星座冰室 (已搬遷) 新店位置

星座冰室一直都好出名，好多明星都黎食😏之前都想黎，但行到地庫個位，被果陣陰森恐怖既環境嚇親，次次都係行番轉頭搵個其他餐廳今日突然興起想黎食番次，假日黎呢間餐廳都唔算多人，可能大家都俾佢個位置嚇親😂呢間餐廳位處地庫，裝修懷舊，好似去左5、60年代咁，櫃兩邊擺滿番茄雞蛋🥚。聽講餐廳每日將番茄打成蓉，湯底同一般餐廳既番茄蓉唔同，唔落番茄漿我地叫左番茄芝士蛋麵、番茄火腿蛋麵同番茄牛肉麵，價錢$35-40，都唔算平我地食得出全部麵底都有浸過醬料，類似瑞士汁，好味，番茄湯底傑身，充滿番茄🍅鮮味3款最好味應該係番茄芝士蛋麵，芝士同番茄味道好夾，蛋花起得好靚，成碗連湯食哂麵望落似淋左d，但食落又ok wo, 唔似出前一丁或公仔麵咁淋

今日要去尖沙咀開會，會議十一點幾就完結左，同個同事諗住早少少食個午餐........點知去到厚福街，除左麵舖，間間都無開咁濟，諗黎諗去都諗唔到食咩好，突然「叮」一聲，一於去食好耐無食過嘅星座啦！坐低就叫野食喇，我叫左個蕃茄雞翼出前一丁，而同事就叫左個蕃茄牛肉出前一丁。野食唔駛5分鐘就送到面前。雞翼係家庭式嘅煎雞翼，至於個蕃茄部分就保持水準！麵底有少少一丁嘅味粉....嗯，係好味嘅！野飲要另叫....咁樣食一餐都唔平架....🙊今餐唯一美中不足嘅係...同事飲飲下杯野...有隻蚊滋仔飛左落去游水。

叫咗番茄雞翼麵、熱奶茶。番茄湯看上去很濃郁，但味道偏淡。麵其實吸收不到湯味，只係撈住杰杰哋嘅湯一齊食。不過都好，起碼知道冇味精。雞翼是鹵水味，但偏鹹和有點嚡，應該係雪藏時間太長，加上醃得太耐。鹵水配番茄味其實有點格格不入...奶茶是一間茶餐廳的靈魂，但個茶味麻麻哋，有點失望。單憑食物很難令人回頭，但舊式平民裝修還是會有一些捧場客。最重要係，如果一個人想响尖沙咀市中心坐低，用50幾蚊食個晚餐，去邊度揾？

It was a Tuesday night around 20:00 and I was able to be seated immediately.I ordered the tomato, egg, and beef instant noodle, the braised vegetables, and peanut butter and condensed milk toast. It all arrived within 5 minutes.Tomato, egg, and beef instant noodle: I can see why this is a popular HK dish. I reminds me so much of my comfort foods from home, yet it really isn’t my preferred type of food. The actual “soup” has the gloopy texture of what reminds me of the filling for a chicken pot p

今日去左好出名嘅星座冰室，要搵到佢都唔容易，搵到香檳大廈要行到尾落樓梯再喺轉彎先見到，沿路都有啲指示。佢嘅門面好殘舊，你想像唔到佢係一間馳名嘅食肆。餐廳裝修仍然保留舊有風味，好懷舊。我叫咗番茄豬扒通粉，番茄湯係稠身嘅羹，有啖啖番茄肉，另外加左蔥油落去煮，香但有啲咸。而豬扒比較"鞋"，好麻麻。整體嚟講，可以話非常普通，但係如果你想係懷舊嘅地方食野，希望食到人情味，咁星座冰室就好適合你。

