旺記冰室 (九龍中心大廈)

营业中

休息中

星期六難得早起，還要去到尖沙咀，老公帶我去食這間人氣冰室，聽說灣仔店長期要排隊，而尖沙咀店平日的午餐時間亦有二三十人等候，我們今天由於時間尚早，完全不用等啊！望望手錶，11:15，竟然仍可以點早餐，原來早餐供應至11:30，真是難得！我們點了早餐B及D兩個餐都附上牛油麥包多士，4.3牛奶炒日本滑蛋，配麥包確實少見，我挺喜歡的👍🏻，而且標明是使用日本蛋，確是與一般茶記的蛋不同，較香滑。鮮忌廉雞湯鮑魚火腿絲通粉味道也不錯，用上有紋通粉，口感不俗。沙嗲牛肉公仔麵汁料味道適中，牛肉質素也不錯

每次放假都要黎食旺記四重奏好好食熱辣辣厚厚既碎牛雞蛋 + 烘脆麥包邪惡既花生醬一上枱已經放入口，忘記影相yummy ! yummy ! yummy ! yummy ! yummy !

近期熱刺火紅的茶餐廳，非「旺記冰室」莫屬也！店舖以滑蛋聞名，午市期間，門外已有一條排隊入座的人龍，估不到這「平民滑蛋叉燒飯」有著如此魔力！店內提供的食物，不外乎一般茶記、冰室供應的三文治、粉麵等，一般港式冰室的風味！此店標榜自家製叉燒，用上日本雞蛋及牛奶炮製的叉燒滑蛋飯，幾乎每枱都會出現...日本雞蛋加入牛奶快炒，口感嫩滑，而且炒蛋的熟練程度掌握得宜，吃落仍有一些半熟的蛋汁，蛋的份量雖多，覆蓋了整個飯，但蛋香欠奉。叉燒略嫌太瘦，若果有幾片梅頭半肥瘦叉燒的話，口感更好。自家調製的豉油味道帶甜，與這客叉燒滑蛋飯甚是匹配，可謂靈魂所在！飯粒雖然分明，但在我而言，口感太硬。整體而言，這叉燒滑蛋飯未去到神級之作，若主角叉燒有點改良的話，或許會再次到訪！

聽同事講呢度個滑蛋叉燒飯好出名， 專登走一轉過嚟食，好好彩叫到滑蛋叉燒飯，遲 我 一張枱嘅人叫 已經話 無叉燒， 真係好出色，個蛋 好滑 叉燒又鬆軟 配埋甜豉油撈飯 簡直係正 如果叉燒份量再多少少就好haha

與別不同香港味道的旺記冰室。所有食物即叫即製。使用日本雞蛋，入座後看到鄰座的流心炒滑蛋，口水都流出來了😆店裡簡潔乾淨和熱鬧，這個地段的店有這樣的價錢經營很辛苦吧！鮮薑汁豬膶鮮雞湯通粉 $464.3 牛奶炒日本滑蛋 +$3 柚子醋沙律厚厚的豬膶，目測有0.8cm左右的厚度！滿口豬膶呵呵。薑汁湯底辣辣甜甜，恰到好處柚子醋菜份量少，菜和醋很香很開胃。誘人的炒蛋！很滑很滑的炒蛋啊！蛋味十足。雞扒忌廉湯麵豉湯讚讚岐烏冬 $582倍野菜 +$10第一反應是傻眼了，2倍野菜在哪！？原來野菜是放在烏冬和雞扒中間，剛好看不到的耶，也蠻多的喔！清爽的野菜配搭著滑的忌廉麵豉湯底，喝完一口停不了！烏冬也很有質素，不是圓柱體那隻，而是長方柱體的，很彈牙，份量很足！嫩滑雞扒，但份量很少就是了。凍忌廉咖啡 凍飲+$2多奶的咖啡，很滑很滑，咖啡甜味適中。好好味😍熱薑汁奶茶 補$4第一次嘗試薑汁奶茶😆第一口是奶茶味，奶蠻多的啊！不下糖也可以。aftertaste是薑汁味，在喉嚨裡發出來。由於太熱，最後加了點冰，味道就不一樣了，推薦熱的薑汁奶茶。免費多飯和少飯小本經營，最低消費$16

