星座冰室 (已搬遷) 新店位置

今日要去尖沙咀開會，會議十一點幾就完結左，同個同事諗住早少少食個午餐........點知去到厚福街，除左麵舖，間間都無開咁濟，諗黎諗去都諗唔到食咩好，突然「叮」一聲，一於去食好耐無食過嘅星座啦！坐低就叫野食喇，我叫左個蕃茄雞翼出前一丁，而同事就叫左個蕃茄牛肉出前一丁。野食唔駛5分鐘就送到面前。雞翼係家庭式嘅煎雞翼，至於個蕃茄部分就保持水準！麵底有少少一丁嘅味粉....嗯，係好味嘅！野飲要另叫....咁樣食一餐都唔平架....🙊今餐唯一美中不足嘅係...同事飲飲下杯野...有隻蚊滋仔飛左落去游水。