近排潮流講隱世，加了隱世二字似乎神化了所有東西。在香港鬧市，真正能稱為隱世的事不多，星座冰室算是難得的一樣。如果不是專門搵食，相信大部分人都會錯過在幽暗商場地下的小小冰室。擁擠的鬧市和大型商場中，有一處如同時光靜止的冰室，不合群之餘又好像很理所當然，很矛盾的心情氣氛十足懷舊，但價錢幾與時俱進衝著招牌撈蛋麵而來，味道確實與想像中不太相同。蕃茄味不濃，蛋亦不算香，反而麵的麻油香很突出，但將蕃茄蛋同公仔麵撈埋，味道確實不錯，一口接一口的莫名其妙就把麵吃完；淨蕃茄湯比起撈蛋單調，湯底較淡，對我來就蕃茄香味不足，好彩有加芝士，豐富番個味道。傳統奶醬多，夠脆又夠醬，好味！老牌冰室加上傳統茶餐廳食物，卻又做出估佢唔到的味道，果然難忘的一餐。很多人說食的是情懷，我反而覺得這個才是城市最好的面貌，新的不斷發展，舊的亦努力不至被取代。（很少寫食評都寫出煽情的文字，只是突然有感而發..）

幫襯星座已經十年，蕃茄湯底始終是做得最好的。他們是可以看到粒粒蓄茄肉的湯底。喜歡稀湯底的我，多叫茄牛雞翼通粉，當然會連湯也喝光光。如果你是喜歡杰湯底的，就要叫茄牛蛋，加了蛋會變得濃稠很多。我比較少叫麵底，因為份量是蠻多，吃得不夠快，麵會變㸰。叫通粉的話就可以吃粉時同時喝到湯，會更滋味。另外一個人的話，可以加碟細菜，是小白菜，很甜很好吃呀。而且價錢比起叫飲品化算。要留意，那裡是電話完全收不到訊號呀。

呢間餐廳既位置好隔涉但係朋友食過話好推介所以我都黎試下!對於好中意蕃茄既我，當然會好愛呢一碗米線因為佢唔係用茄膏，食落真係會有一粒粒切碎左既蕃茄牛肉真係好有牛肉味，果陣牛肉味配埋個蕃茄湯，好match好正!!  朋友唔中意食蕃茄，所以佢叫呢碗豬扒份量唔算好多，大約只有半塊豬扒但係煎得剛剛好，唔會好乾餐肉出前一丁就無咩特別啦都係普通既水準!雖然呢間餐廳環境只係一般但係佢既食物會令我再返黎下次會黎試埋個蕃茄蛋米線!

「星座冰室」可算是鬧市中的奇葩，在繁華的尖沙咀走入一幢舊式商廈，兩旁均是小店貨倉。拐兩個彎終於見到「星座冰室」，一桌一椅一裝飾也充滿歷史味道。雖然地點隱密，又沒有舒適的用餐環境，冰室仍然人流如鯽，可見其招牌菜式仍然有不俗的叫座力。要數「星座冰室」最馳名的菜式，當然不少得蕃茄撈蛋麵。這碗「蕃茄牛肉撈蛋麵」，賣相不大吸引。湯汁較預期稠身，蕃茄味清清的，大量蛋花能為湯汁添香添滑。牛肉浸潤在湯汁之中，份量不少，味濃富嚼勁。麵食選用出前一丁，質素上比一般公仔麵優勝。當然，以近 $40 一碗的麵食而言，小編對食材的要求也會相應調高，使用出前一丁也十分合理。來一碗「雙丸白菜」，雙丸出品彈牙，白菜清甜味道不錯。相反，「秘製碎豬扒」出品很鹹，口感鞋韌，不太討好。「華田脆爆」可算是為小朋友而設的飲品，亦同時吸引到小編的目光。邊飲邊有脆脆享受都不錯喇！

星座冰室個番茄撈蛋麵應該係佢地個signature food (?)平平淡淡一個出前一丁，加上佢個獨特番茄撈蛋汁，完全將味道昇華到另一個境界！nomnommmm今次嗌左番茄撈蛋一丁加豬扒同蕃茄雞肉一丁簡單嘅食材，但口味極佳，I want one right now !!!!

