明記海鮮酒家

营业中

休息中

每次去流浮山食海鮮🦞都會幫襯明記海鮮，餐前有大大碗海鮮芥菜豆腐湯，湯好鮮味好多配料。嚟到流浮山必食一定係酥炸蠔😍蠔又大隻又肥美，酥炸口感鬆脆，沾少少椒鹽食，蠔鮮味更加突出。另一款必食推介，就係明記招牌炒飯，每次去食一定會叫呢碟炒飯，好好食，不但夠鑊氣，每粒飯的軟硬度適中，炒飯配料好足料，有大大隻鮮蝦、叉燒等，全家人都好鍾意食🤭其他海鮮一樣夠鑊氣又新鮮😋豉椒炒蟶子、豉椒炒蜆，肉鮮甜又肥美，好厚肉。椒鹽鮮魷好爽口，炒小菜一樣好味，叫咗炒咕嚕肉、油鹽水浸菜，全枱食物冇食剩，款款清晒碟。

流浮山明記海鮮🦞🦐🦀🦑🐙🐟唔夠兩個月又返嚟食一次，今次叫咗豉椒炒蟶子😋豉油王乾煎大蝦🦐酥炸生蠔🦪白灼花螺🐚真係超級超級好食豉椒炒蟶子火候剛剛好，爽脆嫩滑，非常有鑊氣🤤🤤豉油王乾煎大蝦，味道鹹鹹香香，大蝦肉質爽口，非常鮮甜😝生蠔是流浮山的特產，外皮鬆脆可口，生蠔鮮嫩多汁，香口🤤🤤越講越肚餓😂白灼花螺就非常鮮甜新鮮,肉質爽脆，明記海鮮每一道菜都非常出色，重點是超級新鮮🤤🤤好肚餓食飯先🐚🦪🦐🥬

為咗提前慶祝母親節，我哋一家人去咗流浮山嘅明記酒家。首先，店員嘅服務態度真係好好，令人感到好舒服。食物方面：龍躉兩食（重五斤）嘅表現就有得講。第一種做法係抄西芹，呢個做法保持咗龍躉嘅鮮味。第二種做法係炸魚骨，炸得香脆，有口感。芝士龍蝦伊麵嘅味道好正，龍蝦肉質鮮甜，芝士味重，伊麵軟硬度適中。薑蔥炒蟹同豉油王大蝦都係好吸引，海鮮嘅新鮮度都好高。蟹肉鮮甜。豉油王大蝦味道夠。豉汁炒蟶子配煎米粉底係一個創意菜式，味道好特別，不過煎米粉底部分有啲油膩，如果可以減少油分就更加健康。豆腐魚湯，呢個免費嘅小心意真係好貼心。湯頭清甜，豆腐同魚肉嘅組合簡單而美味。總結，明記酒家嘅食物質素同服務都算係好好。

第一次去流浮山明記海鮮❤️果然有驚喜😍海鮮生猛到扎扎跳，而且我們可以親自去挑選喜歡吃的海鮮，全部游水🦞今日點左龍蝦伊麵，龍蝦非常新鮮，彈牙爽口，芝士味道香濃，伊麵都非常足料大份，香煎金蠔，好味道不得了，流浮山的蠔出晒名好食，這是必吃之選😂還有炸鮑魚，口感非常特別，吃這麼多次海鮮，第一次選擇鮑魚用炸的方式去烹煮，估唔到咁有驚喜😍😍而我特別覺得好吃的就是這道黃皮老虎斑炒球，鮮嫩無比，肉質跟普通石斑真的不一樣，鮮甜美味，而且絕對沒有腥味，絕對好吃到不得了😜🤤🤤

今日情人節 因為去下白泥睇日落 所以順路去流浮山食海鮮之前去開都係同屋企人去另一間餐廳，明記都係第一次食。所以去之前都睇左youtube介紹 留意下要注意啲咩 有咩好食咁。。。 豉椒炒蟶子米粉底 😋: 2.5/5呢個睇youtube個時好期待 但味道普通 唔夠汁大排檔仲炒得香啲 同埋一拎上到已經唔夠熱油鹽焗蟹 2/5Um…唔夠鹽 唔明點解會唔夠 呢個明明係個精粹🥴辣酒煮花螺 😋: 2/5之前喺另一間食過嘅辣酒煮花螺 係好惹味 辣得好過癮。但今次喺明記食呢一個辣酒煮花螺，完全冇辣味，剩係得花雕酒嘅味！生炒骨 😋:3.5/5相對地生炒骨比較有鑊氣，即使凍咗都唔會淋炸得好脆今晚買咗三款海鮮 加工費$240 總數900 去流浮山呢個價錢係好抵，但下次我應該唔會再食呢間

