易牙妙手 (已結業)

同男友食過幾次,都覺得唔錯~每次都係晚飯時間黎,要等都係等幾張檯,唔算耐啦...牛肉面...牛肉好林,而家幾入味,不過d面好似差少少味呢...沙茶魚肉燥飯餐,都唔錯,肉燥都幾多...最鐘意佢既珍珠奶茶,唔會太多珍珠,而家味道剛好,每次都會叫呢個餐飲...真係幾好呀!價錢都ok...

之前有朋友返HK,我地行完街仔就求其搵左個地方食飯...大家都未試過呢度,所以就試下la...唔錯bor...無論係小食定主菜,全部都唔算...小食拼盤幾多款式,份量亦唔少,都幾抵食...咖哩面包魚...都幾好味,不過size比較細,好似係咁抵食...其餘o既已經無乜印象,但overall都係唔算o既一餐...

同男友諗唔到食咩, 見好耐之前話想試呢間野, 所以入左去.睇完個menu其實都覺得無咩特別...我要左魷魚羹麵- d魷魚唔掂, 麵一般男友要左唔知咩蕃茄牛肉麵- 佢\話湯底好油, 味道一般仲要左一客醉雞扁拼麻辣豬耳- 非常一般埋單$101呢個價錢可以有更好總括黎講係唔會有下次

「易容高手」我就識，返工遇到好多，「易牙」真係唔知點解…尋晚收工原本諗住去女人街搵嘢食，度度都爆晒棚。行行吓上咗嚟，見到萬人空巷等住入板前，好似唔使錢有米（壽司）派咁。行過見到呢度有張二人枱吉咗，嗱嗱聲走入去坐低。佢中間張大枱好搞笑，正方形每邊可以坐三個人，遇著一對對人嚟食有時要分兩邊轉角坐。中間有個水缸浮住啲假花咁嘅擺設。靚唔靚就見仁見智，不過全店都叫做有裝修先。叫咗一碗魷魚加拚貢丸羹麵、一碗大腸麵線、一碟滷水牛腱、一碟鹽酥雞。羹麵即係稠嘅湯麵，味道唔錯，啲魷魚仲好過我幾年前喺西門町食到嗰啲，起碼真係有魷魚。大腸麵線味道近似台灣地道出品。牛腱一啲都唔特別，卅幾蚊一啲都唔值。鹽酥雞又淡啲粉又上得唔好，同台灣食到嘅相差甚遠。見餐牌上嘅飲品選擇咁少，廿五蚊杯胚芽珍珠，寧願落樓下對面幫襯happy lemon。

休養生息左一個星期~我又出動搵嘢食啦~kekee行行下街心血來潮想做貧窮人，所以搵咗一間幾廿蚊落樓的餐廳，食晚飯幾廿蚊，哈哈，都好抵呀～我哋一人一碗麵：紅燒牛肉麵－＞牛肉好”淋”，而且好入味，佢仲放左紅蘿蔔一齊煮，感覺無咁齋燕餃貢丸麵線－＞我成日都覺得呢度啲燕餃幾特別，因為好少可以喺出面有得食，雖然啲燕餃無乜味，但係夾埋個湯呢，味道就剛好．個貢丸呢．．．唔．．都無乜特別．雖然我覺得佢個湯底比較油，不過呢，兩個人埋單都係$67，又唔駛加一，哈哈，好抵的晚餐．

叫了兩個定食。飯唔好吃，汁燒雞扒ok，菜無味，個魷魚小食就ok。我吃的是貢丸麻辣冬粉，即係有d似紅薯粉或粗粉絲之類的東西，都夠辣，呢個唔錯。加$10要了春卷，都不俗。夠熱囉。但完全無醬料比人點，好唔主動。位又窄，成日比人撞。唔比貼士又好似有面色睇咁。

本身唸住同老公去食板前,點知一樣好多人排隊,簡直不知會等幾耐,唯有去隔離食pizza,同樣要等大約5-6張枱...好肚餓..唔等啦..唯有食呢間..老公食豬扒定食,大約50元,份量少只有一塊豬扒,一碟油菜一碗飯男仔食未必夠而且不大好食,不值><而我食了魚旦撈面,但係無味道,唯有勁落辣汁,先有點味,落完後好味好多..不過服務極度差..叫極加水,無人理..連叫埋單都無人啋,真係想發火..

