影片
更多
2010-06-26
595 浏览
父親節，一家四口諗住去食個海鮮... 點知... 由頭差到落尾... 一入門口，問個阿姐有冇位，阿姐話埋緊單有，去揀住海鮮先啦~~~阿姐們好熱心咁話"呢邊啦…呢邊啦" ，行咗兩步，响正隔離的…叫咗一斤蟶子、三隻巨賴尿蝦、四隻元貝同一隻斤零重的龍蝦…搞掂咗啲海鮮，行番去問阿姐，係咪有位啦… 個阿姐淨係話上去啦、上去啦，果張就係架啦…兼但冇人帶位~~~ (小弟第一次黎，又會知係"果張"啦~~~)咁算啦… 只係想開開心心食餐飯… 跟住有毎口阿姐走上嚟問海鮮點整~~~ 咁順序答佢︰鼓椒蟶子、椒鹽賴尿蝦、蒜蓉粉絲蒸元貝、上湯伊麵龍蝦… 跟手問佢有乜菜… 阿姐話得生菜、菜心同通菜… 小弟的媽媽只係問多句是那一種通菜… 阿姐居然答︰咪街市五蚊一札果啲囉~~~ ok … 我算… 跟住再諗緊想食乜果陣阿姐己經影都冇… 五分鐘內一個侍應都冇… 咁小弟唯有落去加單啦~~~ 終於搵番果個阿姐，我想加單小弟︰有冇咕嚕肉？阿姐︰我哋得生炒骨小弟︰咁生炒骨啦… 有冇味菜牛肉炒麵？阿姐︰牛肉賣晒… 我哋得干燒伊麵小弟︰我哋已經有伊麵，咁有冇炒飯？阿姐︰我哋得楊洲炒飯小弟︰咁楊洲炒飯啦阿姐︰咁要大、中定細呀？小弟︰咁碟
一入門口，問個阿姐有冇位，阿姐話埋緊單有，去揀住海鮮先啦~~~
阿姐們好熱心咁話"呢邊啦…呢邊啦" ，行咗兩步，响正隔離的…
叫咗一斤蟶子、三隻巨賴尿蝦、四隻元貝同一隻斤零重的龍蝦…
搞掂咗啲海鮮，行番去問阿姐，係咪有位啦… 個阿姐淨係話上去啦、上去啦，果張就係架啦…兼但冇人帶位~~~ (小弟第一次黎，又會知係"果張"啦~~~)
咁算啦… 只係想開開心心食餐飯… 跟住有毎口阿姐走上嚟問海鮮點整~~~ 咁順序答佢︰鼓椒蟶子、椒鹽賴尿蝦、蒜蓉粉絲蒸元貝、上湯伊麵龍蝦…
跟手問佢有乜菜… 阿姐話得生菜、菜心同通菜… 小弟的媽媽只係問多句是那一種通菜… 阿姐居然答︰咪街市五蚊一札果啲囉~~~
ok … 我算… 跟住再諗緊想食乜果陣阿姐己經影都冇…
五分鐘內一個侍應都冇… 咁小弟唯有落去加單啦~~~ 終於搵番果個阿姐，我想加單
小弟︰有冇咕嚕肉？
阿姐︰我哋得生炒骨
小弟︰咁生炒骨啦… 有冇味菜牛肉炒麵？
阿姐︰牛肉賣晒… 我哋得干燒伊麵
小弟︰我哋已經有伊麵，咁有冇炒飯？
阿姐︰我哋得楊洲炒飯
小弟︰咁楊洲炒飯啦
阿姐︰咁要大、中定細呀？
小弟︰咁碟頭差得遠唔遠？
阿姐︰咪果碟咁上下囉(阿姐指住張poster嚟講)
小弟︰哦…咁要個細啦(小弟已經冇嘢想講… 可能我係啱啱响火星番嚟)
小弟冇言地上番去… 等咗十分鐘左開始上菜啦… 同個哥哥仔講︰俾支大喜力丫
等咗九年、趨咗幾次… 小弟忍唔住走落樓下，正想自己去個水櫃度攞…
落單個阿姐就問︰你要乜呀？
"我叫咗支喜力但冇人拎上嚟喎"
阿姐就答︰得得得… 我得陣拎埋個湯俾你… (好似九唔答八囉 ~_~)
鼓椒蟶子
味道可以… 鑊氣差少少
椒鹽賴尿蝦
呢個出奇地好食… 師傅走油恰到好處，肉身唔會乾晒…
蒜蓉粉絲蒸元貝
冇蒸到柴皮… ok
上湯伊麵龍蝦
小弟第一次食"美極"上湯龍蝦…
同埋本地花龍啲肉點會韌架~~~ 師傅係咪搞錯咗我隻龍蝦呀~~~
蝦醬通菜
唔夠蝦醬
生炒骨
冇乜特別 (但睇番一啲食評係話招牌菜)
楊洲炒飯
等咗九年都未到，cancel 咗
海鮮湯(送的)
淡而冇味，仲要係味精水~~~
總算食飽，埋單走人…
睇番張單，居然收咗三舊水油料費… 我同個收銀講
小弟︰間海鮮檔唔係你哋架咩？
收銀︰我哋冇海鮮架喎…
小弟︰响流浮山叫得海鮮酒家唔賣海鮮… 仲要呢間你介紹都要收油料？唔係掛…
收銀︰我哋係賺呢啲錢架咋…
小弟得一個被屈感覺同個收銀講~~~~ "咁唔洗指意有下次啦"
個收銀答都唔答… "找錢"
連多謝都冇句~~~ (仲好似唔休做咁)
P.S. 上菜啲哥哥仔同姐姐只會求期擺碟餸响枱上面有位既地方(包括枱邊)就會走咗去~~~ 同埋個哥哥你拎濕毛巾上嚟係全部濕毛巾都撻响佢隻前臂度，夾住咁拎上嚟~~~ 見到都唔想用~~~
张贴