嚟流浮山食海鮮，嚟咗有2010米芝蓮推介嘅明記海鮮酒家。餐廳喺‘海味街’嘅中段，門面唔算太起眼。門口附近有貼米芝蓮推介同埋其他有關嘅推介、報道。海鮮基本上都係時價，價錢要當日問先知。門口有多個魚缸俾人睇，睇啱可以問當日價錢。我哋今次就食咗蝦、蟹、蠔、鮑魚、班腩、油菜同埋炒飯。海鮮湯一入到嚟坐低，未叫餸就會俾咗一碗海鮮湯先。佢基本上係魚湯嚟嘅，飲落有好香濃嘅魚味，絕非一般味精魚湯可比。原本見佢賣相一般又係一坐低就送嘅，都冇咩期望，以為都係一般例湯嗰啲，估唔到竟然咁好味。豉油皇蝦打頭陣係豉油皇蝦。餐廳都有貼介紹佢嘅poster。蝦肉爽口。調味惹味，除咗豉油仲有好香嘅蒜、洋蔥味。最鍾意食呢啲夠鑊氣嘅爆炒小菜。推介。油鹽焗奄仔蟹 蟹季嚟到當然要食流浮山出名嘅奄仔蟹。呢間嘅奄仔蟹調味做得好唔錯，咸香惹味適中亦滲入蟹肉。奄仔蟹啲骨同殼都比較軟，蟹殼餐廳已經整碎咗，蟹骨用手就整得爛,食上嚟好方便。酥炸生蠔流浮山除咗奄仔蟹，蠔都好出名。所以炸蠔都係其中一樣我哋好期待嘅菜式。可能期望愈大失望愈大，估唔到佢竟然會成為今餐最失望嘅菜式。佢嘅炸粉超厚、冇味道宜且油膩，蠔嘅大細亦只有拇指咁大。失望。果皮蒸鮑魚一

第一次去流浮山食見到OpenRice排第一於是就去咗正大街要行入少少餐廳環境就一般啦，比較大排檔 唔見到有餐牌餐廳養咗啲海鮮 自己叫 要問姐姐價錢講真，第一下聽到價錢有啲嚇親（可能我見識少）不過確實好味嘅 海鮮新鮮煮唔錯買單六位七個餸，二千六上嚟食飯，應該叫抵食吧？？龍蝦，一斤多啲 份量比足 上湯伊麵好味叫碟菜$70份 講真又唔貴埋單唔記得影價錢淨係喺出面叫完海鮮計價應該就唔係呢個數可能有加工費，同埋茶位 唔肯定 不過滿足咁食完就算了上菜之前有個魚湯，食完有橙 話係送的台台都有

🥰 話說呢兩三年, 喺香港探索唔少海鮮勝地, 包括西貢, 鯉魚門, 三聖邨, 流浮山.🤗 西貢主攻遊客, 出產幾間米芝連餐廳, 早前 “師姐” 推介 “勝記”, 一試難忘. 鯉魚門又係主攻遊客, 我淨係記得朋友開嘅 “鯉魚門酒家”. 三聖邨就遠少少, 近屯門黃金海岸, 谷友推介 “廣東名廚”, 坐得舒服, 味道不俗.🥢 流浮山真係山長水遠, 但相對抵食. 今日再戰 “明記”, 點咗七款海鮮, 水準依舊出色.薑蔥炒南澳龍蝦油鹽水浸花甲豉椒炒蟶子蜜餞桶蠔蒜蓉粉絲蒸貴妃蚌果皮蒸南非鮑魚油鹽焗奄仔蟹魚湯🦞 薑蔥炒南澳龍蝦. 薑蔥惹味, 龍蝦肉實淨彈牙, 比 “波士頓龍蝦” 更鮮味, 外殼更硬, 哈哈.📖 翻查資料: 波士頓龍蝦不是龍蝦? 波士頓龍蝦又名 “美州鰲龍蝦”, 是一種鰲蝦, 跟大陸盛行嘅小龍蝦同一個種類, 其實不算是龍蝦.📖 翻查資料: 波士頓龍蝦不是來自波士頓? 波士頓龍蝦生長於北大西洋寒冷海域, 包括加拿大和美國緬因州, 而波士頓是龍蝦集散地, 產品貼上了 “源自波士頓” 嘅標籤!📖 澳洲龍蝦主要分南澳及西澳. 南澳龍蝦 (又名澳洲石龍), 肉質飽滿鮮甜細緻, 非常適合刺身. 而

今日－家人來流浮山吃飯，喺眾多酒樓之間，挑選了明記。入到去叫咗招牌菜炸蠔（可口，外脆內軟及新鮮）、甜酸排骨（甜酸度適中，醒胃）、豉椒炒花甲（芡汁濃淡適中，唔鹹、冇沙）、炒飯（飯粒粒粒可以分開，不油膩，材料充足）、腐乳炒通菜（美味）招牌芥菜魚湯（好飲）

等左成個鐘頭都未上齊餸，小朋友餓到喊到訓左，吹左幾次竟然問返你order 左乜。最後上嘅菜遠炒飯變成葱粒飯。負評！We waited almost an hour . Food is still not served. Kids and baby starving crying. We chase our order and they have no clue what we order. At the end, their vege fried rice become onion rice .

