旺記冰室 (九龍中心大廈)

营业中

休息中

下午兩點多的人流也不少，還要等一下位置。跟同事各點了滑蛋叉燒飯和滑蛋蝦仁飯，滑蛋很香，豉油汁很好味，叉燒也嫩，蝦沒有雪味了彈牙👍🏻😋午餐配飲品，正常凍飲加$2，大杯凍飲加$3，解釋得令人誤會，原來大杯的價錢是另外再加上的😐，大杯的不是超大的，而是正常的比一般的略小😅，但加上了$5還可以接受。下次會再光顧，試試其他的食物👍🏻

星期日難得空閒，走去尖沙咀行下街。自己一個想食得輕鬆自在啲，就揀左呢間冰室，我係九龍公園果邊行過黎，有小小難搵，不過原來只要穿過相中呢個小通道就可以即刻到達！有興趣試既朋友記住喇！入到去係好闊落既感覺，唔會好似普通冰室咁，要坐到好逼好逼！我見好多人食滑蛋叉燒飯，不過又好似太heavy，所以揀左鮮忌廉雞湯鮑魚火腿絲通粉呢個餐！送麥包多士同炒滑蛋。佢既鮑魚絲唔係得幾條架，都好多，所以每啖通粉都送到啲火腿絲或者鮑魚絲，係足料既！另外，個滑蛋真係好正！又香又滑，佢無炒到熟哂老哂咁，下次再黎有好大原因都係個炒蛋我將會放係多士上面食，三到爆架野飲方面，我加左$6叫左愛爾蘭咖啡，香港有邊間冰室係可以有得飲？可見老細係十分有心思，咖啡味道不錯，亦好香，再下次都會encore!另外見到對面飲熱奶茶都係好吸引！我係食哂成個通粉再飲左小小湯想再試其他口味既通粉呀！

晚餐時間見到門口招牌叉燒飯，本來唔肚餓，同另一半諗住一齊食少少試試過口癮，點知夜晚無叉燒，得牛肉，已經失望。點個牛肉試試佢啲蛋啦，蛋係既香且滑嘅，不過侍應不斷提醒，有最低消費嗰喎！$16蚊㗎喎！唔通為$16蚊又要夾硬食過量咩，要做返幾多運動先得㗎！諗叿到空寥寥嘅場仲要玩低消，十零蚊小事，成個飲食體驗就差咗啲啦⋯⋯

早排見呢間餐廳新開，日日lunchtime大排長龍，有兩個同事試左，讚佢個滑蛋飯正，於是呢日我就約左個fd黎食早餐，希望少d人，不用等位。雖然早餐選擇吾多，但個個餐都好豐富。午餐都係得幾款，有選擇困難症之福。下午頭3個好似同早餐一樣。早起吾到既人士都吾怕無早餐食。這裡裝修簡約光亮。原來除左滑蛋外，豬仔包都好都係另一賣點。先黎係我杯熱奶茶茶厚奶滑，溫度夠熱，正宗港式奶茶。我個fd竟然叫凍奶茶。晨早流流飲凍野。不消3分鐘，炒蛋多士上枱。炒蛋半熟，有蛋香有蛋汁。多士厚切，有牛油香，麥包減低左罪惡感。最後，蕃茄午餐肉通粉都到埋。個湯既蕃茄味同d色一樣咁濃，通粉係用左比較有咬口既，吾係屋企食既快熟通粉，所以吾怕浸軟。最有誠意係d午餐肉粒煎到外皮微脆，好香口。成個早餐A睇圖都知幾豐富。

