明記海鮮酒家

营业中

休息中

]玩左成日, o係下白泥搭返33號小巴 $8.x 去流浮山食海鮮, 咁多間都唔知邊間好, 都係睇"開飯網"最多人推介的明記海鮮.6點幾就到, 所以無咩人, 搵左個靚位就坐底, 寫左兩款小菜, 再揀3樣海鮮就等食.先黎個送的魚湯, 我其中最喜歡就係魚湯, 煲得有水準, 湯夠白足料, 唔會好重胡椒味, 凍左d飲都唔會腥, 真係唔錯! 所以都飲左3碗. 蒜蓉炒介蘭, 炒得香, 菜夠爽! 好大碟的生炒骨, 夠成圍枱食, 汁夠酸甜, 但最可惜肉un, 係依味唔合格. 蒜蓉粉絲蒸開邊蝦, 好正, 有時出面會食到d蒜唔夠香,太生或太熟, 但依度真係好有水準, 中蝦新鮮, 最重要粉絲吸晒d精華, 一齊食最perfect, 唯一係個豉油汁欠了點鮮味, 淡了點.花甲都係蒜蓉粉絲蒸, 一定唔會差, 只係花甲蒸完縮到以為比人換左隻細size咁, 同個殼唔合比例. 果皮蒸大隻鮑魚, good!! 肉厚唔un, 果皮香, 食前淋上豉汁, 無得頂!! 食前都見人講流浮山食海鮮比較貴, 今次埋單$447/, 係偏貴了, 但店舖食物有水準 (除了小菜 : 生炒骨), 服務亦一流, 無人地講到服務好差, 真係兩回事,

父親節，一家四口諗住去食個海鮮... 點知... 由頭差到落尾... 一入門口，問個阿姐有冇位，阿姐話埋緊單有，去揀住海鮮先啦~~~阿姐們好熱心咁話"呢邊啦…呢邊啦" ，行咗兩步，响正隔離的…叫咗一斤蟶子、三隻巨賴尿蝦、四隻元貝同一隻斤零重的龍蝦…搞掂咗啲海鮮，行番去問阿姐，係咪有位啦… 個阿姐淨係話上去啦、上去啦，果張就係架啦…兼但冇人帶位~~~ (小弟第一次黎，又會知係"果張"啦~~~)咁算啦… 只係想開開心心食餐飯… 跟住有毎口阿姐走上嚟問海鮮點整~~~ 咁順序答佢︰鼓椒蟶子、椒鹽賴尿蝦、蒜蓉粉絲蒸元貝、上湯伊麵龍蝦… 跟手問佢有乜菜… 阿姐話得生菜、菜心同通菜… 小弟的媽媽只係問多句是那一種通菜… 阿姐居然答︰咪街市五蚊一札果啲囉~~~ ok … 我算… 跟住再諗緊想食乜果陣阿姐己經影都冇… 五分鐘內一個侍應都冇… 咁小弟唯有落去加單啦~~~ 終於搵番果個阿姐，我想加單小弟︰有冇咕嚕肉？阿姐︰我哋得生炒骨小弟︰咁生炒骨啦… 有冇味菜牛肉炒麵？阿姐︰牛肉賣晒… 我哋得干燒伊麵小弟︰我哋已經有伊麵，咁有冇炒飯？阿姐︰我哋得楊洲炒飯小弟︰咁楊洲炒飯啦阿姐︰咁要大、中定細呀？小弟︰咁碟

一行十人專誠走到流浮山遊玩+食海鮮！入到去發現有太多間食肆, 左揀右揀都唔知邊間好！唯有試試之前o係雜誌見過既明記啦!!四點幾先去留位, 點知全晚full booking...老闆娘建議我地一係六點黎都勉強食到！估唔到咁旺, full-booking得應該水準有番咁上下掛...所以我地決定都試下!!入面有三層!都迫迫地...同埋都幾嘈!我地原來要落留下先揀左海鮮，然後再話佢聽點整佢先寫單！但人手不足既關係, 我地揀完海鮮好耐催極都未有人同我地寫單...落單後都等左一段時間, 等緊期間有位侍應姐姐好好心提我地可以問老闆拎免費例湯飲住先!!果然老闆都好闊綽拎住盅豆腐魚湯我地飲!! d湯煲到奶白色, 好鮮甜！應該落左好多魚去煲!上菜速隻都係麻麻...至於d食物都ok...因為d海鮮好新鮮!!我個人最回味係辣酒煮花螺，d螺整到入哂味好正！最差係個蝴蝶蚌~因為蒸得太熟既關係, 所以有d咬唔開....蠔我地叫左兩味！以薑蔥做法好味d!! 可能同蠔夾d...所以好香!!講一講個招牌炒飯, 我地十人叫左個大既...佢既份量真係大到足夠我地食!! 不過同普通茶餐廳的炒飯無太大分別!只係多左d蝦~~另外,

