影片
更多
2009-12-01
94 浏览
已經成2,3年無來過流浮山, 見星期六無咩做, 黃昏時段驅車前往, 途經天水圍時發覺元朗區呢幾年變化真係極大, 不過流浮山就無咩變, 一樣好似行緊街市,只不過行到盡頭近年就見到西部通道... 講番野食先, 因為無相熟海鮮檔, 所以就去左明記介紹的而且就係隔離的雄記買海鮮, 我地4人份量叫左4隻鮑魚, 蠔, 九蝦半斤, 2隻賴尿蝦, 花螺, 奄仔蟹六樣野, 海鮮總數$624,唔算食水好深, 算係合理價, 而雄記d主理人亦唔算hard sell, 成日話4人食幾多幾多夠啦 !! 首先送上免費的海解湯, 裡頭全部都係海鮮的下欄野, 有魚, 蝦, 貝殼類等再加上菜滾成的湯, 都幾好飲, 有足夠的鮮味, 應該無落味精, 飲完都無口渴 先上的係白灼九蝦, 九蝦又稱九節蝦,因為有身上九截橙紅色的圈, 但是否每一隻都一定有九截就不得宜知, 一般係來自南中國海, 但出面比較少有, 個殼比較堅硬, 味道則比較清甜鮮味,唔點豉油都得, 而且十分爽脆, 食落去感覺同養蝦完全唔同, 值得一試 來到一定要食蠔, 因為流浮山位於咸淡水交界, 盛產蠔類產品, 蠔, 蠔油, 蠔豉等等, 雖然近年因污染已產量大減,
講番野食先, 因為無相熟海鮮檔, 所以就去左明記介紹的而且就係隔離的雄記買海鮮, 我地4人份量叫左4隻鮑魚, 蠔, 九蝦半斤, 2隻賴尿蝦, 花螺, 奄仔蟹六樣野, 海鮮總數$624,唔算食水好深, 算係合理價, 而雄記d主理人亦唔算hard sell, 成日話4人食幾多幾多夠啦 !!
首先送上免費的海解湯, 裡頭全部都係海鮮的下欄野, 有魚, 蝦, 貝殼類等再加上菜滾成的湯, 都幾好飲, 有足夠的鮮味, 應該無落味精, 飲完都無口渴
先上的係白灼九蝦, 九蝦又稱九節蝦,因為有身上九截橙紅色的圈, 但是否每一隻都一定有九截就不得宜知, 一般係來自南中國海, 但出面比較少有, 個殼比較堅硬, 味道則比較清甜鮮味,唔點豉油都得, 而且十分爽脆, 食落去感覺同養蝦完全唔同, 值得一試
來到一定要食蠔, 因為流浮山位於咸淡水交界, 盛產蠔類產品, 蠔, 蠔油, 蠔豉等等, 雖然近年因污染已產量大減, 但習慣上來到仍會叫來食, 其實每年下旬已經係食蠔的好季節, 但唔知係咪天氣轉變, , 好遲先凍, 竟然11月來食蠔都未算係最肥美, 佢地的蠔一袋大概有12隻, 我地分隻兩食, 分別薑蔥同酥炸, 薑蔥的先上, 蠔經走油後用上大量的蔥同薑片煮熟, 香味同鮮味十足, 而酥炸蠔的粉薄薄的, 炸到剛剛好, 竟然更食得出蠔肚的肥美, 有水準, 喜歡的可加准鹽同喼汁吊下味
椒鹽賴尿蝦我選擇左一隻有糕一隻無糕, 唔算太大隻, 大概炸起後每隻可切開3件, 熱辣辣好好味, 肉亦炸得嫩滑, 不過租嫌椒鹽的味道唔夠濃
辣酒煮花螺係細隻的品種, 因為太大隻的肉會比較實同鮮味, 同常食海鮮的地方例如流浮山, 鯉魚門等都係用細花螺奉客的, 雖然唔係好辣, 但螺的鮮味搭夠
另叫了兩隻油鹽焗奄仔蟹, 一人半隻已足夠, 因為我自己嫌清蒸太單調, 油鹽焗則食到少許咸香味, 其實奄仔蟹係常出沒於沿海的鹹淡水交界, 係未曾産卵的幼年青蟹，大約三個月大左右, 農曆中秋前後至十一月最美味 ,肉與膏都好嫩滑, 味道鮮濃, 唔會好似膏蟹太漏, 肉蟹又無咩膏, 退殼後的奄仔仲有些少重皮, 實在係黃油蟹季節後的另一好選擇
見到隔離檯的炒飯好正, 但係食左好多海鮮同湯, 已經再容不下, 食多兩件酒家送的橙, 更加飽上加飽, 埋單總數$954, 包括海鮮材料$624+$330酒家加工費, 有水準的海鮮餐, 食得過!!
张贴