尖吵咀的物價本身不會很便宜(因為租金關係)，以午餐來說，一般都需要最少五六十元。這間冰室的午餐價格由四十至五十八元，適合想便宜又快捷地食中午的上班族。我和朋友本身想叫茶餐，因為已經大概二點半多，但是原本下午茶餐由三時開始供應。幸好午餐選擇中有不少輕食，包括午餐肉通粉和牛油多士等等。我不是很肚餓，於是點了一份午餐4(鮮薑汁豬膶鮮雞湯通粉配牛油多士和牛奶炒蛋)，我朋友就點了一份午餐1(叉燒滑蛋飯)炒蛋上可以看到蛋漿的潤澤，入口亦一點也不會覺得乾身，有一種滑溜的口感。估計應該有混入忌廉或者牛奶而炒成，有別於一般茶餐廳的炒蛋硬梆梆的那種口惑。味道方面可以配合個人口味胡椒粉來調味，我個人比較喜愛清淡，所以進食沒有加調味料，非常原汁原味。奶油脆豬轉配需要額外加五元，但我本人非常愛吃煉奶，所以覺得物超所值。這間冰室的奶油豬外皮十分夠香夠脆，足料煉奶適合愛吃甜食的我。豬膶通粉內的豬膶十分爽脆，煮熟程度剛剛好，不會像別的茶餐廳煮得大熟而影響口感，通粉給了大大份，一點也不吝嗇。朋友點的叉燒滑蛋飯也十分足料，有大量切片叉燒和蝦仁 朋友話這間餐廳食物上菜時也維持熱度 不像別的茶餐廳早已做好一堆在廚房 (飯菜變

前幾日見到好多人share呢間冰室，個叉燒滑蛋飯賣相超級靚，即刻約同事lunch時間嚟食。好彩我哋11點幾已經去到，唔使排隊，見到12點開始就好多人！我點左1號餐:自家製叉燒係日本滑蛋飯，等餐時間都幾快，大約5分鐘就黎到。個滑蛋真係幾嫩，呈半熟嘅狀態，上面重鋪滿大大片嘅叉燒，成件事超級夾，好好食！仲有佢淋嘅豉油唔係普通豉油，係佢哋自家秘製嘅甜豉油，個配搭非政府好。而且佢個份量都幾多，食完非常之滿足。

第一次去旺記冰室食午餐，同朋友二人閒聊。首先講講裝修，感覺真有點像80-90年代的冰室，坐位都幾舒服。人手很充足，待應的服務不錯。我點咗個「鮮忌廉雞湯鮑魚火腿絲通粉、鮮牛油煉奶豬仔包、熱奶茶」，個通粉份量啱啱好，好啱正常食量嘅女仔食，個忌廉湯底有忌廉味又唔會太搶，清清哋都幾好！重點係個奶油豬，有驚喜！我本身唔鍾意食冇餡嘅麵包，不過見有煉奶搽喺面就試吓啦！一咬落去，又脆又甜！好快食晒成個包添！奶茶都好香好滑！兩個人食兩個餐都只係$107，喺Ashley Road食到呢個價錢，簡直抵到爛啦！早D食仲平D添！

Have always thought of coming for afternoon tea 🤦🏻‍♀️ as they only serve the signature sandwich 🥪 during brekkie or tea time!!😋highly appreciate shop that focuses on selling few foodie items 😍😍😍 the spirit of do what you like and like what you do !!! (And good that I don’t have to struggle with the menu for day long 🤣) 😋10/10 love their sweet and aromatic soy sauce !!! Could have finished the whole plate of rice without anything else !!! With no reservation!!! Best runny egg in town 🤤🤤🤤 with lots

啱啱係尖沙咀做完野，好鬼肚餓呀，見到成條街都咁多餐廳，但又無咩心水。行下行下見到旺記冰室，諗起有個同事推介話幾好食，擇日不如撞日，就入左去啦。入到去已經三點幾，店入面已經有八成滿座，相信有一定嘅魅力，平日tea time 都咁多人，睇黎我同事冇老點我。店嘅裝修簡約，燈光柔和，俾人種舒服嘅感覺。下午茶嘅種類多，有通粉，三文治，西多士，雞脾，睇到我口水都流埋。鮑魚火腿絲公仔麵，鮑絲軟又彈牙同火腿嘅份量多，唔會食完個麵就冇哂D 餸😂食時有淡淡嘅鮮忌廉雞湯味，為平凡嘅公仔麵帶泥新體驗。炒蛋用左4.3 牛奶，比3.6牛奶更香更滑，但唔會覆蓋左蛋味。雖然西多好肥，但佢選用麥包，好特別，健康得黎罪惡感又少左😂好適合鐘意食西多但又怕肥嘅女士。要搵間好飲嘅絲襪奶茶真係好難，控制時間火候好重要，但佢嘅奶茶唔苦澀，又無草青味，甜味啱啱好，好香又好滑。🤤🤤見到隔離叫豬仔包好香，搞到我好鬼心動，結果又叫左個自家制豬仔包，睇下佢有幾正。估唔到個他他醬魚柳豬仔包值得一讚，豬仔包同魚柳炸得啱啱好，好脆，加埋個他他醬同青菜令口感豐富又juicy，整體配搭好夾。😊😊紅豆沙選用碎冰，唔似其他茶餐廳用大冰扮大杯，而且粒粒都係