今日同同學食lunch, 3 個人都係叫set lunch 炸雞扒飯($30, 包一杯飲品)，佢地話係最好食的。個飯果然不錯，雞扒有手掌咁大件，香噴噴、脆卜卜，炸醬很薄，隱約見到雞扒上有一些五香粉，真的好香。再食下啖飯，好Q的感覺，唔似係一般白飯，我想應該係台灣蓬來米，而且佢落左一些醬汁，好香薑同冬菇味，略嫌飯不太夠熱。仲有飯裡頭放左幾塊番茄，配合塊炸雞扒，感覺好清新。我杯餐飲係珍珠奶茶，茶同奶味洽到好處，但對平時飲開少甜的朋友可能偏甜左少少。同學叫左杯柑桔青檸，顏色都幾靚，不過佢話酸左少少。最後值得一提的是，餐廳會奉送每位客人一碟清菜，雖然不值錢，但係我覺得足以反映老板對客人的誠意招待，呢D 咪就係做生意囉，小財唔出，大財又點入呢？。睇完其他食評，下次一定會再去試下佢地的麵線！

同小抓牙飲杯野~睇下佢有無我心.買d手信俾大佬我嘛~本來打算去家樂星巴克~點知好鬼多人...唯有轉去樓上易牙~因為食個茶餐包野飲都係20蚊~都好似幾抵~而且仲唔加一入到去睇到d員工開緊餐~不過都有人招呼我地~叫左奶油厚多士~加左5蚊轉荔枝梳打~佢話杯野偏甜~我見佢飲得好慢~ 奶油多士應該ok啦~佢話之前食左碗米粉好飽,都仲有胃口食得晒,應該ok o既,我幫佢切開果陣,都知道應該係幾脆我叫左大腸麵線同凍洛神花茶(唔駛加錢,我去台灣都會飲依個,因為有美容功效~而且我鍾意酸酸甜甜o既感覺)個大腸麵線認真唔掂,麵線只有數條,大腸兩舊半,成碗都係湯羹~好鬼咸~我去城市超級買包番屋企煮好過佢下次再黎食其他野

06年10月23日剛由台灣回港沒多久,我又想念台灣的美食了這家店的老闆是台灣人,水準應該不錯吧．．．點了羊肉麵線, 小的滷肉飯及肧芽珍珠羊肉麵線- 麵線很幼滑，像台灣吃到的一樣，羊肉燉的差不入口即化，但湯底稍甜，跟台灣中藥成份重的湯底太遠囉滷肉飯- 台灣的滷肉飯是把肥豬肉切成小粒，這裏是用肉燥，我還是喜歡台灣的那種肧芽珍珠- 奶茶很香滑，珍珠很Q，肧芽有咬口，甜度適中，很不錯！照片請看這：http://www.wretch.cc/album/album.php?id=foodiebarbie&book=78

早幾日同男朋友去食,叫左1個大魯肉飯,皮蛋豆腐,咖哩魚包,大腸麵線,本來對咖哩魚包有d期望,但原來個包好細都不特止,裹麵有2塊魚,2-3 粒薯仔,因為個包太細所以溶不下太多咖哩汁,攪到咖哩魚同薯仔已經小,d汁更加極少,$40幾真係唔值,另外所謂既大魯肉飯都係好細,一個男人根本唔夠食,魯肉都好少,唔夠送飯,皮蛋豆腐味道ok,但都係果句--好少皮蛋,得2小塊,少得恐怖,仲要$24,最後大腸麵線都幾好味,$18但size一樣係迷你版,這個我order時店員已話左俾我知,大腸麵線係"小食",所以好細!總括黎廣,對這間店期望唔好太多,食下午茶會岩d,晚飯就no way la!!!

　　今日下午兩點幾去食，因為對set無乜興趣，所以散叫，但都幾貴囉！　　我叫左魚丸魷魚羹冬粉（走青），再加一個涼泮小黃瓜。　　小黃瓜先來，份量極少！完全唔值20蚊，仲有個味怪怪的，總覺有點”壓”味，毓民牛肉麵ｄ涼拌青瓜好食好多！仲有，我碟野都未食完，就不斷有人問我仲要唔要，我都未食完，做乜要收我碟野喎！真奇怪！　　個冬粉話明要走青，來到又係有青係面！唉，咁我做乜要同你講呀！仲有，冬炒份量ｏｋ，但ｄ餸就超少！得兩粒魚丸同兩”舊”魷魚，30蚊喎，有無咁矜貴呀！　　埋單走，$20+$30，加埋一應該都係$55，點知張單係$57囉，後來睇單先知原來冬粉要加$2，餐牌唔覺有講，落單又唔講，原來覺得被人屈囉！　　但更奇怪的是我俾六十蚊佢，佢找番七蚊俾我，都唔知係佢找錯，定係我睇錯單，是但！但整體感覺差了！

3 個人黎食lunch，同事A order 醉雞泡飯跟洛神花荼，同事B order 茄子魯肉飯跟鴛鴦咖，我就order 左燕餃湯麵跟涷珍珠奶茶。同事話醉雞泡飯麻麻地，而杯洛神花荼似酸梅湯既味道。茄子魯肉飯一般，D 茄子味道好淡。我果份呢，燕餃幾好食，但個湯麵唔掂，珍珠奶茶OK。Lunch set 由$25- 起，仲唔洗加一，都幾抵。環境都ok。不過西門町多野食好多。

真的很解渴, 不過我仍未分到同酸梅湯有什麼分別！乾麵好味過湯麵..D湯完全無味！下午茶既春卷好抵食, $10有6條,不過大腸麵線就好希...好水...不算好味係旺角區來講尚算抵食

幾個人7點左右去到, 冇乜人, 得3、4枱左右點左幾個定食, 味道同份量都好一般, 不太吸引..