星座冰室 (已搬遷) 新店位置

尖沙咀呢間番茄撈蛋麵一直都好出名，平時lunch time想食都幾唔容易因爲實要排大隊 所以揀下午茶時間會好好多嘅，入面係普通茶記咁，落單要快因爲真係多人。諗都唔洗諗就嗌左蕃茄撈蛋麵，一上到嚟個賣相真係嚇一嚇，醜就係醜左d架啦不過味道一流嘅！番茄同蛋已經整到一齊，好似一個sauce咁，麵底係出前一丁，仲要落左麻油，撈埋一齊食依然有一陣陣麻油香，仲有蕃茄嘅甜味。朋友就唔太好因為覺得個樣太奇怪，但個人嚟講覺得好正！