尖沙咀返工既朋友要諗中午飯食乜真係一大挑戰😝尖沙咀好西遍地，真係食到唔想食😝今日又同同事搵好嘢食啦。行行下見到旺記冰室，未試過！咁一定要入去試一試佢啦！餐廳裝修走傳統冰室風格，好有格調，又好有香港特色😝作為香港人，坐都坐得開心啲😝不過食飯梗係食物最重要，我就點咗餐廳招牌日本滑蛋叉燒蝦仁雙併飯。一個飯有晒滑蛋，叉燒同蝦仁，一次滿足三個願望🤣聽落都開心。飲品方面，就點咗港人最愛涷檸茶，加大！好特別既係，餐廳可以加三蚊加大飲品，隔離檯點咗正常大細，我就點咗加大，真係差好多，超大杯，飲到好滿足🤗個人係檸茶奴，超鐘意飲檸茶，有得加大真係好正。至於滑蛋叉燒蝦仁飯方面，滑蛋真係炒得超好，滑蛋係俾比較水，比起一般就咁食既炒滑蛋稀，但咁樣反而岩岩好，因為依個滑蛋係用緊送飯，咁樣反而唔會太干，而且仲有叉燒同蝦仁，食落口感非常豐富！叉燒燒得非常之好，上色又夠紅，味道夠甜唔瘦唔肥，又唔會燒得太老，味道好好。🤤美中不足既地方係，餐廳落鼓油既時間好大方，落咗好多鼓油，減緊肥既我覺得可以落單既時間同佢講返少鼓油，你知啦，鼓油熱量好高嫁麻🤦🏿‍♂️朋友就點咗豬潤麵轉脆豬，豬潤麵我麵無食到，朋友話麵身彈牙，豬潤好味，但佢

近排無電視追，所以早睡早起。見早左起身又好耐無同fd食早餐(好似未試過)，所以約左係附近做野既瘦底fd食個豐富早餐，希望佢養肥d，遲d風季都吾洗擔心。佢介紹呢間新間無耐既冰室，聲稱午飯時間大排長龍，得早餐先有機會吾洗等位。呢日有d毛毛雨，真係吾洗等位 。我揀左個早餐B (38蚊，吾洗加一)叫左吾洗5min陸續上枱，知道大家都趕番工，果然效率高。早餐黎講，份量算係大，好采今日係空肚食早餐 。熱絲襪奶茶茶香奶滑，有d回甘，fd仲講笑話有絲襪既感覺(應該係指太滑 )個忌廉雞湯真係同一般雞湯湯底吾同，有creamy既感覺，但又有雞湯既味道，好特別。火腿絲同鮑魚絲切得過細，可以好容易同通粉畢起一齊食。呢度既多士竟然用麥包做麥包好鬆軟，吾鞋口，上面仲搽左少少牛油。少蛋係用左日本蛋同牛奶整，好滑同creamy，仲有啖啖蛋汁，必食 。以食物質素同地理位置黎講，呢度幾抵食。原來呢度既招牌菜係滑蛋飯，不過我好似得午餐先有機會試。門口有menu，可以睇岩食咩先決定入去。原來雞蛋係日本既，怪吾知有d吾同。

