易牙妙手 (已結業)

今次講下佢個咖哩飽啦~!呢個幾好食喎!d咖哩做得唔錯~好香又唔太鹹~仲有就係有少少辣~(我本人係好怕食出面街果d唔辣ge咖哩ga!)因為我唔食魚~咁我就叫左個咖哩雞啦~f雞都係汁燒雞肉果隻雞~夠香又夠脆~正!果籃麪飽(見上圖右)浸左落d咖哩度食又香又脆!一啖就食到一舊索左好多咖哩ge飽!正呀!不過個麫飽盅(圖左)就...........個皮好厚~趁熱食都ok~但係如果凍左就會變得好硬~同埋個盅索得太多汁!不過總括黎講呢個飽都真係幾好食!

尋日去食下午茶,我就冇乜胃口,我男朋友叫左個tea set,係既凍冬粉,加杯野飲,都係18蚊,價錢ok,再叫左個炸花枝丸,個冬粉...個唔知係汁定湯既野,好甜又好鹹,唔知想點,個花枝丸炸得過火,個wasabi既醬唔得,應該係加左煉奶既,好甜,可能我除左甜品之外,其他野唔鐘意甜啦,所以我覺得呢2樣食物唔得law...杯柑桔lemon,似道地...另外d service麻麻law...我覺得...

尋晚同女友係旺角諗唔到食咩好,於是乎我地行左一陣就去左家樂個間易牙妙手食飯!去到既時候,門口既知客小姐問我地要吸煙區定係非吸煙區,我地揀左非吸煙區(因為我地2個都唔食煙)埋到位坐低,發覺後面有2,3張table都有人食緊煙,咁我就係落order既時候問位侍應,lee度係唔係非吸煙區,佢答"係"...咁我就話後面有人食煙...佢答:"因為多人,所以..."(真係咁答...我同我女友都O晒嘴,真係無奈!!!我唔明當時出面佢所謂既吸煙區係有好多空位...講返食物方面...我地叫左個汁燒雞肉定食同一個魚丸湯粉...d野水準下降左...魚丸湯粉之前未食過,so無得比較但係個定食d雞又乾又o鞋...比起以前差好遠同埋定食個前菜無左...變左個一舊唔好食既甜品下次都要諗下先再去

好~上兩次講左佢一部份食物~今次再講多少少皮蛋豆腐係我ge至愛!真係好好食~同出面果比呢個好食好多~就咁食同撈飯食都咁好食!但係一定要即叫即食~因為如果放到暖左先食就會一pat pat 水嬲嬲好似溶晒咁~食之前要搞爛d皮蛋同豆腐先食~以前叫午餐可以加$10食~而家唔知咩事冇左!激死我!如果要我俾原價$20食我又覺得唔抵~$20食皮蛋同豆腐呢d低成本野~我去街市用$20可以整好多個皮蛋豆腐喇!之後又講下汁燒雞肉包~之前下午茶$18有杯野飲~仲要唔係咖啡或茶果d行貨~係荔枝玉露金桔青檸果d~抵食啦!食個macdonald餐都要廿幾啦~!個包同雞肉都一樣外脆內軟,又入味,加多塊生菜真係食呢個好過食麥記啦!不過面定好似冇左!真係衰講左d而家冇ge野~講番d有ga 啦~下午茶吐司$15有野飲~ok啦~去仙跡岩都廿六啦!推介佢個椰香吐司~一樣外而脆入面軟~比平時食果d細件少少~椰香鹹甜適中!黃金玉米卷好似去酒樓食果d沙律海鮮卷咁~不過入面係粟米加蟹柳同沙律醬~試過一次過食三碟!正!唯一美中不足係d蟹柳麻麻地~好明顯唔係高價野~冇蟹柳味~星期四會去試下佢個咖哩包~試完再上黎寫啦!

又寫下食評先~佢地上年年尾開左張vip care~儲12個印仔做vip~頭4個有9折,5-8個有8折,9-12個有7折~不過都冇用啦~做vip又唔會出一張長期vip card等我成世都有折~好彩之前開左幾張card~仲可以有多d chance有折~呵呵好~講番食野先~之前佢寄左一張coupon俾我去食芝心墨魚丸~個墨魚丸幾好食~但入面果d芝士就真係鹹到飛起~佢地話如果我下次食可以同我加沙律醬而唔加芝士~雖然佢地d沙律醬係幾好食~但計我話如果加魯肉就仲正!一咬落去d魯肉汁就"bit"出黎~正!不過算啦~成$42得6粒~太貴喇~我寧願食'黃金玉米卷'~$40就已經食到兩碟~又好味!早兩日我又去左食野啦~而家食lunch冇左加$10有皮蛋豆腐~咁我就加$10試左佢個腐皮卷~嘩!唔得~d皮唔脆!又油淋淋~入面d餡一pat pat~唔得!魯蛋豆腐一時時啦~有時好~有時唔好~有時好似"水嬲嬲"咁~豆腐還豆腐~水還水~"稀淋淋"咁~但個女店長之後同我叫廚房用一個special ge方法煮~之後真係好食好多~但我唔知點整~可能係叫廚房將d豆腐浸落d魯水汁度煮啦~個蛋就幾時都好好味~我而家次次都叫佢地用

呢間野我幫趁左好耐喇~我好like佢果d裝修啦~皮蛋豆腐又好好食~仲有黃金玉米卷啦~汁燒雞肉啦~豆沙香蕉酥啦~吐司啦...............真係多到一次食唔晒呀~佢出左vip card之後呢我仲食得多呀~哈哈哈!真係食到果度d waiter 都認得我喇~!哈哈哈!!!仲有佢d飲品都唔錯ga~係濃左少少咁啦~次次我都會加冰溝淡佢~而家d waiter都好識做次次都自動先覺攞杯冰俾我~好詭異ga~!!!!順帶一題,冇vip card都唔緊要~忽然一週果本飲食男女好多時都有coupon ga!!

