旺記冰室 (九龍中心大廈)

营业中

休息中

終於有機會一試旺記既滑蛋叉燒飯😍😍我覺得佢好味過蛇竇！落完單 好快就有得食 效率一流！炒蛋好滑 如果可以 最好另上豉油🌜雖然佢用既係甜豉油 唔會好咸 但係我覺得太多😂😂另上豉油自己要幾多落幾多係最好！整體係唔錯的😋😋😋

呢日約左朋友喺尖沙咀攞嘢，佢話未食嘢就帶左我嚟呢間旺記冰室。我點了一個午餐，有番茄湯午餐肉通粉， 4.3牛乳炒蛋和香麥厚多士，而朋友點了叉燒日本滑蛋飯。叉燒日本滑蛋飯足料好味，廚師夠細心切開叉燒一條條上，大約有10塊叉燒，嫰滑的蛋有蛋汁滲出但又不會太生，蛋鋪滿整碟完全看不到底下的飯，配合蔥花再淋上秘製甜豉油，美味可口。怪不得這店長時間排隊，事實也真的物超所值。D蛋炒得好滑,好香口,叉燒又唔嚡,好腍,再配上秘制甜鼓油,非常好味！特濃蕃茄湯午餐肉粒通粉， 蕃茄湯果然係特濃，啖啖蕃茄渣，蕃茄味濃得來唔係好假嘅茄膏味。蕃茄湯底意想不到的濃郁，通粉唔會煮或者浸到腍。最值得一讚係午餐肉粒！午餐肉厚，加上煎過外皮，每粒個外面都煎到脆哂，好香口，又唔會好油，提升了入口質感，激讚！呢餐本身諗住陪朋友填飽肚就算，無諗過原來都幾好味喎！

閒日一至五要喺尖沙咀搵個位食飯都難。呢間旺記冰室都見好多人，今日難得星期六都要嚟尖沙咀做嘢，但又想食嗰快飯，所以就嚟咗呢度食。有滑蛋叉燒飯，豬潤通粉等等嘅選擇。點了「番茄湯午餐肉通粉」亦送到我面前，番茄湯的顏色紅噹噹10分鮮艷，而且質感濃稠，相信加左唔少茄膏烹煮而成，但湯底唔覺有加入新鮮蕃茄，幸好味道還算香濃，沒有太人工化的蕃茄味道，午餐肉大大粒亦唔算好肥，連我這個挑食、怕肥的人亦接受到，通粉亦彈性。4.3牛奶炒日本滑蛋／鮮牛油麥包多士蛋炒得又濕又滑，不用過份的牛油調味，清清地也不俗。麥包多士烘至輕、鬆、脆，比白麵包多份口感。跟炒蛋一嚡一滑，有對比又相襯。不得不得介紹，最出名本店自製叉燒日本滑蛋飯！真係食落去雞蛋係日本牛乳製造 好滑停不得到口！我倆很滿足地離開呢間冰室，估唔到茶記都可以食到有質素嘅炒滑蛋！呢個應該就係長期多人原因！

通常出現人龍的餐廳都是好餐廳，今天到尖沙咀亞士厘道附近覓食，看見了全條街就只有旺記冰室有人龍，加上一向對茶餐廳有情意結，就想試一試。餐廳門口張貼告示，原來餐廳只是試業期，不夠以前才剛剛開始營運，已經吸引了不少人慕名光顧。到達餐廳的時候是週末的1:30pm，雖然大部份的食客很快交枱，但是二人的輪候的時間也頗長，大約15分鐘左右。如果要光顧，也要有心理準備耐心等候了。朋友點了鮮薑汁豬膶通粉餐＄46，另加＄5將多士轉奶油豬仔包，我則點了日本叉燒滑蛋飯餐＄54。⬇️落單後咖啡和奶茶兩三分鐘後便到了，用的是充滿懷舊感的黑白淡奶杯作為香港人最喜歡的飲料，港式奶茶和咖啡可謂茶餐廳的精髓。這類的咖啡和奶茶沒有令我們失望，相當有水準，奶茶茶濃奶滑，略帶甘香，咖啡香而不苦澀，沒想到高效率也能沖出好質素⬇️點豬仔包是因為看見多士比較普通，剛巧隔壁桌有食客點了豬仔包，賣相看來挺吸引，結果也沒有令人失望！豬仔包外脆內軟，熱辣辣，牛油和煉奶的份量合適，微鹹又不會太甜。如果能夠再多焗一會兒至微焦金黃色，也許會更出色⬇️用4.3日本牛奶炒蛋，果然是非同凡響。炒蛋炒至七八成熟，留有蛋汁，口感非常濕潤和滑溜，可見炒蛋時的火候控

