旺記冰室 (九龍中心大廈)

营业中

休息中

之前喺灣仔旺記食過已經覺得好好食，後來先知原來尖沙咀都開咗，有日經過就去左食啦。 Lunch 好多人排隊等咗15分鐘先入到去同同事各叫咗叉燒炒蛋同蝦仁炒蛋飯豉油偏甜，叉燒炒蛋炒得好靚，好快成碟飯扒哂。蝦仁夠味爽口，不過自己都係鐘意叉燒多啲。

旺記冰室，這間最近新開喺尖沙咀，餐廳平時人流都幾多，唔少上班一族或者遊客經過都會試吓。這餐廳主打食物係日本滑蛋料理碟頭飯。客人可以選擇配滑牛🥩、蝦仁🍤。滑蛋牛肉蝦仁飯🍳（$58）全黃色的半熟日本滑蛋蓋飯🇯🇵🍳，蛋汁又香又滑又軟本身已經好吸引。配上本地鮮嫩滑牛肉🐮、大蝦仁🦐，再灑上豉油拌飯。半熟滑蛋採用日本蛋，大家食得放心。日本蛋中顔色較鮮艷🤩，因此也非常養眼，記得下次再試試！！！

之前去過側魚涌光顧過 今日剛好在尖沙咀上堂 先搵定有咩好早餐地方啦 竟然比我見到尖沙咀有旺記！諗都唔諗決定好訓醒就殺入旺記 食個早餐先去上堂啦上次就試左通粉餐 今日就決心要試佢個三文治🥪選擇左鮮牛肉+雞蛋🥚 見到每個三文治都會有花生🥜醬 開頭還擔心會不會又甜又咸呢 花生醬唔係只配煉奶架咩🤣🤣一上桌 ⋯好！厚！呀！身為一個女兒家 為左食佢我都不顧形象 大口大口咬下去 花生醬再加牛肉同蛋 又出奇地好味 反而個感覺係幾有層次 唔錯唔錯 下次試埋咖央醬睇下係咩味先而飲品就加左錢薑汁奶茶 ☕️上次飲完一試難忘 +$4 可以又可暖身又可過奶茶癮 重要薑味出 不用加糖 味道岩岩好 諗起都想飲😍😍下次有機會午餐試下個滑蛋蝦先🤤🤤

最近有越來越多的茶記冰室，以甚麼"滑蛋乜乜飯"來作店內的主打。好像這一間分舖越開越多的"旺記"，便是其一之表表者....這裡其中一所最為就腳，人流最多的分店，便要數到在尖沙咀的這一間。時值週末黃金時段，正箇是一位難求，店內插針也難入....匆匆忙忙趕至，幸好還有一位。趕緊吃完，馬上埋單食完鬆人....甫坐下，下單後不到五分鐘，一大碟滑蛋叉燒蝦仁飯就擺在眼前....蛋，一睇就知挺滑。吃下去亦然，的確滑不溜口，是不錯的....不過其餘的配套，就甚一般 ---- 叉燒肉太瘦，有點像在吃帶甜味，略乾的柴皮；蝦肉少不免有被喇過的痕跡，只爽但欠甜與鮮味....醬油味道調得也太偏甜了，不合個人口味....所以說到這一味，還是大坑的那一間做得較出色的....

旺記冰室開到周圍都有lu，尖沙咀有一間試下。主打得一味！就係日本滑蛋料理，基本上可以選擇配滑牛🥩、蝦仁🍤，或者兩樣一齊上😂。餐廳選擇專一，係保持味道品質的一大手法，貪心咩都放入菜單，反而好難保證味道。靚日本抄半熟滑蛋，配上滑牛肉鮮嫩多汁、爽彈蝦仁，再倒入日本豉油撈飯。半熟滑蛋，基本上定要選擇新鮮日本靚蛋，因為日本蛋出名冼得乾淨、消毒好、可以生吃，而且蛋味重、顏色也偏深。一大碟好快就清哂🤗食過返尋味！