為左慶祝自己升級, 我決定請朋友食番餐海鮮, 其實我去流浮山都食左有10年, 之前一路都係去雄記買野, 跟住去海景食. 不過上次係雄記買料時, 阿事頭婆叫我下次可以試下明記, 咁我諗住試下新野, 點知呢次真係中晒招!!!!!1) 白灼九蝦 評價: 味道ok, 因為d蝦新鮮又白灼根本好難會唔好食2) 豉椒炒蟶子 評價: 開頭俾佢賣相以為好好味, 一食落去好淡, 無味(鮮味都無)要落豉油3) 海鮮湯評價: 全晚味道最正常, 因為我叫雄記私人送左一隻蟹同一條魚加料, 如果唔係唔知d例水咩味4) 蒜蓉粉絲蒸象拔蚌仔 評價: 又係完全無味, d粉絲仲蒸到乾晒5) 老虎斑2味(炒球)評價: 真係未食過d肉咁"林", 完全唔似老虎班, 仲要大舊個d有少少生, 都係個句---無味, 要加蠔油6) 老虎斑2味(炆骨)評價: 全晚最過份的一道菜, 我條老虎成6斤2, 之前炒球都唔算多, 諗住炆骨都好大碟, 點知同平時食3斤幾差唔份量, 我地食左一半都無人食到有頭, 全部骨多肉少, d魚用好多粉炸, 我地叫佢炆乾身d, 佢就炸乾d魚再加少少汁, 根本都無炆過---又係個句無味, 好少食到一半已經唔想再食落去

今天（年初二）一行６人，本來懷著甚好的心情到此店吃晚餐．但此店實在太不老實：於雄記買了六樣海鮮，材料錢共＄１１５２，但明記所收的鹽油費（即加工費）竟高達．．＄６００！！！簡直"掠水"掠得太離譜了！６碟海鮮如下：（由差至好排列）１蒜蓉粉絲蒸元貝　（６隻約＄１２０)　＜－淨料，未計鹽油錢 元貝蒸得過了火，很un．而且肉質有點梅腥，元貝好像死了很久似的．完全唔合格！２陳皮絲蒸鮑魚仔　（６隻約＄２４０）調味不夠，陳皮絲少得可憐，鮑魚仔淡而無味，點了很多鼓油才吞得下．唯一是火喉剛好，不un，僅此而已．不用叫這餸.３西芹炒龍躉球　（約＄１７７）吃得出龍躉的鮮味，但可惜獻汁太多太厚，遮蓋了魚的鮮甜．明記一手破壞了好食材，真可惜！４薑蔥蠔　（１８隻共＄７５）煮的時間太短，火力亦不足，以致薑蔥的香味滲不進蠔中．好像薑蔥和蠔是分開來煮似的，一般茶餐廳絕對做得更出色．對此餸異常失望．５鼓椒炒蟶子　（１２條約＄２４０）蟶子是我們的至愛，但是一入口．．蟶子竟然是帶點微酸的！真的！估計應是烹調時酒下多了一點．真涉料!!!!!!６椒鹽賴尿蝦　（３隻約＄３００）略嫌炒得未夠香口惹味，但勝在蝦夠大隻鮮甜．是我們一致認為

今晚本身諗住係白泥影相,但入到去天已經黑齊了.....唯有搭小巴去流浮山食海鮮~兜了個圈,再係open rice搵埋資料,終於決定今晚幫襯呢間~我們坐係閣樓仔,還有部細細的電視供客人之用~然後就係樓下揀海鮮了~我揀了蝦(用來白灼$128一斤),半打蠔(用來薑蔥焗$25),花螺仔(用來辣酒煮$9一兩)~其實想揀中蝦,但因為要$192一斤.....所以被嚇回來了....白灼蝦: 好生猛,見那個叔叔係水缸撈上來,但砰一砰不足一斤,所以是$96~海水味好夠,我們這碟有好多隻都細細隻,但肉質好新鮮~不是係街市買回來的死蝦一樣....就咁點豉油已經好足夠(90分)薑蔥蠔: 初頭我們想炸的,但又覺得太熱氣了.....薑蔥焗反而保留到蠔的鮮甜味道~而且味道又洽到好處,不太鹹又不太淡,正!!(90分)辣酒煮花螺: 通常叫辣酒煮花螺都覺得會好辣,原來不是好辣,有少少酒味~都係果句,花螺好新鮮,同埋好鮮甜~i like it~(90分)海鮮豆腐湯: 原來每一檯都有一大湯碗,是送給我們~鮮甜的湯底,再加上滑滑的豆腐,好正~(85分)原本叫了碟菜,但久久都未上.....唯有取消了~當我們取消後,那碟菜又到了..

