星座冰室 (已搬遷) 新店位置

地點很難找在地下室，我在那大樓附近繞了好久都找不到，還是先看到新記的招牌才進去大樓裡面找，以後要去的人導航到那邊看到美麗華廣場，對面舊大樓給他走進去就對了，建議在一樓跟路口放明顯的招牌，點了番茄魚片麵，先說優點麵煮的好吃，番茄調味也很不錯，東西出餐很快，我是點外帶的包裝跟餐具都很齊全完善，只是跟預期有很大的落差，因為想喝熱湯所以才去買麵，但是這比較像燴麵，湯汁很稠，然後魚片麵的魚片是用魚板🍥，不是真正的魚肉，下次會再問清楚一點

每次到尖沙咀，突然想食公仔麵的時候，都會有兩個選擇星座冰室和新記餐廳。今次決定去星座冰室。餐廳雖然位處尖沙咀鬧市，但隠藏在大廈底層深入的一角，真是有點隠世美食的感覺。點了的蕃茄麵等了五分鐘便上枱，蕃茄迷一定為之瘋狂，因為湯底用了大量的蕃茄製成，每一口的麵都吃到蕃茄肉，真才實料，豬扒反而變成配角，薄薄的，豬味完全被蕃茄味蓋過，如果可以用厚一點的豬扒和煎香一點，相信效果會更好。不過，餐廳主打還是主打蕃茄麵，水準還能夠保留，都可以繼續支持。

次次黎都叫蕃茄通。有時加撈蛋牛肉，有時煎蛋雞絲。亦必然加碟菜。呢到嘅係白菜仔，有湯伴。次次叫莱除咗因為個人愛食白菜仔之餘，星座冰曙白菜仔煮得十分人住家，好香白莱仔味。對常常外出食飯嘅人嚟講，多份感動。最近同朋友嚟，佢想食豬扒便叫了一份。有七成似外祖母當年煮的味道 扒兒是被刀背處理過，入味重鬆軟。在星座有住家的感覺~

唔係講笑亦都唔係賣廣告～呢間係我同男友好鍾意嘅食堂！有時放工約喺尖沙咀，諗唔倒食咩就會食佢，因為蕃茄味夠濃，好開胃💕入嚟指定動作係呢兩碗：蕃茄芝士撈丁蕃茄雞絲蛋通粉其他唔同嘅配搭，蕃茄芝士通粉同雞絲蛋米我地都試過，結論都係撈丁與蛋通最好食🤤事關佢嘅蕃茄湯係好有誠意，配合芝士與蛋都係冇得輸，雖然店內環境唔見得有裝修同有幾乾淨，但真係好食！Btw我地試過菜心炒牛肉，牛肉好老，菜心好油，真係可一不可再～ 飲湯啦誠意推薦嘅蕃茄控上

星座冰室係食風味，如果你回味過去常陶醉，不妨黎點個蕃茄面，望下餐廳發黃既海報，崩口既碗杯，同埋明明播緊21世紀節目既電視，都覺得睇緊歡樂今宵既感覺，部電視明明係LED,唔係大牛龜，總之，呢種風味，都有唔少擁躉。自問食蕃茄牛唔算高要求，勝香園個碗我已經好buy，有日朋友同我講一定要食星座冰室個碗，好，一於試下。 望落去明明清清地既蕃茄面，竟然係超級咸，完全食唔到蕃茄既鮮味，啲面好硬又無蛋味，唯一可取係牛肉新鮮，而且唔咸。 （個人食開淡味）口味係好主觀，我係唔like呢碗蕃茄牛，即使餐館風味再濃，為人再懷舊，都不能吃一碗唔好味既食物。 係呢一刻，我只係想盡快食返碗勝香園平衡下身心。餐館始終要有美食，風味再好也留不住食客。

冰室位於尖沙咀舊式大廈, 還要落條樓梯到地庫, 隱蔽得像臥底去會面的地方, 幾有電影感. 冰室格局懷舊, 還用著舊式吊扇. 食物的選擇不多, 多數人都係幫襯招牌的番茄麵. 點了一碗番茄牛肉通粉($34)和番茄撈蛋麵($34), 加一碟細嘅白菜($13).番茄牛肉通粉像個湯通粉, 上面淋左個番茄玻璃獻, 賣相跟其他茶餐廳很不同, 番茄味比想像中濃郁. 牛肉份量亦比預期多, 唔韌之餘, 又不會被鬆肉粉弄得太腍.至於番茄撈蛋麵的賣相就不敢恭維, 由於蛋多番茄少, 味道比沒蛋的遜色.

自己一個人黎到人多既尖沙咀就必然會諗起位於地下既星座冰室 首先會經過一條豪不像樣既樓梯 才到達冰座 像家庭性經營既冰室好warm 不催促 不趕客 餐牌上看似有無數選擇 但實情是不同的配搭 這裡沒套餐 只有單點 所以自由度頗高思前想後 才決定了蕃茄蛋撈麵加雞翼看得見蕃茄皮同蛋絲 好讓人急不及待放到口內麵條都掛上了材料 每啖都能豐富我的嘴巴雞翼有三件 老水得很入味 雞肉不會老

已經有2-3年無食過星座冰室諗起茄牛通就會諗起星座冰室同勝香園・今次黎開尖沙咀就再試試星座冰室講真如果講個蕃茄湯底🍅勝香園的確好味d😋因為星座冰室個蕃茄湯底味無咁濃不過仍算酸甜開胃.但我今次去就叫左蕃茄牛肉撈蛋麵（$39）一黎到見到碗麵係覺得有d核突既但放入口後發覺比蕃茄湯底出色湯較爲稠身、甜甜地濃郁既湯底配上蛋花蕃茄🍅同蛋🥚加埋一齊好夾‼️ .星座冰室絕對係尖沙咀既便宜之選諗唔到食咩既時候就可以encore啦

