星座冰室 (已搬遷) 新店位置

星座冰室係食風味，如果你回味過去常陶醉，不妨黎點個蕃茄面，望下餐廳發黃既海報，崩口既碗杯，同埋明明播緊21世紀節目既電視，都覺得睇緊歡樂今宵既感覺，部電視明明係LED,唔係大牛龜，總之，呢種風味，都有唔少擁躉。自問食蕃茄牛唔算高要求，勝香園個碗我已經好buy，有日朋友同我講一定要食星座冰室個碗，好，一於試下。 望落去明明清清地既蕃茄面，竟然係超級咸，完全食唔到蕃茄既鮮味，啲面好硬又無蛋味，唯一可取係牛肉新鮮，而且唔咸。 （個人食開淡味）口味係好主觀，我係唔like呢碗蕃茄牛，即使餐館風味再濃，為人再懷舊，都不能吃一碗唔好味既食物。 係呢一刻，我只係想盡快食返碗勝香園平衡下身心。餐館始終要有美食，風味再好也留不住食客。