? 緊係落喇,咁多好評,個個人都係咁去嫁啦….終於到啦,我開頭以為係茶餐廳格局,原本真係冰室嚟喎… 有啲花樣年華,2046 feel喎…. 坐低咗,望見餐牌,已經有心水. 就叫蕃茄牛肉撈蛋出前一丁麵. 老公叫蕃茄牛肉蛋通粉,落單伯伯問,要咩嘢蛋 - 煎蛋/炒蛋/撈蛋, 老公問落單伯伯邊樣好食啲, 伯伯話:「各人有各人喜好…」哦,於是老公要咗煎蛋….啲嘢食嚟啦. 嘩! 我個蕃茄牛肉撈蛋出前一丁麵好好味呀,好多蕃茄撈埋啲蛋, 蕃茄唔酸,淨係見個樣,以為只有蕃茄茸,原來底有少許湯,令到個麵唔會太乾. 仲加咗出前一丁附送嘅麻油… 不過,牛肉輕微韌… 而老公話佢個蕃茄牛肉蛋通粉都好味,不過酸少少,我果個好味啲…臨走出門口,見到一蘿蘿蕃茄,隻隻又圓又大又紅… 忍唔住同老公講:

大概一看title就知是與那一間餐廳比較吧, 說uncomparable, 不是因為兩者的食質素相差太遠, 而是根本兩間所賣的蕃茄湯product都不同, apple vs orange, 是不能比較的在openrice上及朋友的口中都聽說過這裡的蕃茄湯底product有好多, 是晚終於找到機會一試了, 小試了:::~~~~蕃茄雞絲丁麵~~~~蕃茄之多及杰的程度, 可以說是撈麵! 雞絲, 是雞腿肉的部分, 也不算是絲, 但當然滑呢而蕃茄肉加上鮮茄汁, 配上丁麵確實很好~ 非常喜歡! (不過, 總覺得麵素不太似丁麵...)~~~~蠔油雞翼~~~~眾食友的推介品, 感覺是家庭式的出品吧, 像我這些喜歡吃雞翼的人, 這個當然合格, 不過又未至於要大力推介呢~~~~常餐:: 餐肉炒旦及奶醬多~~~~餐肉實在唔得, 勁硬, 又欠缺煎餐肉的香味反而炒旦做得不錯, 有旦汁又不會有過份的牛油味奶醬多是正常的港式味道, 奶還非常多, 正中下懷~ 如果有食開勝香園的朋友們應該覺得這裡賣的跟勝根本是兩回事, 論環境, 勝是典型大排檔feel, 這裡則是"up dup"茶記feel; 論食物, 除了大家都有用

第一次試就已經覺得好好食...朋友推介一定要食"蕃茄底"... 另自己揀餸...我們都揀了蕃茄牛肉...一個配意粉...一個配出前一丁加杯凍杏霜同檸蜜...一見到碗麵...呆左...=o= 成個碗只見一片紅色蕃茄蓋面...咩都睇唔到...原來蕃茄醬多到蓋晒牛肉同麵...冇咩味精...蕃茄新鮮帶點點酸甜...醒神開胃...牛肉大大片...仲係"滑牛"...真的好好味...好味到連湯都唔放過..飲晒...哈哈有相為証架!下次可以加埋蛋再配通粉應該仲正...一般食肆很難做到"均衡飲食比例3:2:1 -- 3份粉麵飯 : 2份蔬菜 : 1份肉類"呢個可以了... 3份麵 : 2份蕃茄 : 1份牛肉 .. 剛剛好 ^0^ 好健康呢...朋友又冇介紹錯...抵食好味健康之選!!