今朝早約咗幾個中學同學去尖沙咀嘅旺記冰室食早餐。我冇問過餐廳嘅人旺記呢個名係邊度黎，不過我覺得呢個名好大機會係（1）同旺角有關（以前個老闆會成日喺旺角）；或（2）希望間餐室好旺。如果係後者，咁老闆就如願以償，因為我哋喺度嗰段時間上午9-10點，餐廳都幾乎滿座，以一個要返工嘅星期四早上來講， 都真係幾旺。同埋根據我其中一個成日幫襯嘅舊同學講：「晏晝12點鐘開始，餐廳出邊一定大排長龍。」裝修方面，餐廳嘗試用一個新嘅方法去演繹一間舊式嘅冰室。最明顯可以睇到嘅就係佢啲枱凳，尤其是係嗰啲卡位。卡位嘅形狀，再同埋面頭用咗一啲好經典pattern嘅板，加上有一埲仿raw 石屎嘅牆，加起來都俾到一種modern嘅舊式冰室嘅感覺俾我。我叫左一個番茄湯午餐肉通粉，配炒蛋同埋多士。首先來嘅係炒蛋同多士。想同你哋講聲唔好意思，因為我掛住同舊同學吹水，所以唔記得咗影個炒蛋同多士。個炒蛋做得好滑又唔會熟曬，鹹味啱啱好，同九龍城果間好出名食炒蛋嘅茶餐廳相比，有過於而無不及。多士係用咗麥包嘅厚多士，我發現佢唔同其他茶餐廳，落得比較少牛油，對於我來講非常合適，因為我都唔係好鍾意太多牛油，太過油膩。老實講我平時都唔係好鍾

下午茶時份到達，剛好有位。食客快來快去，即使吃飯的也是15-20分鐘左右離開餐廳，需要搭枱。新開的關係，店內整齊清潔，卡位闊落。多士 - 為半片厚麥皮麵包，食完整個餐也不會太滯。多士沒切邊，且個人認為白麵包跟炒蛋較為相配。炒蛋 - 應該也是近年興起加了牛奶的蛋，蛋漿份量剛好，整體不算太油膩。火腿鮑片通粉 - 普普通通，不過不失。奶茶 - 熱的合格，奶和茶比例剛好，但不夠濃滑。冰的偏甜。

第一次幫襯叫左一個叉燒日本滑蛋飯個fd叫左忌廉雞湯鮑魚絲通粉餐先講叉燒蛋飯，份量都算多，我比左一半個fd一齊Share食，叉燒切得厚度適中，配上滑蛋同日式醬汁，甜甜地都唔錯！鮑魚絲通粉餐有埋奶油豬仔包，個奶油豬都都係煉奶！超級邪惡！呢個係我的最愛呀！跟餐都有炒滑蛋，都係炒得好滑，非常推介呢個餐。餐茶都係平常飲開的咖啡奶茶。我點左凍咖啡，略為稀D，可能熱飲效果會好d吧。喜歡港式滑蛋的朋友，不妨來試下！

一個人來到尖沙咀, 時間不多, 想吃一個快一點的晚餐, 選了旺記冰室, 早已聽過它的大名, 不過在灣仔較少機會光顧, 來到尖沙咀較方便。日本滑蛋滑牛肉蝦仁雙拼飯$58原來夜晚是沒有叉燒的, 第一次來一定要食滑蛋, 便選擇雙拼一次過滿足兩個願望, 蝦只有三隻, 口感爽, 味道不算太空虛, 合格, 牛肉亦嫩滑, 最出色的是蛋吧, 選用日本蛋, 加上蔥花, 非常香的味道, 以及自家制甜豉油, 都加分不少。+8有 熱檸樂煲薑, 比較少見的飲品, 適合我感冒未清來喝, 薑味不太重, 甜甜的易入口。 埋單沒有加一, 都幾有物值!

是日獨自lunch要挑戰下高難度餐廳（即平時插針都插唔入果d），一坐底見張張台都食飯，研究下lunch餐牌都發現似乎滑蛋飯最出名，其餘既就係平時茶記既茶餐（通粉多士等），就決定order個差燒蝦仁滑蛋飯！由於都算獨沽一味，上菜梗係唔會慢；滑蛋嘅賣相非常吸引，加上淋左佢哋聲稱嘅自製醬油（其實只係腸粉豉油），油光閃閃，胃口大增！不過，碟飯嘅份量其實唔大，以我來講食完一碟係唔夠飽嘅⋯叉燒偏瘦，同燒味店嘅叉燒相比有一段距離，雖帶有蜜味但太瘦會sip牙；蝦仁大粒爽脆無蝦腸，但係冰鮮既無乜味道（靠豉油調味啦）。最正莫過於個蛋，係好滑既仲帶有蛋汁，美中不足的是，飯粒偏乾身無乜米香味⋯可能都係偏好飽滿既米粒多d(感覺上可以吸到多d味同汁），雖然有豉油但米粒都唔吸味，只係靠蛋汁黏附在一起⋯飲品既熱奶茶亦比一般茶記遜色，茶味夠但奶香不足，對奶茶控黎講係有少少失望既⋯總括而言，如果真係要當住大熱天時排咁耐隊食就要好好考慮下其他選擇，不過比在滑滑蛋蛋既面上，的確係一試無妨既

