影片
更多
2010-05-07
377 浏览
為左慶祝自己升級, 我決定請朋友食番餐海鮮, 其實我去流浮山都食左有10年, 之前一路都係去雄記買野, 跟住去海景食. 不過上次係雄記買料時, 阿事頭婆叫我下次可以試下明記, 咁我諗住試下新野, 點知呢次真係中晒招!!!!!1) 白灼九蝦 評價: 味道ok, 因為d蝦新鮮又白灼根本好難會唔好食2) 豉椒炒蟶子 評價: 開頭俾佢賣相以為好好味, 一食落去好淡, 無味(鮮味都無)要落豉油3) 海鮮湯評價: 全晚味道最正常, 因為我叫雄記私人送左一隻蟹同一條魚加料, 如果唔係唔知d例水咩味4) 蒜蓉粉絲蒸象拔蚌仔 評價: 又係完全無味, d粉絲仲蒸到乾晒5) 老虎斑2味(炒球)評價: 真係未食過d肉咁"林", 完全唔似老虎班, 仲要大舊個d有少少生, 都係個句---無味, 要加蠔油6) 老虎斑2味(炆骨)評價: 全晚最過份的一道菜, 我條老虎成6斤2, 之前炒球都唔算多, 諗住炆骨都好大碟, 點知同平時食3斤幾差唔份量, 我地食左一半都無人食到有頭, 全部骨多肉少, d魚用好多粉炸, 我地叫佢炆乾身d, 佢就炸乾d魚再加少少汁, 根本都無炆過---又係個句無味, 好少食到一半已經唔想再食落去
1) 白灼九蝦
評價: 味道ok, 因為d蝦新鮮又白灼根本好難會唔好食
2) 豉椒炒蟶子
評價: 開頭俾佢賣相以為好好味, 一食落去好淡, 無味(鮮味都無)要落豉油
3) 海鮮湯
評價: 全晚味道最正常, 因為我叫雄記私人送左一隻蟹同一條魚加料, 如果唔係唔知d例水咩味
4) 蒜蓉粉絲蒸象拔蚌仔
評價: 又係完全無味, d粉絲仲蒸到乾晒
5) 老虎斑2味(炒球)
評價: 真係未食過d肉咁"林", 完全唔似老虎班, 仲要大舊個d有少少生, 都係個句---無味, 要加蠔油
6) 老虎斑2味(炆骨)
評價: 全晚最過份的一道菜, 我條老虎成6斤2, 之前炒球都唔算多, 諗住炆骨都好大碟, 點知同平時食3斤幾差唔份量, 我地食左一半都無人食到有頭, 全部骨多肉少, d魚用好多粉炸, 我地叫佢炆乾身d, 佢就炸乾d魚再加少少汁, 根本都無炆過---又係個句無味, 好少食到一半已經唔想再食落去!!!
7) 油鹽焗蟹
評價: 我最鍾意食蟹, 所以叫左4隻奄仔油鹽焗, 不過可惜一見到碟蟹已經知道又唔得啦, 都唔係焗, 係炸蟹, 仲要炸過火有d苦味, 浪費晒d靚蟹
佢地d人問我地加唔加菜or炒飯, d野咁難食, 一定唔會俾錢佢地煮d垃圾出黎, 最後我地同明記老闆娘理論, 佢解釋話個廚房做多兩日換人, 我接受唔到lor, 如果明知廚房會玩野仲開門做生意咪即係有心呃人??
結帳: 全數$1780 (加工費收我成$600, 即每道菜收成$100)
最後結論: 好難食, 屋企自己煮都可能好味過明記, 最大問題係浪費新鮮食物, 加工費又貴, 仲要俾唔足料, 我條老虎斑起碼俾比收起1斤半有多, 好唔老實的生意手法, 最後食到一肚火, 返到屋企仲肚痛, 可能係d斑球唔熟, 總之去番海景食好過! 真係呢次俾錢買難受!!!!
张贴