細細個已經成日喺尖沙咀香檳大廈流連，四十年後重遊舊地，地庫星座冰室依然屹立不倒，由地面商場行落樓下，不能相信自己身處現今尖沙咀，走廊陳設與以前絲毫沒有改變！室內及走廊設都有坐位，我們就坐外面！餐廳出名芝士蕃茄豬排麵，當然我們一定食啦！好味！蕃茄滿滿又濃郁！豬排超淋！正！奶醬多士及油占多士又熱又脆！一定要試。

以前在尖沙咀工作，一個月總有357次到訪星座冰室，貪其夠地痞夠地道，一個人坐下便快靚正吃一頓好好的；今天本來約了朋友在尖沙咀，誰不知忽然被甩底，徬徨之餘就想起了它還記得第一次到訪，朋友帶着走過又殘又舊黑黑的走廊，拐過幾個彎才到達，今天來到卻感到一片親切。星期六下午不出意外地坐滿人，一個人隨便找張枱搭，悠然自得地叫一個蕃茄餐肉撈通粉，加加支懷舊大可樂，這樣的隨心隨意，又豈可是現在一式一樣商場食肆可媲美的

係尖沙咀放工，想食啲平平哋嘅嘢真係要諗一諗食乜好。一諗起平嘢，就諗起要來食番茄麵又健康又抵食。室內環境冇帶裝修，就好似一般茶餐廳一樣。舊式香港嘅裝修就呈現係眼前。我自己最鍾意食重番茄味嘅公仔麵，所以就叫左呢個番茄牛肉公仔麵。番茄味好濃又好重，但又唔會太酸，味道剛剛好。淨係見到紅卜卜嘅樣都已經流晒口水。牛肉煮得林可能唔會話太銀。之後男朋友叫咗個撈蛋炒蛋公仔麵，因為佢好鍾意食蛋而且佢話呢度啲撈蛋真係好夠味唔會食落口一patpat咁最後我哋仲叫咗一個大白菜。仲有一杯熱菜蜜 平平哋一人50零＄60就食到一個美味嘅晚餐。

有外國朋友黎香港想食一啲地道野，諗黎諗去都唔知食咩好，又驚逼又驚要等位，最後都係搵旅遊網站幫手帶我地黎到尖沙咀既星座冰室。佢喺香檳大廈既地庫，朝早行落去都覺得有啲陰森架，不過可能就係因為佢夠隱蔽，先更有神秘感，保留到舊日香港冰室既本身面貌。手寫餐牌，窄窄既卡位，年長既侍應同舊電視，去到朋友都忍唔住大影特影。可能依家都算有啲名氣，有啲外國人識，所以佢地都會準備英文menu比外國食客既。 不過講真，我覺得佢都只係一間有咁上下歷史既冰室，食氣氛ok，但食物真係唔係咩令人驚豔既菜式。星座冰室出名既係佢地既蕃茄湯底，所以我同朋友都好理所當然地叫呢一個系列既麵食，我叫蕃茄炒蛋通，而佢就叫咗蕃茄芝士牛肉麵。睇上去係好濃既蕃茄同厚到半隻手指咁長既蛋，撈埋尚算彈牙既通粉的確唔錯。但蛋味唔濃，亦唔係炒滑蛋，同埋市面好食有鮮味既茄湯越來越多既時候，呢個湯其實比唔到我任何驚喜架⋯⋯蕃茄芝士牛肉麵既芝士其實都只係加塊片裝芝士比你，當然呢間係一間平民化既餐廳，我又有咩好要求呢。我地仲叫咗一個炸雙丸，即係炸牛丸同炸魚蛋。呢個相對上有多少少驚喜既，新鮮炸起熱辣辣，爽口彈牙，真係有生命力既一粒魚蛋啊。 成日都以為呢啲舊

呢度嘅番茄芝士撈蛋麵真係名不虛傳，可以揀唔同嘅餸，加唔加芝士都得，隨你喜歡。本身自己就已經好鍾意食蕃茄蛋，但係點都唔會煮得出佢呢隻味，番茄酸酸甜甜，加埋滑一滑嘅旦花，好正。。公仔麵係我鍾意嘅硬身，小小麻油香味撈埋落番茄蛋度，好吸引。