還記得第一次在灣仔旺仔冰室食早餐，他的鮮牛蛋治餐，簡直有驚喜，喜歡他的蛋治內，麵包是塗上花生醬，看得出用心做，之後每每經過灣仔都會幫襯一下下，最近知道他們在尖沙咀開分店，簡直高興，但由於新店，往往都會排晒大隊⋯⋯今日下午二時半，見冇乜人，終於可以入去試試，喜歡他的招牌滑蛋义燒飯，他的秘製豉油真係巧巧味，其實一大碟飯我平時真係食唔晒，但在旺仔我會食晒飽飽的行番出去，其他種類我在灣仔都試過晒，很喜歡這間食堂，值得推介

晚上約了友人到尖沙咀食飯，友人推介到旺記冰室食，個名好熟！即想起了灣仔都有分店，有同事都推介過叉燒滑蛋飯好正，既然都到了尖沙咀，一於晚餐食佢。 設計是茶記的格局，一目了然。 為叉燒滑蛋飯而來，只可惜⋯叉燒蛋飯原來lunch先有⋯咁只好食其他了。 招牌日本滑蛋飯系列，一個飯+餐飲，滑蛋飯除了叉燒外，仲有牛肉、蝦仁等。 忌廉咖啡，凍飲+$2，比平時的咖啡甜，味道不俗。 滑牛肉·蝦仁雙併日本滑蛋飯，$58，冇叉燒，一於叫個雙併了彌補心理上的空虛呢。 牛肉同蝦仁份量適中，牛肉軟嫩，蝦仁大粒又爽口，滑蛋夠滑，蛋皮好薄，甜豉油，有點似煲仔飯甜豉油，撈飯好味呀。 食到好飽的一個飯，以尖沙咀來計，算合理價，環境不算太迫又未到舒適，服務態度幾好，下次必食叉燒飯呀。

見到個午餐肉咁厚切就知道好味喇, 之前係灣仔食過午餐肉蕃茄通粉, 宜家旺記係尖沙咀都有開就走左入去食個下午茶, 叫左個午餐肉蛋三文治! 真係唔可以睇少個份量. 蛋又足, 午餐肉又厚切就知道冇得輸!

旺記冰室主打叉燒滑蛋飯好出名，但平時少去港島果頭，得知尖沙咀開左分店，即刻黎見識下佢嘅厲害！等左一陣位就入左去，個場好旺，午餐時間唯有將就下，唔洗睇menu就已經落單，要個滑蛋叉燒蝦仁雙併飯，香港天氣熱到點可以唔加凍飲，一共60蚊埋單。上碟的賣相好吸引，炒蛋新鮮嫩滑，叉燒偏瘦，岩我口味，蝦仁好爽口，的確唔錯👍🏼而且有豉油配飯，好味！凍o茶係茶餐廳水準，正！員工服務十分好，雖然店鋪十分多人，也沒有忘記一位客人。

今日喺尖沙咀睇完牙，決定附近搵下食，聽朋友講有間專食叉燒滑蛋飯好出名，於是黎朝下聖，哈哈。入到去已經好旺，坐低睇午餐menu, 見到有日本叉燒雙併蝦仁滑蛋飯，兩樣都係我最愛，諗唔唔諗就揀咗呢個餐，再加兩蚊轉凍飲，加埋$60埋單啱啱好，超級抵食。跟住野食到啦，一上菜已經比賣相吸引住，啲炒蛋好新鮮，配以豉油，胃口大開。而叉燒半肥瘦，蝦仁爽口彈牙，真係好好味👍🏼朋友介紹話奶油豬都唔錯，不過兩個女仔食唔到太多野，下次黎再試下先！服務方面，因為茶餐廳形式，加上出名，比較忙碌，但依然好快就上兩個飯，如果慢左做客人都要有禮貌啲呀：）食物同價錢方面，性價比好高，會再黎！