易牙妙手 (已結業)

係旺角想食台灣野,本來想去西門町,但成9點都仲好多人等位,所以先去左呢到食,去到等5mins就有位~-滷水拼盤(賣相唔得)-魯肉飯(少魯肉多青瓜)-紅油燕餃(一d都唔辣)-炸豬排定食:前菜+時菜+飲品+$5轉魯肉飯-珍珠奶茶(太重奶味)/荔枝玉露(無椰果)總括黎講味道都OK既,價錢同食物都成正比不過如果2個人去會搭枱囉,好彩我地3個人~ha有多款信用咭簽賬都有10% off~

2個人﹐1男1女﹐星期日晚想去食台灣野﹐旺角區基本上選擇可以話好多﹐但唔駛點等既又真係好少﹐又或者我唔識。咁0岩上網見到呢間評分都ok﹐即管試試。叫左1) 紅燒牛肉飯: 基本上係紅燒牛肉麵唔要麵﹐另外俾碗白飯。湯底味道幾好﹐微微辣﹐少少甜﹐牛肉味恰到好處。蘿蔔好"林"﹐好入味﹐牛肉都係。係一個好適合送飯既菜式。2) 魷魚羹麵線: 魷魚好爽﹐羹"傑"既程度大致同台北既差唔多﹐但就冇茶瓜﹐有酸菜(或者係泡菜)。整體味道幾好﹐只係我本人唔係太鐘意呢類野食。見到隔離叫蒜泥白肉﹐賣相不俗﹐下次試試。

同朋友一聚，無咩目的地之下，來了這裡。發現餐牌轉左好多，普遍當然是貴左。一個普通的台式Set都要$60，還未加一。食滿$200，用信用卡有10% off。我地三個人，叫了一個紅燒排骨麵的set,另散叫其他，包括麵包咖哩雞，石鍋雞肉飯，魯肉飯。整體以紅燒排骨麵最好味，真係食唔停口。埋單$195，無得用信用卡優惠添。呢餐我請，因為補祝呢個朋友生日。最緊要開心。同佢食飯真係幾開心，因為我地會有不盡的話題。成餐飯唯一不滿的，係某個長髮waitress的面色，面黑不止，還露出煩厭同好disgusting的表情。

星期日同人傾計見佢有tea set而且價錢又唔係貴~環境又不錯~所以黎依度食~叫左個汁燒雞肉河~個湯底幾好幾濃~d河都好味好滑~不過我就感得d雞太硬~都係d炸定左既雞肉~仲有個炸豆腐都係麻麻~純粹靠d汁~而tea set既飲品建議飲+$3果d~足料好多~否則都係濃縮果汁沖出黎......食左2個鐘~因為要做夜市要趕人走~不過都體諒既~所以都不錯既~

08.02.12　易牙妙手@旺角個人很喜歡台灣料理（因為熱愛台灣嘛）旺角這家易牙妙手我算是常客今天跟同事從朗豪坊趕來這邊吃午餐就是為了一杯，我想念了很久的胚芽奶茶這裏的午市套餐有大約八款左左可以選朋友挑了魯肉茄子飯我挑了有飯有麵的魯肉飯＋大腸麵線魯肉很香，配菜青瓜酸酸的很醒胃，白米飯今天稍嫌太軟了大腸麵線有點微甜，大腸煮的軟稔入味，吃完魯肉飯這個只能吃一半，好飽哦！熱胚芽奶茶，胚芽脆脆的口感，配上香滑的奶茶，一級棒！詳細的網誌請看這:http://www.wretch.cc/blog/foodiebarbie&article_id=9811626