師傅一向都覺得好野不妨一試再試, 所以好多食店都會去完再去; 就好似呢間食店, 自從師傅試過一次後, 真係一試難忘, 加上印象甚好, 所以一定會再黎, 問題只不過係幾時咁解啫! 好耐之前同培哥輸賭餐飯, 講明邊個輸就要請對方食海鮮, 師傅有幸輸了, 所以就索性叫培哥同埋太座一齊黎呢度食番餐!人數唔多, 得三條友但穩陣起見都係訂左枱先; 準時去到, 當然第一時間出去睇下有咩好食啦,呢度嘅海鮮選擇真係頗多, 各式其式應有盡有; 睇左一輪後, 最後揀左六款海鮮, 再加個菜同米粉; 六款海鮮分別有豉油王煎蝦, 豉椒炒聖子, 油鹽水花甲, 椒鹽賴尿蝦, 果皮蒸鮑魚同蒜蓉粉絲蒸蚌; 六款海鮮師傅有試過亦有未試過!率先登場嘅係豉油王煎蝦, 豉油王煎蝦有六隻, 先品嚐下個豉油, 豉油味道唔會過濃亦唔會太咸, 味道洽到好處, 淨係啜個殼都夠棧鬼啦, 加上蝦身唔細, 咬落去發覺肉身新鮮爽口, 而外面嘅豉油就有少少浸入肉身, 令到蝦有少少豉油味但亦冇掩蓋到蝦嘅鮮味, 一絕; 豉椒炒聖子就繼續維持一貫高水準, 豉椒炒得香口, 十分惹味, 而聖子鮮甜, 炒嘅火喉同時間一流, 令聖子唔會又老又韌, 反而肉身爽口非

farewell同事,選擇於這裡食物如下(請看圖)新鮮!煮法一流,服務好!讚讚讚*山長水遠也值得!!!而且很抵食,每人HKD300都唔洗!!

已經成2,3年無來過流浮山, 見星期六無咩做, 黃昏時段驅車前往, 途經天水圍時發覺元朗區呢幾年變化真係極大, 不過流浮山就無咩變, 一樣好似行緊街市,只不過行到盡頭近年就見到西部通道... 講番野食先, 因為無相熟海鮮檔, 所以就去左明記介紹的而且就係隔離的雄記買海鮮, 我地4人份量叫左4隻鮑魚, 蠔, 九蝦半斤, 2隻賴尿蝦, 花螺, 奄仔蟹六樣野, 海鮮總數$624,唔算食水好深, 算係合理價, 而雄記d主理人亦唔算hard sell, 成日話4人食幾多幾多夠啦 !! 首先送上免費的海解湯, 裡頭全部都係海鮮的下欄野, 有魚, 蝦, 貝殼類等再加上菜滾成的湯, 都幾好飲, 有足夠的鮮味, 應該無落味精, 飲完都無口渴 先上的係白灼九蝦, 九蝦又稱九節蝦,因為有身上九截橙紅色的圈, 但是否每一隻都一定有九截就不得宜知, 一般係來自南中國海, 但出面比較少有, 個殼比較堅硬, 味道則比較清甜鮮味,唔點豉油都得, 而且十分爽脆, 食落去感覺同養蝦完全唔同, 值得一試 來到一定要食蠔, 因為流浮山位於咸淡水交界, 盛產蠔類產品, 蠔, 蠔油, 蠔豉等等, 雖然近年因污染已產量大減,

今日同爸爸慶生去左呢間明記食海鮮我地一行五人個個都好鍾意食//都叫左幾多野..其中重有一個小朋友//我地一共叫左七個餸一個湯價錢比大家參考一下啦上湯龍蝦加伊麵:$580聖子$80元貝5隻$98鮑魚仔5隻$156賴尿蝦2隻$208紅瓜子石班$320炒通菜$xx唔知幾錢重有氣水啤酒埋單收左500蚊火工爸爸話差唔多........我覺得好多呀...............................埋單$1922................好貴...但真係好好食條氣都順d下次都會再去有西鐵好方便同d野真係新鮮唔會換你野

黃油蟹當造, 當然不能錯過另外仲揀左好多海鮮椒鹽賴尿蝦(推介!) 賴尿蝦D膏多到飛起, 超好食!!! 2人一隻好夠鼓油皇蝦碌 D蝦好大隻! 好香好好味, 一人2隻果皮蒸鮑魚 鮑魚好大隻, 一人一隻鼓椒炒聖子 本身今次無諗過食聖子, 但揀海鮮時看到今天的聖子非常肥美, 所以加了單蒸魚一條 時間岩岩好, 非常鮮味爽口黃油蟹 睇圖就知有幾正!! 今年仲平過上年, 上年要4百幾蚊起, 今年只需350蚊一隻, 2人一隻炒飯 so far so good啦~!蝦膏炒通菜 so so啦, 有蝦膏香味不過唔係好夠埋單海鮮$13XX, 炒工$400, 仲有野飲其他一共$1910 , 4個人食, 非常滿足~!