同朋友黎開尖沙咀行到咁上下想食個tea要醫肚，見到呢間新開試業既冰室。雖然地方細細但見價錢ok自已又好少食冰室，有位就入去食啦！單睇餐廳外表俾我幾好既印象。同食過既冰室比起，裝潢氣氛好唔同，好新鮮既感覺☺冷氣好足，係呢啲大熱天時真係好加分🤭👍🏻下午茶餐牌款式有7種，種種都各有千秋。樣樣都想試，未食已經流晒口水🙈最後同朋友叫左冰室唔少得既鮑腿通轉左公仔麵，仲有烘完外脆內軟既豬仔包！豬仔包一共有5款，我就揀左特制他他醬魚柳。包皮果然係外脆內軟，他他醬混合椰菜係魚柳上面，所以唔會因爲個醬而令到個包扁晒！魚柳睇黎係即炸，唔算厚但成個包size都唔細，餐廳仲會開二先上枱👍🏻 鮑腿公仔面係忌廉雞湯底，比起平時食既味道無咁寡。鮑魚絲分量都好多，啖啖都食到，鮑絲口感好爽！值得一提既係跟餐既個份炒蛋烘多士，可以加5蚊轉奶油豬;多士係用麥包烘，炒蛋既蛋黃味好濃！☺食完兩個唔係好夠喉，又叫左個下午茶必食既西多士，三款中揀左流心芝士西多士，加配左個下午3點至6點先有既紅荳冰🤤呢個西多士都係用麥包整成，感覺比普通西多士健康。其實同白方包好感分別唔大，因為佢既麥包一啲都唔硬，好新鮮！紅荳冰唔會好甜，紅荳唔會爛晒但

旺記冰室英文名Mon Kee，所以logo就係隻好可愛嘅馬騮仔～～～呢度午市套餐選擇唔多，都係茶記最基本嘅常餐，但開喺旅遊區，包多士炒蛋同飲品，唔算太貴。如果想多啲變化茶市會係更好嘅選擇～因為食埋厚多士會太飽，所以我加咗錢轉柚子醋沙律。用4.3牛奶炒嘅日本蛋蛋味幾濃陏，旋風炒蛋好多蛋汁夠晒滑溜。因為見到係忌廉雞湯底好似好creamy咁，所以即使係較簡單嘅火腿通粉都照殺！忌廉味唔係好濃，出色在於用有紋貴價通粉，唔會煮到一pat嘢，咬落彈牙吸湯。鮑絲火腿絲都幾多。加錢嘅薑汁奶茶值得一試。係少見嘅配搭，加咗薑汁茶味更出。本來幾期待試試冰室特飲，點知茶市先有，3pm都好難搵機會試喇......好可惜！！

知道旺記在尖沙咀插旗，我急不及待約我在尖沙咀上班的朋友去試。避開了最繁忙的lunch hour，我地等左幾分鐘就入得了🤤🤤🤤我地叫左兩個lunch set，分別係鮑魚火腿絲通粉（$46）同鮮薑汁豬膶鮮雞湯通粉（$46）。兩個餐都包通粉+滑蛋多士+餐飲，價錢非常合理。鮑魚火腿絲通粉大大碗，湯底鮮甜，而且火腿絲份量夠多，每啖都食到👍🏻跟餐既炒滑蛋好高質！炒得超滑超濃蛋香，但個多士如果可以烤香啲會較好。我加左$5要杯加大版凍奶茶！雖然多冰，但茶味依然香濃，完全係大熱天時既解暑良藥！🎉🎉🎉朋友話杯熱奶茶都夠香濃，有舊式茶記水準👍🏻

自從第一次喺灣仔分店食過旺記既滑蛋叉燒飯後，我已經愛上左呢間冰室。等到頸到長埋，終於修成正果，等到佢喺尖沙咀開分店，仲要喺我公司附近，真係好開心啊！2:30落到黎都仲有小人龍，好彩好多都入到去。發現佢地3點開始有tea set，下次遲半粒鐘落黎先得😂叫左兩個通粉餐，套餐包埋野飲同炒蛋多士，$50有找算抵食！鮑魚絲通粉個湯底超甜！！我撈埋份炒蛋落去一齊食，正！另外豬膶通都唔錯，豬膶大大塊，有成4、5塊。跟餐既炒滑蛋真係超級超級滑！！爭啲想食埋我同事嗰隻😂😂

朝早去尖沙咀做嘢所以喺嗰邊食早餐，點知又搵到間唔錯嘅茶記朝早無咩人幾舒服，座位有架位見到枱面上嘅餐牌有早餐午餐同埋下午茶，食物都幾吸引叫咗一個鮑魚絲米粉，再加＄5轉奶油豬，同埋加左＄4凍牛奶依家咁熱梗係飲番支凍牛奶啦見到下午茶都要＄30奶油豬，早餐加＄5就有真係抵啦，奶油豬外皮脆，上面煉奶甜到剛好，勁好食，值得一叫同邊個雞蛋係用日本雞蛋，而且食得出好紮實，起碼用上兩隻雞蛋，蛋味重鮑魚絲米粉上枱就聞到雞湯味道，食嘅時候米粉索晒個湯底，好正！真係食得出有忌廉嘅味道