1/16, 我哋四個人叫咗兩個套餐-- 汁煮雞肉跟鹵肉飯($60 + $5), 同排骨湯麵($60),每個餐跟小碟餐前小食, 及一碟菜, 估唔到個份量都幾多喎~~同埋啲嘢都ok 幾好食, 但估唔到個菜係少少辣架! 鹵肉飯真係幾正, 下次可以試下就咁叫鹵肉飯($22) 食!! 另外再加咗個「雞肉石鍋飯」($50), 不過唔記得映相, 唯有後補餐牌張相頂住先........個石鍋飯都唔錯, 料足, 但本身冇乜味, 要加佢附送既醬伴飯食, 不過個醬都幾辣!! 同埋好細鍋架咋~~ 我諗最多得兩碗飯, 所以緊緊夠一個人份量呢~~再跟餐同老公share 杯荔枝玉露, 仍然係幾好味, 朋友就叫咗杯熱檸茶(餐牌寫: 檸檬紅茶), 埋單$192.5, 每位$48 左右, 價錢都算合理, 不過四個人都只有七成飽咋~~算啦! 當留噃個肚用嚟食甜品啦!!

好難食食左個茄子豆腐飯零醬汁茄子真係得一陣蔬菜味豆腐真係淡而無味其他野食都只係中下, 完全無驚喜係坐得幾舒服不過以後唔會再黎

魯肉飯- 可以算係成餐飯麵類最平既一個, 但size一d都唔細, 好多飯, 魯肉就相對少, 唔夠撈晒d飯. 味道都唔錯, 幾香.麻辣牛肉寛麵- 估唔到, 呢度既麻辣真係好辣, 真係辣到噴火. 好彩我係愛辣之人, 所以越辣越好, 太辣既關係, d 湯底既味已經嚐唔出啦. 牛肉其實係牛, 唔夠淋, 牛肉味亦都唔重. 而寛麵就有少少似薯粉咁, 都幾吸d麻辣湯, 原本無味都變得有辣味.鹵水雙拼- 拼大腸+蛋. 一般啦, 都幾細碟, 蛋一隻切開兩半, 大腸就只得幾件. 味道可以.木糠芝士粒- 係甜品. 其實食左都唔知係咩黎, 好似雪糕咁, 凍食會溶, 但又比雪糕硬身d, 幾特別, 唔錯!

到我同老公慶祝新一年,繼續搵又抵又好食既嘢!我哋叫咗個二人餐($118), 有五個餸 -- 貢丸、燕餃、蝦丸、魚餅、鹵肉,再揀配咩湯麵, 本來叫咗羹麵, 但落錯單, 嚟咗清湯(豬骨味), 不過都幾好食!嚟到後, 個麵真係嚇到我哋定咗形!! 因為超大碗呀! 我諗個碗直徑有13" 左右!!估計有四至五小碗麵, 真係三個人都夠食喎!!另外小食可以四選二, 我哋叫咗鹵水豬腸同豬耳, 個汁係用嚟點豬耳既, 樣樣都幾好味!! 唔錯喎! 仲有可以叫兩杯嘢飲, 我叫咗珍珠奶茶, 老公個杯係荔枝玉露,都唔差喎! 荔枝玉露夠晒味, 珍珠奶茶就重奶味, 不過都幾好飲, 啲珍珠都好食呀!最後我哋又清晒啲嘢, 正確啲講係老公清得晒啲嘢食, 勁!!仲有呀! 雖然落錯單, 但呢度既職員服務真係幾好, 碗麵我哋食到一半, 佢都話幫我哋換, 只係我話已經食咗啲, 唔換喇! 費時好似呃咗人咁啦! 再講個湯底都ok 丫~~ 最多個「羹麵」咪下次食過囉~下次嚟旺角諗唔到食乜, 都會再嚟呢度食過!

因本人已往經常到易牙妙手用膳(一個月都有幾次),十分熟識餐牌菜單.但這次發覺餐牌已轉,餐牌上沒有了以前經常吃的配搭(例如米粉轉麵),所以便找個侍應問問.但男侍應的服務態度十分惡劣說:你0係邊度見到有呢樣野,我就唔知有啦,你指俾我睇!(個侍應仲要一路un 下un 下個身,一路番我睇緊既餐牌) 其實無既話,你話無咪得!如果當時唔係同d唔係甘熟既朋友一齊,我一定叫經理出來,同即時走人! 之後,我唔叫佢,叫第二個侍應.那位侍應禮貌地說沒有.所以便叫第二款食物.食完,朋友仲同我話d野唔好食~經過呢次,我都唔會再去呢間野! 因為新裝修過,環境係好左.食物差左d,仲無以前甘多配搭.同埋其實其他女侍應服務態度係幾好.