週六和屋企人去流浮山食午飯，撞正本地團中午遊流浮山，好多人，流浮山大街水洩不通。今次再來明記，之前來過一次，在3樓用餐，全玻璃窗，環境開揚，但今次餐廳不開3樓，只能在樓下食。例湯送的，芥菜豆腐魚湯，魚味濃郁，芥菜味少一些，不過都好味。生炒骨味道唔算有驚喜，正常。椒鹽鮮魷魷魚切得厚厚一片，炸粉不算厚，味道唔錯。西芹炒斑球這道菜有驚喜，肉嫩，有鑊氣，好似婚宴炒斑球的味道。豉椒花甲花甲大大粒，豉椒味唔夠，只吃到豉油味，麻麻。明記炒飯餐廳招牌，有鮮蝦、叉燒、雞蛋，炒得好有鑊氣，乾身，飯粒有質感。最欣賞係雞蛋，煎得和切得都均衡，讚！

🫶🏻Went for family dinner and ordered the following seafood in advance. So basically you tell the restaurant the number of patron and what kind of seafood you like, they would buy those seafood fresh that morning or a day in advance and prepare for you. This is actually the first time i went there recommended by a family member. In terms of the environment, it is your traditional family restaurant so very busy with lots of big round tables. The restaurant has 3 storey ( those typical village hous

📎餐廳類別：中式🥢/海鮮🦞🦐🦀👉🏻👉🏻適合：大夥兒飯聚👭👫👬/一家大細家庭聚餐👨‍👩‍👧‍👦🍽🪴餐廳環境：環境有啲逼 座位數量不多🙋🏻‍♀️餐廳服務：✋🏻服務周到 主動推介熱門菜式👨🏻‍🍳👩🏻‍🍳味道：海鮮煮法突出鮮味 味道極佳😋😋推介菜式✋🏻🤚🏻📌 椒鹽賴尿蝦炸到外皮趣卜卜 香口鮮甜 啖啖肉📌豉油王花竹蝦🦐店員推薦 佢話枱枱客人都有叫到果然冇介紹錯 蝦肉彈牙😋豉油王做法非常夠味👍🏻👍🏻📌鹽焗奄仔蟹🦀😍好鍾意食蟹 蟹肉有膏+超多肉另外我哋仲叫咗一份椒鹽鮑魚+炒青菜一碟(不過唔記得咗影相🤪🤪)🤔體驗小感想：海鮮種類繁多 新鮮生猛 任君選擇價錢方面我覺得合理 因為食材都係比較新鮮嘅今次其實係我第一次去流浮山食海鮮 🤣🤣體驗良好 決定下一次再帶屋企人食😋

昨晚星期六流浮山人頭湧湧超級旺，選咗去流浮山明記食晚飯，好在早兩日訂好枱，如果吾係未必有位，一行14人有大有細有老，係楊屋道自己買海鮮，海紅瓜子斤半重、奄仔蟹6隻、聖子皇2斤、虎蝦2斤、特大南非鮑魚9隻、花螺2斤6款海鮮$2030入去加工，加工費連即場點6個小菜及1個加大海鮮炒飯，霸王雞1隻、椒絲腐乳通菜、咕嚕肉、呠酒蠔、椒鹽鮮尤、另加多4隻奄仔蟹+汽水啤酒埋單$2715，個人覺得超抵食，味道吾差不太咸又吾油，值得推介！

今日同成班朋友去咗流浮山諗住食海鮮，跟住我哋都係自己買海鮮去，再去比舖頭加工嘅🥳🥳🥳我哋就買咗扇貝，龍蝦，蜆同埋龍躉😍我哋就叫咗蒜蓉粉絲蒸扇貝，鋪頭整得都好好食，扇貝唔會話整到過熟，煮到啱啱好可以食嘅熟度👍🏻👍🏻同埋佢上邊都有好多蒜蓉同埋粉絲，再配合埋扇貝嗰個鮮味，十分十分之好食🤩跟住我哋仲叫咗個芝士龍蝦伊麵，佢都將啲龍蝦煮到啱啱好，唔會係過熟嘅狀態，再將啲芝士撈埋個伊麵度，超級好食😍