有冇睇錯呢，其實冇睇咗， 因為旺記冰室，建立於尖沙咀內其門面看起來，雖有冰室之名，但沒傳統冰室的 韻味今日只是食早餐，早餐的種類，都是這幾款沒特別吸引很好舖內的裝修，不會採用一些奢華的裝修頭盤先來一個4.3牛奶炒日本滑蛋及鮮牛油麥包多士，炒蛋保持蛋味濃醇香滑，麥包麥味濃碎但這個通粉嘅就味道平平，通粉比較硬不夠彈牙最後這杯凍咖啡，用上現時外界採用的鋼杯，欠缺了冰室的品味整體來說，只是一間普通的茶餐廳，只想用上了冰室的名字

唔係某啲冰室特別出色，而係部份茶餐廳比較hea，先令呢類新式冰室被受追捧。早輪有唔少人都追住叉燒滑蛋飯黎食，久聞旺記冰室大名，終於一試。雖然未到驚豔，但若然有間喺左近，都唔介意視為飯堂嘅感覺。週日到訪尖沙咀店，亞士厘道盡頭，好容易搵，餐廳位置唔多，枱櫈擺放密麻，下午茶時間滿滿人潮，一部份係上班族，搭枱係基本，卡位仲四打四咁坐，唔可以叫舒適，最好就兩手揈揈。原本都要等位，剛好遇上有人埋單先可以入座。話雖如此，食完飯都唔會慢慢磨、佔座，我地坐低到埋單前後都係半個鐘，翻桌快，即使要等，都唔會好耐午餐定價$46-58，滑蛋飯可配叉燒、蝦仁或雙拼，套餐跟奶茶或咖啡，凍飲加兩蚊；湯粉一律可轉，加錢就得。日本滑蛋叉燒蝦仁雙拼飯 $58有九成人都點滑蛋飯，較為罐頭，唔會種新鮮熱辣感。白飯已加豉油，蓋上滑蛋，叉燒、蝦仁各放一邊，賣相吸引，不消一會，豉油就已經滲進飯粒，唔會水汪汪。標明使用日本雞蛋，香滑不老，保留蛋汁，淡淡蛋味同順興嘅唔同，冇咁油膩，但就冇左蔥油香。叉燒唔係主角，我亦無期望太高，唔乾柴就收貨；至於蝦仁亦爽口無需怕飯太鹹，因為豉油係甜的，反而我仲覺得略甜。輕鬆食完成碟飯，但無過份飽滯感，比起

特登去試佢個滑蛋_ _飯，去到看menu原來佢有滑蛋牛肉飯，滑蛋蝦仁飯，仲滑蛋雙拼飯見到有雙拼（有齊牛肉，同蝦仁），一次過滿足哂兩個願望，即order而同行fd子叫左雜扒奄列飯！我個飯相當美味，牛肉夠淋，蝦仁夠爽，滑蛋夠滑，不過個精粹其實係個豉油汁度，d豉油溝埋蛋汁滲入d飯，個飯既味道無得輸另一方面，起初覺得fd子個飯好普通，但fd子食左大為稱讃，俾我淺嚐一兩啖，我亦有同感，尤其塊雞扒甚為出色，味道很好

近年香港人越來越懷舊，不論係食物，連新開既茶餐廳都吩吩改名叫作冰室，呢間都算係表表者之一，主打日本滑蛋飯。每逢午飯時段經過，餐廳門外都人頭湧湧企滿人，真係插針都插唔入。適逢今晚夜左收工又落住雨就決定黎試試佢，睇下到底有幾吸引。點左招牌《滑牛肉，蝦仁雙拼滑蛋飯》一上檯就嚇一跳，鼓油多到似湯撈飯，雖則D豉油係甜既，但都未免太重手掛雖說係採用日本蛋，但又食唔出有咩特別牛肉都係普普通通，反而隻蝦有驚喜，鮮甜彈牙，不過份量就小左D。總結：未食過既不妨一試，但對比起大坑好出名果間就真係相差一截。