想喺尖沙咀搵間有推介嘅平價食店,得知道呢一間隱世冰室。 之所以隱世係因為佢位於商場地庫,唔係咁容易搵到. 上一次去到先知道原來星期日唔開,摸左一次門釘。今日放假順路去試,打返份試食報告。餐牌寫住嘅馳名蕃茄撈蛋麵應該係鎮店之寶,食過一次就算了。 下單好快就送到,賣相係特別,但味道一般,蕃茄肉唔多,普通公仔麵底,湯底食得出係味粉開出黎,所以食完都幾口渴。 淨麵無野飲跟,以呢個質素黎講賣$34確實係不值.ps 凍奶茶 $16 另外加

因為移民返港，research呢間老店。唔係好多旅客來食，食左碗famous蕃茄牛肉麵，唔錯。不過反而比較鍾意食餐牛面同火腿蛋三文治多D呢到睇來好地道，夠retro。個婆婆同伯伯都好nice,夠耐性，。不過，cafe附近有曱甴。We went back to this cafe the very next day.It is a definitely good nice to bring your tourist friends to come and visit ! I will visit again.

係尖沙咀想搵間又平又正既餐廳真係唔多星座冰室絕對係我既不二之選 西多一定要配練奶西多熱辣辣好正入面既花生醬茶到滿一滿 連邊位都有顧及到！好好味 芝士蕃茄撈蛋面啖啖香甜蕃茄同蛋花次次黎都叫呢個食 食到飽飽$100都唔使！

記得以前媽媽喜歡用蕃茄來做湯底，然後會做蕃茄蛋湯麵等等。這種家常味道好難再搵到。但係想再搵得番屋企既味道，就一定要去小鋪！皆因佢地都會保留自己的特色，今次就去左呢間冰室到試試。佢最出名就係蕃茄蛋麵，不過我未曾試過，我叫左蕃茄魚片公仔麵同西多士！環境唔算太大，而且位於尖沙咀，難免會有唔少遊客。蕃茄魚片公仔麵魚片可以食得出有用魚黎整，但係可能腥味比較重，不過都可以接受，而蕃茄可以將味道蓋過西多士最好食亦都最意想不到就係呢個西多士，出到黎熱辣辣，而且入面既花生醬同出面既煉奶牛油好夾每一啖都係天堂～

好像每次去尖沙咀都是吃星座冰室，非常喜歡它們的蕃茄麵。在尖沙咀算是便宜之選。我點了蕃茄撈蛋麵，蕃茄選用新鮮蕃茄，蛋夠滑，蕃茄撈蛋的味道和湯底很夾。選公仔麵會更掛湯！不過蕃茄撈蛋不是人人能接受，沒吃開的人第一次吃可能會不太喜歡。如果第一次吃星座冰室，可以吃普通蕃茄麵，配料方面一般茶餐廳有的星座冰室都有，友人點的是蕃茄鹹牛肉麵，蕃茄味較濃郁。另外，淨叫白菜會放在湯中上，白菜和湯底很配！還有！這裏是有支樽汽水的！

香檳大廈好似係出晒名嘅風月之地，而星座冰室就隱藏嚮大廈嘅地牢，對面仲有間疑似體育用品店… 由此可見香港係幾咁包容多元，同埋充滿後現代嘅拼湊精神。店內係可以預見嘅地痞狀態，好有懷舊本土氣息。時為週末早上十一點半左右，竟然冇乜人。點咗碗芝士蕃茄牛肉通撈蛋 加杯奶茶:我本身係完全唔鍾意蕃茄味嘅人，所以嚟呢度都係慕名而試。見到碗嘢首先就撈埋塊芝士先，然後一試塊牛肉。嘩！好香嘅蕃茄味，香而不濃，淡淡然，啱晒我！舊牛仲食得出牛肉味，而且其質感亦非常好，不太淋，有咬口，又唔韌。肉量亦唔少。由於芝士唔係撈到遍佈成碗湯，一時會有芝士味，一時又冇，幾有層次。個湯本身可以因為加咗蛋花，所以蕃茄味唔重，不過加埋蛋香依然好正，有媽媽煮嘅感覺。(Well... I mean those mothers, or fathers, if you prefer, who CAN cook, which is not easy to find , I believe.) 通粉徧淋，但係唔太過份，可以接受。成碗嘢幾樣嘢加埋一齊，好夾，所以話咁快就食完。另外杯奶茶亦唔錯，茶味重，奶味出奇地薄，不過口感勁滑。平平凡凡嘅好味一餐

尖沙咀呢間番茄撈蛋麵一直都好出名，平時lunch time想食都幾唔容易因爲實要排大隊 所以揀下午茶時間會好好多嘅，入面係普通茶記咁，落單要快因爲真係多人。諗都唔洗諗就嗌左蕃茄撈蛋麵，一上到嚟個賣相真係嚇一嚇，醜就係醜左d架啦不過味道一流嘅！番茄同蛋已經整到一齊，好似一個sauce咁，麵底係出前一丁，仲要落左麻油，撈埋一齊食依然有一陣陣麻油香，仲有蕃茄嘅甜味。朋友就唔太好因為覺得個樣太奇怪，但個人嚟講覺得好正！