影片
更多
2009-07-27
23 浏览
5月29日, 好想食蕃茄麵呀! 中環茄麵代表勝香園就食得多~ 但尖沙咀茄麵代表星座冰室就真係講咗好耐都冇試過. 襯今日同呀比過尖咀睇exhibition, 一於試下先!! 喺香檳大廈好入嘅位置, 又唔係顯眼, 完全唔似茶餐廳, 傍晚時份去到, 冇乜客人, 老闆伙記都在開飯, 我地就去佢地隔離坐低, 一齊職工房用膳!::: 茄蛋牛肉撈通粉 ::: $26呢個通花碗真係非常家庭式!! 茄蛋汁望落好杰, 落咗唔少蛋~ 不過唔知係咪通粉出水, 撈起好似好稀, 同埋d通粉有d爛... 牛肉好味~ 不過有d碎. 整體黎講個茄味有d淡, 同埋帶酸. 屋企風味~ 但唔係話好好味囉.::: 蕃茄雞翼公仔麵 ::: $26另外再發現呢個蕃茄湯底特別嘅地方, 佢杰得黎好似落咗生粉打獻咁, 誇張d講係啫喱狀~ 蕃茄湯底應該係紅色架, 點解呢個係半透明呢? 湯底落埋d丁麵味精, 所以鹹味掩蓋咗蕃茄味, 令到茄味好淡, 麵好咸… 雞翼本身係煎, 不過煎得唔夠又唔夠香, 味道本身亦被麵搶晒, 對住成碗野都幾失望~::: 凍朱古力 ::: $11真係凍朱古力黎的! 感覺上好似冇加奶嗰隻. 飲落其實係足料既朱古力味..
::: 茄蛋牛肉撈通粉 ::: $26
呢個通花碗真係非常家庭式!! 茄蛋汁望落好杰, 落咗唔少蛋~ 不過唔知係咪通粉出水, 撈起好似好稀, 同埋d通粉有d爛... 牛肉好味~ 不過有d碎. 整體黎講個茄味有d淡, 同埋帶酸. 屋企風味~ 但唔係話好好味囉.
::: 蕃茄雞翼公仔麵 ::: $26
另外再發現呢個蕃茄湯底特別嘅地方, 佢杰得黎好似落咗生粉打獻咁, 誇張d講係啫喱狀~ 蕃茄湯底應該係紅色架, 點解呢個係半透明呢? 湯底落埋d丁麵味精, 所以鹹味掩蓋咗蕃茄味, 令到茄味好淡, 麵好咸… 雞翼本身係煎, 不過煎得唔夠又唔夠香, 味道本身亦被麵搶晒, 對住成碗野都幾失望~
::: 凍朱古力 ::: $11
真係凍朱古力黎的! 感覺上好似冇加奶嗰隻. 飲落其實係足料既朱古力味... 但係唔夠creamy唔夠rich~ 冰溶了仲會淡d添...
古語有云聞名不如見面, 但今次真係有少少失望... 基本上地點僻, 環境殘舊其實都預咗. 不過食物真係比想像中差... 好普通, 番茄野講真做得麻麻... mmm, 同勝香園冇得比.
张贴