今晚去左食,,等位都唔算等好耐2個人share一個定食套餐~~我地叫左紅燒排骨飯定食,,個飯轉左魯肉飯anyway`我鍾情魯肉飯囉= ]好食既紅燒排骨好似冇乜味,,定係我鼻塞所致呢?之後叫多個木康芝士波呢個真係麻麻,,冇乜特色值得一提既係waiter既態度佢地完全留意唔到邊度揮緊手,,淨係掛住上菜俾人=__=都幾鬆散下

話說今日我同男朋友八點幾去九龍灣食飯，見易牙妙手開左一段時間都未試過，咪去試下lor~~咁一坐低，個待應比個餐牌我地，之後我地落單，點知d待應掛住傾偈，要個阿姐叫先不情不願咁過黎。我地一人叫左一個餐，我一向like飲芋香珍珠，咁個餐冇跟，我都預左要加錢，不過都冇所謂啦~我同男朋友一人叫一杯，點知一講完，個待應用好串既語氣話轉飲芋香珍珠要加八蚊，不過都算，大人有大量~~點知杯野黎到，飲一啖，好難飲，成杯稀稀的，飲每一啖都有d粉係度，d珍珠完全冇味，正常一杯香芋珍珠，加左係香芋奶茶後，食落都會有點香芋味，而呢杯嘢冇香芋味，得個甜字~~不過平心而論，野食不過不失，標準味道~~到左埋單既時候，我地坐係櫃台前面，果時有個人係度做野，咁我地叫埋單，正常佢會見到，係呢d時候我覺得佢應該叫一叫其他人黎幫手，但佢竟然可以係咁做自己野，仲同人傾偈，理都唔理，之後都係個阿姐大大聲叫，先有人黎幫我地埋單~~呢一餐我地食左一百四十九個六，我男朋友比左二百蚊，點知個待應係咁望住d錢，張單仲放係我地面前，好似我地比唔夠錢咁~~我覺得九龍灣易牙妙手d服務真係好唔得，成個服務團隊好鬆散，明知呢d時段比較多人，d待應仲可

晚上來光顧,人客不算多點了燕餃麻辣面就是一般台式的香辣沒有什麼特別燕餃有5大隻味道也普通反而面條夠彃牙不會過稔還有豬大腸米線這個味道說不出那裡怪我和友人都覺得不好吃豬大腸也偏少 那裡的SERVICE也需要改善見到經理在客人面前指點員工還有員工對菜式也一知半解

今晚與女友和由美國回來的K小姐飯聚. 等位都等左幾耐-差唔多半個鐘.K小姐嗌左紅牛肉麵. (佢話幾唸,但個湯底有d似青紅蘿蔔湯)女友叫左汁燒雞肉定食(呢個ok)我叫左紅燒排骨定食(佢係紅燒牛肉麵個湯轉左做排骨) 但d排骨一般仲叫左滷水拼盤(好食wo esp個蛋)但係珍珠奶茶唔夠好飲埋單$199 抵架!黎MK食台灣野都係會首選西門町麵食之後到呢間因為呢間比較普通.

約了很久不見的阿哥晚飯。本想吃壽司，可是見到長長的人龍就卻步了。行至家樂商場，阿哥說喜歡它的住家感覺，於是選了這兒。當時座位很緊張，被安排坐在中央的大方桌，環繞著一挺幽雅的水池，同桌的還有很多陌生人。由於我倆都不大肚餓，所以點了對面食客所吃的那個二人份量的湯麵套餐。湯麵的賣相不錯，份量好像很大，其實吃落也不算很多。湯麵配料有小棠菜，燕餃，貢丸和不知名的丸類，味道普通；不太喜歡它的麵，質感和味道有點奇怪。不過，這餐晚飯也吃得滿開心呢！^^