呢間都知喺灣仔店幾出名食滑蛋飯，宜家仲開到去尖沙咀喺我公司附近可以去食，今日我11點左右去到唔算多人住我點了日本滑蛋叉燒蝦仁雙併飯，等咗10分鐘左右就熱辣辣上檯了，滑蛋都好多，蓋哂所有白飯，入面叉燒蝦仁分量正常，底下仲有甜豉油，食落蛋真係好滑，飯都幾軟熟，蝦仁爽身叉燒入口幾腍，好果再肥少少就啱我口味，另外餐仲會跟咖啡或茶，我就點了呢到出名嘅絲襪奶茶，茶身好順滑真無唔錯，茶味都夠最後食到12點左右開始勁多人了，最好早少少去

行過尖沙咀海防道，見到個易拉架宣傳新餐廳。橫掂我一個人諗住快食，冰室都好適合，於是就跟o左指示搵下o係邊。其實都唔使點搵，就是穿過「秘道」，一出亞士厘道即刻第一間就係了。門口有兩張notice，表示餐廳處於試業階段，品質唔好請見諒，並list o左營業時間，似乎暫時唔做晚市住。我兩點o黎到，都叫做過o左peak hours 應該，但係間o野試業都咁多人幫襯，要等位添，點會品質唔好……咪講笑啦~忌廉雞湯公仔麵係頭先個易拉架sell o既三樣美食之一，然後坐低o左d 玻璃檯都一再推介呢樣係好食，好啦就試下你啦！叫o左一個鮮忌廉雞湯鮑魚火腿絲通粉午餐($46 免加一)，另外又係因為d 玻璃檯o既推介，upgrade o左跟餐烘麥包多士去鮮牛油煉奶豬仔包(加$5)。奶油豬先到，外面烘到鬆脆而裡面個芯仲keep 到軟熟，少少燶燶地o既氣息，混和住因為熱力而溶化o既牛油o既甘香；食落，再多種甜甜的味道，$5 實在太抵加了！滑蛋聲稱係日本蛋而且仲用上4.3 牛乳去炒，蛋味比一般茶餐廳食到o既濃郁好多倍，真係唔講得笑，兩樣o野都堅好食！個麵呢我改o左配出前一丁，因為改公仔麵又係加$4，出前一丁又係加$

呢條巷仔一向有唔少特色餐廳，但港式冰室就第一次見。午市套餐包牛奶炒滑蛋、鮮油多士同熱飲，港式得嚟又有少少創新嘢。menu大部分係通粉，我就揀咗個似乎特別少少嘅餐肉蕃茄湯通粉。首先讚讚呢度用咗厚切麥包做多士，而且搽上罪惡感爆棚嘅鮮牛油，成塊多士upgraded，多士外脆內軟，麥量頗足。炒滑蛋可能因為用日本蛋，黃味香好多，食落都唔油膩。通粉上面嘅厚切炸餐肉好吸引，外層脆卜卜，入面就出晒油。蕃茄湯較杰身，清楚見到蕃茄蓉，比一般茄湯濃郁得多。凍柚子蜜用經典冰室不銹鋼杯裝住，好有老冰室feel。美中不足嘅係飲唔到紅豆冰等港式特飲。可能太忙掛，又或者想吸引人茶市幫襯，特飲要三點至六點先有......我哋都大歎可惜！

今次去左旺記冰室，知道灣仔有一間幾出名，但今次試既就係尖沙咀個間. 第一次去，以為好難揾，本身自己都係路痴一名， 但真正去既時候就好易搵到. 入咗內街直行到尾就係啦. 個條街都好多食肆 ，都非常熱鬧. 入到去餐廳唔算好大， 但都坐滿. 由於我一個人嚟食所以我同其他人答咗一張四人枱.今次揀既食物係鮮忌廉雞湯鮑魚火腿絲通粉,佢係一個餐咁叫,所以佢會連埋一個焗多士同滑蛋.其實個通粉都尚算唔錯, 通粉裏有幾條嘅鮑魚絲，吾算多但以咁既價錢算合理. 炒蛋係用4.3牛奶做嘅, 所以食落感覺好滑，我本身吾太肚餓，其他野都食吾哂， 但黎個真忍唔住食曬. 佢個多士溫度都啱啱好，脆脆地都好食. 整體黎講，我覺得成個環境都比一般茶餐廳好食，同埋佢上菜速度快，非常適合上班族可能朝早黎食個快早餐或者下午食個下午茶.