最近冒起甚速的旺記冰室，月初在尖沙咀亞士厘道尾開設分店，是近年同類型食店的成功例子。其實在這個急速，瞬息萬變的飲食市場裡面，就算做不到先鋒者，只要有些想法，集百家於大成，不難成功，你們看看旺記賣的是甚麼？餐蛋治，是否與中環某大牌檔的出品很像呢？滑蛋叉燒／蝦仁飯，是否與大坑某食店很像呢？我不是去說某家抄襲某家，只是說凡事總會有青出於藍的例子。旺記在短時間連開分店，也不無道理。未必個個都有閒情，在平日的早上，可以在中環吃一頓為時一小時的早餐。未必個個都有閒情，走過來大坑，吃一碟滑蛋叉燒／蝦仁飯。旺記正好填補這缺陷，上年我到訪過灣仔店兩次，雖然其出品未必及得上我提及過的地方，但真的不差呢。這次在尖沙咀分店，吃到的滑蛋蝦仁飯，下午五時多仍有供應，包一杯熱奶茶。香滑的日本蛋，還有香甜的蛋汁流出，但蝦仁的份量看似不多，不過其質素還不俗，爽口鮮甜而不霉。特別調製的醬油，香甜不鹹，但是，吃下去就開始有點問題。。。為何有一陣強烈的蒜味？真的不知，我之前在灣仔店，是沒有這種感覺；也許是廚房一時錯手？炒個滑蛋蝦仁，根本用不著蒜，簡簡單單已極好，或者是細節上出了岔子，也不定，始終是還在試業階段，有錯是在所難免

when I walk into Mr Wong'sWong Kee every one seems like eating The double Japanese favourite rice 🍚 a lot of sweet Chinese sauce Delicious Lots of eggs and BBQ pork pieces as well 3 big and good prawns 🍤 The sauce goes together with the rice a hot tea Upper at first The lower- 8 minutes later A layer of ginger milk tea mixed Look 👀 good An ecstasy meal Barbecue meat and fried egg rice 🍚 In their best way Simple yet Leisure delicious 😋 Will bring my sister back for the ginger tea Suits ladies 12:

差不多成大半年前，已經係灣仔店食過佢地既滑蛋叉燒飯，知道尖沙咀開左分店，方便左梗係要黎試下星期日大約三點黎到，因為位唔算好多，加上仲有好多附近返工既人黎食飯，下午茶都等左十分鐘到相信午市一定仲誇張上次食左佢地既叉燒飯，今次叫左茶A本來係配牛油麥包多士，我就加左$5 轉奶油豬仔包奶油豬大過我隻手掌，烘得好鬆脆，加五蚊都覺得值，呢度既牛奶炒蛋標榜係用日本蛋又滑又有蛋味 正特濃蕃茄湯午餐肉粒通粉都幾大碗，個湯好似茄汁甘杰，係好濃既蕃茄味，酸酸地甘都幾開胃午餐肉有五粒，煎香左幾脆皮見佢哩個set 其實全日都有，只不過午餐貴d不過我覺得如果第一次黎，試滑蛋飯先因為常餐好食既餐廳都有好多，對比起滑蛋叉燒飯冇甘特別，而且呢到既秘製豉油撈飯真係好好味價錢比一般茶記貴，但質素絕對同價錢成正比。宜家開左係九龍，對我呢d新界人+蛋控簡直係福音難怪佢地做到冇停手

小妹係附近返工😛食黎食去都係果幾間餐廳。難得見到有新餐廳-旺記冰室，一於試試佢。去到剛剛好下午茶時間 -叫左個茶餐A特濃蕃茄湯午餐肉粒通粉番茄湯濃郁，飲得出佢唔係用茄膏製成，起碼我食完之後冇口渴😂😂另外，上面嘅五餐肉粒，四面都煎過，口感好好，正啊。鮮牛油麥包多士、4.3牛奶炒日本滑蛋第一次食呢個包會有餐廳用麥包，但成件事出嚟嘅味道好夾，好香，同埋心理上感覺比較健康😂。另外，滑蛋炒得好香滑，我相信你睇張相已經感受到😝係食緊途中，我已經決定旺記冰室成為我返工既新食堂💪🏻💪🏻

我等2位 lunch time 時間只有一個鐘 1點食到2點 我由1:05 等到 1:20 有位 , 我同事未到 當有位 唔比我入 仲要再等 如果要齊人先入得 麻煩一早講聲！我已經無咩時間食飯 門口個reception 仲要一句*未齊人 無丫* 之後佢叫下一張飛 完全無理人感受 仲要極度無禮貌 搞到我要即刻搵第二間食飯 仲要得返20mins 食 ！ 令我感到唔開心

今次試新野，呢間係新開左冇幾耐，lunch時間見都坐滿人，就貪新鮮去試下。同行兩個朋友，我地都比佢既滑蛋飯既圖片吸引左，點左3個蛋飯，分別係叉燒蛋同蝦仁滑蛋飯。食物好快上台，吾洗等好耐，而且見份量都好大份同埋蛋同叉燒同蝦都新鮮。要比個like佢！另外佢地既餐飲都比較多選擇，可以加錢飲椰汁紅豆冰、樽裝牛奶同鮮薑汁奶茶等等，岩晒鐘意飲吾同野試新野既朋友，但個人覺得領錢適中，講吾上平或者好貴，總括而言，我都算幾滿意。