星座冰室 (已搬遷) 新店位置

有外國朋友黎香港想食一啲地道野，諗黎諗去都唔知食咩好，又驚逼又驚要等位，最後都係搵旅遊網站幫手帶我地黎到尖沙咀既星座冰室。佢喺香檳大廈既地庫，朝早行落去都覺得有啲陰森架，不過可能就係因為佢夠隱蔽，先更有神秘感，保留到舊日香港冰室既本身面貌。手寫餐牌，窄窄既卡位，年長既侍應同舊電視，去到朋友都忍唔住大影特影。可能依家都算有啲名氣，有啲外國人識，所以佢地都會準備英文menu比外國食客既。 不過講真，我覺得佢都只係一間有咁上下歷史既冰室，食氣氛ok，但食物真係唔係咩令人驚豔既菜式。星座冰室出名既係佢地既蕃茄湯底，所以我同朋友都好理所當然地叫呢一個系列既麵食，我叫蕃茄炒蛋通，而佢就叫咗蕃茄芝士牛肉麵。睇上去係好濃既蕃茄同厚到半隻手指咁長既蛋，撈埋尚算彈牙既通粉的確唔錯。但蛋味唔濃，亦唔係炒滑蛋，同埋市面好食有鮮味既茄湯越來越多既時候，呢個湯其實比唔到我任何驚喜架⋯⋯蕃茄芝士牛肉麵既芝士其實都只係加塊片裝芝士比你，當然呢間係一間平民化既餐廳，我又有咩好要求呢。我地仲叫咗一個炸雙丸，即係炸牛丸同炸魚蛋。呢個相對上有多少少驚喜既，新鮮炸起熱辣辣，爽口彈牙，真係有生命力既一粒魚蛋啊。 成日都以為呢啲舊