其他麵食都試過，始終覺得羹冬粉至正點！好有台灣街頭吃的味道！點點酸的湯底好開胃，湯羹”傑傑”的，好襯冬粉～還愛上了新出的情人果冰，甜甜酸酸的芒果襯埋ｄ冰冰，消暑良品！細細柸剛剛好．環境也算不錯，家樂商場那間有張大檯中間有個荷花水池，對住個池食，都幾有情調ＧＡ～☆　情　人　果　冰　☆用台灣獨有青芒果，加上糖，醋而成．一年只有兩次機會吃到，試後有回到童年時吃雪木瓜之感覺．（店內介紹）

好味又飽飽既定食,有一大碗白飯,一碟有三件既魚柳,煎得脆口但係又唔油,皮又唔厚,幾好,而且魚柳同沙茶醬分開,唔會搞到皮淋晒,又可以自己點幾多都得,仲可以用醬點白飯添!比我想像中好味!仲有一杯豆漿,豆漿唔係好甜個隻,幾有豆味!熱豆漿,一上桌,面頭就起左一層皮,令我想起熱鮮奶,哈哈!

我食左羹冬粉好耐,起初同你一樣唔係太鍾意,但係食下食下又覺得好好食,因為去過台灣之後,覺得易牙妙手D味道好似,後來知道佢地台灣都有分店同埋D材料都係台灣入口,建議你再試多幾次接受一下原台灣味道,好難有一間舖頭做到呢隻味,香港人試多幾次哪.

因為見到食評有好多人話冬粉好食,所以我專登黎試,但係同自己expect既差好遠!我要左個魚丸羮冬粉,魚丸就幾好味,原來係有餡既,唔係一粒魚肉咁簡單,幾得意!但係我諗係因為個湯底既問題,令我覺得碗粉好難食,個湯底真係羮黎架,好杰,作個獻咁,d粉又無味,好似一pat pat,我覺得唔好味!其實我唔知係咪我叫錯左?係咪有唔係羮既冬粉?請指教!

昨日去左食佢既素食餐,有雜菜冬粉, 涼豆腐同飲品~冬粉有生菜, 椰菜, 秀珍菇, 芽菜同蘿蔔絲,幾鍾意食既湯底次次都有d藥材味,豆腐都ok啦, 有兩片, 都唔小的~$25 幾抵食~

朋友帶我去食, 環境ok靚ga~ 我地叫左沙茶魚柳同汁燒雞肉定食, 加可以$3轉飲荔枝玉露, 不過我覺得甜得滯…但d 小菜真係幾好食, 價錢都只係四十幾, 幾抵~

呢間分店既環境唔錯,幾舒服。可能大家通常都會叫套餐者定食,但係我個日去食lunch,口淡淡又無乜胃口,於是叫左個冷麪,原來又幾好食喎!好食既精緒在於佢個汁,d 芝麻醬好好味,撈落d 麪度好夾!

鋪面裝修唔錯,望落幾舒服,入面有啲雀籠做裝飾,幾特別,啲座位窄咗少少,不過坐得都幾舒都幾多人去食,兩個人去到得咗陣先有位,啲侍應服務好好,又會講普通話"歡迎光臨",又幾有禮貌,又會自動酌下茶,服務好周到架喇!!!今晚食咗雞扒定食,豬扒定食,黃金玉米同奶凍.....兩個定食之前都有人提過...我覺得都好食架...不過普通咗少少,冇乜等別...聽倒隔離位女仕話啲飯好核突,不過珍珠米煮,不過不失丫,都幾大碗架~~黃金玉米好食架,因為我鐘意食,但係去飲茶都好易食倒囉~~奶凍呢....一見倒就覺得好似"統一牌"果啲囉....我覺得太硬,又唔夠滑,唔夠奶味...."統一牌"好食好多囉~總括黎講啲野都幾好食,不過冇乜特別~~食咗咁多野,兩個人每人$60...計埋環境服務係好抵食架~~

汁燒雞扒定食- 一碟汁燒雞扒一碟前菜係炸菜一碟酸辣黃芽白一碗飯同野飲雞扒煎得幾入味唔錯個開胃小食好味d鹽酥雞扒定食- 配d野同上d酥炸雞扒有咩鹽味好dry 但剛剛炸起好脆都唔錯"由"魚湯冬粉- d"由"魚係用half肥瘦肥肉包住兩條"由"魚的好得意好好味個湯有藥材味個人幾鍾意有六條個冬粉淋左d炸花枝餅- 超油淋pat pat的重以為係彈牙果隻草露- 係甜品最正哩個cold食的個skin係好d水晶包的那種好煙un 裡面係紅豆真係好好食呀