為了炒蛋和尖沙咀超值價格，我又來了😆😆小確幸 旺記洋蔥雜扒飯豬扒雞扒大量洋蔥豬扒和雞扒份量很大唷！！🍖兩者很嫩滑，很容易切開，配搭著洋蔥醬汁一流！而且還有少少蛋包飯。如果這菜式可以加流心炒蛋就無敵🤤這個可視作為旺記主打菜式！野菜蕃茄湯麵豉湯讚歧烏冬🍲蕃茄味道甜甜的，有份量的炒蛋！配著彈牙的烏冬。愈食愈起勁！！可惜是野菜份量有點兒少啊...熱愛爾蘭咖啡☕️新體驗！在茶餐廳喝愛爾蘭咖啡😂 酒味淡淡的，和咖啡味道很配，而且在喉嚨裡酒和咖啡的苦味混在一起，感覺不錯👍店裡是9:30 last order， 10:00關門的因為我們比較遲進店，十時多才離開店員也沒有趕我們。謝謝您們呢~

聽同事講旺記冰室既滑蛋飯勁好食！佢成日都話一定要去試今日lunch終於都行左過黎一入到餐廳勁多人，同一般香港茶記一樣，坐得都比較親密😂眼見隔離台個個都叫滑蛋飯而我係一心黎食個滑蛋叉燒飯，職員話賣晒叉燒咁就唯有試滑蛋蝦仁飯一睇就見到個蛋滑到不得了最夾係佢個甜鼓油！送飯一流唔知係得太餓定知個飯實在太好味用左15分鐘就鯨吞左個飯！！好少茶記用日本蛋，可能因為咁特別香滑，而且仲唔油膩，唔怪得我同事成日都黎食滑蛋飯😂

之前去灣仔店諗住試下個滑蛋叉燒飯 但入座時話飯已經賣曬🤧🤧唯有試左其他下午茶餐今日喺尖沙咀做野 所以就去尖沙咀分店試下個飯(死心不息..😂😂) 2:30去到排左10分鐘左右 眼見幾乎全部食客都係食緊滑蛋叉燒飯 令我更期待🤤，坦白講 個飯完全係名過於實...個人黎講都幾失望下...d飯太濕...有d一pat pat既感覺 滑蛋有微微蛋香 不過不失 叉燒係瘦叉多(我個人鐘意食瘦叉）但比較乾身 亦唔係特別香 整體黎請真係食名氣以後唔會特登去食了

熟悉呢間冰室嘅人都知係其他地區都有分店，包括左係東區。平時東區返工，如果想食早餐，都有機會食到因為唔算多人。但如果lunch想食，一就早d去，一就起碼1點半之後，所以真係冇辦法食到🤷🏻‍♂️得知尖沙咀有開新分店，所以趁星期六就試下。平時係呢間食開常餐嘅我，其實已經知佢嘅蛋真係唔錯，今次就試下佢嘅叉燒蛋飯。叉燒其實同蛋真係幾夾，整體來講，佢用嘅蛋煮起來比起出面嘅確實係滑d，而所用嘅叉燒唔係用肥叉，啱晒我(鐘意肥叉嘅可能會失望 haha)，再配上甜豉油，入口更加惹味，呢個必定係旺記嘅不二之選。

上次食完個叉燒滑蛋飯 決定再encore.. 一坐落二話不說就再叫番叉燒滑蛋飯，點知店員同我講叉燒冇曬，好失望 專程行過嚟食唔到，店員就同我講滑蛋牛肉飯都好正叫我試下，好啦都一場嚟到就聽下佢講，um....not bad 真係幾好食喎牛肉好滑一啲都唔會好"鞋" 同滑蛋都好配合，果然係唔錯嘅介紹，下次又可以多一款選擇啦

滑蛋叉燒飯$54-❗️真係麻麻地喎 ❗️點解啲人會講到咁好食 啲叉燒舊舊都un 到咬唔到😢😭😭💔個蛋係炒得幾滑嘅👌 但係真係唔係特別香 因為可能啲蛋本身唔係靚 個飯超少完全唔夠飽 😨唔知係咪尖沙咀呢間特別難食？！ 千祈唔好特登去試呀😩