這裡(流浮山)應是全港數一數二平價海鮮吧! 以下是今晚二人吃過的食物!前菜 - 花生, 喬頭清蒸黃立鯧, $7/兩...有點失望, 因為魚味不太濃, 細細條但也夠滑!清蒸奄仔蟹, $128/斤...叫了一隻仔, 肉唔多, 膏都唔少...我就比較鍾意食肉蟹, 啖啖肉!椒鹽瀨尿蝦, $13/兩...好大隻, 膏好多, 但炸過後, 有點硬, 肉也夠彈口!灼菜心, $??, 唔知幾錢, 但就最好味, 印象中, 出街食過...質感最好, 但少了一點菜味!海鮮湯, 免費, 突然見到侍應拿著一大盤湯, 又有魚, 又有瀨尿蝦, 又有豆腐...白白湯底, 不敢吃渴太多, 因為怕味精多!甜品 - 橙, 唔駛錢, 但就多汁好清甜!白飯, $?? - 2碗!沒有真正看過每項單價, 埋單 $406, 好抵! 今晚成條街都唔太多人, 招呼唔錯, 最方便係近洗手間, 唔駛將隻手浸係檸檬水, 可以清走啲腥味!

流浮山好多店食海鮮 明記位置比較入人流吾多 但海鮮絕對比其他店優勝每次去到都吾會令我地失望 椒鹽賴尿蝦: 好大隻 仲要有大大舊膏 必食 炒蜆: 入味 冇沙 但略咸 蒸老虎斑: 夠滑 岩岩熟 吾會太老 果皮蒸鮑魚: 大大隻 但我吾好鮑魚所以冇試 白灼蝦: 爽口 但一般餐館都做到咁既水準 薑蔥蟹: 只[能說新鮮同大隻 招牌炒飯: 另一必食菜色 吾多油 乾身 成世人食過最好既炒飯

　　 1/7 同老婆去左流浮山遊覽，下午兩點鐘去明記食午飯，選擇上二樓坐，條街好多人，但酒樓冇乜人。落樓點菜，因前一晚在三聖村食完海鮮，所以想簡單點，便要了些花甲，點了一條衫班，一個招牌炒飯，再加個唐生菜。　　先到個唐生菜，好大碟，又爽脆。冇問價錢，估計約 $45。　　花甲當然係油鹽水浸，個湯底好好味，好鮮，又多配料。花甲又大隻又新鮮，來料 $48，煮工另計。　　跟住到個招牌炒飯。好乾身，應該係用冷飯炒吧！好大碟又多料，食唔哂打包做晚餐。$90。　　最後到條衫班。師傅好功力，條魚剛剛離骨，時間剛剛好，好滑，好鮮，冇渣。可惜條魚魚味唔算濃郁，不過而家 d 魚都係咁啦。以魚論魚，煮功好過前一晚的興記添，最終食哂。條魚賣 $192一斤，剛剛一斤，來料 $192，煮工另計。　　埋單來料加煮功 $445，冇加一冇茶芥，好 OK。最重要係煮得好，食得開心。

因為father's day,未夠一個月又再黎食多次今次食既野唔同左~有聖子,貝,瀨尿蝦,fish,crab 再抄飯..豉淑聖子係好好味的~抄得好好,好爽口好野味貝殼類食品一向我都ma ma,而蒜亦加多太多...fish冇上次既好食,雖然都係好新鮮,肉質彈牙,但係豉油較淡,差左少少crab就好好肉地,ok正la~不過個淑鹽瀨尿蝦就very gd了~好大隻,好似龍蝦咁大,當然價錢亦不相伯仲la..anyway,真係好好肉,d殼好脆口,有點spicy,淑鹽味做得好好最後個抄飯就一般la,d蝦好似唔太新鮮今次佢都有送湯,好大兜..好鮮甜,有唔少料ga!btw,今次食比起上次有d貴,佢set d價真係好似有d怪怪地...but真係好飽~唔知係唔係食得密,個feel好似冇上次咁正,但都可以比笑面ge!